157 ಎಸೆತದಲ್ಲಿ 346 ರನ್, 42 ಬೌಂಡರಿ, 16 ಸಿಕ್ಸ್! ಕೇವಲ 14ನೇ ವಯಸಿಗೆ ವೀರೇಂದ್ರ ಸೆಹ್ವಾಗ್ ದಾಖಲೆಯನ್ನೇ ಮುರಿದ ಈ ಬಾಲಕಿ ಯಾರು?

ಏಕದಿನ ಪಂದ್ಯಗಳಲ್ಲಿ ತ್ರಿಶತಕ: ಕ್ರಿಕೆಟ್‌ನಲ್ಲಿ, ವಿಶೇಷವಾಗಿ ಏಕದಿನ ಪಂದ್ಯಗಳಲ್ಲಿ ದ್ವಿಶತಕ ಗಳಿಸುವುದು ಪ್ರತಿಯೊಬ್ಬ ಆಟಗಾರನ ಕನಸಾಗಿರುತ್ತದೆ. ಆದಾಗ್ಯೂ, ಹಲವಾರು ಆಟಗಾರರು ODIಗಳಲ್ಲಿ ದ್ವಿಶತಕಗಳನ್ನು ಗಳಿಸಿದ್ದಾರೆ. ಆದರೆ ನೀವು ನಂಬ್ತೀರೋ ಇಲ್ವೋ 14 ವರ್ಷದ ಕ್ರಿಕೆಟ್ ಆಟಗಾರ್ತಿಯೊಬ್ಬಳು  ಅಸಾಧ್ಯವಾದ ಏಕದಿನ ಪಂದ್ಯದಲ್ಲಿ ತ್ರಿಶತಕ ಗಳಿಸುವ ಮೂಲಕ ದಾಖಲೆಗಳನ್ನು ಮುರಿದಿದ್ದಾಳೆ.

ಇರಾ ಜಾಧವ್ ಸಾಧನೆ

ವಿಶ್ವ ಕ್ರಿಕೆಟ್‌ನಲ್ಲಿ ಅಸಾಧ್ಯವೆಂದು ಭಾವಿಸಿದ್ದನ್ನು ಸಾಧ್ಯವಾಗಿಸಿದ ಆಟಗಾರರು ಹಲವರಿದ್ದಾರೆ. ಟೆಸ್ಟ್ ಕ್ರಿಕೆಟ್‌ನಲ್ಲಿ ಶತಕ, ದ್ವಿಶತಕ ಸಾಮಾನ್ಯವಾದರೂ, ಕೆಲವು ಆಟಗಾರರು 300, 400 ತಲುಪಿದ್ದಾರೆ. ಏಕದಿನದಲ್ಲಿ ಅರ್ಧಶತಕ, ಶತಕ ಸಾಮಾನ್ಯ. ದ್ವಿಶತಕವನ್ನೂ ಗಳಿಸಿದ ಸ್ಟಾರ್‌ಗಳಿದ್ದಾರೆ. ತ್ರಿಶತಕ ಬಹುತೇಕ ಅಸಾಧ್ಯ. ಈವರೆಗೆ ಹಲವು ದಿಗ್ಗಜರು ಏಕದಿನದಲ್ಲಿ ತ್ರಿಶತಕದ ಗಡಿ ದಾಟಲು ಸಾಧ್ಯವಾಗಿಲ್ಲ. ಆದರೆ, ದಿಗ್ಗಜರಿಗೆ ಸಾಧ್ಯವಾಗದ ಏಕದಿನ ತ್ರಿಶತಕವನ್ನು 14 ವರ್ಷದ ಯುವ ಆಟಗಾರ್ತಿ ಸಾಧಿಸಿದ್ದಾರೆ.

ಇರಾ ಜಾಧವ್

ಏಕದಿನದಲ್ಲಿ ತ್ರಿಶತಕ ಗಳಿಸಿದ ಆಟಗಾರ್ತಿ ಯಾರು ಗೊತ್ತಾ?

ODI ಗಳಲ್ಲಿ ದ್ವಿಶತಕ ಗಳಿಸುವುದು ಪ್ರತಿಯೊಬ್ಬ ಆಟಗಾರನ ಕನಸು. ಈ ವಿಷಯದಲ್ಲಿ ಟೀಂ ಇಂಡಿಯಾದ ಅನುಭವಿ ರೋಹಿತ್ ಶರ್ಮ ಅತ್ಯಂತ ಯಶಸ್ವಿ ಆಟಗಾರ. ಆದರೆ ಏಕದಿನದಲ್ಲಿ ತ್ರಿಶತಕ ಎಂದರೆ ಅದು ಹೊಸ ಅದ್ಭುತ ಎನ್ನಬೇಕು. ಏಕೆಂದರೆ ಈವರೆಗೆ ಯಾರೂ ಅದನ್ನು ಸಾಧಿಸಿಲ್ಲ. ಆದರೆ, ಏಕದಿನದಲ್ಲಿ ತ್ರಿಶತಕದ ಅದ್ಭುತವನ್ನು 14 ವರ್ಷದ ಆಟಗಾರ್ತಿ ಇರಾ ಜಾಧವ್ ನಿಜ ಮಾಡಿದ್ದಾರೆ. ಇಷ್ಟು ಚಿಕ್ಕ ವಯಸ್ಸಿನಲ್ಲಿಯೇ ಅತ್ಯಂತ ವೇಗದ ತ್ರಿಶತಕ ಗಳಿಸಿದ ದಿಗ್ಗಜ ವೀರೇಂದ್ರ ಸೆಹ್ವಾಗ್ ದಾಖಲೆಯನ್ನೂ ಮುರಿದಿದ್ದಾರೆ. 14 ವರ್ಷದ ಈ ಆಟಗಾರ್ತಿ ಪಂದ್ಯದ ಉದ್ದಕ್ಕೂ ಬೌಂಡರಿ, ಸಿಕ್ಸರ್‌ಗಳ ಮಳೆ ಸುರಿಸಿದರು.

ಇರಾ ಜಾಧವ್ ಯಾರು?

14 ವರ್ಷದ ಇರಾ ಜಾಧವ್ ಅಂಡರ್-19 ತಂಡದಲ್ಲಿ ತಮ್ಮ ಬ್ಯಾಟಿಂಗ್‌ನಿಂದ ಸಂಚಲನ ಮೂಡಿಸಿದ್ದಾರೆ. ಕಳೆದ ತಿಂಗಳು ಮೇಘಾಲಯ ವಿರುದ್ಧ ನಡೆದ ಮಹಿಳಾ ಅಂಡರ್-19 ಏಕದಿನ ಟ್ರೋಫಿಯಲ್ಲೂ ಅವರು ರನ್‌ಗಳ ಮಹಾಪೂರ ಹರಿಸಿ ಇತಿಹಾಸ ನಿರ್ಮಿಸಿದರು. ಈ 14 ವರ್ಷದ ಬಾಲಕಿ ತಮ್ಮ ಆಕ್ರಮಣಕಾರಿ ಶೈಲಿಯಿಂದ ಬೌಲರ್‌ಗಳಿಗೆ ನಿದ್ದೆಗೆಡಿಸಿದರು. ಇರಾ ಜಾಧವ್ ಕೇವಲ 157 ಎಸೆತಗಳಲ್ಲಿ 346 ರನ್ ಗಳಿಸಿ ಅಜೇಯರಾಗುಳಿದರು. ಇರಾ ಅವರ ಈ ಇನ್ನಿಂಗ್ಸ್‌ನಲ್ಲಿ 42 ಬೌಂಡರಿ ಮತ್ತು 16 ಸಿಕ್ಸರ್‌ಗಳಿದ್ದವು!

ಮಹಿಳಾ ಕ್ರಿಕೆಟ್‌ನಲ್ಲಿ ಮೊದಲ ಆಟಗಾರ್ತಿಯಾಗಿ ಇರಾ ಜಾಧವ್ ದಾಖಲೆ:

ಭಾರತೀಯ ಮಹಿಳಾ ಕ್ರಿಕೆಟ್ ಇತಿಹಾಸದಲ್ಲಿ ಸೀಮಿತ ಓವರ್‌ಗಳ ಕ್ರಿಕೆಟ್‌ನಲ್ಲಿ ತ್ರಿಶತಕ ಗಳಿಸಿದವರು ಯಾರೂ ಇಲ್ಲ. ಆದರೆ, ಈಗ ಇರಾ ಜಾಧವ್ ಈ ದಾಖಲೆಯನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಇರಾ ಜಾಧವ್ ಬ್ಯಾಟಿಂಗ್ ಪರಾಕ್ರಮದ ಮುಂದೆ ಮೇಘಾಲಯ ಬೌಲರ್‌ಗಳು ಕೈಚೆಲ್ಲಿ ಕುಳಿತರು. ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಆಯೋಜಿಸಿದ್ದ ಟೂರ್ನಿಯಲ್ಲಿ ತ್ರಿಶತಕ ಗಳಿಸಿದ ಮೊದಲ ಕ್ರಿಕೆಟರ್ ಎಂಬ ಹೆಗ್ಗಳಿಕೆಗೆ ಇರಾ ಪಾತ್ರರಾಗಿದ್ದಾರೆ.

ಬ್ಯಾಟ್ ಮತ್ತು ಚೆಂಡು

ವೀರೇಂದ್ರ ಸೆಹ್ವಾಗ್ ದಾಖಲೆ ಮುರಿದ ಇರಾ ಜಾಧವ್:

ಈ ಅದ್ಭುತ ತ್ರಿಶತಕ ಇನ್ನಿಂಗ್ಸ್‌ನೊಂದಿಗೆ ಇರಾ ಜಾಧವ್ ಭಾರತ ತಂಡದ ಮಾಜಿ ಆರಂಭಿಕ ಆಟಗಾರ, ಡ್ಯಾಶಿಂಗ್ ಆಟಗಾರ ವೀರೇಂದ್ರ ಸೆಹ್ವಾಗ್ ದಾಖಲೆಯನ್ನು ಮುರಿದಿದ್ದಾರೆ. ದಿಗ್ಗಜ ಆಟಗಾರರು ಸಹ ಸೆಹ್ವಾಗ್ ದಾಖಲೆ ಮುರಿಯಲು ಸಾಧ್ಯವಾಗಿಲ್ಲ. ಮುಂಬೈ ಪರ ಇರಾ ಆರಂಭಿಕ ಆಟಗಾರ್ತಿಯಾಗಿದ್ದಾರೆ. 2008 ರಲ್ಲಿ ಸೆಹ್ವಾಗ್ ಅತ್ಯಂತ ವೇಗದ ತ್ರಿಶತಕದ ದಾಖಲೆ ನಿರ್ಮಿಸಿದ್ದರು. ಸೆಹ್ವಾಗ್ ಕೇವಲ 278 ಎಸೆತಗಳಲ್ಲಿ ತ್ರಿಶತಕ ಗಳಿಸಿದ್ದರು. ಇರಾ ಜಾಧವ್ ಈಗ ಏಕದಿನ ಪಂದ್ಯಗಳಲ್ಲಿ ತ್ರಿಶತಕ, ಅದೂ ಅತ್ಯಂತ ವೇಗದ ತ್ರಿಶತಕ ಗಳಿಸಿದ್ದಾರೆ. 157 ಎಸೆತಗಳಲ್ಲಿ 346 ರನ್ ಗಳಿಸಿ ಅಜೇಯರಾಗುಳಿದರು.