IPL 2025: ಈ ಬಾರಿ ಅಬ್ಬರಿಸಲು ರೆಡಿಯಾಗಿದ್ದಾರೆ ಟಾಪ್ 5 ಫಾರಿನ್ ಸ್ಟಾರ್ಸ್!
ಬೆಂಗಳೂರು: 2025ರ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿ ಆರಂಭಕ್ಕೆ ಕೆಲವೇ ದಿನಗಳು ಬಾಕಿ ಉಳಿದಿವೆ. ಈ ಬಾರಿಯ ಐಪಿಎಲ್ನಲ್ಲಿ ಕೆಲವು ವಿದೇಶಿ ಆಟಗಾರರನ್ನು ಅಬ್ಬರಿಸಲು ರೆಡಿಯಾಗಿದ್ದಾರೆ. ಅಷ್ಟಕ್ಕೂ ಯಾರು ಆ ಆಟಗಾರರು ಎನ್ನುವ ನಿಮ್ಮ ಕುತೂಹಲಕ್ಕೆ ಇಲ್ಲಿದೆ ನೋಡಿ ಉತ್ತರ.
Jos Buttler (Photo: X/@englandcricket)
1. ಜೋಸ್ ಬಟ್ಲರ್
ತಂಡ: ಗುಜರಾತ್
ಕೆಲ ವರ್ಷಗಳಿಂದ ರಾಜಸ್ಥಾನ ಪರ ಧೂಳೆಬ್ಬಿಸುತ್ತಿದ್ದ ಬಟ್ಲರ್, ಈ ಬಾರಿ ಗುಜರಾತ್ ಪರ ಆಡಲಿದ್ದಾರೆ. 2022ರಲ್ಲಿ 863 ರನ್ ಸಿಡಿಸಿದ್ದ ಅವರು, ಕಳೆದೆರಡು ವರ್ಷ ತಲಾ 300+ ರನ್ ಕಲೆಹಾಕಿದ್ದರು. ಈ ಸಲವೂ ದೊಡ್ಡ ಮೊತ್ತದ ನಿರೀಕ್ಷೆಯಿದೆ.
Image Credit: Getty Images
2. ಫಿಲ್ ಸಾಲ್ಟ್
ತಂಡ: ಆರ್ಸಿಬಿ
ಇಂಗ್ಲೆಂಡ್ನ ಸ್ಫೋಟಕ ಆಟಗಾರ ಫಿಲ್ ಸಾಲ್ಟ್ ಈ ಸಲ ಆರ್ಸಿಬಿ ಪರ ಬ್ಯಾಟ್ ಬೀಸಲಿದ್ದಾರೆ. ಕೊಹ್ಲಿ ಜೊತೆ ಇನ್ನಿಂಗ್ಸ್ ಆರಂಭಿಸಬೇಕಿರುವ ಸಾಲ್ಟ್, ಭರ್ಜರಿ ಸಿಕ್ಸರ್, ಬೌಂಡರಿ ಮೂಲಕ ಅಭಿಮಾನಿಗಳನ್ನು ರಂಜಿಸಲು ಕಾಯುತ್ತಿದ್ದಾರೆ.
Image Credit: ANI
3. ರಶೀದ್ ಖಾನ್
ತಂಡ: ಗುಜರಾತ್
ರಶೀದ್ ಖಾನ್ ಟಿ20 ಕ್ರಿಕೆಟ್ನ ವಿಶ್ವ ಶ್ರೇಷ್ಠ ಆಲ್ರೌಂಡರ್. ಗುಜರಾತ್ ಟೈಟಾನ್ಸ್ನ ಉಸಿರು. 2025ರಲ್ಲೂ ತಮ್ಮ ಸ್ಫೋಟಕ ಬ್ಯಾಟಿಂಗ್, ಮೊನಚು ಸ್ಪಿನ್ ದಾಳಿ ಮೂಲಕ ಎದುರಾಳಿ ತಂಡಗಳಿಗೆ ಭೀತಿ ಹುಟ್ಟಿಸಲು ಸಜ್ಜಾಗಿದ್ದಾರೆ.
4. ಟ್ರ್ಯಾವಿಸ್ ಹೆಡ್
ತಂಡ: ಸನ್ರೈಸರ್ಸ್
ಟ್ರ್ಯಾವಿಸ್ ಹೆಡ್ ಎದುರಾಳಿ ತಂಡಗಳ ಪಾಲಿಗೆ ಹೆಡ್ಡೇಕ್(ತಲೆನೋವು). ಅವರು ಆರ್ಭಟಿಸಲು ಶುರುವಿಟ್ಟರೆ ಬೌಲರ್ಸ್ಗೆ ಉಳಿಗಾಲವಿಲ್ಲ. ಸನ್ರೈಸರ್ಸ್ ಈ ಸಲ 300+ ರನ್ ಗಡಿ ದಾಟುವ ಯೋಜನೆಯಲ್ಲಿದ್ದು, ಅದಕ್ಕೆ ಹೆಡ್ ಪ್ರಮುಖ ಬಲ.
5. ಮಿಚೆಲ್ ಸ್ಟಾರ್ಕ್
ತಂಡ: ಕೆಕೆಆರ್
ಕಳೆದ ಬಾರಿ ಹರಾಜಿನ ಅತಿ ದುಬಾರಿ ಆಟಗಾರ ಮಿಚೆಲ್ ಸ್ಟಾರ್ಕ್, ಕೆಕೆಆರ್ ಟ್ರೋಫಿ ಗೆಲುವಿನ ಹಿಂದಿನ ಶಕ್ತಿ. ಅವರು ಈ ಬಾರಿ ಮಾರಕ ಯಾರ್ಕರ್, ಸ್ವಿಂಗ್ ಬೌಲಿಂಗ್ ಮೂಲಕ ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ ಬಲ ತುಂಬಲಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.