ಭಾರತೀಯ ರೈಲ್ವೆ ಇದೀಗ ಅಗ್ನಿವೀರರಿಗೂ ಭರ್ಜರಿ ಕೊಡುಗೆಯನ್ನು ನೀಡಿದೆ. ಲೆವಲ್-1 ಹುದ್ದೆಗಳಲ್ಲಿ ಶೇ.10ರಷ್ಟು ಮೀಸಲಾತಿ ಮತ್ತು ಲೆವಲ್-2 ಹಾಗೂ ಗೆಜೆಟೆಡ್ ಅಲ್ಲದ ಹುದ್ದೆಗಳಲ್ಲಿ ಶೇ.5ರಷ್ಟು ಸಮಾನಾಂತರ ಮೀಸಲಾತಿ ಸೇರಿದಂತೆ ಒಟ್ಟು ಶೇ.15ರಷ್ಟು ಮೀಸಲಾತಿ ನೀಡಲು ನಿರ್ಧರಿಸಿದೆ ಎಂದು ಮೂಲಗಳು ತಿಳಿಸಿವೆ.
ನವದೆಹಲಿ: ದೇಶದಲ್ಲೇ ಅತಿ ಹೆಚ್ಚು ಉದ್ಯೋಗಗಳನ್ನು ನೀಡಿರುವ ಭಾರತೀಯ ರೈಲ್ವೆ ಇದೀಗ ಅಗ್ನಿವೀರರಿಗೂ ಭರ್ಜರಿ ಕೊಡುಗೆಯನ್ನು ನೀಡಿದೆ. ಲೆವಲ್-1 ಹುದ್ದೆಗಳಲ್ಲಿ ಶೇ.10ರಷ್ಟು ಮೀಸಲಾತಿ ಮತ್ತು ಲೆವಲ್-2 ಹಾಗೂ ಗೆಜೆಟೆಡ್ ಅಲ್ಲದ ಹುದ್ದೆಗಳಲ್ಲಿ ಶೇ.5ರಷ್ಟು ಸಮಾನಾಂತರ ಮೀಸಲಾತಿ ಸೇರಿದಂತೆ ಒಟ್ಟು ಶೇ.15ರಷ್ಟು ಮೀಸಲಾತಿ ನೀಡಲು ನಿರ್ಧರಿಸಿದೆ ಎಂದು ಮೂಲಗಳು ಗುರುವಾರ ತಿಳಿಸಿವೆ.
ಈ ಮೀಸಲಾತಿಯೂ ಸಹ ಮಾಜಿ ಸೈನಿಕರು, ಪಿಡಬ್ಲ್ಯುಬಿಡಿ (PWBD)ಮತ್ತು ಸಿಸಿಎಎಗಳಿಗೆ (CCAA)ನೀಡುವ ಮೀಸಲಾತಿಯಂತೆಯೇ ಇರಲಿದೆ. ಅಲ್ಲದೇ ಅಗ್ನಿವೀರರಿಗೆ ವಯೋಮಾನದಲ್ಲಿ ಸಡಿಲಿಕೆಯನ್ನು ಸಹ ಘೋಷಿಸಲಾಗಿದ್ದು, ಮೊದಲ ಅಗ್ನಿವೀರ ತಂಡಕ್ಕೆ 5 ವರ್ಷ ಮತ್ತು ಉಳಿದವುಗಳಿಗೆ 3 ವರ್ಷ ಸಡಿಲಿಕೆ ಘೋಷಣೆ ಮಾಡಲಾಗಿದೆ. ಅಲ್ಲದೇ ವಿವಿಧ ಸಮುದಾಯಗಳಿಗೆ ಸಂಬಂಧಿಸಿದಂತೆ ಈ ಸಡಿಲಿಕೆಯಲ್ಲಿ ಬದಲಾವಣೆಯಾಗಲಿದೆ. ಈ ಕುರಿತಾಗಿ ರೈಲ್ವೆ ಬೋರ್ಡ್ (Railway Board) ಈಗಾಗಲೇ ಎಲ್ಲಾ ಪ್ರಧಾನ ವ್ಯವಸ್ಥಾಪಕರಿಗೂ ಪತ್ರ ಬರೆದಿದೆ ಎಂದು ಮೂಲಗಳು ತಿಳಿಸಿವೆ. 4 ವರ್ಷಗಳ ಕಾಲ ಅಗ್ನಿವೀರರಾಗಿ (Agniveer) ಸೇವೆ ಪೂರ್ಣಗೊಳಿಸಿದವರಿಗೆ ಮಾತ್ರ ಈ ಮೀಸಲಾತಿ ಅನ್ವಯವಾಗಲಿದೆ.
ಅಗ್ನಿವೀರ ನೇಮಕಕ್ಕೆ ಆನ್ಲೈನ್ ಪರೀಕ್ಷೆ ಶುರು: ಏ.27ರವರೆಗೆ ದೇಶಾದ್ಯಂತ ಪರೀಕ್ಷೆ
ಕಳೆದ ವರ್ಷ ಕೇಂದ್ರ ಸರ್ಕಾರ ಜಾರಿ ಮಾಡಿದ ಅಗ್ನಿಪಥ (Agnipath)ಯೋಜನೆಯ ಪ್ರಕಾರ ನೇಮಕಗೊಂಡ ಅಗ್ನಿವೀರದಲ್ಲಿ ಶೇ.25ರಷ್ಟು ಮಂದಿ ಸೇನೆಗೆ ನೇಮಕಗೊಂಡರೆ, ಶೇ.75ರಷ್ಟು ಜನರನ್ನು ನಿರ್ಗಮನ ವೇತನದೊಂದಿಗೆ ಹೊರಕಳಿಸಲಾಗುತ್ತದೆ. ಇವರಿಗೆ ನೆರವಾಗಲು ರೈಲ್ವೇ ಇದೀಗ ಮುಂದಾಗಿದೆ.
