ಎಲ್ಲರಂಥಲ್ಲ ಎಲಾನ್ ಮಸ್ಕ್; ಒಂದು ಮಿಲಿಯನ್ ಜನರನ್ನು ಮಂಗಳಗ್ರಹಕ್ಕೆ ಕರೆದೊಯ್ಯುವ ಯೋಜನೆಗೆ ಕೈ ಹಾಕಿರೋ ಭೂಪ!

ಗಡ್ಡೆ ಗೆಣಸು ತಿಂದು ಗುಹೆಗಳಲ್ಲಿ ವಾಸಿಸುತ್ತಿದ್ದ ಮಾನವ ಇಂದು ಬ್ಯಾಹ್ಯಾಕಾಶಕ್ಕೆ ಹಾರುವ ಮಟ್ಟಕ್ಕೆ ಬೆಳೆದು ನಿಂತಿದ್ದಾನೆ. ಪರಿಶೋಧನೆ ಆವಿಷ್ಕಾರ ಬುದ್ಧಿವಂತಿಕೆಯಿಂದ ಬಹಳ ದೂರಕ್ಕೆ ಸಾಗಿಬಂದಿದ್ದಾನೆ. ಕಠಿಣ ಪರಿಶ್ರಮ, ತಾಳ್ಮೆ ಮತ್ತು ಕಲ್ಪನೆಯ ಮೂಲಕ ತಮ್ಮ ಮನಸ್ಸನ್ನು ಕೇಂದ್ರಿಕರಿಸಿದರೆ ಯಾವುದೂ ಅಸಾಧ್ಯವಲ್ಲ ಎಂಬುದನ್ನು ತೋರಿಸಿಕೊಟ್ಟಿದ್ದಾನೆ.

ನಮ್ಮ ಪೂರ್ವಜರು ಬ್ಯಾಹ್ಯಾಕಾಶ, ಗ್ರಹ ನಕ್ಷತ್ರಗಳನ್ನು ಪೂಜ್ಯ ಭಾವನೆಯಿಂದ ನೋಡುತ್ತಿದ್ದರು ಮತ್ತು ಅವು ನಮ್ಮ ಪೂರ್ವಜರ ಸ್ವರ್ಗಗಳೆಂದು ಅಲ್ಲಿಗೆ ಬದುಕಿರುವಾಗಲೇ ತಲುಪುವುದು ಸಾಧ್ಯವಿಲ್ಲ ಎಂದು ನಂಬಿದ್ದರು. ಇಂಥ ಕಾಲದಲ್ಲಿ  ಮುಂದೊಂದು ದಿನ ಮನುಷ್ಯ ಚಂದ್ರನ ಮೇಲೆ ಹೆಜ್ಜೆ ಇಟ್ಟು ಅಲ್ಲೊಂದು ನೆಲೆ ಸ್ಥಾಪಿಸಿ ಅಲ್ಲಿಂದ ಇನ್ನೊಂದು ಗ್ರಹಕ್ಕೆ ಲಗ್ಗೆ ಹಾಕುತ್ತಾನೆ ಎಂದು ಯಾರಾದರೂ ಊಹಿಸಿರಲು ಸಾಧ್ಯವೇ? ಆದರೆ ಇದೀಗ ಅದೆಲ್ಲವೂ ಸಾಧ್ಯವಾಗಿದೆ.

ಚಂದ್ರ ಹಾಗೂ ಮಂಗಳ ಗ್ರಹಗಳು ಭೂಮಿಯಿಂದ ಬಹಳಷ್ಟು ದೂರದಲ್ಲಿವೆ ಅಲ್ಲಿಗೆ ತಲುಪುವುದಿರಲಿ ಅಲ್ಲಿನ ಪ್ರತಿಕೂಲ ವಾತಾವರಣದಲ್ಲಿ ಮನುಷ್ಯ ಬದುಕುವುದೇ ಕಷ್ಟಸಾಧ್ಯ ಆದರೆ ಇಂದು ನಾವು ವಾತಾವರಣದ ಪರಿಸ್ಥಿತಿಗಳನ್ನು ಕಂಡುಹಿಡಿಯಲು ಮಾನವ ರಹಿತ ಉಪಗ್ರಹ ಕಳಿಸಿದ್ದೇವೆ. ಚಂದ್ರ ಮಂಗಳನ ಅಂಗಳದ ವಾತಾವರಣದ ಪರಿಸ್ಥಿತಿಗಳನ್ನು ಅಧ್ಯಯನ ನಡೆಯುತ್ತಿವೆ. ಹೀಗಿರುವಾಗ ಭವಿಷ್ಯದಲ್ಲಿ ಮಂಗಳನ ಅಂಗಳದಲ್ಲಿ ಮಾನವನ ವಾಸ ಅಸಾಧ್ಯವೆಂದು ಈಗಲೂ ಯಾರಾದರೂ ಭಾವಿಸುತ್ತಾರಾ? ನೆವರ್, ಮುಂದೊಂದು ದಿನ ಮನುಷ್ಯ ಇದನ್ನು ಸಾಧಿಸಬಲ್ಲನು. ಇಲ್ಲದಿದ್ರೆ ಸ್ಪೇಸ್ ಎಕ್ಸ್ ಸಂಸ್ಥಾಪಕ ಎಲಾನ್ ಮಸ್ಕ್‌ ಮಂಗಳಗ್ರಹಕ್ಕೆ ಒಂದು ಮಿಲಿಯನ್ ಜನರನ್ನು ಕರೆದೊಯ್ಯುವ ಯೋಜನೆ ಘೋಷಣೆ ಮಾಡುತ್ತಿದ್ದನೆ?

ಹೌದು, ಈ ಕ್ಷಣದ ಜೀವನ, ನೆಲದ ಬಗ್ಗೆ ಚಿಂತಿಸಿದರೆ ಎಲಾನ್ ಮಸ್ಕ್ ಮಾತ್ರ ಭವಿಷ್ಯದ ಮಾನವನ ವಾಸದ ಬಗ್ಗೆ ಚಿಂತಿಸುತ್ತಿದ್ದಾನೆ ಅಲ್ಲದೇ ಈಗಿನಿಂದಲೇ ಸಿದ್ಧತೆ ನಡೆಸಿದ್ದಾನೆ. ಭಾನುವಾರ ಒಂದು ಮಿಲಿಯನ್ ಜನರನ್ನು ಮಂಗಳ ಗ್ರಹಕ್ಕೆ ಸ್ಥಳಾಂತರಿಸುವ ಯೋಜನೆಯನ್ನು ಘೋಷಿಸಿದರು ಎಲಾನ್‌ಮಸ್ಕ್‌ರ ಘೋಷಣೆ ಉಬ್ಬೇರಿಸಿದರು.
 

ಒಂದು ಮಿಲಿಯನ್ ಜನರನ್ನು ಮಂಗಳ ಗ್ರಹಕ್ಕೆ ತಲುಪಿಸಲು ನಾವು ಯೋಜನೆಯನ್ನು ರೂಪಿಸುತ್ತಿದ್ದೇವೆ ಎಂದು X.com ನಲ್ಲಿ ಪೋಸ್ಟ್‌ನಲ್ಲಿ ಮಸ್ಕ್ ಬರೆದುಕೊಂಡಿದ್ದಾರೆ. Civilisation only passes the single-planet Great Filter when Mars can survive even if Earth supply ships stop coming ಎಂದು ಬರೆದುಕೊಂಡಿರುವ ಮಸ್ಕ್ "ಸ್ಟಾರ್‌ಶಿಪ್ ಇದುವರೆಗೆ ನಿರ್ಮಿಸಲಾದ ಅತಿದೊಡ್ಡ ರಾಕೆಟ್ ಮತ್ತು ಅದು ನಮ್ಮನ್ನು ಮಂಗಳ ಗ್ರಹಕ್ಕೆ ಕೊಂಡೊಯ್ಯುತ್ತದೆಯೇ? ಎಂಬ ಪ್ರಶ್ನೆಗೆ ಪ್ರತಿಕ್ರಿಯೆಯಾಗಿ ಅವರು ಹೀಗೆ ಹೇಳಿದ್ದಾರೆ.