IPL Auction: 10 ಫ್ರಾಂಚೈಸಿಗಳ ಮುಂದಿರುವ ಗುರಿ ಏನು? ಆರ್‌ಸಿಬಿ ಟಾರ್ಗೆಟ್‌ ಏನಿರಬಹುದು?

ಹಾಲಿ ಚಾಂಪಿಯನ್ ಚೆನ್ನೈ ಹೆಚ್ಚೂ ಕಡಿಮೆ ಕಳೆದ ಬಾರಿ ತಂಡವನ್ನೇ ಉಳಿಸಿಕೊಂಡಿದೆ. ಇದರ ಹೊರತಾಗಿಯೂ ತಂಡಕ್ಕೆ ಮ್ಯಾಚ್ ವಿನ್ನರ್ ಆಲ್ರೌಂಡರ್ ಆಗತ್ಯವಿದೆ. ಭಾರತೀಯ ಬ್ಯಾಟರ್, ವಿದೇಶಿ ವೇಗಿ ಮೇಲೆ ತಂಡ ಕಣ್ಣಿಟ್ಟಿದೆ.

ಡೆಲ್ಲಿ ಕ್ಯಾಪಿಟಲ್ಸ್ ಕಳೆದ ಬಾರಿಯ 9 ಆಟಗಾರರನ್ನು ತಂಡದಿಂದ ಕೈಬಿಟ್ಟಿದೆ. 2024ರಲ್ಲಿ ರಿಷಭ್ ಪಂತ್ ಆಡುವ ಸಾಧ್ಯತೆಯಿದ್ದರೂ ಮೀಸಲು ವಿಕೆಟ್ ಕೀಪರ್ ತಂಡಕ್ಕೆ ಅತ್ಯಗತ್ಯ. ಭಾರತೀಯ ವೇಗಿ, ವಿದೇಶಿ ಹಾಗೂ ಭಾರತೀಯ ಬ್ಯಾಟರ್‌ಗಳು ಕೂಡಾ ತಂಡಕ್ಕೆ ಬೇಕಾಗಿದ್ದಾರೆ.
 

ಹಾರ್ದಿಕ್ ಮುಂಬೈ ಸೇರಿರುವ ಕಾರಣ ಅವರ ಸ್ಥಾನ ತುಂಬಬಲ್ಲ ಆಲ್ರೌಂಡರನ್ನು ಗುಜರಾತ್ ಹುಡುಕುತ್ತಿದೆ. ಮೀಸಲು ವಿಕೆಟ್ ಕೀಪರ್ ಮೇಲೂ ತಂಡ ಕಣ್ಣಿಟ್ಟಿದ್ದು, ಮಧ್ಯಮ ಕ್ರಮಾಂಕದ ಬ್ಯಾಟರ್ ಜೊತೆಗೆ ದೇಸಿ ಹಾಗೂ ವಿದೇಶಿ ವೇಗಿಗಳೂ ತಂಡಕ್ಕೆ ಅಗತ್ಯವಿದ್ದಾರೆ.

ಪ್ರಮುಖ ವೇಗಿಗಳನ್ನೆಲ್ಲಾ ತಂಡದಿಂದ ಕೈಬಿಟ್ಟಿರುವ ಕೋಲ್ಕತಾಕ್ಕೆ ಹರಾಜಿನಲ್ಲಿ ಭಾರತ ಹಾಗೂ ವಿದೇಶಿ ವೇಗಿಗಳನ್ನು ಖರೀದಿಸುವುದು ಪ್ರಮುಖ ಗುರಿ. ಮೀಸಲು ವಿಕೆಟ್ ಕೀಪರ್, ಆಲ್ರೌಂಡರ್ ಹೊಣೆ ನಿಭಾಯಿಸಬಲ್ಲ ಆಟಗಾರರೂ ತಂಡಕ್ಕೆ ಅತ್ಯಗತ್ಯ.
 

ತಂಡದ ಬಳಿ ಇತರೆಲ್ಲಾ ತಂಡಕ್ಕಿಂತ ಕನಿಷ್ಠ ಅಂದರೆ ₹13.15 ಕೋಟಿ ಇದೆ. ಇಷ್ಟರಲ್ಲೇ ಮಧ್ಯಮ ಕ್ರಮಾಂಕದ ಬ್ಯಾಟರ್, ವೇಗದ ಬೌಲಿಂಗ್ ಆಲ್ರೌಂಡರ್, ತಜ್ಞ ವೇಗಿಯನ್ನು ತಂಡ ಖರೀದಿಸಬೇಕಿದೆ.
 

ಹಾರ್ದಿಕ್ ಮರಳಿದ್ದರಿಂದ ತಂಡ ಬಲಿಷ್ಠವಾಗಿ ತೋರುತ್ತಿದ್ದರೂ ತಜ್ಞ ವೇಗಿಗಳ ಕೊರತೆ ಎದುರಾಗಬಹುದು. ಹೀಗಾಗಿ ಮುಂಚೂಣಿ ವೇಗಿಗಳ ಹುಡುಕಾಟದಲ್ಲಿದೆ. ಸ್ಪಿನ್ ಆಲ್ರೌಂಡರ್ ಕೂಡಾ ತಂಡದ ಮುಂದಿರುವ ಪ್ರಮುಖ ಗುರಿ.
 

ತಂಡದ ಬಳಿ ₹29.1 ಕೋಟಿ ಇದ್ದು, 8 ಆಟಗಾರರು ಅಗತ್ಯವಿದೆ. ತಂಡಕ್ಕೆ ಅಗ್ರ, ಮಧ್ಯಮ ಕ್ರಮಾಂಕದ ದೇಸಿ, ವಿದೇಶಿ ಬ್ಯಾಟರ್ ಅಗತ್ಯವಿದ್ದು, ಕೆಲ ತಜ್ಞ ಭಾರತೀಯ ವೇಗಿಗಳು, ಆಲ್ರೌಂಡರ್‌ಗಳು ಬೇಕಾಗಿದ್ದಾರೆ.
 

ರಾಜಸ್ಥಾನ ದೇಸಿ ಬೌಲಿಂಗ್ ಆಲ್ರೌಂಡರ್ ಹಾಗೂ ಮಧ್ಯಮ ಕ್ರಮಾಂಕದ ಬ್ಯಾಟರ್ ಕೊರತೆ ಎದುರಿಸುತ್ತಿದೆ. ಆದರೆ ಒಟ್ಟು 8 ಆಟಗಾರರನ್ನು ಖರೀದಿಸಲು ತಂಡದ ಬಳಿ ಕೇವಲ ₹14.5 ಕೋಟಿ ಇದೆ. ಹೀಗಾಗಿ ಹರಾಜಿನಲ್ಲಿ ಅಳೆದುತೂಗಿ ಖರೀದಿ ಮಾಡಬೇಕಾಗಬಹುದು.
 

ಬ್ಯಾಟಿಂಗ್ ವಿಭಾಗ ಈ ಬಾರಿಯೂ ಉತ್ತಮವಾಗಿರುವಂತೆ ತೋರುತ್ತಿದ್ದರೂ, ಮಧ್ಯಮ ಕ್ರಮಾಂಕದ ಬ್ಯಾಟರ್ ಅಗತ್ಯವಿದೆ. ತಂಡಕ್ಕೆ ಪ್ರಮುಖವಾಗಿ ಬೇಕಿರುವುದು ವೇಗಿಗಳು. ಮುಂಚೂಣಿ ಸ್ಪಿನ್ನರ್ ಕೊರತೆಯೂ ತಂಡಕ್ಕಿದ್ದು, ಮೀಸಲು ವಿಕೆಟ್ ಕೀಪರ್ ಕೂಡಾ ಬೇಕಿದೆ.
 

ತಂಡದ ಬಳಿ ಸಾಕಷ್ಟು ಹಣವಿದ್ದು, ಪ್ರಮುಖ ಗುರಿ ವಿಶ್ವ ಶ್ರೇಷ್ಠ ಸ್ಪಿನ್ನರ್ ಹಾಗೂ ವಿದೇಶಿ ಬ್ಯಾಟರ್. ಪಂದ್ಯ ಗೆಲ್ಲಿಸಬಲ್ಲ ಆಲ್ರೌಂಡರ್ ಕೂಡಾ ತಂಡಕ್ಕೆ ಅತ್ಯಗತ್ಯ. ಮುಖ್ಯವಾಗಿ ಭಾರತೀಯ ವೇಗಿಯ ಕೊರತೆ ಎದುರಿಸುತ್ತಿದೆ.