* ಎರಡು ವರ್ಷಕ್ಕೂ ಹೆಚ್ಚಿನ ಸಮಯದಿಂದ ಕೊರೋನಾ ಅಬಬ್ಬರ* ನಾಲ್ಕನೇ ಅಲೆ ದಾಳಿ ಸಂದರ್ಭದಲ್ಲೇ ಬಯಲಾಯ್ತು ಶಾಕಿಂಗ್ ಮಾಹಿತಿ* ಅಧ್ಯಯನದಿಂದ ಬಯಾದ ವಿಚಾರಕ್ಕೆ ವಿಜ್ಞಾನಿಗಳು ಅಚ್ಚರಿ

ನವದೆಹಲಿ(ಮೇ.04): ಕೊರೋನಾ ಮಹಾಮಾರಿಯ ವಿರುದ್ಧದ ಹೋರಾಟ ಆರಂಭವಾಗಿ ಎರಡು ವರ್ಷಕ್ಕೂ ಹೆಚ್ಚು ಕಾಲ ಕಳೆದಿದೆ. ಪ್ರಪಂಚದಾದ್ಯಂತ ವಿಜ್ಞಾನಿಗಳು ಕೊರೋನಾ ಪರಿಣಾಮ, ಅದರ ಹರಡುವಿಕೆ ಮತ್ತು ಅದರ ಮೂಲ ಏನು ಎಂದು ಅರ್ಥಮಾಡಿಕೊಳ್ಳಲು ಶ್ರಮಿಸುತ್ತಿದ್ದಾರೆ. ಆದರೆ ಕೊರೋನಾಗೆ ಸಂಬಂಧಿಸಿದ ರಹಸ್ಯಗಳು ಈರುಳ್ಳಿಯ ಪದರಗಳಂತಿವೆ. ರಹಸ್ಯವು ಪದರ ಪದರವಾಗಿ ಹೊರಬರುತ್ತಿದೆ. ಕೊರೋನಾ ಒಬ್ಬರಿಂದ ಮತ್ತೊಬ್ಬರಿಗೆ ಹರಡುತ್ತದೆ ಎನ್ನಲಾಗಿತ್ತು. ಹೀಗಾಗಿ ಜನರು ಮಾಸ್ಕ್ ಧರಿಸುವ ನಿಯಮವನ್ನು ಕಟ್ಟುನಿಟ್ಟಾಗಿ ಅನುಸರಿಸುವ ದೇಶಗಳಲ್ಲಿ ಇದು ಕಡಿಮೆ ಹರಡುತ್ತದೆ ಎಂದು ಸಾಂಕ್ರಾಮಿಕ ರೋಗಶಾಸ್ತ್ರಜ್ಞರು ನಂತರ ಕಂಡುಕೊಂಡರು. ಆದಾಗ್ಯೂ, ಆಗ ಗಾಳಿಯ ಮೂಲಕ ಕೊರೋನಾ ವೈರಸ್ ಕಣಗಳು ಹರಡುವ ಬಗ್ಗೆ ಪುರಾವೆಗಳಿರಲಿಲ್ಲ. ಆದರೆ ಈಗ ಅಧ್ಯಯನವೊಂದು ಗಾಳಿಯ ಮೂಲಕ ಹರಡುವುದನ್ನು ದೃಢಪಡಿಸಿದೆ.

CSIR-CCMB, ಹೈದರಾಬಾದ್ ಮತ್ತು CSIR-IMTech ಚಂಡೀಗಢದ ವಿಜ್ಞಾನಿಗಳ ಗುಂಪು ಜಂಟಿಯಾಗಿ ಅಧ್ಯಯನವನ್ನು ನಡೆಸಿದೆ. ಈ ಅಧ್ಯಯನವನ್ನು ಹೈದರಾಬಾದ್ ಮತ್ತು ಮೊಹಾಲಿಯ ಆಸ್ಪತ್ರೆಗಳಲ್ಲಿ ಮಾಡಲಾಗಿದೆ. ಅಲ್ಲಿ SARS-CoV 2 ವೈಮಾನಿಕ ಹರಡುವಿಕೆಯನ್ನು ದೃಢಪಡಿಸಲಾಗಿದೆ. ಈ ಅಧ್ಯಯನವನ್ನು ಏರೋಸಾಲ್ ಸೈನ್ಸ್ ಜರ್ನಲ್‌ನಲ್ಲಿ ಪ್ರಕಟಿಸಲಾಗಿದೆ. ಇದಕ್ಕಾಗಿ, ವಿಜ್ಞಾನಿಗಳು ಕೋವಿಡ್ -19 ರೋಗಿಗಳು ಸ್ವಲ್ಪ ಸಮಯ ಕಳೆದ ಸ್ಥಳದ ಗಾಳಿಯ ಮಾದರಿಗಳನ್ನು ತೆಗೆದುಕೊಳ್ಳುವ ಮೂಲಕ ಕರೋನಾ ವೈರಸ್‌ನ ಜೀನೋಮ್ ಅನ್ನು ವಿಶ್ಲೇಷಿಸಿದ್ದಾರೆ. ಉದಾಹರಣೆಗೆ, ಆಸ್ಪತ್ರೆಗಳು, ರೋಗಿಯು ಸ್ವಲ್ಪ ಸಮಯದವರೆಗೆ ಉಳಿದುಕೊಂಡಿರುವ ಕೋಣೆಗಳು ಅಥವಾ ರೋಗಿಯು ವಾಸಿಸುವ ಮನೆ ಇಂತಹ ಪ್ರದೇಶಗಳ ಮಾದರಿ ಸಂಗ್ರಹಿಸಿದೆ.

ಗಾಳಿಯಲ್ಲಿ ಕೊರೋನಾ

ಕೋವಿಡ್ ರೋಗಿಗಳು ಇರುವ ಸುತ್ತಮುತ್ತಲಿನ ಗಾಳಿಯಲ್ಲಿ ವೈರಸ್ ಪತ್ತೆಯಾಗಬಹುದು ಎಂದು ಅಧ್ಯಯನವು ಕಂಡುಹಿಡಿದಿದೆ, ರೋಗಿಗಳು ಇರುವಲ್ಲಿ ಮಾತ್ರ ಸಕಾರಾತ್ಮಕತೆಯ ಪ್ರಮಾಣವೂ ಬಾರೀ ಪ್ರಮಾಣದಲಲ್ಲಿ ಹೆಚ್ಚಿದೆ. ಆಸ್ಪತ್ರೆಯ ಐಸಿಯು ಮತ್ತು ಐಸಿಯು ಅಲ್ಲದ ವಾರ್ಡ್‌ಗಳಲ್ಲಿ ವೈರಸ್ ಇತ್ತು ಎಂದು ಅಧ್ಯಯನವು ಬಹಿರಂಗಪಡಿಸಿದೆ, ಇದು ರೋಗಿಯು ವೈರಸ್ ಅನ್ನು ಗಾಳಿಯಲ್ಲಿ ಬಿಡುಗಡೆ ಮಾಡಿದೆ ಎಂದು ಸೂಚಿಸುತ್ತದೆ. ಗಾಳಿಯಲ್ಲಿ ಜೀವಂತ ವೈರಸ್ ಇದ್ದು ಅದು ಯಾವುದೇ ಜೀವಂತ ಕೋಶಕ್ಕೆ ಸೋಂಕು ತಗುಲಿಸಬಹುದು ಮತ್ತು ದೂರದವರೆಗೆ ಹರಡಬಹುದು ಎಂದು ಅಧ್ಯಯನವು ಕಂಡುಹಿಡಿದಿದೆ.

ಸೋಂಕಿನ ಅಪಾಯ ಎಷ್ಟು?

ಇದರ ನಂತರ, ಸೋಂಕನ್ನು ತಡೆಗಟ್ಟಲು ಮಾಸ್ಕ್ ಧರಿಸುವುದು ಉತ್ತಮ ಮಾರ್ಗವಾಗಿದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ. ಕೊರೋನಾ ವೈರಸ್ ಸ್ವಲ್ಪ ಸಮಯದವರೆಗೆ ಮುಚ್ಚಿದ ಸ್ಥಳದಲ್ಲಿ ಉಳಿಯಬಹುದು ಎಂದು ನಮ್ಮ ಫಲಿತಾಂಶಗಳು ತೋರಿಸುತ್ತವೆ ಎಂದು ಅಧ್ಯಯನಕ್ಕೆ ಸಂಬಂಧಿಸಿದ ವಿಜ್ಞಾನಿ ಶಿವರಂಜನಿ ಮೊಹಿರಿರ್ ಹೇಳುತ್ತಾರೆ. ಅಂತಹ ಸ್ಥಳದಲ್ಲಿ ಇಬ್ಬರು ಅಥವಾ ಹೆಚ್ಚಿನ ಕೋವಿಡ್ ರೋಗಿಗಳು ಒಟ್ಟಿಗೆ ಇದ್ದರೆ, ಗಾಳಿಯಲ್ಲಿ ಸೋಂಕಿನ ಪ್ರಮಾಣವು 75 ಪ್ರತಿಶತದಷ್ಟು ಇರಬಹುದು. ಮತ್ತೊಂದೆಡೆ, ಒಬ್ಬ ರೋಗಿಯು ಅಥವಾ ಯಾವುದೇ ರೋಗಿಯು ಇಲ್ಲದಿದ್ದರೆ, ಸೋಂಕಿನ ಪ್ರಮಾಣವು 15.8 ಪ್ರತಿಶತದಷ್ಟು ಇರುತ್ತದೆ.

ಅಧ್ಯಯನದಲ್ಲಿ ಬಯಲಾದ ಇನ್ನಷ್ಟು ವಿಚಾರಗಳು

SARS-CoV-2 ಆರ್‌ಎನ್‌ಎ ಪ್ರಮಾಣವು ಹೊರಗಿನ ಕೋಣೆಗಳಿಗಿಂತ ಮುಚ್ಚಿದ ಕೋಣೆಗಳಲ್ಲಿ ಹೆಚ್ಚಾಗಿರುತ್ತದೆ ಎಂಬ ಹಿಂದಿನ ಅಧ್ಯಯನಗಳನ್ನು ಅವರ ವೀಕ್ಷಣೆ ಬೆಂಬಲಿಸುತ್ತದೆ ಎಂದು ಮೊಹ್ರಿರ್ ಹೇಳುತ್ತಾರೆ. ಆದ್ದರಿಂದ, ಹೆಚ್ಚಿನ ಸಂಖ್ಯೆಯ ಕೋವಿಡ್ ರೋಗಿಗಳು ಬರುವ ಆಸ್ಪತ್ರೆಗಳು ಮತ್ತು ಆರೋಗ್ಯ ಸೌಲಭ್ಯಗಳಲ್ಲಿ, ವೈರಸ್‌ನ ಸಾಂದ್ರತೆಯು ಅಧಿಕವಾಗಿರುತ್ತದೆ.

ಅಧ್ಯಯನದ ನೇತೃತ್ವ ವಹಿಸಿರುವ ಟಾಟಾ ಇನ್‌ಸ್ಟಿಟ್ಯೂಟ್ ಫಾರ್ ಜೆನೆಟಿಕ್ಸ್ ಅಂಡ್ ಸೊಸೈಟಿಯ ನಿರ್ದೇಶಕ ಡಾ ರಾಕೇಶ್ ಮಿಶ್ರಾ, ಈ ರೀತಿಯಾಗಿ ಗಾಳಿಯನ್ನು ಮೇಲ್ವಿಚಾರಣೆ ಮಾಡುವುದು ಸೋಂಕಿನ ಸಂಭಾವ್ಯತೆಯನ್ನು ನಿರ್ಣಯಿಸಲು ಸಹಾಯಕವಾಗಬಹುದು ಎಂದು ಹೇಳುತ್ತಾರೆ. ಈ ರೀತಿಯಾಗಿ, ತರಗತಿಯ ಕೊಠಡಿ, ಸಭೆ ಕೊಠಡಿ ಮತ್ತು ಅಂತಹ ಮುಚ್ಚಿದ ಸ್ಥಳಗಳಲ್ಲಿ ಸೋಂಕು ಹರಡುವುದನ್ನು ತಡೆಯುವುದು ಹೇಗೆ ಎಂಬುದರ ಕುರಿತು ನಾವು ಕ್ರಮಗಳನ್ನು ಅಳವಡಿಸಿಕೊಳ್ಳಬಹುದು.