ಮಗುವಿಗೆ ಕಾಂಗ್ರೆಸ್ ಎಂದು ನಾಮಕರಣ!
ತಂದೆಯೊಬ್ಬ ತನ್ನ ಮಗುವಿಗೆ ಕಾಂಗ್ರೆಸ್ ಎಂದು ನಾಮಕರಣ ಮಾಡಿದ್ದಾರೆ. ತಮಾಷೆಯಲ್ಲ... ಇಲ್ಲಿದೆ ವಿವರ
ಉದಯ್‌ಪುರ[ಜ.23]: ರಾಜಸ್ಥಾನ ಮುಖ್ಯಮಂತ್ರಿ ಅಶೋಕ್‌ ಗೆಹ್ಲೋಟ್‌ ಕಚೇರಿಯ ಮಾಧ್ಯಮ ವಿಭಾಗದಲ್ಲಿ ಕೆಲಸ ಮಾಡುವ ನೌಕರರೊಬ್ಬರು ತಮ್ಮ ಮಗುವಿಗೆ ‘ಕಾಂಗ್ರೆಸ್ ಜೈನ್‌’ ಎಂದು ಹೆಸರಿಡುವ ಮೂಲಕ ಪಕ್ಷ ನಿಷ್ಠೆ ಮೆರೆದಿದ್ದಾರೆ.
ವಿನೋದ್‌ ಜೈನ್‌ ಎಂಬವರು 2019ರ ಜುಲೈನಲ್ಲಿ ಹುಟ್ಟಿದ್ದ ತನ್ನ ಮಗುವಿಗೆ ಈ ಹೆಸರು ಇಟ್ಟಿದ್ದು, ಅದೇ ಹೆಸರಿನಲ್ಲಿ ಜನ್ಮ ಪ್ರಮಾಣ ಪತ್ರ ಕೂಡ ಮಾಡಿಸಿಕೊಂಡಿದ್ದಾರೆ.
ನನ್ನ ಕುಟುಂಬ ಕಾಂಗ್ರೆಸ್ ಪಕ್ಷಕ್ಕೆ ನಿಷ್ಠವಾಗಿದ್ದು ಹಾಗಾಗಿ ಮಗನಿಗೆ ಕಾಂಗ್ರೆಸ್ ಎಂದು ಹೆಸರಿಟ್ಟಿದ್ದೇನೆ. ಭವಿಷ್ಯದಲ್ಲಿ ಆತ ಕಾಂಗ್ರೆಸ್ ಸೇರಿ ದೊಡ್ಡ ರಾಜಕಾರಣಿಯಾಗುತ್ತಾನೆ ಎಂದು ವಿನೋದ್‌ ಆಶಾಭಾವನೆ ವ್ಯಕ್ತ ಪಡಿಸಿದ್ದಾರೆ.
Last Updated Jan 23, 2020, 4:03 PM IST
