ಉಡುಪಿಯಲ್ಲಿ ಸಿಡಿಲುಮಳೆ, ಮಲ್ಪೆಯಲ್ಲಿ ಸುಂಟರಗಾಳಿ
ಬಂಗಾಳ ಕೊಲ್ಲಿಯಲ್ಲಿ ಚಂಡಮಾರುತ ಉಂಟಾಗಿರುವುದರಿಂದ ರಾಜ್ಯದ ಕರಾವಳಿಯಲ್ಲಿ 48 ಗಂಟೆಗಳಲ್ಲಿ ಗುಡುಗುಸಿಡಿಲಿನೊಂದಿಗೆ ಮಳೆಯಾಗುವ ಬಗ್ಗೆ ಹವಾಮಾನ ಇಲಾಖೆಯ ಭವಿಷ್ಯ ನಿಜವಾಗಿದೆ. ಶುಕ್ರವಾರ ಸಂಜೆ ಜಿಲ್ಲಾದ್ಯಂತ ಗಾಳಿ, ಸಿಡಿಲು, ಗುಡುಗಿನೊಂದಿಗೆ ಭಾರಿ ಮಳೆಯಾಗಿದೆ.
 )
Followಉಡುಪಿ(ಮೇ 16): ಬಂಗಾಳ ಕೊಲ್ಲಿಯಲ್ಲಿ ಚಂಡಮಾರುತ ಉಂಟಾಗಿರುವುದರಿಂದ ರಾಜ್ಯದ ಕರಾವಳಿಯಲ್ಲಿ 48 ಗಂಟೆಗಳಲ್ಲಿ ಗುಡುಗುಸಿಡಿಲಿನೊಂದಿಗೆ ಮಳೆಯಾಗುವ ಬಗ್ಗೆ ಹವಾಮಾನ ಇಲಾಖೆಯ ಭವಿಷ್ಯ ನಿಜವಾಗಿದೆ. ಶುಕ್ರವಾರ ಸಂಜೆ ಜಿಲ್ಲಾದ್ಯಂತ ಗಾಳಿ, ಸಿಡಿಲು, ಗುಡುಗಿನೊಂದಿಗೆ ಭಾರಿ ಮಳೆಯಾಗಿದೆ.
ಸಂಜೆ 5 ಗಂಟೆ ಸುಮಾರಿಗೆ ಆರಂಭವಾದ ಮಳೆ ಸುಮಾರು 1 ಗಂಟೆ ಕಾಲ ಸುರಿದಿದೆ. ಜೊತೆಗೆ ವಿಪರೀತ ಗಾಳಿಯೂ ಇದ್ದುದರಿಂದ ಮಳೆಯ ತಾಂಡವ ಜೋರಾಗಿತ್ತು. ಇದರಿಂದ ದಟ್ಟವಾಗಿ ಕವಿದ ಮೋಡಗಳು ಚದುರಿ ಮಳೆ ಕಡಿಮೆಯಾಯಿತು.
ಬಂಗಾಳಕೊಲ್ಲಿಯಲ್ಲಿ ಚಂಡ ಮಾರುತ: ರಾಜ್ಯಕ್ಕೆ ತಡವಾಗಿ ಮುಂಗಾರು ಪ್ರವೇಶ
ಮಣಿಪಾಲ, ಪರ್ಕಳ, ಹಿರಿಯಡ್ಕ ಪ್ರದೇಶಗಲ್ಲಿ ಮಳೆಯಿಂದಾಗಿ ವಿದ್ಯುತ್‌ ಪೂರೈಕೆ ವ್ಯತ್ಯಯವಾಗಿದೆ. ಮುಂದಿನ 5 ದಿನಗಳ ಕಾಲ ಗಾಳಿಮಳೆ ಮುಂದುವರಿಯುವ ಬಗ್ಗೆ ಬೆಂಗಳೂರು ಹವಾಮಾನ ಕೇಂದ್ರ ಎಚ್ಚರಿಕೆ ನೀಡಿದೆ.
ಮಲ್ಪೆಯಲ್ಲಿ ಸುಂಟರಗಾಳಿ:
ಇದೇ ಸಂದರ್ಭದಲ್ಲಿ ಮಲ್ಪೆ ಸಮುದ್ರ ತೀರದಲ್ಲಿ ಪ್ರಾಕೃತಿಕ ವೈಚಿತ್ರ್ಯವೊಂದು ಸಂಭವಿಸಿದೆ. ಇಲ್ಲಿನ ಸೈಂಟ್‌ ಮೇರಿಸ್‌ ದ್ವೀಪದ ಹಿಂದೆ ಸಮುದ್ರದ ನಡುವೆ ಸುಂಟರಗಾಳಿ ಸೃಷ್ಟಿಯಾಗಿತ್ತು.
ಬಾಲ್ಯದ ದಿನಗಳಲ್ಲಿ ಹೀಗಿದ್ರು ಮುತ್ತಪ್ಪ ರೈ, ಚೈಲ್ಡ್‌ಹುಡ್ ಫ್ರೆಂಡ್ ಏನ್ ಹೇಳ್ತಾರೆ ಕೇಳಿ
ಈ ಸುಂಟರಗಾಳಿಯು ವೇಗವಾಗಿ ತಿರುಗುತ್ತಾ ಭಾರಿ ಪ್ರಮಾಣದಲ್ಲಿ ಸಮುದ್ರದ ನೀರನ್ನು ಮೇಲೆ ಮೋಡಗಳ ಕಡೆಗೆ ಸೆಳೆಯುತ್ತಿತ್ತು. ಇದನ್ನು ಕಂಡು ಸಮುದ್ರ ತೀರದ ನಿವಾಸಿಗಳು ಬೆಚ್ಚಿಬಿದ್ದಿದ್ದಾರೆ. ಆದರೇ ಕೆಲವು ನಿಮಿಷಗಳ ನಂತರ ಈ ಸುಂಟರಗಾಳಿ ಮರೆಯಾಯಿತು. ಈ ಸುಂಟರಗಾಳಿ ಭೂಮಿಯ ಮೇಲೆ ಜನವಸತಿ ಪ್ರದೇಶದಲ್ಲಿ ಸಂಭವಿಸುತ್ತಿದ್ದರೆ ಭಾರಿ ಪ್ರಮಾಣದಲ್ಲಿ ಅಪಾಯಕ್ಕೆ ಕಾರಣವಾಗುತ್ತಿತ್ತು ಎಂದು ಮೀನುಗಾರರು ತಿಳಿಸಿದ್ದಾರೆ.
