ಹಸಿ ಮತ್ತು ಒಣ ದ್ರಾಕ್ಷಿ: ಉತ್ತಮ ಆರೋಗ್ಯಕ್ಕಾಗಿ ನಿಮ್ಮ ಆಯ್ಕೆ ಯಾವುದು?

ದ್ರಾಕ್ಷಿಗಳು ಎಲ್ಲಾ ವಯಸ್ಸಿನ ಜನರು ಇಷ್ಟಪಡುವ ಸಿಹಿ ಸೀಸನಲ್ ಹಣ್ಣು. ಒಣ ದ್ರಾಕ್ಷಿಯು ಹಣ್ಣಿನ ಒಣಗಿದ ರೂಪ. ಒಣದ್ರಾಕ್ಷಿಯು ಒಂದು ಜನಪ್ರಿಯ ಡ್ರೈ ಫ್ರೂಟ್ ಆಗಿದ್ದು, ಆಹಾರಗಳನ್ನು ಸಿಹಿಗೊಳಿಸಲು ಅಥವಾ ಅನೇಕ ವೇಳೆ ಸಿಹಿಯನ್ನು ನೀಡಲು ಡೆಸರ್ಟ್ಗಳಿಗೆ ಸೇರಿಸಲಾಗುತ್ತದೆ. ದ್ರಾಕ್ಷಿ ವರ್ಸಸ್ ಒಣದ್ರಾಕ್ಷಿಯ ವಿಷಯಕ್ಕೆ ಬಂದರೆ, ಯಾವುದು ಆರೋಗ್ಯಕರವಾಗಿರುತ್ತದೆ ಎಂಬುದನ್ನು ನೋಡೋಣ.

ದ್ರಾಕ್ಷಿ ಅಥವಾ ಒಣದ್ರಾಕ್ಷಿ?
ದ್ರಾಕ್ಷಿಯಲ್ಲಿ ಶೇ.80ರಷ್ಟು ನೀರಿದ್ದರೆ, ಒಣದ್ರಾಕ್ಷಿಯಲ್ಲಿ ಕೇವಲ ಶೇ.15ರಷ್ಟು ಮಾತ್ರ ಇರುತ್ತದೆ. ದ್ರಾಕ್ಷಿಗೆ ಹೋಲಿಸಿದರೆ ಒಣದ್ರಾಕ್ಷಿಯಲ್ಲಿ ಮೂರು ಪಟ್ಟು ಆ್ಯಂಟಿಆಕ್ಸಿಡೆಂಟ್ ಗುಣವಿದೆ. ದ್ರಾಕ್ಷಿಯಲ್ಲಿ ಒಣದ್ರಾಕ್ಷಿಗಿಂತ ಹೆಚ್ಚಿನ ವಿಟಮಿನ್ಗಳು ಇರುತ್ತವೆ. ದ್ರಾಕ್ಷಿಯಲ್ಲಿ ವಿಟಮಿನ್ ಕೆ, ಇ, ಸಿ, ಬಿ1 ಮತ್ತು ಬಿ2 ಇರುತ್ತದೆ.

ಒಣದ್ರಾಕ್ಷಿ ಮತ್ತು ದ್ರಾಕ್ಷಿಯ ವಿಧಗಳು
ಭಾರತದಲ್ಲಿ ಸಾಮಾನ್ಯವಾಗಿ ಹಸಿರು, ಕಪ್ಪು ಮತ್ತು ಕೆಂಪು ದ್ರಾಕ್ಷಿ ದೊರೆಯುತ್ತವೆ. ರೆಸ್ವೆರಾಟ್ರೊಲ್ ಒಂದು ಉತ್ಕರ್ಷಣ ನಿರೋಧಕವಾಗಿದ್ದು, ಇದು ಕೆಂಪು ದ್ರಾಕ್ಷಿಯಲ್ಲಿ ದೊಡ್ಡ ಪ್ರಮಾಣದಲ್ಲಿ ಕಂಡುಬರುತ್ತದೆ. 

ಈ ಸಂಯುಕ್ತವು ರಕ್ತದೊತ್ತಡವನ್ನು ಕಡಿಮೆ ಮಾಡಲು ಮತ್ತು ಹೃದಯ ರೋಗಗಳ ಅಪಾಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಅದೇ ರೀತಿ,  ಸುಲಭವಾಗಿ ಭಾರತದಲ್ಲಿ ಗೋಲ್ಡನ್, ಗ್ರೀನ್ ಮತ್ತು ಕಪ್ಪು ಒಣದ್ರಾಕ್ಷಿಯನ್ನು ಪಡೆಯಬಹುದು. ಗೋಲ್ಡನ್ ಒಣದ್ರಾಕ್ಷಿಯು ಇತರೆ ಯಾವುದೇ ರೂಪಾಂತರಗಳಿಗಿಂತ ಹೆಚ್ಚು ಫ್ಲೇವನಾಯ್ಡ್‌ಗಳನ್ನು ಹೊಂದಿರುವುದರಿಂದ ಇದು ಅತ್ಯಂತ ಆರೋಗ್ಯಕರ.

ಆದರೆ,ದ್ರಾಕ್ಷಿಗಿಂತ ಒಣ ದ್ರಾಕ್ಷಿಯಲ್ಲಿ ಹೆಚ್ಚಿನ ಕ್ಯಾಲೋರಿಗಳು ಇರುತ್ತದೆ. ದ್ರಾಕ್ಷಿಯನ್ನು ಒಣಗಿಸುವ ಪ್ರಕ್ರಿಯೆಯಲ್ಲಿ, ಆಂಟಿ ಆಕ್ಸಿಡೆಂಟುಗಳು ಮತ್ತು ಸಕ್ಕರೆಯ ಸಾಂದ್ರತೆ ಇದ್ದು, ಇದು ಕ್ಯಾಲೋರಿಗಳ ರೂಪ ಪಡೆಯುತ್ತದೆ.

ಅರ್ಧ ಕಪ್ ಒಣದ್ರಾಕ್ಷಿಯಲ್ಲಿ ಸುಮಾರು 250 ಕ್ಯಾಲೋರಿಗಳು ಇರುತ್ತವೆ, ಅದೇ ದ್ರಾಕ್ಷಿಯಲ್ಲಿ ಕೇವಲ 30 ಕ್ಯಾಲೋರಿಗಳು ಮಾತ್ರ ಇರುತ್ತವೆ.

ಕೆಲವು ಹೆಚ್ಚುವರಿ ಪೋಷಕಾಂಶಗಳು ಬೇಕೆ? ಒಣದ್ರಾಕ್ಷಿ ಸೇವಿಸಿ
ಒಣದ್ರಾಕ್ಷಿಯಲ್ಲಿ ನಾರಿನಂಶ, ಪೊಟಾಶಿಯಂ, ಕಬ್ಬಿಣಾಂಶ ಮತ್ತು ಅವಶ್ಯಕ ಖನಿಜಾಂಶಗಳು ಇವೆ. ಒಣದ್ರಾಕ್ಷಿಯಲ್ಲಿ ಟಾರ್ಟಾರಿಕ್ ಆಮ್ಲ ಎಂಬ ಸಂಯುಕ್ತವಿದ್ದು, ಇದು ಉರಿಯೂತ ಶಮನಕಾರಿ ಗುಣಗಳನ್ನು ಹೊಂದಿದೆ.

ಟಾರ್ಟಾರಿಕ್ ಆಮ್ಲವು ಕರುಳಿನ ಕಾರ್ಯವನ್ನು ಸುಧಾರಿಸುತ್ತದೆ ಮತ್ತು ಕರುಳಿನಲ್ಲಿ ಬ್ಯಾಕ್ಟೀರಿಯಾಗಳ ಸಮತೋಲನವನ್ನು ಕಾಪಾಡಲು ಸಹಾಯ ಮಾಡುತ್ತದೆ ಎಂದು ಸಂಶೋಧನೆಗಳು ತೋರಿಸಿವೆ.

ಉತ್ತಮ ತ್ವಚೆ ಬೇಕೆ? 
ದ್ರಾಕ್ಷಿಯಲ್ಲಿ ಆ್ಯಂಟಿಆಕ್ಸಿಡೆಂಟ್ ಮತ್ತು ವಿಟಮಿನ್ ಸಿ ಅಂಶವು ಇವೆ. ಈ ಎರಡೂ ಪೋಷಕಾಂಶಗಳು ಚರ್ಮದ ಕೋಶಗಳನ್ನು ಆರೋಗ್ಯಕರವಾಗಿಡಲು ಸಹಾಯ ಮಾಡುತ್ತವೆ ಮತ್ತು  ಚರ್ಮವನ್ನು ಕ್ಯಾನ್ಸರ್ ಉಂಟು ಮಾಡುವ ನೇರಳಾತೀತ ವಿಕಿರಣದಿಂದ ರಕ್ಷಿಸುತ್ತದೆ. ದ್ರಾಕ್ಷಿಯನ್ನು ಹಲವು ಮನೆಮದ್ದುಗಳು ಮತ್ತು ಫೇಸ್‌ಪ್ಯಾಕ್‌ಗಳಲ್ಲಿ ಬಳಸಲಾಗುತ್ತದೆ, ಏಕೆಂದರೆ ಇದು ಕಪ್ಪು ಕಲೆ ಮತ್ತು ಸುಕ್ಕುಗಳನ್ನು ಕಡಿಮೆ ಮಾಡುತ್ತದೆ.