Samsung Unpacked 2022: iPad Proಗೆ ಟಕ್ಕರ್ ನೀಡಲಿದೆ ಹೊಸ Galaxy Tab S8 Ultra!
ಸ್ಯಾಮ್‌ಸಂಗ್ ತನ್ನ ಹೊಸ ಗ್ಯಾಲಕ್ಸಿ ಟ್ಯಾಬ್ S8 ಅಲ್ಟ್ರಾ ಮಾದರಿಯನ್ನು ಬಿಡುಗಡೆ ಮಾಡಿದೆ. ಹೊಸ ಟ್ಯಾಬ್ ದೊಡ್ಡ ಡಿಸ್‌ಪ್ಲೇ, ಉತ್ತಮ ಬ್ಯಾಟರಿ, ಹೆಚ್ಚಿನ ಸಂಗ್ರಹಣೆ ಮತ್ತು ಉತ್ತಮ ಕ್ಯಾಮೆರಾಗಳನ್ನು ಬಳಕೆದಾರರಿಗೆ ಇತರ ಎರಡು ಮಾದರಿಗಳಿಗಿಂತ ಹೆಚ್ಚು ಪ್ರೀಮಿಯಂ ಅನುಭವವನ್ನು ನೀಡುತ್ತದೆ.
Tech Desk: Galaxy Unpacked 2022 ಕಾರ್ಯಕ್ರಮದಲ್ಲಿ Galaxy S22 ಸರಣಿಯ ಜೊತೆಗೆ Samsung Galaxy Tab S8 ಸರಣಿಯನ್ನು ಸ್ಯಾಮಸಂಗ್ ಅನಾವರಣಗೊಳಿಸಿದೆ. ಈ ವರ್ಷ, ಸ್ಯಾಮ್‌ಸಂಗ್ ತನ್ನ ಗ್ಯಾಲಕ್ಸಿ ಟ್ಯಾಬ್ ಎಸ್ ಸರಣಿಯ ಅಡಿಯಲ್ಲಿ ಮೂರು ಮಾದರಿಗಳನ್ನು ಬಿಡುಗಡೆ ಮಾಡಿದೆ. ಗ್ಯಾಲಕ್ಸಿ ಅನ್‌ಪ್ಯಾಕಡ್ ಸಮಾರಂಭದಲ್ಲಿ ಕಂಪನಿಯು ಸಾಮಾನ್ಯ Galaxy Tab S8 ಹಾಗೂ ಪ್ಲಸ್ ಮಾದರಿಯನ್ನು ಅನಾವರಣಗೊಳಿಸಿದೆ.
ಸ್ಯಾಮ್‌ಸಂಗ್ ತನ್ನ ಹೊಸ ಅಲ್ಟ್ರಾ ಮಾದರಿಯನ್ನು ಸಹ ಬಿಡುಗಡೆ ಮಾಡಿದ್ದು ಇದು ದೊಡ್ಡ ಡಿಸ್‌ಪ್ಲೇ ಹಾಗೂ ಬ್ಯಾಟರಿ, ಹೆಚ್ಚಿನ ಸಂಗ್ರಹಣೆ ಮತ್ತು ಉತ್ತಮ ಮುಂಭಾಗದ ಕ್ಯಾಮೆರಾಗಳನ್ನು ಬಳಕೆದಾರರಿಗೆ ಇತರ ಎರಡು ಮಾದರಿಗಳಿಗಿಂತ ಹೆಚ್ಚು ಪ್ರೀಮಿಯಂ ಅನುಭವವನ್ನು ನೀಡುತ್ತದೆ. ಫ್ಲ್ಯಾಗ್‌ಶಿಪ್ ಸರಣಿಗಳಿಗಾಗಿ ಸ್ಯಾಮ್‌ಸಂಗ್ ತನ್ನ ಅಲ್ಟ್ರಾ-ಬ್ರಾಂಡ್ ಫೋನ್‌ಗಳ ಮಾದರಿಯಲ್ಲೇ ಇದು ಇದೆ. ಹೆಚ್ಚಿನ ಬೆಲೆ ಮತ್ತು ಪ್ರೀಮಿಯಂ ವೈಶಿಷ್ಟ್ಯಗಳ ಕಾರಣದಿಂದಾಗಿ Samsung Galaxy Tab S8 Ultra ಆಪಲ್‌ನ iPad Pro ಗೆ ನೇರ ಪ್ರತಿಸ್ಪರ್ಧಿಯಾಗಿದೆ.
ಇದನ್ನೂ ಓದಿ: Galaxy Unpacked 2022: Samsung S ಸರಣಿಯ ಮೂರು ಫ್ಲ್ಯಾಗ್‌ಶಿಪ್ ಸ್ಮಾರ್ಟ್ಫೋನ್ ಲಾಂಚ್!
Samsung Galaxy Tab S8 ಸರಣಿ: ಬೆಲೆ, ಲಭ್ಯತೆ: ಬೆಲೆಗೆ ಸಂಬಂಧಿಸಿದಂತೆ, ಹೊಸದಾಗಿ ಬಿಡುಗಡೆಯಾದ Samsung Galaxy Tab S8 ಬೆಲೆ $699.99 (ಸುಮಾರು ರೂ. 52,400) ಹಾಗೂ ಪ್ಲಸ್ ಮಾಡೆಲ್ $899.99 (ಸುಮಾರು ರೂ. 67,300) ಬೆಲೆಯಲ್ಲಿ ಲಭ್ಯವಿದೆ. ಟಾಪ್-ಎಂಡ್ Samsung Galaxy Tab S8 Ultra $1,099.99 (ಅಂದಾಜು ರೂ 82,300) ಬೆಲೆಗೆ ಮಾರಾಟವಾಗಲಿದೆ. ಭಾರತದ ಬೆಲೆಗಳನ್ನು ಕಂಪನಿಯು ಇನ್ನೂ ಬಹಿರಂಗಪಡಿಸಿಲ್ಲ. ಟ್ಯಾಬ್ಲೆಟ್‌ಗಳು ಫೆಬ್ರವರಿ 25 ರಂದು ಯುಎಸ್, ಯುರೋಪ್ ಮತ್ತು ದಕ್ಷಿಣ ಕೊರಿಯಾ ಸೇರಿದಂತೆ ಆಯ್ದ ಮಾರುಕಟ್ಟೆಗಳಲ್ಲಿ ಮಾರಾಟವಾಗಲಿವೆ.
Samsung Galaxy Tab S8 specifications: Samsung Galaxy Tab S8 ಸರಣಿಯು Android 12ನಲ್ಲಿ ರನ್‌ ಆಗಲಿದು, ಸಾಮಾನ್ಯ ಮಾದರಿಯು 11-ಇಂಚಿನ LTPS TFT ಡಿಸ್ಪ್ಲೇಯೊಂದಿಗೆ ಬರುತ್ತದೆ. ಇದು Snapdragon 8 Gen 1 SoC ಚಾಲಿತವಾಗಿದ್ದು 12GB RAM ಮತ್ತು 256GB ಸಂಗ್ರಹಣೆಯಿಂದ ಬೆಂಬಲಿತವಾಗಿದೆ. ಮೈಕ್ರೊ SD ಕಾರ್ಡ್ ಬಳಸಿ 1TB ವರೆಗೆ ಆಂತರಿಕ ಸಂಗ್ರಹಣೆಯನ್ನು ವಿಸ್ತರಿಸುವ ಆಯ್ಕೆಯನ್ನು ಕಂಪನಿಯು ನೀಡಿದೆ.
ಇದನ್ನೂ ಓದಿ: Samsung Galaxy A53: ಬಿಡುಗಡೆ ಮುನ್ನವೇ ಸ್ಮಾರ್ಟ್ಫೋನ್ ಇಮೇಜ್, ವಿಶೇಷತೆಗಳ ಮಾಹಿತಿ ಸೋರಿಕೆ!
ಕ್ಯಾಮೆರಾ ವಿಭಾಗದಲ್ಲಿ Samsung Galaxy Tab S8 ಡ್ಯುಯಲ್ ಹಿಂಬದಿಯ ಕ್ಯಾಮೆರಾ ಸೆಟಪನ್ನು ಹೊಂದಿದೆ. ಸೆಟಪ್ 13-ಮೆಗಾಪಿಕ್ಸೆಲ್ ಪ್ರಾಥಮಿಕ ಸೆನ್ಸರ್ f/2.0 ಅಪೆರ್ಚರ್ ಮತ್ತು 6-ಮೆಗಾಪಿಕ್ಸೆಲ್ ಸೆಕೆಂಡರಿ ಅಲ್ಟ್ರಾ-ವೈಡ್-ಆಂಗಲ್ ಸೆನ್ಸರ್ ಒಳಗೊಂಡಿದೆ. ಇದು 60fps ನಲ್ಲಿ 8K ವೀಡಿಯೊಗಳನ್ನು ಶೂಟ್ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ. ಮುಂಭಾಗದಲ್ಲಿ 12-ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್-ಆಂಗಲ್ ಸಂವೇದಕವನ್ನು ಹೊಂದಿದೆ, ಇದು ನಾವು ಗ್ಯಾಲಕ್ಸಿ ಟ್ಯಾಬ್ S7 ನಲ್ಲಿ ನೋಡಿದ 8-ಮೆಗಾಪಿಕ್ಸೆಲ್ ಕ್ಯಾಮೆರಾದ ಮೇಲೆ ಅಪ್‌ಗ್ರೇಡ್ ಆಗಿದೆ. Galaxy Tab S8 8,000mAh ಬ್ಯಾಟರಿಯನ್ನು ಉಳಿಸಿಕೊಂಡಿದೆ. ಇದು 45W ವೇಗದ ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ ಬರುತ್ತದೆ.
Samsung Galaxy Tab S8+ specifications: Galaxy Tab S8 ಸರಣಿಯ ಪ್ಲಸ್ ಮಾದರಿಯು ಸ್ವಲ್ಪ ದೊಡ್ಡದಾದ 12.4-ಇಂಚಿನ WQXGA+ (2800 x 1752 ಪಿಕ್ಸೆಲ್‌ಗಳು) ಡಿಸ್‌ಪ್ಲೇಯನ್ನು ಹೊಂದಿದೆ. ಪ್ಲಸ್ ರೂಪಾಂತರವು ಸಾಮಾನ್ಯ ಆವೃತ್ತಿಗೆ ಹೋಲಿಸಿದರೆ ದೊಡ್ಡ ಬ್ಯಾಟರಿ ಘಟಕವನ್ನು ಹೊಂದಿದೆ. ಇದು 10,090mAh ಬ್ಯಾಟರಿಯನ್ನು ಹೊಂದಿದ್ದು ಅದು ಹಳೆಯ ಆವೃತ್ತಿಯಂತೆಯೇ 45W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಕ್ಯಾಮೆರಾಗಳು, ಚಿಪ್‌ಸೆಟ್ ಮತ್ತು ಸ್ಪೀಕರ್‌ಗಳಂತಹ ಉಳಿದ ವೈಶಿಷ್ಟ್ಯಗಳು ಸಾಮಾನ್ಯ ಮಾದರಿಗೆ ಹೋಲುತ್ತವೆ.
Samsung Galaxy Tab S8 Ultra specifications: ಹೊಸ Samsung Galaxy Tab S8 Ultra ಆಪಲ್‌ನ iPad Pro ನೊಂದಿಗೆ ಸ್ಪರ್ಧಿಸಲು ಸಿದ್ಧವಾಗಿದೆ. ಸ್ಯಾಮ್‌ಸಂಗ್ ಟ್ಯಾಬ್ಲೆಟ್ ಬೃಹತ್ 14.6-ಇಂಚಿನ ಡಿಸ್‌ಪ್ಲೇಯನ್ನು ಹೊಂದಿದೆ, ಇದು ಐಪ್ಯಾಡ್ ಪ್ರೊನೊಂದಿಗೆ ನೀವು ಪಡೆಯುವ 12.9-ಇಂಚಿನ ಸ್ಕ್ರೀನ್‌ಗಿಂತ ದೊಡ್ಡದಾಗಿದೆ.
ಇದನ್ನೂ ಓದಿ: Vivo T1 5G: 8GBವರೆಗಿನ RAMನೊಂದಿಗೆ ಮೂರು ಸ್ಟೋರೇಜ್ ಆಯ್ಕೆಗಳಲ್ಲಿ ಬಜೆಟ್‌ ಸ್ಮಾರ್ಟ್ಫೋನ್ ಭಾರತದಲ್ಲಿ ಬಿಡುಗಡೆ!
ಕ್ಯಾಮೆರಾ ವಿಭಗದಲ್ಲಿ ಹೊಸದಾಗಿ ಬಿಡುಗಡೆಯಾದ Samsung Galaxy Tab S8 Ultra ಇತರ ಎರಡು ಮಾದರಿಗಳಲ್ಲಿ ಲಭ್ಯವಿರುವ ಅದೇ ಹಿಂದಿನ ಕ್ಯಾಮೆರಾ ಸೆಟಪನ್ನು ಹೊಂದಿದೆ. ಮುಂಭಾಗದಲ್ಲಿ ಐಪ್ಯಾಡ್ ಪ್ರೊಗಿಂತ ಭಿನ್ನವಾಗಿ ಎರಡು ಕ್ಯಾಮೆರಾಗಳನ್ನು ನೀಡಲಾಗಿದೆ. ಒಂದು 12-ಮೆಗಾಪಿಕ್ಸೆಲ್ ವೈಡ್-ಆಂಗಲ್ ಕ್ಯಾಮೆರಾ ಮತ್ತು 12-ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್-ಆಂಗಲ್ ಸೆನ್ಸರ್ ಇದೆ.
Galaxy Tab S8 Ultra ಸಹ 11,200mAH ಬ್ಯಾಟರಿ ಹೊಂದಿದ್ದು 45W ವೇಗದ ಚಾರ್ಜರ್ ಬಳಸಿ ಇದನ್ನು ತ್ವರಿತವಾಗಿ ಚಾರ್ಜ್ ಮಾಡಬಹುದು, ಆದರೆ ಚಾರ್ಜರನ್ನು ಪ್ರತ್ಯೇಕವಾಗಿ ಖರೀದಿಸಬೇಕಾಗುತ್ತದೆ. iPad Pro ಜೊತೆಗೆ, ಬಳಕೆದಾರರು 20W ಚಾರ್ಜರನ್ನು ಪಡೆಯುತ್ತಾರೆ, ಇದು ಬ್ಯಾಟರಿಯನ್ನು ನಿಧಾನ ದರದಲ್ಲಿ ಟಾಪ್ ಅಪ್ ಮಾಡುತ್ತದೆ.
ಅಲ್ಟ್ರಾ ಮಾಡೆಲ್‌ನೊಂದಿಗೆ, ಬಳಕೆದಾರರು ಬಾಕ್ಸ್‌ನಲ್ಲಿ ಎಸ್ ಪೆನ್ ಅನ್ನು ಸಹ ಪಡೆಯುತ್ತಾರೆ, ಆದರೆ ಆಪಲ್‌ನಲ್ಲಿ ಪೆನ್ಸಿಲನ್ನು ಪ್ರತ್ಯೇಕವಾಗಿ ಖರೀದಿಸಬೇಕು. ಸ್ಯಾಮ್‌ಸಂಗ್ ತನ್ನ ಹೊಸ ಮತ್ತು ಸುಧಾರಿತ ಎಸ್ ಪೆನ್ 2.8 ಮಿಲಿಸೆಕೆಂಡ್‌ಗಳ ಅತಿ ಕಡಿಮೆ ಲೇಟೆನ್ಸಿಯನ್ನು ನೀಡುತ್ತದೆ ಎಂದು ಹೇಳಿಕೊಂಡಿದೆ, ಇದರರ್ಥ ಈ ಟ್ಯಾಬ್ಲೆಟ್‌ನಲ್ಲಿ ಹೆಚ್ಚು ಸುಗಮವಾದ ಬರವಣಿಗೆ ಮತ್ತು ಡ್ರಾಯಿಂಗ್ ಕಾರ್ಯಕ್ಷಮತೆಯನ್ನು ಪಡೆಯಬಬಹುದು. ಉಳಿದ ವೈಶಿಷ್ಟ್ಯಗಳು ಟ್ಯಾಬ್ಲೆಟ್ನ ಪ್ರಮಾಣಿತ ಮಾದರಿಯನ್ನು ಹೋಲುತ್ತವೆ.
