ಹೀಗ್ ಮಾಡಿದರೆ ಸಂಗಾತಿಗೆ ರೊಮ್ಯಾಂಟಿಕ್ ಎನಿಸೋದು ಗ್ಯಾರಂಟಿ!
ಪ್ರೀತಿ ಒಂದು ಅರ್ಥ ಮಾಡಿಕೊಳ್ಳಲಾಗದ ಒಂದು ವಿಚಿತ್ರ ಫೀಲಿಂಗ್. ಪ್ರಣಯ ಸಂಬಂಧದಲ್ಲಿರಲು ಸಾಕಷ್ಟು ತಿಳುವಳಿಕೆ, ಬದ್ಧತೆ, ತ್ಯಾಗಗಳು ಮತ್ತು ರಾಜಿಗಳು ಬೇಕಾಗುತ್ತವೆ. ಆದಾಗ್ಯೂ, ನೀವು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದು, ಉಳಿದ ಜೀವನವನ್ನು ಸುಂದರವಾಗಿ ಕಳಿಯಲು ಬಯಸಿದರೆ, ಆವಾಗ ನೀವು ಒಂದಿಷ್ಟು ಬದಲಾವಣೆಗಳನ್ನು ಜೀವನದಲ್ಲಿ ತರಲೇಬೇಕು. ಅಲ್ಲದೆ, ಸಂಬಂಧದಲ್ಲಿ, ಸಣ್ಣ ವಿಷಯಗಳೂ ಮುಖ್ಯವಾಗುತ್ತವೆ. ಸಣ್ಣ ಸನ್ನೆಗಳು ರೊಮ್ಯಾಂಟಿಕ್ ಜೀವನದ ಕಿಡಿಯನ್ನು ಜೀವಂತವಾಗಿಡಬಹುದು. ಸಂಗಾತಿ ಇಷ್ಟಪಡುವ 8 ಅನಿರೀಕ್ಷಿತ ರೊಮ್ಯಾಂಟಿಕ್ ಕ್ಷಣಗಳು ಇಲ್ಲಿವೆ....
ಸಂಗಾತಿ ಅರ್ಧ ಮಾಡಿ ಬಿಟ್ಟ ಕೆಲಸ ಪೂರ್ತಿ ಮಾಡಿ
ಕೆಲವೊಂದು ಕೆಲಸ ಅವರಿಗೆ ಮಾಡಲು ಇಷ್ಟವಿರುವುದಿಲ್ಲ, ಅಥವಾ ಅದೇ ಮಾಡಿ ಮಾಡಿ ಬೇಜಾರು ಎನಿಸಿರಬಹುದು. ಅಂತಹ ಕೆಲಸವನ್ನು ನೀವು ಮಾಡಿ ಮುಗಿಸಿ. ಇದು ಕೇವಲ ಒಂದು ಬಾರಿ ವಿಷಯವಾಗಿದ್ದರೂ, ಅವರನ್ನು ಅರ್ಥ ಮಾಡಿಕೊಂಡು ನೀವು ಮಾಡಿದಂತಹ ಸಣ್ಣ ಕೆಲಸ ಸಹ ಅವರಿಗೆ ಇಷ್ಟವಾಗುತ್ತದೆ. ಪ್ರೀತಿ ಹೆಚ್ಚುತ್ತದೆ.
ಟ್ರಿಪ್ ಮುಗಿಸಿ ಬರುವಾಗ ಗಿಫ್ಟ್ ತನ್ನಿ
ರಜೆಯಲ್ಲಿ ಎಲ್ಲಿಗಾದರು ಹೋಗಿದ್ದರೆ ಅಥವಾ ಕೆಲಸದ ಪ್ರವಾಸಕ್ಕೆ ಹೋಗಿದ್ದರೆ, ಅಲ್ಲಿಂದ ಮರಳಿ ಬರುವಾಗ ಸಂಗಾತಿಗಾಗಿ ಏನಾದರೂ ಗಿಫ್ಟ್ ತೆಗೆದುಕೊಂಡು ಬರಲು ಮರೆಯಬೇಡಿ. ಇದು ಅವರಿಗೆ ತುಂಬಾ ಸಂತೋಷ ನೀಡುತ್ತದೆ.
ಮೂಡ್ ಆಫ್ ಆಗಿದ್ದರೆ ಖುಷಿಗೊಳಿಸಿ
ಪ್ರತಿಯೊಬ್ಬರಿಗೂ ಕೆಟ್ಟ ದಿನಗಳನ್ನು ಎದುರಿಸುತ್ತಿರುತ್ತಾರೆ. ಬಹುಶಃ ಕೆಲಸದ ಟೆನ್ಷನ್ ಇರಬಹುದು ಅಥವಾ ಬಹುಶಃ ಅವರಿಗೆ ಕೆಲವು ಕೆಟ್ಟ ಸುದ್ದಿಗಳು ಬಂದಿರಬಹುದು. ಇಂತಹ ಸಂದರ್ಭದಲ್ಲಿ ಅವರ ಮೂಡ್ ಸರಿ ಮಾಡಲು ಒಂದು ಒಳ್ಳೆಯ ಹೂಗುಚ್ಛ ಅಥವಾ ಅವರ ನೆಚ್ಚಿನ ಐಸ್ ಕ್ರೀಮ್ ಕೊಟ್ಟು ಅವರನ್ನು ನಗಿಸುವಂತೆ ಮಾಡಬಹುದು.
ಅವರ ಭಾವನೆಗಳನ್ನು ಓದಲು ಪ್ರಯತ್ನಿಸಿ
ಯಾವುದೋ ವಿಷಯ ಸಂಗಾತಿಯನ್ನು ಅಸಮಾಧಾನಗೊಳಿಸಿದೆ ಅಥವಾ ಕೋಪಗೊಳಿಸುತ್ತದೆ ಎಂದು ನಿಮಗೆ ಅನಿಸಿದರೆ, ಅವರ ಭಾವನೆಗಳನ್ನು ಅರ್ಥ ಮಾಡಿಕೊಳ್ಳಲು ಆರಂಭಿಸಿ. ಎಲ್ಲವನ್ನೂ ಅವರು ಹೇಳಿಯೇ ತಿಳಿದುಕೊಳ್ಳಲು ಸಾಧ್ಯವಿಲ್ಲ. ಕೆಲವೊಂದು ವಿಷಯಗಳನ್ನು ನೀವಾಗಿ ತಿಳಿದು ಅವರಿಂದ ಆ ಕೋಪದಿಂದ ಹೊರಬರಲು ಸಹಾಯ ಮಾಡಿದರೆ ಅವರಿಗೂ ಸಂತೋಷವಾಗುತ್ತದೆ.
ಕಿಸ್ ಮಾಡಿ
ಸಂಗಾತಿ ಯಾವುದೋ ಕೆಲಸದಲ್ಲಿ ಇದ್ದಾಗ ಅಥವಾ ಅವರು ಯೋಚನೆಯೇ ಮಾಡಿರದ ಸಮಯದಲ್ಲಿ ಅವರ ಹಣೆಗೆ ಅಥವಾ ಕೆನ್ನೆಗೆ ಸಿಹಿ ಮುತ್ತನ್ನಿಡಿ. ಇದರಿಂದ ಅವರಿಗೆ ಅಚ್ಚರಿಯ ಜೊತೆಗೆ ಖುಷಿಯೂ ಆಗುತ್ತದೆ.
ಬಕೆಟ್ ಲಿಸ್ಟ್ನಲ್ಲಿದ್ದ ಒಂದು ಕನಸನ್ನು ನನಸು ಮಾಡಿ
ಸಂಗಾತಿಗೆ ಹಲವಾರು ಕನಸುಗಳು ಇರಬಹುದು. ತನ್ನ ಬಕೆಟ್ ಲಿಸ್ಟ್ ಕನಸುಗಳ ಬಗ್ಗೆ ನಿಮ್ಮ ಬಳಿಯೂ ಹೇಳಿರಬಹುದು. ಅವುಗಳಲ್ಲಿ ಒಂದನ್ನಾದರೂ ಅವರಿಗೆ ಸರ್ ಪ್ರೈಸ್ ಆಗಿ ಮಾಡಿ. ಅದು ಎಷ್ಟು ಚಿಕ್ಕದಾಗಿದೆ ಅಥವಾ ಎಷ್ಟು ಭವ್ಯವಾಗಿದೆ ಎಂಬುದು ಮುಖ್ಯವಲ್ಲ. ಅವರ ಆಸೆಯನ್ನು ಈಡೇರಿಸುವುದು ಮುಖ್ಯ.
ಅವರ ಹವ್ಯಾಸಗಳ ಬಗ್ಗೆ ಕೇಳಿ
ಅವರ ಸಣ್ಣ ಪುಟ್ಟ ವಿಷಯಗಳ ಬಗ್ಗೆ ಆಸಕ್ತಿ ವಹಿಸುವುದು ಸಹ ಮುಖ್ಯ. ಅಂದರೆ ಅವರಿಗೆ ಏನೆಲ್ಲಾ ಹವ್ಯಾಸಗಳಿವೆ ಎಂಬುದನ್ನು ತಿಳಿದು ಅದಕ್ಕೆ ಬೆಂಬಲ ನೀಡುವುದು. ವಿಶೇಷವಾಗಿ ನೀವು ಈ ಹಿಂದೆ ಹಾಗೆ ಮಾಡಲು ಇಷ್ಟಪಡದಿದ್ದರೆ, ಈ ಬಾರಿ ಅದನ್ನು ಮಾಡುವ ಮೂಲಕ ಸಂಗಾತಿಗೆ ಸರ್ಪ್ರೈಸ್ ನೀಡಿ.
ಅವರನ್ನು ಪಿಕ್ ಮಾಡಿ
ಸಂಗಾತಿಗೆ ಕೆಲಸದಲ್ಲಿ ಒತ್ತಡದ ದಿನವಿರಬಹುದು, ಆದರೆ ಒಂದು ದಿನ ನೀವಾಗಿಯೇ ಅವರ ಆಫೀಸ್ ಬಳಿ ಹೋಗಿ ಅವರನ್ನು ಕರೆದುಕೊಂಡು ಹೋದರೆ, ಅಲ್ಲಿಂದ ಐಸ್ ಕ್ರೀಂ ತಿನ್ನಲು ಹೋದರೆ ಅವರ ಎಲ್ಲಾ ನೋವು ಮರೆತು ಖುಷಿಯಾಗಿರುತ್ತಾರೆ.
ಮನೆಯಲ್ಲಿ ಪಿಕ್ನಿಕ್ ಮಾಡಿ
ಸಂಗಾತಿಯನ್ನು ಆಶ್ಚರ್ಯಗೊಳಿಸಲು ನೀವು ಅಲಂಕಾರಿಕ ರೆಸ್ಟೋರೆಂಟ್ ನಲ್ಲಿ ಸೀಟ್ ಬುಕ್ ಮಾಡಬೇಕು ಎಂದೇನಿಲ್ಲ. ಬದಲಾಗಿ, ಮನೆಯಲ್ಲಿ ಪಿಕ್ನಿಕ್ ಮಾಡಿ ಅವರನ್ನು ಆಶ್ಚರ್ಯಗೊಳಿಸಲು ಪ್ರಯತ್ನಿಸಿ. ನೀವಾಗಿಯೇ ಅವರಿಗೆ ಇಷ್ಟವಾದ ಊಟ ವನ್ನು ತಯಾರಿಸಿ, ಅವರ ನೆಚ್ಚಿನ ವೈನ್ ಮತ್ತು ಸಿಹಿತಿಂಡಿಯನ್ನು ಮಾಡಿ ಖುಷಿ ಪಡಿಸಿ.
ಮಸಾಜ್ ಮಾಡಿ :
ಅವರು ನಿಮಗಾಗಿ ಏನೇನೋ ಮಾಡಿರಬಹುದು. ಇದೀಗ ನಿಮ್ಮ ಸರದಿ ಸಂಗಾತಿ ತಲೆ ನೋವು, ಸೊಂಟ ನೋವು ಎಂದು ಕುಳಿತಾಗ ಅವರಿಗೆ ಮಸಾಜ್ ಮಾಡಿ, ಇದರಿಂದ ನೋವು ನಿವಾರಣೆಯಾಗುತ್ತದೆ. ಜೊತೆಗೆ ಇಬ್ಬರ ಸಂಬಂಧವೂ ಬೆಸೆಯುತ್ತದೆ.