Ratha Sapthami 2023: ಜಾತಕದಲ್ಲಿ ಸೂರ್ಯ ಬಲಹೀನನಾಗಿದ್ದರೆ ಇಂದೇ ಈ ಕ್ರಮಗಳನ್ನು ಮಾಡಿ
ಇಂದು ರಥಸಪ್ತಮಿ, ಸೂರ್ಯನು ಜಾತಕದಲ್ಲಿ ದುರ್ಬಲವಾಗಿದ್ದರೆ, ಅದನ್ನು ಬಲಗೊಳಿಸಲು ಈ ಪರಿಹಾರ ಕಾರ್ಯ ಕೈಗೊಳ್ಳಿ. ಇದರಿಂದ ಆರೋಗ್ಯ ಸುಧಾರಣೆ ಜೊತೆಗೆ, ಯಶಸ್ಸನ್ನು ಕರುಣಿಸುತ್ತಾನೆ ಸೂರ್ಯ.
ಇಂದು ರಥಸಪ್ತಮಿ. ಸೂರ್ಯ ಸಪ್ತಮಿಯನ್ನು ಮಾಘ ಮಾಸದ ಏಳನೇ ದಿನದಂದು ಆಚರಿಸಲಾಗುತ್ತದೆ. ಭಗವಾನ್ ಸೂರ್ಯನ ಆರಾಧನೆಗೆ ಮೀಸಲಾದ ಅತ್ಯಂತ ಮಂಗಳಕರವಾದ ಹಬ್ಬವೆಂದರೆ ರಥ ಸಪ್ತಮಿ. ಈ ದಿನದಂದು, ಸೂರ್ಯ ದೇವರು ತನ್ನ ಶಕ್ತಿಯುತ ಕಿರಣಗಳಿಂದ ಇಡೀ ಜಗತ್ತನ್ನು ಬೆಳಗಿಸಿದನೆಂದು ನಂಬಲಾಗಿದೆ. ಈ ದಿನ ಸೂರ್ಯ ದೇವರನ್ನು ಪೂಜಿಸಲಾಗುತ್ತದೆ. ಮಹಿಳೆಯರು ವಿಶೇಷವಾಗಿ ಈ ದಿನದಂದು ಉಪವಾಸ ಮಾಡುತ್ತಾರೆ. ಇದನ್ನು ಅಚಲ ಸಪ್ತಮಿ ಎಂದೂ ಕರೆಯುತ್ತೇವೆ. ಈ ದಿನವನ್ನು ಸೂರ್ಯದೇವನ ಜನ್ಮದಿನವಾಗಿಯೂ ಆಚರಿಸುತ್ತೇವೆ.
ರಥ ಸಪ್ತಮಿ 2023: ದಿನಾಂಕ ಮತ್ತು ಸಮಯ
ರಥ ಸಪ್ತಮಿ 2023: ಶನಿವಾರ, ಜನವರಿ 28, 2023
ಸಪ್ತಮಿ ತಿಥಿ ಪ್ರಾರಂಭ: ಜನವರಿ 27, 2023 ರಂದು ಬೆಳಿಗ್ಗೆ 09:10 ಕ್ಕೆ
ಸಪ್ತಮಿ ತಿಥಿ ಅಂತ್ಯ: ಜನವರಿ 28, 2023 ರಂದು ಬೆಳಿಗ್ಗೆ 08:43
ರಥ ಸಪ್ತಮಿಯಂದು ಸ್ನಾನ ಮುಹೂರ್ತ: ಬೆಳಿಗ್ಗೆ 05:26 ರಿಂದ 07:12 ರವರೆಗೆ
ಅವಧಿ: 01 ಗಂಟೆ 46 ನಿಮಿಷಗಳು
ನಿಮ್ಮ ಜಾತಕದಲ್ಲಿ ಸೂರ್ಯನು ದುರ್ಬಲನಾಗಿದ್ದರೆ ಅಥವಾ ನೀವು ಶುಭ ಫಲಿತಾಂಶಗಳನ್ನು ಪಡೆಯದಿದ್ದರೆ, ರಥ ಸಪ್ತಮಿಯ ದಿನವು ನಿಮಗೆ ಮಂಗಳಕರವಾಗಿರುತ್ತದೆ. ರಥಸಪ್ತಮಿಯ ದಿನದಂದು ಮಾಡುವ ಪರಿಹಾರಗಳು ನಿಮ್ಮ ಜಾತಕದಲ್ಲಿ ಸೂರ್ಯನನ್ನು ಬಲಶಾಲಿ ಮತ್ತು ಮಂಗಳಕರವಾಗಿಸುತ್ತದೆ.
Saturday luck: ಶನಿವಾರ ಶಾಪಿಂಗ್ ಓಕೆ, ಆದ್ರೆ ಈ ವಸ್ತುಗಳ್ನ ಮಾತ್ರ ಮನೆಗೆ ತರ್ಬೇಡಿ!
ಜಾತಕದಲ್ಲಿ ಸೂರ್ಯನನ್ನು ಬಲಪಡಿಸುವ ಮಾರ್ಗಗಳು
- ರಥಸಪ್ತಮಿಯ ದಿನದಂದು ಉಪ್ಪನ್ನು ಸೇವಿಸುವುದನ್ನು ನಿಷೇಧಿಸಲಾಗಿದೆ.
- ಈ ದಿನ ಉಪ್ಪನ್ನು ದಾನ ಮಾಡುವುದು ಮಂಗಳಕರವೆಂದು ಪರಿಗಣಿಸಲಾಗಿದೆ.
- ಈ ದಿನ ನದಿಯಲ್ಲಿ ಎಳ್ಳೆಣ್ಣೆಯ ದೀಪವನ್ನು ಹಚ್ಚಿ ಬಿಡಿ, ನಿಮ್ಮ ದಾಂಪತ್ಯ ಜೀವನದಲ್ಲಿ ಸಂತೋಷ ಇರುತ್ತದೆ.
- ಈ ದಿನ ಉದಯಿಸುವ ಸೂರ್ಯನಿಗೆ ಅರ್ಘ್ಯವನ್ನು ಅರ್ಪಿಸಿ, ನಿಮ್ಮ ವೃತ್ತಿಜೀವನದಲ್ಲಿ ನೀವು ಯಶಸ್ಸನ್ನು ಪಡೆಯುತ್ತೀರಿ.
- ಸ್ನಾನದ ನೀರಿನಲ್ಲಿ ಕೆಂಪು ಚಂದನ, ಗಂಗಾಜಲ ಮತ್ತು ಕುಂಕುಮವನ್ನು ಸೇರಿಸಿ ಸ್ನಾನ ಮಾಡಿ, ಮನೆಯಲ್ಲಿ ಸಂತೋಷ ಮತ್ತು ಸಮೃದ್ಧಿ ಬರುತ್ತದೆ.
- ನಿಮ್ಮ ಜಾತಕದಲ್ಲಿ ಸೂರ್ಯನನ್ನು ಬಲಪಡಿಸಲು, ಸ್ನಾನ ಮತ್ತು ಪೂಜೆಯ ನಂತರ, ಬಡ ಬ್ರಾಹ್ಮಣನಿಗೆ ಬೇಳೆ, ಬೆಲ್ಲ, ತಾಮ್ರ, ಗೋಧಿ, ಕೆಂಪು ಅಥವಾ ಕಿತ್ತಳೆ ಬಣ್ಣದ ಬಟ್ಟೆಯನ್ನು ದಾನ ಮಾಡಿ. ಇದು ನಿಮ್ಮ ಜಾತಕದಲ್ಲಿ ಸೂರ್ಯನನ್ನು ಬಲಪಡಿಸುತ್ತದೆ.
- ರಥಸಪ್ತಮಿಯಂದು ನೀವು ಶುಭ ಫಲಿತಾಂಶಗಳನ್ನು ಪಡೆಯುತ್ತೀರಿ.
ರಥಸಪ್ತಮಿಯಂದು ಉಪವಾಸ ಮಾಡುವುದರಿಂದ ಎಲ್ಲ ರೋಗಗಳು ನಾಶವಾಗುತ್ತವೆ. ಇದರೊಂದಿಗೆ, ನಿಮ್ಮ ವೃತ್ತಿಜೀವನದಲ್ಲಿ ನೀವು ಪ್ರಗತಿಯನ್ನು ಪಡೆಯುತ್ತೀರಿ. ನಿಮ್ಮ ಜಾತಕದಲ್ಲಿ ಸೂರ್ಯನ ಸ್ಥಾನವು ದುರ್ಬಲವಾಗಿದ್ದರೆ, ಈ ಪರಿಹಾರಗಳನ್ನು ಮಾಡುವುದರಿಂದ, ಸೂರ್ಯನು ಬಲಶಾಲಿಯಾಗುತ್ತಾನೆ ಮತ್ತು ಶುಭ ಫಲಿತಾಂಶಗಳನ್ನು ನೀಡುತ್ತಾನೆ. ರಥ ಸಪ್ತಮಿಯ ದಿನ ಸೂರ್ಯೋದಯಕ್ಕೂ ಮುನ್ನ ಎದ್ದು ಸ್ನಾನ ಮಾಡಬೇಕು. ಸ್ನಾನದ ನಂತರ ಸೂರ್ಯ ದೇವರಿಗೆ ಅರ್ಘ್ಯವನ್ನು ಅರ್ಪಿಸಬೇಕು. ನಂತರ ಸೂರ್ಯ ನಾರಾಯಣನ ಪೂಜೆಯನ್ನು ಮಾಡಬೇಕು.
ಅವಿಭಕ್ತ ಕುಟುಂಬದಲ್ಲಿ ಮಕ್ಕಳನ್ನು ಬೆಳೆಸೋಕೆ ಇಷ್ಟ ಪಡೋ ಜನ ಇವ್ರು!
ಆದ್ದರಿಂದ ನೀವು ಕೂಡ ಈ ದಿನದಂದು ಈ ಖಚಿತವಾದ ಕ್ರಮಗಳ ಮೂಲಕ ಸೂರ್ಯ ದೇವರನ್ನು ಮೆಚ್ಚಿಸಬಹುದು ಮತ್ತು ನಿಮ್ಮ ಜಾತಕದಲ್ಲಿ ಸೂರ್ಯನನ್ನು ಬಲಪಡಿಸಬಹುದು.
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.
