ಸರ್ಕಾರಿ ಬಸ್ಸಿನಲ್ಲಿ ಜನಿಸಿದ ಮಗುವಿಗೆ ಜೀವನಪೂರ್ತಿ ಉಚಿತ ಪ್ರಯಾಣದ ಕೊಡುಗೆ ಕೊಟ್ಟ ಸಾರಿಗೆ ಸಂಸ್ಥೆ!
ಕಾಂಗ್ರೆಸ್ ಸರ್ಕಾರದ ಉಚಿತ ಗ್ಯಾರಂಟಿ ಶಕ್ತಿ ಯೋಜನೆಯಡಿ ಉಚಿತ ಪ್ರಯಾಣ ಮಾಡುತ್ತಿದ್ದ ಗರ್ಭಿಣಿ ಬಸ್‌ನಲ್ಲಿಯೇ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ಹೀಗೆ ಸರ್ಕಾರಿ ಬಸ್ಸಿನಲ್ಲಿ ಜನಿಸಿದ ಹೆಣ್ಣು ಮಗುವಿಗೆ ಜೀವಮಾನವಿಡೀ ಸರ್ಕಾರಿ ಬಸ್‌ನಲ್ಲಿ ಉಚಿತವಾಗಿ ಪ್ರಯಾಣಿಸುವ ಅವಕಾಶ ನೀಡುವುದಾಗಿ ಘೋಷಣೆ ಮಾಡಿದೆ.
)
Followಸರ್ಕಾರಿ ಬಸ್ಸಿನಲ್ಲಿ ಪ್ರಯಾಣ ಮಾಡುತ್ತಿದ್ದ ಗರ್ಭಿಣಿಯೊಬ್ಬರಿಗೆ ಹೊಟ್ಟೆನೋವು ಕಾಣಿಸಿಕೊಂಡಿದೆ. ಸಮೀಪದಲ್ಲಿ ಯಾವುದೇ ಆಸ್ಪತ್ರೆಗಳು ಲಭ್ಯವಿರಲಿಲ್ಲ. ಆದರೆ, ದೇವರು ಆ ಬಸ್ಸಿನಲ್ಲಿ ಮಹಿಳಾ ಕಂಡಕ್ಟರ್ ಕರ್ತವ್ಯದಲ್ಲಿದ್ದರು. ಜೊತೆಗೆ, ಅದೇ ಬಸ್ಸಿನಲ್ಲಿ ನರ್ಸ್ ಕೂಡ ಪ್ರಯಾಣ ಮಾಡುತ್ತಿದ್ದರು. ಹೀಗಾಗಿ, ತುರ್ತು ವೈದ್ಯಕೀಯ ಸೌಲಭ್ಯ ಸಿಗದ ಪರಿಸ್ಥಿತಿಯಲ್ಲಿ, ಇತರೆ ಪ್ರಯಾಣಿಕರನ್ನು ಕೆಳಗಿಳಿಸಿ ಮಹಿಳಾ ಕಂಡಕ್ಟರ್ ಹಾಗೂ ನರ್ಸ್ ಸೇರಿ ಮಹಿಳೆಗೆ ಹೆರಿಗೆ ಮಾಡಿಸಿದ್ದಾರೆ. ಇದರ ಪರಿಣಾಮವಾಗಿ ಗರ್ಭಿಣಿ ಬಸ್ಸಿನಲ್ಲಿ ಮುದ್ದಾದ ಆರೋಗ್ಯವಂತ ಹೆಣ್ಣು ಮಗಿವಿಗೆ ಜನ್ಮ ನೀಡಿದ್ದಾಳೆ.
)
ನಿನ್ನೆ (ಸೋಮವಾರ) ಗದ್ವಾಲ ಡಿಪೋಗೆ ಸೇರಿದ ಆರ್ ಟಿಸಿ ಬಸ್ ವನಪರ್ತಿ ಮಾರ್ಗವಾಗಿ ಹೋಗುತ್ತಿದ್ದಾಗ ಈ ಅನಿರೀಕ್ಷಿತ ಘಟನೆ ನಡೆದಿದೆ. ರಾಖಿ ಪೌರ್ಣಮಿಯಂದು ವನಪರ್ತಿಯ ತುಂಬು ಗರ್ಭಿಣಿ ಸಂಧ್ಯಾ ತನ್ನ ಸಹೋದರರಿಗೆ ರಾಖಿ ಕಟ್ಟಲು ಹೋಗುತ್ತಿದ್ದರು. ಆದರೆ, ಬಸ್‌ನಲ್ಲಿದ್ದಾಗ ಆಕೆಗೆ ಹೊಟ್ಟೆನೋವು ಕಾಣಿಸಿಕೊಂಡಿತು. ಸಮೀಪದಲ್ಲಿ ಆಸ್ಪತ್ರೆ ಇಲ್ಲದ ಕಾರಣ ರಸ್ತೆಬದಿಯಲ್ಲಿ ಬಸ್ ನಿಲ್ಲಿಸಿ ಅದರಲ್ಲಿಯೇ ಹೆರಿಗೆ ಮಾಡಿಸಲಾಗಿದೆ.
ಬಸ್ ಕಂಡಕ್ಟರ್ ಭಾರತಿ ಹಾಗೂ ಪ್ರಯಾಣಿಕರೊಬ್ಬರಾದ ನರ್ಸ್ ಅಲಿವೇಲು ಮಂಗಮ್ಮ ಅವರು ಸಂಧ್ಯಾ ಅವರಿಗೆ ಜನ್ಮ ನೀಡಿದ್ದಾರೆ. ಬಸ್ಸಿನಲ್ಲಿ ಸಮಯಕ್ಕೆ ಸರಿಯಾಗಿ ಕಾರ್ಯನಿರ್ವಹಿಸಿ ಇಬ್ಬರ ಜೀವ ಉಳಿಸಿದ ಕಂಡಕ್ಟರ್ ಹಾಗೂ ನರ್ಸ್ ರನ್ನು ಎಲ್ಲರೂ ಶ್ಲಾಘಿಸುತ್ತಿದ್ದಾರೆ.
ಟಿಎಸ್‌ಆರ್‌ಟಿಸಿ ಬಸ್‌ನಲ್ಲಿ ಮಹಿಳೆಯೊಬ್ಬರು ಮಗುವಿಗೆ ಜನ್ಮ ನೀಡಿದ ವಿಷಯ ಸಾಮಾಜಿಕ ಜಾಲತಾಣಗಳ ಮೂಲಕ ಆರ್‌ಟಿಸಿ ಎಂಡಿ ಸಜ್ಜನರ್‌ಗೆ ತಲುಪಿತ್ತು. ಹೀಗಾಗಿ ಆ ಮಗುವಿನ ಜೊತೆಗೆ ಕಂಡಕ್ಟರ್ ಭಾರತಿ ಮತ್ತು ನರ್ಸ್ ಅಲಿವೇಲು ಅವರಿಗೆ ಬಂಪರ್ ಆಫರ್ ಕೊಟ್ಟಿದ್ದಾರೆ. ಬಸ್ಸಿನಲ್ಲಿ ಜನಿಸಿದ ಹೆಣ್ಣು ಮಗುವಿಗೆ ಜೀವನ ಪರ್ಯಂತ ಸರ್ಕಾರಿ ಬಸ್‌ನಲ್ಲಿ ಉಚಿತ ಪ್ರಯಾಣ ಸೌಲಭ್ಯ ಕಲ್ಪಿಸಲಾಗುವುದು ಎಂದು ಘೋಷಣೆ ಮಾಡಿದ್ದಾರೆ. ಇನ್ನು ತೆಲಂಗಾಣದ ಡೀಲಕ್ಸ್ ಮತ್ತು ಸೂಪರ್ ಐಷಾರಾಮಿ ಬಸ್‌ಗಳಲ್ಲಿ ಒಂದು ವರ್ಷದವರೆಗೆ ಕಂಡಕ್ಟರ್ ಮತ್ತು ನರ್ಸ್ ಕೂಡ ಉಚಿತವಾಗಿ ಪ್ರಯಾಣಿಸಬಹುದು ಎಂದು ಅವರು ಹೇಳಿದರು. ಜೊತೆಗೆ ಇದೇ ವೇಳೆ ಟಿಎಸ್‌ಆರ್‌ಟಿಸಿ ಎಂಡಿ ಸಜ್ಜನರ್ ಅವರು, ಕಂಡಕ್ಟರ್ ಭಾರತಿ ಮತ್ತು ಅಲಿವೇಲು ಅವರಿಗೆ ಒಂದು ವರ್ಷದ ಉಚಿತ ಬಸ್ ಪಾಸ್‌ಗಳನ್ನು ಹಸ್ತಾಂತರಿಸಿದರು.
ಇನ್ನುಮುಂದೆ ಟಿಎಸ್‌ಆರ್‌ಟಿಸಿ ಬಸ್ಸಿನಲ್ಲಿ ಜನಿಸಿದ ಯಾವುದೇ ಹೆಣ್ಣು ಮಗುವಿಗೆ ಆರ್‌ಟಿಸಿ ಬಸ್ಸಿನಲ್ಲಿ ಜೀವಮಾನದ ಉಚಿತ ಪ್ರಯಾಣಕ್ಕೆ ಬಸ್ ಪಾಸ್ ನೀಡಲು ಆರ್‌ಟಿಸಿ ಸಂಸ್ಥೆ ನಿರ್ಧರಿಸಿದೆ ಎಂದು ಸಜ್ಜನರ್ ಹೇಳಿದರು. ಹಾಗಾಗಿ ಗದ್ವಾಲ ಬಸ್ಸಿನಲ್ಲಿ ಜನಿಸಿದ ಮಗುವಿಗೆ ಈ ಅಪರೂಪದ ಅವಕಾಶ ಕಲ್ಪಿಸಲಾಗಿದೆ ಎಂದರು.
ಟಿಎಸ್‌ಆರ್‌ಟಿಸಿ ವ್ಯವಸ್ಥಾಪಕ ನಿರ್ದೇಶಕ ಸಜ್ಜನರ್ ಅವರು, ಬಸ್ ಚಾಲಕ ಅಂಜಿ, ಕಂಡಕ್ಟರ್ ಭಾರತಿ ಮತ್ತು ನರ್ಸ್ ಅಲಿವೇಲು ಮಂಗಮ್ಮ ಅವರನ್ನು ಹೈದರಾಬಾದ್‌ ಕರೆಸಿಕೊಂಡು ಸನ್ಮಾನಿಸಿದರು. ಬಸ್ ಭವನದಲ್ಲಿ ಟಿಎಸ್ ಆರ್ ಟಿಸಿಯ ಉನ್ನತಾಧಿಕಾರಿಗಳ ನಡುವೆ ಸನ್ಮಾನಿಸಲಾಯಿತು. ಆರ್‌ಟಿಸಿ ಚಾಲಕ ಮತ್ತು ಕಂಡಕ್ಟರ್‌ಗೆ ನಗದು ಉಡುಗೊರೆ ನೀಡಿದ ಎಂಡಿ ಅವರು ಗದ್ವಾಲ ಆರ್‌ಟಿಸಿ ಡಿಪೋ ವ್ಯವಸ್ಥಾಪಕ ಮುರಳಿಕೃಷ್ಣ ಅವರಿಗೆ ಶಿಶು ಮತ್ತು ನರ್ಸ್‌ಗೆ ಉಚಿತ ಪ್ರಯಾಣದ ಪಾಸ್‌ಗಳನ್ನು ನೀಡುವಂತೆ ಸೂಚಿಸಿದರು.
