ಮಂಡ್ಯ(ಜು.12): ಕೊರೊನಾ ಲಾಕ್‌​ಡೌನ್‌ ನಂತ​ರದ ಒಂದೆ​ರಡು ದಿನ ತಾರ​ಕ​ಕ್ಕೇ​ರಿದ್ದ ಮದ್ಯದ ಬೇಡಿಕೆ ಆನಂತ​ರದ ದಿನ​ಗ​ಳಲ್ಲಿ ನಿಧಾ​ನ​ಗ​ತಿ​ಯ​ಲ್ಲಿ ಕ್ಷೀಣಿ​ಸ​ಲಾ​ರಂಭಿ​ದ್ದು, ಕಳೆದ ಒಂದೂ​ವರೆ ತಿಂಗ​ಳ ಮದ್ಯ ಮಾರಾ​ಟ​ದಲ್ಲಿ ಶೇ.30ರಷ್ಟುಕುಸಿತ ಕಂಡು​ಬಂದಿದೆ.

ಲಾಕ್‌​ಡೌನ್‌ ಮುಗಿದು ರಾಜ್ಯ ​ಸ​ರ್ಕಾರ ಮದ್ಯ ಮಾರಾ​ಟಕ್ಕೆ ಅವ​ಕಾಶ ಕಲ್ಪಿ​ಸಿದ ಕೂಡಲೇ ಮದ್ಯ ಮಳಿ​ಗೆ​ಗಳ ಎದುರು ಕಿ.​ಮೀ.​ಗ​ಟ್ಟಲೆ ಸರದಿ ಸಾಲಿ​ನಲ್ಲಿ ನಿಂತು ಮದ್ಯ ಖರೀ​ದಿಗೆ ಜನರು ಮುಗಿ​ಬಿದ್ದಿ​ದ್ದ​ರು. ಪೊಲೀಸ್‌ ಭದ್ರ​ತೆ​ಯಲ್ಲಿ ಮದ್ಯ ಮಾರಾಟ ನಡೆ​ಸುವ ಪರಿ​ಸ್ಥಿತಿ ನಿರ್ಮಾ​ಣ​ವಾ​ಗಿ​ತ್ತ​ಲ್ಲದೆ, ಒಬ್ಬ​ರು 3 ಲೀ.​ವ​ರೆಗೆ ಮಾತ್ರ ಮದ್ಯ ಖರೀ​ದಿ​ಸಲು ನಿಯಮ ವಿಧಿ​ಸ​ಲಾ​ಗಿ​ತ್ತು. ಮದ್ಯಕ್ಕೆ ಎಲ್ಲಿ​ಲ್ಲದ ಬೇಡಿಕೆ ಸೃಷ್ಟಿಯಾಗಿದ್ದನ್ನು ಕಂಡ ರಾಜ್ಯ​ಸ​ರ್ಕಾರ ಎಲ್ಲ ಮದ್ಯದ ಮೇಲೆ ಶೇ.17ರಷ್ಟುಬೆಲೆ ಹೆಚ್ಚಳ ಮಾಡಿ ಆದಾಯ ಸಂಗ್ರ​ಹಕ್ಕೆ ಮುಂದಾ​ಯಿ​ತು.

ಸೀಮಿತ ಅವ​ಧಿಗೆ ಮಾರಾ​ಟ:

ಲಾಕ್‌​ಡೌ​ನ್‌ ತೆರ​ವಾದ ಬೆನ್ನಲ್ಲೇ ಕೊರೊನಾ ಸೋಂಕು ಪ್ರಕ​ರ​ಣ​ಗಳು ರಾಜ್ಯಾ​ದ್ಯಂತ ವ್ಯಾಪ​ಕ​ವಾಗಿ ಹರ​ಡಲು ಆರಂಭಿ​ಸಿ​ದ್ದ​ರಿಂದ ಜನರು ಭೀತಿಗೆ ಒಳ​ಗಾ​ದರು. ಇದ​ರೊಂದಿಗೆ ಮದ್ಯ ಮಳಿ​ಗೆ​ಗ​ಳ ಮಾರಾಟ ಅವ​ಧಿ​ಯನ್ನು ಜಿಲ್ಲಾ​ಡ​ಳಿತ ಕಡಿ​ತ​ಗೊ​ಳಿಸಿತು. ಬಾರ್‌ ಅಂಡ್‌ ರೆಸ್ಟೋ​ರೆಂಟ್‌​ಗಳು, ಕ್ಲಬ್‌​ಗ​ಳಲ್ಲಿ ಮದ್ಯ ಸೇವ​ನೆಗೆ ಅವ​ಕಾಶ ನೀಡದೆ ಪಾರ್ಸ​ಲ್‌​ಗಷ್ಟೇ ಮೀಸ​ಲಿ​ಟ್ಟಿತು.

 

ಇದ​ರಿಂದ ಜನರು ಒಂದೆಡೆ ಕುಳಿತು ನಿರ್ಭೀ​ತಿ​ಯಿಂದ ಮದ್ಯ ಸೇವಿ​ಸಲು ಸದಾ​ವ​ಕಾಶ ದೊರೆ​ಯ​ಲಿಲ್ಲ. ಪಾರ್ಸಲ್‌ ತೆಗೆ​ದು​ಕೊಂಡು ಹೊರ​ಗೆ ಸೇವನೆ ಮಾಡು​ವುದಕ್ಕೂ ಹಲವು ಅಡ​ಚ​ಣೆ​ಗಳು ಎದು​ರಾ​ದವು. ಮನೆಗೆ ತೆಗೆ​ದು​ಕೊಂಡು ಹೋಗಿ ಸೇವಿ​ಸು​ವುದು ಕಷ್ಟ​ವಾ​ಯಿತು. ಇದ​ರಿಂದ ಮದಿ​ರೆ​ಯಿಂದ ಮಧ್ಯಮ ವರ್ಗದ ಜನರು ದೂರ​ವಾ​ಗ​ಲಾ​ರಂಭಿ​ಸಿ​ದರು.

ಬಡ​ವ​ರು-ಕೂಲಿ ಕಾರ್ಮಿ​ಕ​ರಿಗೆ ಬರೆ:

ಮದ್ಯ ವ್ಯಸ​ನ ರೂಢಿ​ಸಿ​ಕೊಂಡಿ​ರು​ವ​ವ​ರಲ್ಲಿ ಬಡ​ವರು, ಕೂಲಿ ಕಾರ್ಮಿ​ಕರೇ ಹೆಚ್ಚಿನ ಸಂಖ್ಯೆ​ಯ​ಲ್ಲಿ​ದ್ದಾ​ರೆ. ಮದ್ಯದ ಬೆಲೆ ಏರಿಕೆ ಇವ​ರ ನಾಲಿ​ಗೆಗೆ ಬರೆ ಎಳೆ​ದಂತಾ​ಯಿತು. ಕೊರೊನಾ ಸಂಕಷ್ಟಸಮ​ಯ​ದಲ್ಲಿ ದುಡಿ​ಯಲು ಕೆಲ​ಸವೂ ಇಲ್ಲ. ಕುಡಿ​ಯು​ವು​ದಕ್ಕೆ ಹಣವೂ ಇಲ್ಲ ಎಂಬಂತಾ​ಯಿ​ತು. ಎಷ್ಟೋ ಜನರು ಮದಿ​ರೆಯ ಆಸೆ​ಯನ್ನು ಪೂರೈ​ಸಿ​ಕೊ​ಳ್ಳದೆ ಚಡ​ಪ​ಡಿ​ಸ​ಲಾ​ರಂಭಿ​ಸಿ​ದ​ರು.

ನಿತ್ಯವೂ ಮದ್ಯ ಸೇವನೆ ಮಾಡುವ ಚಟ ರೂಢಿ​ಸಿ​ಕೊಂಡಿದ್ದ ಮಧ್ಯ​ಮ​ವ​ರ್ಗ​ದ​ವರು ಕುಡಿ​ತದ ಪ್ರಮಾ​ಣ​ವನ್ನು ಗರಿಷ್ಠ ಮಿತಿ​ಯಿಂದ ಕನಿಷ್ಠ ಮಿತಿಗೆ ಇಳಿ​ಸಿ​ಕೊಂಡಿ​ದ್ದಾರೆ. ಕೆಲವು ಮಧ್ಯಮ ವರ್ಗದ ಜನರ ಆದಾ​ಯವೂ ಕುಸಿ​ತ​ವಾ​ಗಿ​ರು​ವು​ದ​ರಿಂದ ಮೊದ​ಲಿ​ಗಿಂತಲೂ ಕಡಿಮೆ ಪ್ರಮಾ​ಣದ ಮದ್ಯ ಸೇವಿ​ಸುವುದನ್ನು ರೂಢಿ​ಸಿ​ಕೊಂಡಿ​ದ್ದಾ​ರೆ. ಉತ್ತಮ ಬ್ರಾಂಡ್‌ನ ಮದ್ಯ ಸೇವನೆ ಮಾಡು​ತ್ತಿ​ದ್ದ​ವರು ಕಡಿಮೆ ಬ್ರಾಂಡ್‌ನ ಮದ್ಯ ಸೇವನೆ ಮಾಡು​ವು​ದಕ್ಕೆ ಶುರು ಮಾಡಿ​ದ್ದಾರೆ.

ಹಳ್ಳಿ ಜನರು ಬರು​ವುದೇ ಕಡಿ​ಮೆ:

ಕೊರೊ​ನಾಗೆ ಹೆದರಿ ಗ್ರಾಮಾಂತರ ಪ್ರದೇ​ಶ​ಗ​ಳಿಂದ ನಗ​ರ ಹಾಗೂ ಪಟ್ಟಣ ಪ್ರದೇ​ಶ​ಗ​ಳಿಗೆ ಬರು​ವ​ವರ ಸಂಖ್ಯೆಯೂ ಕ್ಷೀಣಿ​ಸಿದೆ. ಹಲ​ವಾರು ಗ್ರಾಮ​ಗ​ಳ ಮುಖಂಡರು ಊರಿ​ನಲ್ಲಿ ಮದ್ಯ ಮಾರಾ​ಟ​ವನ್ನು ಸಂಪೂರ್ಣ​ವಾಗಿ ನಿಷೇ​ಧಿ​ಸಿ​ದ್ದಾರೆ. ಎರಡು ತಿಂಗಳ ಲಾಕ್‌​ಡೌನ್‌ ಸಮ​ಯ​ದಲ್ಲಿ ಬಹ​ಳಷ್ಟುಜನರು ಮದ್ಯ​ವ್ಯ​ಸನ ತ್ಯಜಿ​ಸಿ​ರು​ವುದು ಮದ್ಯ ಮಾರಾಟಕ್ಕೆ ಕೊಂಚ ಮಟ್ಟಿನ ಬ್ರೇಕ್‌ ಬೀಳಲು ಕಾರ​ಣ​ವಾ​ಗಿದೆ.

ಕೊರೊನಾ ಕಾರ​ಣ​ದಿಂದ ಗ್ರಾಮೀಣ ಪ್ರದೇ​ಶ​ಗ​ಳಲ್ಲಿ ನಡೆ​ಯು​ತ್ತಿ​ದ್ದ ಗ್ರಾಮ ದೇವತೆ ಹಬ್ಬ​ದ ಮೇಲೆ ನಿಷೇಧಿಸ​ಲ್ಪ​ಟ್ಟಿ​ವೆ. ಹಾಗಾಗಿ ಹಬ್ಬದ ಹೆಸ​ರಿ​ನಲ್ಲಿ ಮಾರಾ​ಟ​ವಾ​ಗು​ತ್ತಿದ್ದ ಮದ್ಯಕ್ಕೂ ಬ್ರೇಕ್‌ ಬಿದ್ದಂತಾ​ಗಿ​ದೆ. ಲಾಕ್‌​ಡೌ​ನ್‌ಗೆ ಮೊದಲು ಬೀಗರ ಔತ​ಣ​ಗಳು ಭರ್ಜ​ರಿ​ಯಾಗೇ ನಡೆ​ಯು​ತ್ತಿ​ದ್ದವು. ಕಳೆದ ಮೂರು ತಿಂಗ​ಳಿಂದ ಬೀಗರ ಔತ​ಣ​ಗಳೇ ಕಣ್ಮ​ರೆ​ಯಾ​ಗಿವೆ. ಈ ಸಮ​ಯ​ದಲ್ಲೂ ಮದ್ಯಕ್ಕೆ ಹೆಚ್ಚಿನ ಬೇಡಿಕೆ ಸೃಷ್ಠಿ​ಯಾ​ಗು​ತ್ತಿತ್ತು. ಈಗ ಅಲ್ಲಿಗೂ ಮದ್ಯ ಪ್ರವೇ​ಶಕ್ಕೆ ನಿರ್ಬಂಧ ಬಿದ್ದಂತಾ​ಗಿದೆ.

ಪ್ರವಾ​ಸಿ​ಗರು ಕ್ಷೀಣ:

ಕೊರೊನಾ ಪರಿ​ಸ್ಥಿ​ತಿ​ಗಿಂತ ಮೊದಲು ಜಿಲ್ಲೆಗೆ ನಿತ್ಯವೂ ಸಾವಿ​ರಾರು ಪ್ರವಾ​ಸಿ​ಗರು ಆಗ​ಮಿ​ಸು​ತ್ತಿ​ದ್ದ​ರು. ಪ್ರಸ್ತುತ ಸನ್ನಿ​ವೇ​ಶ​ದಲ್ಲಿ ಶೇ.5ರಷ್ಟುಪ್ರವಾ​ಸಿ​ಗರೂ ಬಾರ​ದಂತಹ ಪರಿ​ಸ್ಥಿತಿ ಇದೆ. ಇದೂ ಸಹ ಮದ್ಯ ಮಾರಾ​ಟದ ಮೇಲೆ ದೊಡ್ಡ ಹೊಡೆತ ಬೀಳು​ವಂತೆ ಮಾಡಿದೆ.

ಪ್ರವಾ​ಸಿ​ಗರ ಆಗ​ಮಿಸು​ತ್ತಿದ್ದ ಸಮ​ಯ​ದಲ್ಲಿ ಮದ್ಯಕ್ಕೆ ಹೆಚ್ಚಿನ ಬೇಡಿಕೆ ಸೃಷ್ಠಿ​ಯಾ​ಗು​ತ್ತಿತ್ತ​ಲ್ಲದೆ, ವೀಕೆಂಡ್‌​ಗ​ಳ​ಲ್ಲಂತೂ ನಿಗ​ದಿತ ಪ್ರಮಾ​ಣ​ಕ್ಕಿಂತಲೂ ಹೆಚ್ಚು ಮದ್ಯ ವ್ಯಾಪಾ​ರ​ವಾ​ಗು​ತ್ತಿತ್ತು. ಆ ಸಮ​ಯ​ದ​ಲ್ಲೆಲ್ಲಾ ಮಧ್ಯ​ರಾ​ತ್ರಿ​ಯ​ವ​ರೆಗೂ ಮದ್ಯ ಮಾರಾಟ ರಾಜಾ​ರೋ​ಷ​ವಾ​ಗಿಯೇ ನಡೆ​ಯು​ತ್ತಿ​ದ್ದ​ರಿಂದ ಮದಿರೆ ವ್ಯಾಪಾ​ರ​ದ​ಲ್ಲಿ ಗುರಿ ಮೀರಿದ ಸಾಧನೆ ಮಾಡಿತ್ತು.

 

ಕೊರೊನಾ ಎಲ್ಲಾ ಕ್ಷೇತ್ರ​ಗಳಿಗೂ ಹೊಡೆತ ನೀಡಿರುವಂತೆಯೇ ಮದ್ಯ ಮಾರಾ​ಟಕ್ಕೂ ಹಿನ್ನಡೆ ಉಂಟು​ಮಾ​ಡಿದೆ. ಮದ್ಯ ಮಳಿ​ಗೆ​ಗ​ಳಲ್ಲಿ ಹಿಂದಿ​ನಂತೆ ಜನ​ಸಂದಣಿ ಕಂಡು​ಬ​ರು​ತ್ತಿಲ್ಲ. ಸೀಮಿತ ಅವ​ಧಿ​ಯಲ್ಲಿ ಮದ್ಯ ಮಾರಾ​ಟಕ್ಕೆ ಅವ​ಕಾಶ ಕಲ್ಪಿ​ಸಿ​ರು​ವು​ದ​ರಿಂದ ಮಳಿಗೆ ವ್ಯಾಪಾ​ರ​ಸ್ಥರೂ ಹೆಚ್ಚಿನ ಮಟ್ಟ​ದಲ್ಲಿ ಲಾಭ ನೋಡ​ಲಾ​ಗು​ತ್ತಿಲ್ಲ. ಮದಿ​ರೆಯ ರುಚಿ​ಯನ್ನು ಮನ​ಸಾರೆ ಅನು​ಭ​ವಿ​ಸ​ಲಾ​ಗದ ಜನರು ಕೊರೊನಾ ದೂರ​ವಾ​ಗುವ ದಿನ​ಗ​ಳಿಗೆ ಎದು​ರು​ನೋ​ಡು​ತ್ತಿ​ದ್ದಾ​ರೆ.

ಶೇ.17ರಷ್ಟುತೆರಿಗೆ ಹೆಚ್ಚ​ಳ​ವೂ ಕಾರ​ಣ: ಮಹ​ದೇ​ವ​ಸ್ವಾ​ಮಿ

ಸರ್ಕಾರ ಬಜೆ​ಟ್‌​ನಲ್ಲಿ ಶೇ.6ರಷ್ಟುದರ ಹೆಚ್ಚಳ ಮಾಡಿತ್ತು. ಲಾಕ್‌​ಡೌನ್‌ ಬಳಿಕ ಮತ್ತೆ ಶೇ.11ಕ್ಕೆ ದರ ಹೆಚ್ಚಿ​ಸಿ​ದ್ದ​ರಿಂದ ಶೇ.17ರಷ್ಟುತೆರಿಗೆ ಹೆಚ್ಚಾ​ಯಿತು. ಇದು ಮದ್ಯ ಮಾರಾಟ ಕುಸಿ​ತ​ಕ್ಕೆ ಮತ್ತೊಂದು ಕಾರಣ ಎಂದು ಪಾನೀ​ಯ ನಿಗ​ಮದ ಅಧಿ​ಕಾ​ರಿ ಮಹ​ದೇ​ವ​ಸ್ವಾ​ಮಿ ಕನ್ನ​ಡ​ಪ್ರ​ಭಕ್ಕೆ ತಿಳಿ​ಸಿ​ದ​ರು.

ಲಾಕ್‌​ಡೌನ್‌ ವೇಳೆ ಮದ್ಯ ತಯಾ​ರಿ​ಕಾ ಘಟ​ಕ​ಗ​ಳಲ್ಲಿ ಅತ್ಯು​ತ್ತಮ ಗುಣ​ಮ​ಟ್ಟದ ವಿವಿಧ ಮಾದ​ರಿಯ ಮದ್ಯ ಉತ್ಪಾ​ದನೆ ಕಡಿ​ತ​ವಾ​ಯಿತು. ಲಾಕ್‌​ಡೌನ್‌ ತೆರ​ವಾದ ನಂತರ ತಕ್ಷ​ಣ​ಕ್ಕೆ ಅತ್ಯು​ತ್ತಮ ಬ್ರಾಂಡ್‌​ಗ​ಳನ್ನು ಔಟ್‌​ಲೆ​ಟ್‌​ಗ​ಳಿಗೆ ಸರ​ಬ​ರಾಜು ಮಾಡ​ಲಾ​ಗ​ಲಿಲ್ಲ. ಮದ್ಯ​ಪ್ರಿ​ಯರು ಗುಣ​ಮ​ಟ್ಟದ ಮದ್ಯ ಸಿಗ​ಲಿ​ಲ್ಲ​ವೆಂಬ ಕಾರ​ಣಕ್ಕೆ ಮದ್ಯ​ಪಾ​ನ​ವನ್ನೇ ತ್ಯಜಿ​ಸಿ​ದರು. ಅದನ್ನು ಈಗಲೂ ಮುಂದು​ವ​ರೆ​ಸಿದ್ದಾರೆ.

 

ಅ​ಲ್ಲದೆ, ಲಾಕ್‌​ಡೌನ್‌ ಸಮ​ಯ​ದ​ಲ್ಲಿ ಒಂದು ವರ್ಗದ ಜನ​ರು ಮದ್ಯ ಸೇವನೆ ಕಡಿತ ಮಾಡಿ​ದರೆ, ಮತ್ತೊಂದು ವರ್ಗ ಯಾವುದೇ ಮದ್ಯ ಸಿಗ​ದಿ​ದ್ದಾಗ ಸಿಕ್ಕ ಕಡಿಮೆ ಗುಣ​ಮ​ಟ್ಟದ ಮದ್ಯ ಸೇವಿ​ಸುವ ಹವ್ಯಾಸ ರೂಢಿ​ಸಿ​ಕೊಂಡರು. ಲಾಕ್‌​ಡೌನ್‌ ಸಡಿ​ಲ​ಗೊಂಡು ವ್ಯಾಪಾರ ಆರಂಭ​ಗೊಂಡರೂ ಅದೇ ಮದ್ಯ​ವನ್ನು ಸೇವಿ​ಸು​ತ್ತಿ​ರು​ವು​ದ​ರಿಂದ ಶೇ.25 ರಿಂದ 30ರಷ್ಟುಮದ್ಯ ಮಾರಾ​ಟ ಕಡಿ​ಮೆ​ಯಾ​ಗಿದೆ.

 

ಕೊರೊನಾ ಎಲ್ಲ​ರಿಗೂ ಆರ್ಥಿಕ ಸಂಕ​ಷ್ಟತಂದೊ​ಡ್ಡಿದೆ. ಬಡ​ವರು, ಕೂಲಿ ಕಾರ್ಮಿ​ಕ​ರಿಗೆ ಉದ್ಯೋಗ ಸಿಗ​ದಂತಾ​ಗಿದೆ. ಅವರ ಬಳಿಯೂ ಹಣ​ವಿಲ್ಲ. ಲಾಕ್‌​ಡೌನ್‌ ವೇಳೆ ಹಲ​ವರು ಕುಡಿ​ಯು​ವು​ದನ್ನೇ ಬಿಟ್ಟಿ​ದ್ದಾರೆ. ಸೀಮಿತ ಅವ​ಧಿಯ ಮದ್ಯ ಮಾರಾಟ, ಮದ್ಯದ ಮೇಲಿನ ಬೆಲೆ ಹೆಚ್ಚಳ ಹೀಗೆ ಒಂದಲ್ಲ, ಎರ​ಡಲ್ಲ ಹಲ​ವಾರು ಕಾರ​ಣ​ಗ​ಳಿಂದ ಮದ್ಯ ಮಾರಾ​ಟ​ ಕಡಿ​ಮೆ​ಯಾ​ಗಿ​ರು​ವು​ದಂತೂ ಸತ್ಯ ಎಂದು ಅಬ​ಕಾರಿ ಜಿಲ್ಲಾ ಅಧೀ​ಕ್ಷ​ಕ ಶಿವ​ಪ್ರ​ಸಾದ್ ತಿಳಿಸಿದ್ದಾರೆ.

ಮದ್ಯ ಮಾರಾಟ ಈಗ ಮೊದ​ಲಿ​ನಂತಿಲ್ಲ. ವ್ಯಾಪಾರ ಕುಸಿ​ಯಲು ಹಲ​ವಾರು ಕಾರ​ಣ​ಗ​ಳಿವೆ. ಬೆಲೆ ಹೆಚ್ಚಳ, ಮಾರಾ​ಟದ ಅವಧಿ ಕಡಿ​ತ​ಗೊ​ಳಿ​ಸಿ​ರು​ವುದು, ಪ್ರವಾ​ಸಿ​ಗರೂ ಬರು​ತ್ತಿ​ಲ್ಲ, ಜನರ ಬಳಿ ಹಣ​ವಿಲ್ಲ, ಬಾರ್‌-ಅಂಡ್‌ ರೆಸ್ಟೋ​ರೆಂಟ್‌​ಗ​ಳ​ಲ್ಲಿ ಮದ್ಯ ಮಾರು​ವಂತಿಲ್ಲ. ಹೀಗೆ ನಾನಾ ಕಾರ​ಣ​ಗ​ಳಿಂದ ಮದ್ಯ ಮಾರಾ​ಟದ ಪ್ರಮಾಣ ಕುಸಿ​ದಿ​ದೆ ಎಂದು ಪ್ರಿಯಾ ಹೋಲ್‌​ಸೇಲ್‌ ವೈನ್ಸ್‌ ಮಾಲೀ​ಕ ಎಚ್‌.​ಪಿ. ​ಮ​ಹೇಶ್‌ ತಿಳಿಸಿದ್ದಾರೆ.

-ಮಂಜು​ನಾಥ