ಡೆಡ್ಲಿ ಸ್ವೀಟ್ಸ್: ಫಳಫಳ ಹೊಳೆಯುತ್ತೆಂದು ಮಾರುಹೋಗದಿರಿ - ಕವರ್ ಸ್ಟೋರಿ
ಸ್ವೀಟ್ ಖರೀದಿಸಲು ಹೊರಟಿದ್ದೀರಾ? ಫಳ ಫಳ ಹೊಳೆಯೋ ಸಿಹಿ ತಿಂಡಿಗೆ ಮರಳಾಗಿದ್ದೀರಾ?ಹಾಗಾದ್ರೆ ನಿಲ್ಲಿ, ನಮ್ಮ ಕವರ್ ಸ್ಟೋರಿ ತಂಡ ಮಾಡಿದ ವರದಿಯನ್ನ ಒಮ್ಮೆ ನೋಡಿ. ಆಗ ನಿಮಗೆ ಕಿಲ್ಲರ್ ಸ್ವೀಟ್ನ ಸೀಕ್ರೆಟ್ ಗೊತ್ತಾಗುತ್ತೆ.
ಬೆಂಗಳೂರು(ಅ. 29): ಸ್ನೇಹಿತರೇ ಎಚ್ಚರ .. ಎಚ್ಚರ! ಶೈನಿಂಗ್ ಸ್ವೀಟ್ ಬಗ್ಗೆ ಕೇರ್ಫುಲ್... ತಿಂದ್ರೆ ಬರುತ್ತೆ ಮಾರಕ ಕಾಯಿಲೆ... ಹೌದು, ಈಗ ಮಾರುಕಟ್ಟೇಲಿ ತುಂಬಾ ಶೈನಿಂಗ್ ಸ್ವೀಟ್'ನದ್ದೇ ದರ್ಬಾರು. ಪ್ರತಿ ಸ್ವೀಟ್ ಮೇಲೂ ಫಳ ಫಳ ಹೊಳೆಯೋ ಬೆಳ್ಳಿ ಪತ್ರದ ಅಲಂಕಾರ. ಗ್ರಾಹಕರು ಕೂಡ ಈ ಬೆಳ್ಳಿ ಕವಚದ ಸ್ವೀಟ್ಸ್'ನ್ನೇ ಡಿಮ್ಯಾಂಡ್ ಮಾಡುತ್ತಾರೆ. ಆದ್ರೆ ನಿಮಗೆ ತಿಳಿದಿರಲಿ, ಸ್ವೀಟ್ ಕಲರ್'ಫುಲ್ ಆಗಿ ಕಾಣಲು ಬಳಸುವ ಈ ವರಕ್ ಅಥವಾ ಬೆಳ್ಳಿ ಹಾಳೆ ಮನುಷ್ಯನ ದೇಹಕ್ಕೆ ಅನಗತ್ಯ. ಆಹಾರದೊಳಗೆ ಬಳಸಿದರೆ ಅದು ಶೇಕಡಾ 99.9 ರಷ್ಟು ಶುದ್ಧವಾಗಿರಬೇಕು. ಇಲ್ಲದಿದ್ದರೆ ಅಪಾಯ ಕಟ್ಟಿಟ್ಟ ಬುತ್ತಿ.
ಬೆಳ್ಳಿ ಪ್ಯೂರ್ ಆಗಿದ್ರೆಯೇ ದೇಹಕ್ಕೆ ಅಪಾಯ ತಂದೊಡ್ಡುತ್ತದೆ. ಇನ್ನು ಅದರೊಳಗೆ ಅಲ್ಯೂಮಿನಿಯಂ, ಸೀಸ ಮೊದಲಾದವುಗಳಿಂದ ಕಲಬೆರಕೆ ಮಾಡಿದ್ರೆ ಆರೋಗ್ಯಕ್ಕೆ ಭಾರೀ ಡೇಂಜರ್. ಇದಕ್ಕಿಂತಲೂ ಮುಖ್ಯವಾಗಿ ಈ ಬೆಳ್ಳಿ ಪತ್ರಕ್ಕೆ ಮಾಂಸದ ಕಲಬೆರಕೆಯೂ ಆಗಿರುತ್ತದೆ.
- ವಿಜಯಲಕ್ಷ್ಮಿ ಶಿಬರೂರು, ಸುವರ್ಣ ನ್ಯೂಸ್