ದೀಪಾವಳಿ ಆಫರ್ ಅಂತಾ ಶಾಪಿಂಗ್ ಮಾಡ್ತೀರಾ ಎಚ್ಚರ; ಡಿಜಿಟಲ್ ಪಾವತಿ ವೇಳೆ ಈ ತಪ್ಪು ಮಾಡಿದ್ರೆ ದಿವಾಳಿಯಾಗೋದು ಗ್ಯಾರಂಟಿ!
Digital Payment Fraud Update ದೀಪಾವಳಿ ಹಬ್ಬದ ಶಾಪಿಂಗ್ ಕ್ರೇಜ್ ಎಲ್ಲೆಡೆ ಕಂಡು ಬರುತ್ತಿದ್ದು, ಇದರೊಂದಿಗೆ ಡಿಜಿಟಲ್ ಪಾವತಿ ವಂಚನೆಯ ಅಪಾಯವೂ ಹೆಚ್ಚಾಗಿದೆ. ಆನ್‌ಲೈನ್ ಶಾಪಿಂಗ್ ವೇಳೆ ಈ ತಪ್ಪುಗಳನ್ನು ಮಾಡಬೇಡಿ, ಡಿಜಿಟಲ್ ಪವಾತಿ ಮುನ್ನ ಏನು ಮಾಡಬೇಕು?
)
Followದೀಪಾವಳಿ ಹಬ್ಬದ ಸೀಸನ್ ಶುರುವಾಗಿದೆ. ಜನರು ಮುಗಿಬಿದ್ದು ಆನ್‌ಲೈನ್ ಮತ್ತು ಆಫ್‌ಲೈನ್ ಶಾಪಿಂಗ್ ಮಾಡುತ್ತಿದ್ದಾರೆ. ಮುಂದಿನ ವಾರವೇ ದೀಪಾವಳಿ ಹಬ್ಬ ಆಚರಿಸಲು ಉತ್ಸುಕರಾಗಿದ್ದಾರೆ. ಎಲ್ಲೆಡೆ ಹಬ್ಬದ ಸಂಭ್ರಮ ಮನೆಮಾಡಿದೆ. ಈಗಿನಿಂದ ಹೊಸ ಬಟ್ಟೆ, ವಸ್ತುಗಳನ್ನು ಖರೀದಿಗಾಗಿ ಆನ್‌ಲೈನ್ ಶಾಪಿಂಗ್ ಕ್ರೇಜ್ ಹೆಚ್ಚಾಗಿದೆ. ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್‌ನಲ್ಲಿ ಮಾರಾಟ ಜೋರಾಗಿದೆ. ಆದರೆ ಇದನ್ನೇ ಬಂಡಾವಳ ಮಾಡಿಕೊಂಡಿರುವ ಆನ್‌ಲೈನ್ ವಂಚಕರು ಕಾದುಕುಳಿತಿದ್ದಾರೆ. ಹಬ್ಬದ ಸೀಸನ್‌ನಲ್ಲಿ ಶಾಪಿಂಗ್ ಮಾಡುವಾಗ ಡಿಜಿಟಲ್ ಪಾವತಿ ವೇಳೆ ವಂಚನೆಯ ಅಪಾಯದ ತಿಳಿಯಿರಿ.
)
ಡಿಜಿಟಲ್ ಪಾವತಿ ವಂಚನೆ:
ಡಿಜಿಟಲ್ ಪಾವತಿಯಲ್ಲಿ UPI ಮೂಲಕ ದೇಶದಲ್ಲಿ ಕ್ರಾಂತಿಕಾರಿ ಬದಲಾವಣೆ ತಂದಿರುವ ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ(NPCI) ಈ ಹಬ್ಬದ ತಿಂಗಳಲ್ಲಿ ಡಿಜಿಟಲ್ ಪಾವತಿ ವಂಚನೆಯ ವಿರುದ್ಧ ಬಳಕೆದಾರರಿಗೆ ಎಚ್ಚರಿಕೆ ನೀಡಿದೆ. ಡಿಜಿಟಲ್ ಪಾವತಿ ವೇಳೆ ವಂಚನೆ ತಪ್ಪಿಸಲು ಕೆಲವು ಸಲಹೆಗಳನ್ನು ನೀಡಿದೆ. ವಂಚಕರು ಆನ್‌ಲೈನ್ ಮೂಲಕ ಹೇಗೆ ವಂಚಿಸುತ್ತಾರೆ? ಗ್ರಾಹಕರು ವಹಿಸಬೇಕಾ ಮುನ್ನೆಚ್ಚರಿಕೆ ಕ್ರಮಗಳೇನು?
ಆಕರ್ಷಕ ಕೊಡುಗೆಗಳು ಮತ್ತು ರಿಯಾಯಿತಿಗಳಿಂದಾಗಿ, ಜನರು ಹಬ್ಬದ ಸಮಯದಲ್ಲಿ ಭಾರಿ ಖರೀದಿಗಳನ್ನು ಮಾಡುತ್ತಾರೆ. ಈ ಪೈಪೋಟಿಯಲ್ಲಿ, ಅನೇಕ ಬಾರಿ ಬಳಕೆದಾರರು ಅಮೆಜಾನ್, ಫ್ಲಿಪ್ ಕಾರ್ಟ್ ಹೆಸರಲ್ಲಿ ನಕಲಿ ವೆಬ್‌ಸೈಟ್‌ಗಳಿರಬಹುದು. ಆ ಬಗ್ಗೆ ಜನರು ಪರಿಶೀಲಿಸುವುದನ್ನು ನಿರ್ಲಕ್ಷಿಸಬಹುದು. ಹೀಗಾಗಿ NPCI ಬಳಕೆದಾರರಿಗೆ ಅಂತಹ ಮಾರಾಟಗಾರರ ಬಗ್ಗೆ ಮತ್ತು ಅವರ ವ್ಯವಹಾರವು ವಿಶ್ವಾಸಾರ್ಹವಲ್ಲದವರ ಬಗ್ಗೆ ಸಾಕಷ್ಟು ಸಂಶೋಧನೆ ಮಾಡಲು ಸಲಹೆ ನೀಡಿದೆ.
NPCI ಪ್ರಕಾರ, ಹಬ್ಬದ ಸಮಯದಲ್ಲಿ, ಜನರು ಶಾಪಿಂಗ್ ಮಾಡುವ ಪ್ರವೃತ್ತಿ ಹೆಚ್ಚಾಗುತ್ತದೆ. ಗ್ರಾಹಕರು ತಾವು ಆರ್ಡರ್ ಮಾಡಿದ್ದನ್ನು ನೆನಪಿಸಿಕೊಳ್ಳುವುದಿಲ್ಲ, ಇದು ಫಿಶಿಂಗ್ ಹಗರಣಗಳಿಗೆ ಬಲಿಯಾಗುವ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಪಾವತಿ ಲಿಂಕ್ ಅನ್ನು ಎರಡು ಬಾರಿ ಪರಿಶೀಲಿಸಲು ಸಲಹೆ ನೀಡಲಾಗಿದೆ. ಇದರಿಂದ ನಕಲಿ ವಿತರಣೆ ಮಾರ್ಪಾಡು ತಪ್ಪಿಸಬಹುದು. ಅಲ್ಲದೆ, ಬಳಕೆದಾರರು ತಮ್ಮ ಖಾತೆಗಳನ್ನು ಹ್ಯಾಕಿಂಗ್‌ನಿಂದ ರಕ್ಷಿಸಲು ಬಲವಾದ, ವಿಶಿಷ್ಟವಾದ ಪಾಸ್‌ವರ್ಡ್‌ಗಳನ್ನು ಬಳಸುವಂತೆ ಸೂಚಿಸಿದೆ.
ಖರೀದಿಗೆ ಮುನ್ನ ಏನು ಮಾಡಬೇಕು?
ಖರೀದಿಗೆ ಮುನ್ನ ಅದು ನಕಲಿಯೋ ಅಸಲಿಯೋ ಎಂಬುದನ್ನು ಪರಿಶೀಲಿಸಿ. ಹಬ್ಬದ ಸಮಯದಲ್ಲಿ 90ರಷ್ಟು ಆಫರ್, ಅಥವಾ ರಿಯಾಯಿತಿ ಎಂದು ವಂಚಿಸಲಾಗುತ್ತೆ. ಕಡಿಮೆ ಬೆಲೆಗೆ ಸಿಗುತ್ತದೆ ಎಂದು ಖರೀದಿಸಲು ಮುಂದಾಗಬೇಡಿ. ನಾಗರಿಕರು ಮತ್ತು ಬಳಕೆದಾರರು ಇಂತಹ ಪ್ಲಾಟ್‌ಫಾರ್ಮ್‌ಗಳ ಬಗ್ಗೆ ಜಾಗರೂಕರಾಗಿರಬೇಕು ಮತ್ತು ನೀವು ಕೇಳದಿರುವಂತಹವುಗಳ ಅಥವಾ ಅನಗತ್ಯವಾಗಿ ಬರುವ ಲಿಂಕ್‌ಗಳ ಮೇಲೆ ಕ್ಲಿಕ್ ಮಾಡದಂತೆ NPCI ಕೇಳಿದೆ. ಅಲ್ಲದೆ, ಈ ಪ್ಲಾಟ್‌ಫಾರ್ಮ್‌ಗಳಲ್ಲಿ ಹೆಚ್ಚು ವೈಯಕ್ತಿಕ ಮಾಹಿತಿಯನ್ನು ಹಂಚಿಕೊಳ್ಳಬೇಡಿ. ಶಾಪಿಂಗ್ ಮಾಲ್‌ಗಳಲ್ಲಿ ವೈ-ಫೈನಂತಹ ಅಸುರಕ್ಷಿತ ಸಾರ್ವಜನಿಕ ನೆಟ್‌ವರ್ಕ್‌ಗಳನ್ನು ಸಹ ಬಳಸುವುದನ್ನು ತಪ್ಪಿಸಲು NPCI ಬಳಕೆದಾರರಿಗೆ ಸಲಹೆ ನೀಡಿದೆ.
