ಸೆಹ್ವಾಗ್, ಯುವಿ, ಪಾಂಡ್ಯ, ಧೋನಿಯೂ ಮಾಡದ ಅಪರೂಪದ ರೆಕಾರ್ಡ್ ವೇಗಿ ಅಗರ್ಕರ್ ಹೆಸರಿನಲ್ಲಿದೆ..!
ಬೆಂಗಳೂರು: ಕ್ರಿಕೆಟ್‌ನಲ್ಲಿ ಪ್ರತಿದಿನ ಒಂದಲ್ಲ ಒಂದು ರೆಕಾರ್ಡ್ ನಿರ್ಮಾಣವಾಗುತ್ತವೆ, ಇನ್ನೊಮ್ಮೆ ಆ ರೆಕಾರ್ಡ್‌ಗಳು ಬ್ರೇಕ್ ಆಗುತ್ತವೆ. ಕಳೆದ 20 ವರ್ಷಗಳ ಹಿಂದೆ ನಿರ್ಮಾಣವಾಗಿದ್ದ ಒಂದು ರೆಕಾರ್ಡ್ ಅನ್ನು ಟೀಂ ಇಂಡಿಯಾ ಬ್ಯಾಟ್ಸ್‌ಮನ್‌ಗಳು ಬ್ರೇಕ್ ಮಾಡಲು ಸಾಧ್ಯವಾಗಿಲ್ಲ.
ಹೌದು, ಏಕದಿನ ಕ್ರಿಕೆಟ್‌ನಲ್ಲಿ ಅತಿವೇಗವಾಗಿ ಅರ್ಧಶತಕ ಸಿಡಿಸಿದ ಭಾರತೀಯ ಬ್ಯಾಟ್ಸ್‌ಮನ್ ಎನ್ನುವ ದಾಖಲೆ ಇಂದಿಗೂ(ಡಿ.14-2020) ಒಬ್ಬ ಬೌಲರ್‌ ಹೆಸರಿನಲ್ಲಿದೆ. ಸ್ಪೋಟಕ ಬ್ಯಾಟ್ಸ್‌ಮನ್‌ಗಳಾದ ವಿರೇಂದ್ರ ಸೆಹ್ವಾಗ್, ಎಂ ಎಸ್ ಧೋನಿ, ಯುವರಾಜ್ ಸಿಂಗ್, ಹಾರ್ದಿಕ್ ಪಾಂಡ್ಯಗೆ ಮಾಡಲಾಗದ ದಾಖಲೆ ಟೀಂ ಇಂಡಿಯಾ ಮಾಜಿ ವೇಗಿ ಅಜಿತ್ ಅಗರ್ಕರ್ ಹೆಸರಿನಲ್ಲಿದೆ. ಇಂದಿಗೆ(ಡಿ.14-2020) ಸರಿಯಾಗಿ 20 ವರ್ಷಗಳ ಹಿಂದೆ ಅಜಿತ್ ಅಗರ್ಕರ್ ಭಾರತ ಪರ ಏಕದಿನ ಕ್ರಿಕೆಟ್‌ನಲ್ಲಿ ಅತಿವೇಗದ ಅರ್ಧಶತಕ ಬಾರಿಸಿದ್ದರು. ಭಾರತ ಪರ ಅತಿವೇಗವಾಗಿ ಅರ್ಧಶತಕ ಬಾರಿಸಿದ ಟಾಪ್ 5 ಆಟಗಾರರ ಪಟ್ಟಿ ಇಲ್ಲಿದೆ ನೋಡಿ.
5. ಕಪಿಲ್ ದೇವ್: 22 ಎಸೆತ
1983ರ ಏಕದಿನ ವಿಶ್ವಕಪ್‌ನಲ್ಲಿ ನಾಯಕರಾಗಿದ್ದ ಕಪಿಲ್ ದೇವ್ ವೆಸ್ಟ್‌ ಇಡೀಸ್‌ ವಿರುದ್ದ ಕೇವಲ 22 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದ್ದರು.
4.ವಿರೇಂದ್ರ ಸೆಹ್ವಾಗ್: 22 ಎಸೆತ
ವಿಸ್ಪೋಟಕ ಬ್ಯಾಟ್ಸ್‌ಮನ್ ಸೆಹ್ವಾಗ್, 2001ರಲ್ಲಿ ಕೀನ್ಯಾ ವಿರುದ್ದ ನಡೆದ ಪಂದ್ಯದಲ್ಲಿ ಕೇವಲ 22 ಎಸೆತಗಳಲ್ಲಿ ಅರ್ಧಶತಕ ಪೂರೈಸುವ ಮೂಲಕ ಕಪಿಲ್ ದೇವ್ ದಾಖಲೆ ಸರಿಗಟ್ಟಿದ್ದರು.
3. ರಾಹುಲ್ ದ್ರಾವಿಡ್: 22 ಎಸೆತ
'ದ ವಾಲ್‌' ಖ್ಯಾತಿಯ ದ್ರಾವಿಡ್ 2003ರಲ್ಲಿ ನ್ಯೂಜಿಲೆಂಡ್ ವಿರುದ್ಧದ ಪಂದ್ಯದಲ್ಲಿ ಕೇವಲ 22 ಎಸೆತಗಳಲ್ಲಿ ಫಿಫ್ಟಿ ಬಾರಿಸಿ ಎಲ್ಲರು ಹುಬ್ಬೇರಿಸುವಂತೆ ಮಾಡಿದ್ದರು.
2. ಯುವರಾಜ್ ಸಿಂಗ್: 22 ಎಸೆತ
ಸಿಕ್ಸರ್ ಕಿಂಗ್ ಯುವರಾಜ್ ಸಿಂಗ್ 2004ರಲ್ಲಿ ಬಾಂಗ್ಲಾದೇಶ ವಿರುದ್ದ ನಡೆದ ಪಂದ್ಯದಲ್ಲಿ ಕೇವಲ 22 ಎಸೆತಗಳಲ್ಲಿ 50 ರನ್ ಚಚ್ಚುವುದರ ಮೂಲಕ ಮೇಲಿನ ಮೂವರು ಬ್ಯಾಟ್ಸ್‌ಮನ್‌ಗಳ ದಾಖಲೆ ಸರಿಗಟ್ಟಿದ್ದರು.
1. ಅಜಿತ್ ಅಗರ್ಕರ್: 21 ಎಸೆತ
ಅಚ್ಚರಿಯಾದರೂ ಸತ್ಯ, ಅಜಿತ್ ಅಗರ್ಕರ್, 2000ನೇ ಇಸವಿಯಲ್ಲಿ ಜಿಂಬಾಬ್ವೆ ವಿರುದ್ಧ ರಾಜ್‌ಕೋಟ್‌ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಕೇವಲ 21 ಎಸೆತಗಳಲ್ಲಿ ಅರ್ಧಶತಕ ಬಾರಿಸಿ ಭಾರತ ಪರ ದಾಖಲೆ ನಿರ್ಮಿಸಿದ್ದ, ಇದಾಗಿ 20 ವರ್ಷ ಕಳೆದರೂ ಆ ದಾಖಲೆ ಅಗರ್ಕರ್ ಹೆಸರಿನಲ್ಲಿಯೇ ಇದೆ.
