ರಾಜ್ಯದಲ್ಲಿ ಭಾರೀ ಪ್ರಮಾಣದಲ್ಲಿ ಮಳೆಯಾಗುತ್ತಿದೆ. ಶಿವಮೊಗ್ಗ ಜಿಲ್ಲೆಯ ಲಿಂಗನಮಕ್ಕಿ ಡ್ಯಾಂ ಒಂದೇ ದಿನದಲ್ಲಿ 5 ಅಡಿಗೂ ಹೆಚ್ಚು ಭರ್ತಿಯಾಗಿದೆ.
ಬೆಂಗಳೂರು [ಆ.08]: ಶಿವಮೊಗ್ಗ ಜಿಲ್ಲಾದ್ಯಂತ ಕಳೆದ ಎರಡ್ಮೂರು ದಿನಗಳಿಂದ ಭಾರೀ ಮಳೆಯಾಗುತ್ತಿರುವುದರಿಂದ ಶರಾವತಿ ನದಿ ತುಂಬಿ ಹರಿಯುತ್ತಿದ್ದಾಳೆ.
Add Asianetnews Kannada as a Preferred Source
ಇದರ ಪರಿಣಾಮ ಲಿಂಗನಮಕ್ಕಿ ಜಲಾಶಯದ ನೀರಿನ ಮಟ್ಟಒಂದೇ ದಿನ ಐದೂವರೆ ಅಡಿಯಷ್ಟುಏರಿಕೆ ಕಂಡಿದೆ.
ಜಲಾಶಯಕ್ಕೆ 138038 ಕ್ಯುಸೆಕ್ ಒಳಹರಿವು ಬರುತ್ತಿದೆ. ಜಲಾಶಯ ಒಟ್ಟು 1819 ಅಡಿ ಎತ್ತರ ಇದೆ. ಮಂಗಳವಾರ ಬೆಳಗ್ಗೆ 8 ಗಂಟೆಯವರೆಗೆ 1789.80 ಅಡಿ ನೀರು ತುಂಬಿತ್ತು.
ಆದರೆ, ಬುಧವಾರ ಬೆಳಗ್ಗೆ 8 ಗಂಟೆಯ ಸಮಯದಲ್ಲಿ ಜಲಾಶಯದಲ್ಲಿನ ನೀರಿನ ಮಟ್ಟ1795.35 ಅಡಿಗೆ ಏರಿಕೆಯಾಗಿದೆ. ಅಂದರೆ, 24 ಗಂಟೆಯ ಸಮಯದಲ್ಲಿ ಐದೂವರೆ ಅಡಿ ನೀರು ಏರಿಕೆಯಾದಂತಾಗಿದೆ.
