ಪ್ರೀತಿಸಿದವಳನ್ನೇ ಕತ್ತುಹಿಸುಕಿ ಕೊಂದ ಪ್ರೇಮಿ; ಸೌಮ್ಯ ಕೊಲೆಯನ್ನು ಎಳೆಎಳೆಯಾಗಿ ಬಿಚ್ಚಿಟ್ಟ ಶಿವಮೊಗ್ಗ ಎಸ್‌ಪಿ
ಕೊಪ್ಪ ಮೂಲದ ಸೌಮ್ಯ ಕೊಲೆ ಪ್ರಕರಣಕ್ಕೆ ತೆರೆ ಬಿದ್ದಿದೆ. ಸಾಗರ ಮೂಲದ ಪ್ರೇಮಿ ತನ್ನ ಪ್ರಿಯತಮೆಯನ್ನು ಹೇಗೆ ಹತ್ಯೆ ಮಾಡಿದ ಎನ್ನುವ ಸಂಗತಿ ಬಯಲಾಗಿದೆ. ಈ ಕುರಿತಾದ ರಿಪೋರ್ಟ್ ಇಲ್ಲಿದೆ ನೋಡಿ.
ಶಿವಮೊಗ್ಗ: ಅವಳು ಬಡವರ ಮನೆಯ ಹುಡುಗಿ. ಚಿಕ್ಕ ವಯಸಿನಲ್ಲೇ ಅಪ್ಪನನ್ನ ಕಳೆದುಕೊಂಡಿದ್ದಳು. ಹೀಗಾಗಿ ಪಿಯುಸಿಗೆ ಓದನ್ನು ಮುಗಿಸಿ ಕಂಪ್ಯೂಟರ್ ಕಲಿತು ಕೆಲಸಕ್ಕೆ ಹೋಗ್ತಿದ್ದಳು. ಇತ್ತಿಚೆಗಷ್ಟೇ ನರ್ಸ್ ಟ್ರೈನಿಂಗ್‌ಗೂ ಸೇರಿಕೊಂಡಿದ್ದಳು. ಆದ್ರೆ ಆವತ್ತು ಟ್ರೈನಿಂಗ್‌ಗೆ ಅಂತ ಹೋದವಳು ಕಾಣೆಯಾಗಿದ್ಲು. ಎಲ್ಲಿ ಹುಡುಕಿದ್ರೂ ಸಿಗೋದಿಲ್ಲ. ನಂತರ ಪೊಲೀಸ್ ಕಂಪ್ಲೆಂಟ್ ಕೂಡ ಕೊಟ್ರು. ಆದ್ರೆ ದೂರು ದಾಖಲಾಗಿ 21 ದಿನಗಳ ನಂತರ ಅವಳು ಸಿಕ್ಕಳು. ಆದ್ರೆ ಜೀವಂತವಾಗಿಯಲ್ಲ, ಬದಲಾಗಿ ಹೆಣವಾಗಿ.
ಯಸ್. ಅವಳನ್ನ ಹಂತಕನ್ನೊಬ್ಬ ಕೊಂದು ಹೂತುಹಾಕಿಬಿಟ್ಟಿದ್ದ. ಹಾಗಾದ್ರೆ ಅವಳನ್ನ ಕೊಂದಿದ್ಯಾರು..? ಒಬ್ಬ ಬಡಹೆಣ್ಣುಮಗಳೊಬ್ಬಳ ದುರಂತ ಅಂತ್ಯದ ಕಥೆಯನ್ನು ಶಿವಮೊಗ್ಗ ಎಸ್‌ಪಿ ಎಳೆಎಳೆಯಾಗಿ ಬಿಚ್ಚಿಟ್ಟಿದ್ದಾರೆ.
