ಸ್ನೇಹಿತನ ಪತ್ನಿಯನ್ನೇ ಅತ್ಯಾಚಾರ ಮಾಡಿದ್ರಾ ಮಾಜಿ ಸಚಿವರು? ಕೋರ್ಟ್ ಬರೆಯಲಿದೆ ಹಾಲಪ್ಪರ ಹಣೆಬರಹ
ಸ್ನೇಹಿತನ ಪತ್ನಿ ಮೇಲೆ ಅತ್ಯಾಚಾರ ಎಸಗಿರುವ ಆರೋಪಕ್ಕೆ ಗುರಿಯಾಗಿರುವ ಮಾಜಿ ಸಚಿವ ಹರತಾಳು ಹಾಲಪ್ಪನವರ ಭವಿಷ್ಯ ಇಂದು ನಿರ್ಧಾರವಾಗಲಿದೆ. 7 ವರ್ಷಗಳ ನಿರಂತರ ವಿಚಾರಣೆ ನಂತರ ಇಂದು ಕೋರ್ಟ್ ತೀರ್ಪು ಪ್ರಕಟಿಸಲಿದೆ. ಈ ಕುರಿತು ಒಂದು ಎಕ್ಸ್ ಕ್ಲೂಸಿವ್ ವರದಿ ಇಲ್ಲಿದೆ.
ಶಿವಮೊಗ್ಗ(ಆ.08): ಸ್ನೇಹಿತನ ಪತ್ನಿಯ ಮೇಲೆಯೇ ಅತ್ಯಾಚಾರ ಎಸಗಿದ್ದ ಆರೋಪಕ್ಕೆ ಗುರಿಯಾಗಿ ಸಚಿವ ಸ್ಥಾನವನ್ನೇ ಕಳೆದುಕೊಂಡಿದ್ದ ಹರತಾಳು ಹಾಲಪ್ಪ ಭವಿಷ್ಯಕ್ಕೆ ಕೋರ್ಟ್ ಇಂದು ಷಾರ ಹಾಕಲಿದೆ. ಯಡಿಯೂರಪ್ಪ ಸಂಪುಟದಲ್ಲಿ ಆಹಾರ ಸಚಿವರಾಗಿದ್ದ ಹರತಾಳು ಹಾಲಪ್ಪ ಅತ್ಯಾಚಾರ ಪ್ರಕರಣ ಶಿವಮೊಗ್ಗ ಕೋರ್ಟ್ ನಲ್ಲಿ ಕಳೆದ 7 ವರ್ಷಗಳಿಂದ ನಿರಂತರವಾಗಿ ನಡೆಯುತ್ತಲೇ ಬಂದಿತ್ತು.
ನವೆಂಬರ್ 26 -2009ರಂದು ಹರತಾಳು ಹಾಲಪ್ಪ ವಿರುದ್ದ ಅತ್ಯಾಚಾರ ಪ್ರಕರಣ ದಾಖಲಾಗಿತ್ತು. ಪ್ರಕರಣದ ತನಿಖೆಯನ್ನು ಕೈಗೆತ್ತಿಗೊಂಡಿದ್ದ ಸಿಐಡಿ ಪೋಲಿಸರು 10 ತಿಂಗಳ ಬಳಿಕ ನ್ಯಾಯಾಲಯಕ್ಕೆ ಚಾರ್ಜ್ಶೀಟ್ ಸಲ್ಲಿಸಿದ್ದರು. ಇದೀಗ ಅತ್ಯಾಚಾರಕ್ಕೊಳ್ಳಗಾಗಿದ್ದ ಚಂದ್ರಾವತಿ , ಮತ್ತವಳ ಪತಿ ವೆಂಕಟೇಶಮೂರ್ತಿ ಸೇರಿದಂತೆ ಹಲವರ ವಿಚಾರಣೆ ನಡೆಸಿರುವ ನ್ಯಾಯಾಲಯ ಪ್ರಕರಣದ ಕುರಿತು ವಾದಿ - ಪ್ರತಿವಾದಿಗಳ ವಾದವನ್ನು ಅಲಿಸಿ ಇಂದು ತೀರ್ಪು ನೀಡಲಿದೆ.
ಅಂದು ನಡೆದಿದ್ದೇನು..?
* ನವೆಂಬರ್ 26- 2009 - ಹರತಾಳು ಹಾಲಪ್ಪ ವಿರುದ್ಧ ಅತ್ಯಾಚಾರ ಆರೋಪ
* ಮೇ-2, 2010- ಹಾಲಪ್ಪರಿಂದ ಸಚಿವ ಸ್ಥಾನಕ್ಕೆ ರಾಜೀನಾಮೆ
* ಮೇ -3, 2010- ವೆಂಕಟೇಶ್ಮೂರ್ತಿ ಪತ್ನಿಯಿಂದ ವಿನೋಬನಗರದಲ್ಲಿ ದೂರು ದಾಖಲು
* ಮೇ - 10, 2010- ಪೊಲೀಸರಿಗೆ ಶರಣಾದ ಹಾಲಪ್ಪ
* ಮೇ-10, 2010 ರ ನಂತರ ನ್ಯಾಯಾಂಗ ಬಂಧನ- ಜಾಮೀನಿನ ಮೇಲೆ ಬಿಡುಗಡೆ
* ಮಾರ್ಚ್ 8, 2011 ರಂದು ಹೈಕೋರ್ಟ್ನಲ್ಲಿ ವಿಚಾರಣೆ
* ಮಾರ್ಚ್ 30, 2011 ರಂದು 3ನೇ ಹೆಚ್ಚುವರಿ ಜೆಎಂಎಫ್ ಸಿ ಕೋರ್ಟ್ಗೆ ಆರೋಪ ಪಟ್ಟಿ ಸಲ್ಲಿಕೆ
* ಮಾರ್ಚ್ 31, 2011 ರೊಳಗೆ ಸಂಬಂಧಿಸಿದ ನ್ಯಾಯಾಲಯಕ್ಕೆ ಸಲ್ಲಿಸುವಂತೆ ಸಿಐಡಿಗೆ ಸೂಚನೆ
* ಸತತ 7 ವರ್ಷಗಳ ಬಳಿಕ ಇಂದು ಶಿವಮೊಗ್ಗ ಕೋರ್ಟ್ನಿಂದ ಮಹತ್ವದ ತೀರ್ಪು
ಸುದೀರ್ಘ ತನಿಖೆಯ ನಂತರ ಸಿಐಡಿ ತಂಡ ಒಟ್ಟು 856 ಪುಟಗಳ ತನಿಖಾ ವರದಿಯನ್ನು ಸಲ್ಲಿಸಿತ್ತು. ಅಲ್ಲದೆ ವಿಚಾರಣೆ ಹಂತದಲ್ಲಿ ವಶಕ್ಕೆ ಪಡೆದಿದ್ದ ಸಿಡಿ, ಮೊಬೈಲ್ ಸೇರಿದಂತೆ ಮತ್ತೀತರ ಸಾಕ್ಷ್ಯಾಧಾರಗಳನ್ನು ನ್ಯಾಯಾಲಯಕ್ಕೆ ಸಲ್ಲಿಸಿದ್ದರು. ಈ ನಡುವೆ ನಾನಾ ರೀತಿಯಲ್ಲಿ ಕಾನೂನು ಹೋರಾಟ ನಡೆದ್ರು 7 ವರ್ಷಗಳ ನಂತರ ವಿಚಾರಣೆ ಪೂರ್ಣಗೊಂಡು ಇಂದು ಶಿವಮೊಗ್ಗದ ಜೆಎಂಎಫ್ ಸಿ ಕೋರ್ಟ್ ತೀರ್ಪು ಪ್ರಕಟಿಸುತ್ತಿದೆ.
