ಕೊರೋನಾಗೆ ಭಾರತದಲ್ಲೇ ಔಷಧ, ಲಸಿಕೆ!
ಕೊರೋನಾಗೆ ಭಾರತದಲ್ಲೇ ಔಷಧ, ಲಸಿಕೆ ಸೃಷ್ಟಿಗೆ ವೇಗ| ಅಕ್ಟೋಬರ್‌ನಿಂದ ಲಸಿಕೆ ಪ್ರಯೋಗ
 )
Followನವದೆಹಲಿ(ಮೇ.30): ಕೊರೋನಾ ವೈರಸ್‌ಗೆ ವಿಶ್ವದೆಲ್ಲೆಡೆ ಲಸಿಕೆ ಕಂಡುಹಿಡಿಯುವ ಯತ್ನ ಭರದಿಂದ ಸಾಗುತ್ತಿರುವಾಗಲೇ, ವೈರಸ್‌ಗೆ ಸ್ವದೇಶಿ ನಿರ್ಮಿತ ಲಸಿಕೆ ಹಾಗೂ ಔಷಧ ಲಭ್ಯವಾಗುವ ಆಶಾವಾದ ಗೋಚರಿಸಿದೆ.
ಭಾರತದಲ್ಲಿ 6 ಗುಂಪುಗಳು ಲಸಿಕೆ ಸಂಶೋಧನೆಯಲ್ಲಿ ತೊಡಗಿವೆ. ಆ ಪೈಕಿ ಒಂದು ಗುಂಪಿನ ಲಸಿಕೆಯ ಪ್ರಿಕ್ಲಿನಿಕಲ್‌ ಪ್ರಯೋಗ ಅಕ್ಟೋಬರ್‌ ಒಳಗೆ ಮುಕ್ತಾಯಗೊಂಡು ಮಾನವ ಪ್ರಯೋಗ ಆರಂಭವಾಗಲಿದೆ ಎಂದು ಕೇಂದ್ರ ಸರ್ಕಾರದ ಪ್ರಧಾನ ವೈಜ್ಞಾನಿಕ ಸಲಹೆಗಾರ ಕೆ. ವಿಜಯರಾಘವನ್‌ ಅವರು ತಿಳಿಸಿದ್ದಾರೆ. ಆದರೆ ಆ ಕಂಪನಿ ಯಾವುದು ಎಂಬುದನ್ನು ಅವರು ಬಹಿರಂಗಪಡಿಸಿಲ್ಲ.
ಚೀನಾದಲ್ಲಿ ಕೊರೋನಾ ಲಸಿಕೆ ಮೊದಲ ಪ್ರಯೋಗ ಯಶಸ್ವಿ!
ಈ ನಡುವೆ, ಕೊರೋನಾ ರೋಗಿಗಳ ಮೇಲೆ ನಫಾಮೊಸ್ಟಾಟ್‌ ಮೆಸಿಲೇಟ್‌ ಎಂಬ ಔಷಧದ ಕ್ಲಿನಿಕಲ್‌ ಪ್ರಯೋಗ ಆರಂಭಿಸಲು ಭಾರತೀಯ ಔಷಧ ನಿಯಂತ್ರಕರಿಂದ ಸನ್‌ ಫಾರ್ಮಾ ಕಂಪನಿ ಅನುಮತಿ ಪಡೆದುಕೊಂಡಿದೆ. ನಫಾಮೋಸ್ಟಾಟ್‌ ಅನ್ನು ಯುರೋಪ್‌, ಜಪಾನ್‌ ಹಾಗೂ ದಕ್ಷಿಣ ಕೊರಿಯಾದಲ್ಲಿ ಸಾರ್ಸ್‌- ಕೋವ್‌-2 ವೈರಸ್ ರೋಗಿಗಳ ಮೇಲೆ ಪ್ರಯೋಗಿಸಿದಾಗ ಭರವಸೆಯ ಫಲಿತಾಂಶ ಸಿಕ್ಕಿದೆ ಎಂದು ಕಂಪನಿ ತಿಳಿಸಿದೆ.
ಇದೇ ವೇಳೆ ಅಮೆರಿಕದ ಔಷಧ ತಯಾರಿಕಾ ಕಂಪನಿ ಫೈಜರ್‌ ಕೊರೋನಾಕ್ಕೆ ಲಸಿಕೆಯೊಂದನ್ನು ಅಭಿವೃದ್ಧಿಪಡಿಸಿದ್ದು, ಅಕ್ಟೋಬರ್‌ನಲ್ಲಿ ಅದು ಬಳಕೆಗೆ ಲಭ್ಯವಾಗಲಿದೆ ಎಂದು ಕಂಪನಿ ಹೇಳಿಕೊಂಡಿದೆ.
