ಐಪಿಎಲ್ ಕ್ವಾಲಿಫೈಯರ್ ಮ್ಯಾಚ್: 2,500 ಪೊಲೀಸರಿಂದ ಬಿಗಿಭದ್ರತೆ!
ಐಪಿಎಲ್ 2025ರ ಮೊದಲ ಕ್ವಾಲಿಫೈಯರ್ 1 ಪಂದ್ಯ: ಮೊಹಾಲಿಲಿ ನಡೆಯಲಿರುವ ಐಪಿಎಲ್ ಪ್ಲೇಆಫ್ ಪಂದ್ಯಗಳಿಗೆ ಪಂಜಾಬ್ ಪೊಲೀಸರು ಬಿಗಿ ಭದ್ರತೆ ಒದಗಿಸಿದ್ದಾರೆ. ಕ್ವಾಲಿಫೈಯರ್ 1 ಪಂದ್ಯದಲ್ಲಿ ಆರ್ಸಿಬಿ-ಪಂಜಾಬ್ ಕಿಂಗ್ಸ್ ಮುಖಾಮುಖಿಯಾದ್ರೆ, ಎಲಿಮಿನೇಟರ್ ಪಂದ್ಯದಲ್ಲಿ ಮುಂಬೈ-ಗುಜರಾತ್ ಮುಖಾಮುಖಿಯಾಗಲಿವೆ.
ಮೊಹಾಲಿಯಲ್ಲಿ ಪೊಲೀಸ್ ಬಂದೋಬಸ್ತ್, ಐಪಿಎಲ್ 2025
ಇಂಡಿಯನ್ ಪ್ರೀಮಿಯರ್ ಲೀಗ್
ಪಂಜಾಬ್ನ ವಿಶೇಷ ಡಿಜಿಪಿ ಅರ್ಪಿತ್ ಶುಕ್ಲಾ ಹೇಳುವಂತೆ, "ಇಂದು ಮತ್ತು ನಾಳೆ, ಮೊಹಾಲಿ ಕ್ರೀಡಾಂಗಣದಲ್ಲಿ (ಮಹಾರಾಜ ಯದುವಿಂದ್ರ ಸಿಂಗ್ ಅಂತಾರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣ) ಎರಡು ಪ್ರಮುಖ ಐಪಿಎಲ್ ಪಂದ್ಯಗಳು ನಡೆಯಲಿವೆ. ದೇಶದಾದ್ಯಂತ ಜನರು ಪಂದ್ಯಗಳನ್ನು ವೀಕ್ಷಿಸಲು ಬರುತ್ತಾರೆ. ಉತ್ತಮ ವ್ಯವಸ್ಥೆ ಮಾಡಲಾಗಿದೆ."
2500 ಪೊಲೀಸ್ ಅಧಿಕಾರಿಗಳ ನಿಯೋಜನೆ
ಐಪಿಎಲ್ 2025, ಆರ್ಸಿಬಿ, ಪಂಜಾಬ್ ಕಿಂಗ್ಸ್
ಪಂಜಾಬ್ ಕಿಂಗ್ಸ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು
ಉನ್ನತ ಮಟ್ಟದ ಪಂದ್ಯಗಳ ಸಮಯದಲ್ಲಿ, ಅಭಿಮಾನಿಗಳು, ತಂಡಗಳು ಮತ್ತು ಅಧಿಕಾರಿಗಳ ಸುರಕ್ಷತೆ ಮತ್ತು ಅನುಕೂಲತೆಯನ್ನು ಖಚಿತಪಡಿಸಿಕೊಳ್ಳಲು, ಸ್ಥಳೀಯ ಆಡಳಿತ ಮತ್ತು ಪೊಲೀಸರು ಕಾರ್ಯಕ್ರಮದ ಸಂಘಟಕರೊಂದಿಗೆ ನಿಕಟವಾಗಿ ಸಹಕರಿಸುತ್ತಾರೆ. "70 ರೋಚಕ ಲೀಗ್ ಹಂತದ ಪಂದ್ಯಗಳ ನಂತರ, ಹೊಸ ಚಂಡೀಗಢದಲ್ಲಿರುವ ಹೊಸ ಪಿಸಿಎ ಕ್ರೀಡಾಂಗಣವು ಮೇ 29, ಗುರುವಾರದಂದು ಎರಡು ತಂಡಗಳ ನಡುವೆ ನಡೆಯಲಿರುವ ಕ್ವಾಲಿಫೈಯರ್ 1 ಪಂದ್ಯವನ್ನು ಆಯೋಜಿಸಲಿದೆ. ನಂತರ ಮೇ 30, ಶುಕ್ರವಾರದಂದು ಎಲಿಮಿನೇಟರ್ ಪಂದ್ಯ ನಡೆಯಲಿದೆ," ಎಂದು ಬಿಸಿಸಿಐ ಕಾರ್ಯದರ್ಶಿ ದೇವಜಿತ್ ಸೈಕಿಯಾ ತಿಳಿಸಿದ್ದಾರೆ.
ಅಹಮದಾಬಾದ್ ಕ್ರೀಡಾಂಗಣದಲ್ಲಿ ಕ್ವಾಲಿಫೈಯರ್ 2
"ವಿಶ್ವದ ಅತಿದೊಡ್ಡ ಕ್ರಿಕೆಟ್ ಕ್ರೀಡಾಂಗಣವಾದ ಅಹಮದಾಬಾದ್ನ ನರೇಂದ್ರ ಮೋದಿ ಕ್ರೀಡಾಂಗಣವು ಕ್ವಾಲಿಫೈಯರ್ 2 ಮತ್ತು ಫೈನಲ್ ಪಂದ್ಯವನ್ನು ಆಯೋಜಿಸಲಿದೆ. ಕ್ವಾಲಿಫೈಯರ್ 1 ರಲ್ಲಿ ಸೋತ ತಂಡ ಮತ್ತು ಎಲಿಮಿನೇಟರ್ನಲ್ಲಿ ಗೆದ್ದ ತಂಡದ ನಡುವೆ ನಡೆಯಲಿರುವ ಕ್ವಾಲಿಫೈಯರ್ 2, ಜೂನ್ 1, ಭಾನುವಾರ ನಡೆಯಲಿದೆ. ಟಾಟಾ ಐಪಿಎಲ್ನ 18ನೇ ಆವೃತ್ತಿಯ ವಿಜೇತರನ್ನು ನಿರ್ಧರಿಸುವ ಫೈನಲ್ ಪಂದ್ಯ ಜೂನ್ 3, ಮಂಗಳವಾರ ನಡೆಯಲಿದೆ."