ಚೆನ್ನೈ ಹೊರವಲಯದಲ್ಲಿ ನಿಷ್ಕ್ರಿಯ ಕ್ಷೀಪಣಿ ಪತ್ತೆ | ಯುವಕರು ಕ್ರಿಕೆಟ್ ಆಡುವಾಗ ಪತ್ತೆಯಾದ ಕ್ಷೀಪಣಿ | ಬಾಂಬ್ ನಿಷ್ಕ್ರಿಯ ದಳಕ್ಕೆ ಹಸ್ತಾಂತರ |
ಚೆನ್ನೈ(ಏ.10) : ತಮಿಳುನಾಡಿನ ಚೆನ್ನೈನ ಹೊರವಲಯದಲ್ಲಿ ಯುವಕರಿಗೆ ಮೈದಾನಲ್ಲಿ ಕ್ರಿಕೆಟ್ ಆಡುವಾಗ ನಿಷ್ಕ್ರಿಯ ಕ್ಷಿಪಣಿಯೊಂದು ಸಿಕ್ಕಿದ್ದೂ ಎಲ್ಲರ ಆತಂಕಕ್ಕೆ ಕಾರಣವಾಗಿತ್ತು. ಏಪ್ರಿಲ್ 7ರಂದು ಈ ಘಟನೆ ನಡೆದಿದ್ದು ಕ್ರಿಕೆಡ್ ಆಡುವಾಗ ಯುವಕರು ಸ್ಟಂಪ್ ಹಾಕಲು ಗುಂಡಿ ತೋಡುವಾಗ ಈ ಕ್ಷಿಪಣಿ ಸಿಕ್ಕಿದೆ.
ಕ್ಷಿಪಣಿ ಸಿಗುತ್ತಿದ್ದಂತೆಯೇ ಯುವಕರು ಅದನ್ನು ಒಡೆಯಲು ಪ್ರಯತ್ನಿಸಿದ್ದು ಸ್ಥಳಿಯರು ಅವರನ್ನು ತಡೆದಿದ್ದಾರೆ. ನಂತರ ಗ್ರಾಮಸ್ಥರು ಪೋಲಿಸರಿಗೆ ವಿಷಯ ತಿಳಿಸಿದ್ದಾರೆ. ಕ್ಷಿಪಣಿ ಸ್ಫೋಟಗೊಳ್ಳುವ ಸಾಧ್ಯತೆ ಇದ್ದಿದ್ದರಿಂದ ಪೋಲಿಸರು ಬಾಂಬ್ ನಿಷ್ಕ್ರಿಯ ದಳದವರಿಗೆ ಮಾಹಿತಿ ನೀಡಿದ್ದಾರೆ. ತನಿಖೆಯ ನಂತರ ಈ ಕ್ಷಿಪಣಿಯೂ ಸುಮಾರು 8 ಕೆಜಿ ತೂಕವಿದ್ದು ಒಂದು ಅಡಿ ಅಗಲವಿದೆ.
ಕ್ಷಿಪಣಿಯನ್ನು ಹಾರಿಸಿದಾಗ ಅದು ಸ್ಫೋಟಗೊಳ್ಳದೇ ಹಾಗೆಯೇ ಬಿದ್ದಿರಬಹುದು ಎಂದು ಶಂಕಿಸಲಾಗಿದೆ. ಹಾಗಾಗಿ ಈ ಕ್ಷಿಪಣಿಯನ್ನು ಸರಿಯಾಗಿ ನಿರ್ವಹಿಸದಿದ್ದರೆ ಸ್ಫೋಟಗೊಳ್ಳುವ ಸಾಧ್ಯತೆ ಇದೆ. ಈ ಕ್ಷಿಪಣಿಯನ್ನು ತಜ್ಞರ ತಂಡಕ್ಕೆ ಹಸ್ತಾಂತರಿಸಲಾಗಿದ್ದು ನಂತರ ಧ್ವಂಸ ಮಾಡಲಾಗುವುದು ಎಂದು ಪೋಲಿಸ್ ಅಧಿಕಾರಿಗಳು ತಿಳಿಸಿದ್ದಾರೆ.
