ವಕ್ಫ್ ಬೋರ್ಡ್ ಹೆಸರಲ್ಲಿ ಮುಸ್ಲಿಮರ ದಬ್ಬಾಳಿಕೆ: ಒಬ್ಬಂಟಿ ಹಿಂದೂ ಮಹಿಳೆಗೆ ಮನೆ ಖಾಲಿ ಮಾಡುವಂತೆ ಧಮ್ಕಿ!
ಕೊಡಗು ಜಿಲ್ಲೆಯ ಕುಶಾಲನಗರದಲ್ಲಿ ಒಬ್ಬಂಟಿ ಹಿಂದೂ ಮಹಿಳೆಯ ಮನೆಗೆ ನುಗ್ಗಿದ ಕೆಲವು ಮುಸ್ಲಿಂ ವ್ಯಕ್ತಿಗಳು, ಇದು ವಕ್ಫ್ ಬೋರ್ಡ್ ಆಸ್ತಿ ಎಂದು ಹೇಳಿ ಮನೆ ಖಾಲಿ ಮಾಡುವಂತೆ ಧಮ್ಕಿ ಹಾಕಿದ್ದಾರೆ. 1984 ರಿಂದಲೂ ಮಹಿಳೆಯ ಕುಟುಂಬದ ಹೆಸರಿನಲ್ಲಿರುವ ಆಸ್ತಿಯ ದಾಖಲೆಗಳಿದ್ದರೂ, ವಕ್ಫ್ ಬೋರ್ಡ್ ಹೆಸರು ಎಲ್ಲಿಯೂ ಉಲ್ಲೇಖವಿಲ್ಲದಿದ್ದರೂ ಈ ಘಟನೆ ನಡೆದಿದೆ.
 )
Followಕೊಡಗು (ನ.08): ರಾಜ್ಯದಲ್ಲಿ ತೀವ್ರ ವಿವಾದಕ್ಕೆ ಕಾರಣವಾಗಿರುವ ವಕ್ಫ್ ಭೂ ವಿವಾದವನ್ನು ದುರುಪಯೋಗ ಮಾಡಿಕೊಳ್ಳುತ್ತಿರುವ ಕೆಲವು ಮುಸ್ಲಿಂ ವ್ತಕ್ತಿಗಳು, ಒಬ್ಬಂಟಿ ಹಿಂದೂ ಮಹಿಳೆಯ ಮನೆಗೆ ಬಂದು ಇದು ವಕ್ಫ್ ಬೋರ್ಡ್ ಆಸ್ತಿ, ನೀನು ಈ ಮನೆ ಖಾಲಿ ಮಾಡಿಕೊಂಡು ಹೋಗು ಎಂದು ಮುಸ್ಲಿಂ ವ್ಯಕ್ತಿಗಳು ಧಮ್ಕಿ ಹಾಕಿದ ಘಟನೆ ಕೊಡಗು ಜಿಲ್ಲೆಯಲ್ಲಿ ನಡೆದಿದೆ.
ಈ ಘಟನೆ ಕೊಡಗು ಜಿಲ್ಲೆಯ ಕುಶಾಲನಗರದ ಮುಳ್ಳುಸೋಗೆಯಲ್ಲಿ ನಡೆದಿದೆ. ಕೆಲವು ಮುಸ್ಲಿಂ ವ್ಯಕ್ತಿಗಳು ಗುಂಪು ರೇಣುಕಾ ಎಂಬುವರ ಮನೆಗೆ ಬಂದು ಧಮ್ಕಿ ಹಾಕಿರುವ ಆರೋಪ ಕೇಳಿಬಂದಿದೆ. ವಕ್ಫ್ ಬೋರ್ಡ್ ಹೆಸರು ಬಳಸಿಕೊಂಡು ದಬ್ಬಾಳಿಕೆ ನಡೆಸಿದ್ದಾರೆ. ಇದು ವಕ್ಫ್ ೋರ್ಡ್ ಆಸ್ತಿಯಾಗಿದೆ, ನೀವು ಇಲ್ಲಿರುವ ಮನೆ ಖಾಲಿ ಮಾಡಿಕೊಂಡು ಹೋಗಬೇಕು ಎಂದು ಒಬ್ಬಂಟಿ ಹಿಂದೂ ಮಹಿಳೆಯ ವಿರುದ್ಧ ಕೆಲವು ಮುಸ್ಲಿಂ ವ್ಯಕ್ತಿಗಳ ಗುಂಪು ಬಂದು ದಬ್ಬಾಳಿಕೆ ಮಾಡಿದ್ದಾರೆ. ನಾನು ಈ ಮನೆ ಖಾಲಿ ಮಾಡುವುದಿಲ್ಲ, ಇದು ನಮ್ಮ ಆಸ್ತಿ ಎಂದು ಹೇಳಿದ್ದಾರೆ. ಇಷ್ಟಕ್ಕೆ ಸುಮ್ಮನಾಗದೇ ನೀವು ಈ ಮನೆ ಖಾಲಿ ಮಾಡಲೇಬೇಕು, ಇಲ್ಲವೆಂದರೆ ನಾವು ಖಾಲಿ ಮಾಡಿಸುತ್ತೇವೆ ಎಂದು ಹೇಳಿ ಹೋಗಿದ್ದಾರೆ. ಇದಾದ ನಂತರ, ಪುನಃ ಒಂದೆರೆಡು ಬಾರಿ ಮಹಿಳೆ ಫೋನಿಗೆ ಕರೆ ಮಾಡಿ ಮನೆ ಬಿಟ್ಟು ಹೊರಟಿದ್ದೀರಿ ಅಲ್ಲವೇ? ಇಲ್ಲವೆಂದರೆ ನಾವೇ ಖಾಲಿ ಮಾಡಿಸಬೇಕಾಗುತ್ತದೆ ಎಂದು ಬೆದರಿಕೆ ಹಾಕಿದ್ದಾರೆ.
ಇದನ್ನೂ ಓದಿ: ಭಾರತವನ್ನ ಪಾಕಿಸ್ತಾನ ಮಾಡಲು ದೊಡ್ಡ ಪ್ಲಾನ್‌: ಬಸನಗೌಡ ಪಾಟೀಲ ಯತ್ನಾಳ
ಈ ಘಟನೆ ಅಕ್ಟೋಬರ್ 25 ರಂದು ನಡೆದಿದೆ. ಆ ಬಳಿಕವೂ ಎರಡು ಬಾರಿ ಕರೆ ಮಾಡಿ ಧಮ್ಕಿ ಹಾಕಿದ್ದಾರೆ. ಈ ಘಟನೆ ಕುರಿತಂತೆ ಮಹಿಳೆ ಕುಶಾಲನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಿದ್ದಾರೆ. ಈ ಆಸ್ತಿ 1984ರಲ್ಲೇ ಪೂವಮ್ಮ ಪೊನ್ನುಸ್ವಾಮಿ ಅವರು ಖರೀದಿಸಿರುವ ಆಸ್ತಿಯಾಗಿದೆ. ಸರ್ವೇ ನಂಬರ್ 78/2 ರಲ್ಲಿ ಅಂದಿನ ಲೇಔಟಿನ ಆಸ್ತಿ ಎಂಬುದು ದಾಖಲೆಗಳಲ್ಲಿದೆ. ಈಗಲೂ ಅವರದೇ ಹೆಸರಿನಲ್ಲಿ ದಾಖಲೆಗಳಿರುವ ಮನೆ ಆಗಿದೆ. ಇನ್ನು ಮಹಿಳೆ ದಾಖಲೆಗಳನ್ನು ಪರಿಶೀಲನೆ ಮಾಡಿದಾಗ ಆಸ್ತಿಯಲ್ಲಿ ವಕ್ಫ್ ಬೋರ್ಡ್ ಆಸ್ತಿ ಎಂದೂ ನಮೂದಾಗಿಲ್ಲ. ಆದರೂ, ಕೆಲವು ಮುಸ್ಲಿಂ ವ್ಯಕ್ತಿಗಳು ಇದು ವಕ್ಫ್ ಬೋರ್ಡ್ ಆಸ್ತಿಯೆಂದು ಸುಳ್ಳು ಹೇಳಿ ಬೆದರಿಕೆ ಹಾಕಿ ಮನೆ ಖಾಲಿ ಮಾಡಿಸಲು ಮುಂದಾಗಿದ್ದಾರೆ ಎಂದು ಮಹಿಳೆ ತಿಳಿಸಿದ್ದಾರೆ.
ಇದನ್ನೂ ಓದಿ: ವಕ್ಫ್ ಬೋರ್ಡ್ ಈಸ್ಟ್‌ ಇಂಡಿಯಾ ಕಂಪನಿ ಇದ್ದಂತೆ: ವಿಪಕ್ಷ ನಾಯಕ ಆರ್‌.ಅಶೋಕ್‌
ವಕ್ಫ್ ಆಸ್ತಿ ಎಂದು ಹೆಸರು ಇಲ್ಲದಿದ್ದರೂ ಮುಸ್ಲಿಂ ವ್ಯಕ್ತಿಗಳು ಬಂದು ಮನೆ ಖಾಲಿ ಮಾಡಿ ಎಂದು ಬೆದರಿಕೆ ಹಾಕಿದವರನ್ನು ಪತ್ತೆ ಮಾಡಲು ಕುಶಾಲನಗರ ಪೊಲೀಸರು ದೂರು ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ. ಕಳೆದ ಕೆಲವು ವರ್ಷಗಳ ಹಿಂದೆ ರೇಣುಕಾ ಅವರ ತಂದೆ ತಾಯಿ ಮೃತಪಟ್ಟಿದ್ದರು. ರೇಣುಕಾ ಮತ್ತು ಕುಟುಂಬ ಬೆಂಗಳೂರಿನಲ್ಲಿದ್ದಾರೆ. ಹೀಗಾಗಿ, ಕುಶಾಲನಗರದ ಮುಳ್ಳುಸೋಗೆಯ ಮನೆ ಖಾಲಿ ಇತ್ತು. ಈಗ ಇದನ್ನೇ ಬಳಸಿಕೊಂಡು ಮನೆ ಲಪಟಾಯಿಸುವ ಪ್ರಯತ್ನ ಮಾಡಿದ್ದಾರೆ. ಇದು ವಕ್ಫ್ ಬೋರ್ಡ್ ಆಸ್ತಿಯೆಂದು ಸುಳ್ಳು ಹೇಳಿ ಗಲಾಟೆ ಮಾಡಿದ್ದಾರೆ. ಹೀಗಾಗಿ, ಮಹಿಳೆ ನಮಗೆ ನ್ಯಾಯ, ರಕ್ಷಣೆ ನೀಡುವಂತೆ ಪೊಲೀಸರು ಮನವಿ ಮಾಡಿದ್ದಾರೆ.
