ಈ ಯುಗದ ಶ್ರೇಷ್ಠ ಬ್ಯಾಟ್ಸ್ಮನ್ & ಬೌಲರ್ಗಳನ್ನು ಹೆಸರಿಸಿದ ಬ್ರಿಯಾನ್ ಲಾರಾ..!
ಮುಂಬೈ: ವಿಶ್ವ ಕ್ರಿಕೆಟ್ನ ದಿಗ್ಗಜ ಬ್ಯಾಟ್ಸ್ಮನ್, ಕೆರಿಬಿಯನ್ ದಂತಕಥೆ ಬ್ರಿಯಾನ್ ಲಾರಾ ಕ್ರಿಕೆಟ್ ನಿವೃತ್ತಿಯ ಬಳಿಕ, ಕ್ರಿಕೆಟ್ ವಿಶ್ಲೇಷಕರಾಗಿ ಹೆಚ್ಚು ಜನಪ್ರಿಯರಾಗಿದ್ದಾರೆ. ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲಿ 400 ರನ್ ಬಾರಿಸಿದ ಮೊದಲ ಹಾಗೂ ಏಕೈಕ ಬ್ಯಾಟ್ಸ್ಮನ್ ಎನಿಸಿಕೊಂಡಿರುವ ಲಾರಾ, ಈ ಯುಗದ ಶ್ರೇಷ್ಠ ಬ್ಯಾಟ್ಸ್ಮನ್ ಹಾಗೂ ಬೌಲರ್ಗಳನ್ನು ಹೆಸರಿಸಿದ್ದಾರೆ.
ಬ್ರಿಯಾನ್ ಲಾರಾ ಹೆಸರಿಸಿದ ಪ್ರಸ್ತುತ ಯುಗದ ಬ್ಯಾಟ್ಸ್ಮನ್ ಹಾಗೂ ಬೌಲರ್ಗಳ ಪಟ್ಟಿಯಲ್ಲಿ ಇಬ್ಬರು ಭಾರತೀಯ ಕ್ರಿಕೆಟಿಗರು ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಇನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಹೇಳಿದ ಒಬ್ಬ ಆಟಗಾರ ಕೂಡಾ ಲಾರಾ ಹೆಸರಿಸಿದ ಆಟಗಾರರ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ.
1. ವಿರಾಟ್ ಕೊಹ್ಲಿ
ಆಧುನಿಕ ಕ್ರಿಕೆಟ್ನ ರನ್ ಮಶೀನ್, ಟೀಂ ಇಂಡಿಯಾ ನಾಯಕ ವಿರಾಟ್ ಮೂರು ಮಾದರಿಯ ಕ್ರಿಕೆಟ್ನಲ್ಲೂ ಸೈ ಎನಿಸಿಕೊಂಡಿದ್ದಾರೆ
2. ಕೇನ್ ವಿಲಿಯಮ್ಸನ್
ನ್ಯೂಜಿಲೆಂಡ್ ತಂಡದ ನಾಯಕ, ಕೂಲ್ ಕ್ಯಾಪ್ಟನ್, ಎಂತಹ ಒತ್ತಡದ ಸಂದರ್ಭದಲ್ಲೂ ಶಾಂತವಾಗಿ ಬ್ಯಾಟಿಂಗ್ ಮಾಡಬಲ್ಲ ಪ್ರತಿಭಾವಂತ
3. ಜೋ ರೂಟ್
ಇಂಗ್ಲೆಂಡ್ ತಂಡದ ಅತ್ಯಂತ ನಂಬಿಕಸ್ಥ ಬ್ಯಾಟ್ಸ್ಮನ್. ಟೆಸ್ಟ್ ತಂಡದ ನಾಯಕನಾಗಿಯೂ ರೂಟ್ ಯಶಸ್ವಿಯಾಗಿದ್ದಾರೆ.
4. ಸ್ಟೀವ್ ಸ್ಮಿತ್
ಆಸ್ಟ್ರೇಲಿಯಾ ತಂಡದ ಮಾಜಿ ನಾಯಕ ಸ್ಟೀವ್ ಸ್ಮಿತ್ ಸದ್ಯ ಐಸಿಸಿ ಟೆಸ್ಟ್ ಶ್ರೇಯಾಂಕದಲ್ಲಿ ನಂ.1 ಬ್ಯಾಟ್ಸ್ಮನ್.
5. ಎಬಿ ಡಿವಿಲಿಯರ್ಸ್
ಮಿಸ್ಟರ್ 360 ಖ್ಯಾತಿಯ ಆಧುನಿಕ ಕ್ರಿಕೆಟ್ನ ಸೂಪರ್ ಸ್ಟಾರ್ ಬ್ಯಾಟ್ಸ್ಮನ್ ಎಬಿಡಿ, ಸದ್ಯ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಹೇಳಿದ್ದರೂ ಈ ಯುಗದ ಶ್ರೇಷ್ಠ ಬ್ಯಾಟ್ಸ್ಮನ್ ಆಗಿ ಎಬಿಡಿ ಗುರುತಿಸಿಕೊಂಡಿದ್ದಾರೆ.
ಬ್ರಿಯಾನ್ ಲಾರಾ ಹೆಸರಿಸಿದ ಶ್ರೇಷ್ಠ 5 ಬೌಲರ್ಗಳು ಯಾರು ಎನ್ನುವುದನ್ನು ಗಮನಿಸುವುದಾದರೇ..
1. ಜಸ್ಪ್ರೀತ್ ಬುಮ್ರಾ
ಟೀಂ ಇಂಡಿಯಾದ ವೇಗದ ಅಸ್ತ್ರ. ಡೆತ್ ಓವರ್ ಸ್ಪೆಷಲಿಸ್ಟ್.
2. ಜೋಫ್ರಾ ಆರ್ಚರ್
ಇಂಗ್ಲೆಂಡ್ ತಂಡದ ಮಾರಕ ವೇಗಿ. ಡೆಡ್ಲಿ ಬೌನ್ಸರ್ ಮೂಲಕ ಎದುರಾಳಿ ಬ್ಯಾಟ್ಸ್ಮನ್ಗಳ ಎದೆಯಲ್ಲಿ ನಡುಕ ಹುಟ್ಟಿಸಬಲ್ಲ ಬೌಲರ್
3. ಜೇಮ್ಸ್ ಆಂಡರ್ಸನ್
ಇಂಗ್ಲೆಂಡ್ ತಂಡದ ಅತ್ಯಂತ ಅನುಭವಿ ವೇಗಿ. ಸ್ವಿಂಗ್ ಬೌಲಿಂಗ್ ಮೂಲಕ ಬ್ಯಾಟ್ಸ್ಮನ್ಗಳನ್ನು ಕಂಗೆಡಿಸಬಲ್ಲ ವೇಗಿ
4. ಕಗಿಸೋ ರಬಾಡ
ದಕ್ಷಿಣ ಆಫ್ರಿಕಾ ತಂಡದ ಡೆಡ್ಲಿ ವೇಗಿ. ವೇಗ ಹಾಗೂ ಕರಾರುವಕ್ಕಾದ ಬೌಲಿಂಗ್ಗೆ ಹೆಸರುವಾಸಿಯಾದ ವೇಗಿ
5. ರಶೀದ್ ಖಾನ್
ಆಫ್ಘಾನಿಸ್ತಾನ ತಂಡದ ಚಾಣಾಕ್ಷ ಸ್ಪಿನ್ನರ್. ಲೆಗ್ ಸ್ಪಿನ್ ಜತೆಗೆ ಗೂಗ್ಲಿ ಬೌಲಿಂಗ್ ಮೂಲಕ ಬ್ಯಾಟ್ಸ್ಮನ್ಗಳಿಗೆ ಸವಾಲೆಸೆಯಬಲ್ಲ ಸ್ಪಿನ್ನರ್