ಮೇಟಿ ಸೀಡಿ ಹಗರಣದ ಆರೋಪಿಗೆ ಮಾರಣಾಂತಿಕ ಹಲ್ಲೆ!
ಮಾಜಿ ಸಚಿವ HY ಮೇಟಿ ಅವರ ಸೀಡಿ ಹಗರಣದ ಆರೋಪಿ ಮೇಲೆ ಮಾರಾಣಾಂತಿಕ ಹಲ್ಲೆ ನಡೆಸಲಾಗಿದೆ.
ಬಾಗಲಕೋಟೆ [ಆ.11]: ಮಾಜಿ ಸಚಿವ ಎಚ್.ವೈ.ಮೇಟಿ ಸೀಡಿ ಹಗರಣದ ಆರೋಪಿ ಮಹಿಳೆ ಮೇಲೆ ಆಕೆಯ ಮನೆಯಲ್ಲೇ ಅಪರಿಚಿತರು ಚಾಕುವಿನಿಂದ ಮಾರಣಾಂತಿಕ ಹಲ್ಲೆ ನಡೆಸಿದ್ದಾರೆ.
ಶನಿವಾರ ರಾತ್ರಿ ಆಕೆಯ ಮೇಲೆ ಮನಬಂದಂತೆ ಹಲ್ಲೆ ನಡೆಸಲಾಗಿದೆ. ಹಲ್ಲೆ ನಡೆಸಿದ ಚಾಕುವಿನೊಂದಿಗೆ ಠಾಣೆಗೆ ಮಹಿಳೆ ದೂರು ನೀಡಿದ್ದು, ಆಕೆಯನ್ನು ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ.
ಮಹಿಳೆಯ ಮುಖ, ಕೈಗೆ ಹೊಲಿಗೆ ಹಾಕಲಾಗಿದ್ದು, ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎಂದು ವೈದ್ಯರು ತಿಳಿಸಿದ್ದಾರೆ.