Daily Horoscope: ಈ ರಾಶಿಯವರಿಗಿಂದು ಉದ್ಯೋಗ ಅವಕಾಶ
30 ನವೆಂಬರ್ 2021, ಮಂಗಳವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಕನ್ಯಾ ರಾಶಿಗಿಂದು ಸಮಾಧಾನವೇ ಪ್ರಧಾನ
ಮೇಷ(Aries): ಹಿತೈಷಿಗಳೊಡನೆ ಸಮಾಲೋಚನೆ. ವ್ಯಾಪಾರದಲ್ಲಿ ಒತ್ತಡವಾದರೂ ಲಾಭ. ತಕರಾರುಗಳಲ್ಲಿ ನ್ಯಾಯ ಲಭ್ಯ. ಮಾತಿನಿಂದ ಲಾಭ, ಉಪನ್ಯಾಸಕರಿಗೆ ಉತ್ತಮ ದಿನ. ಸ್ತ್ರೀಯರಿಗೆ ಬಲ, ಶತ್ರುಗಳ ಬಂಧುಗಳ ಜೊತೆ ಎಚ್ಚರ, ಅಮ್ಮನವರಿಗೆ ಕುಂಕುಮಾರ್ಚನೆ ಮಾಡಿಸಿ.
ವೃಷಭ(Taurus): ವಿಘ್ನ ಸಂಭವ, ಅಸಮಾಧಾನದ ದಿನ, ಸಾಲ ಮಾಡಬೇಕಾದ ಸನ್ನಿವೇಶ. ಸ್ತ್ರೀಯರಿಗೆ ಕಾರ್ಯ ಸಾಧನೆ. ಲೇವಾದೇವಿಗಳಲ್ಲಿ ಒತ್ತಡದ ಜೊತೆ ನಷ್ಟ. ವಿವಾಹಿತರಲ್ಲಿ ವೈಮನಸ್ಸು. ವಿರೋಧಿಗಳಿಂದ ವಿಘ್ನ, ಹೊಸ ಕಾರ್ಯಕ್ಕೆ ಕೈ ಹಾಕಬೇಡಿ. ಸುಬ್ರಹ್ಮಣ್ಯ ಪ್ರಾರ್ಥನೆ ಮಾಡಿ.
ಮಿಥುನ(Gemini): ಹಾಲು-ಹೈನು-ಕೃಷಿ-ಹಣ್ಣು ವ್ಯಾಪಾರಿಗಳಿಗೆ ಉತ್ತಮ ಫಲ, ತಂದೆ-ಮಕ್ಕಳಿಗೆ ವಿರೋಧ, ಶಾಂತತೆ ಇರಲಿ. ಒಪ್ಪಂದ ವ್ಯವಹಾರಗಳಲ್ಲಿ ಲಾಭ. ಕೆಲಸ ಕಾರ್ಯಗಳು ಸರಾಗವಾಗಿ ಸಾಗುವುವು. ಆಪ್ತರೊಂದಿಗೆ ಪ್ರವಾಸ. ಮನೋಬಲ ವೃದ್ಧಿ. ಲಲಿತಾ ಸಹಸ್ರನಾಮ ಪಠಣ ಮಾಡಿ.
ಕಟಕ(Cancer): ಸಹೋದರರ ಸಹಕಾರ. ಸಾಮಾಜಿಕವಾಗಿ, ಧಾರ್ಮಿಕವಾಗಿ, ದಾನ-ಧರ್ಮಾದಿ ಸದ್ವಿನಿಯೋಗಕ್ಕೆಡೆಯಿದೆ. ಹಣಕಾಸಿನ ಚೇತರಿಕೆ, ಉದ್ಯೋಗಿಗಳಿಗೆ ಬಲ, ಶತ್ರುಪೀಡೆ ಕಡಿಮೆಯಿರುವುದರಿಂದ ಮಾನಸಿಕ ನೆಮ್ಮದಿ. ಆರೋಗ್ಯದ ಕಡೆ ಹೆಚ್ಚಿನ ಗಮನ ಕೊಡಿ. ಮನೆ ದೇವತೆ ಪ್ರಾರ್ಥನೆ ಮಾಡಿ.
ಸಿಂಹ(Leo): ಮನೆ ಹಿರಿಯರೊಂದಿಗೆ ಹೆಚ್ಚಿನ ಸಮಯ ಕಳೆಯುವುದರಿಂದ ಆಶೀರ್ವಾದ ಬಲ ಸಿಗಲಿದೆ. ಆಹಾರ ಸಮೃದ್ಧಿ. ಆರೋಗ್ಯದ ವಿಷಯದಲ್ಲಿ ಆಸ್ಪತ್ರೆ ಅಲೆದಾಟ. ಹೊಸ ವ್ಯಕ್ತಿಯ ಪರಿಚಯದಿಂದ ಸಂತಸ. ಸಂದೇಶಗಳ ಆಗಮನ. ಶಿವ-ಶಕ್ತಿಯರ ಪ್ರಾರ್ಥನೆ ಮಾಡಿ.
ಕನ್ಯಾ(Virgo): ಸ್ತ್ರೀಯರಿಂದ ಅನುಕೂಲ, ಸಾಲದ ಬಾಧೆ ಇರಲಿದೆ. ವಿರೋಧಿಗಳ ಉಪದ್ರವ. ಕುಟುಂಬದಲ್ಲಿ ಬೆಂಕಿಯ ವಾತಾವರಣ. ಸಾಧ್ಯವಾದಷ್ಟು ತಾಳ್ಮೆ, ಸಮಾಧಾನದಿಂದ ವರ್ತಿಸಿದರೆ ಮಾತ್ರ ಪರಿಸ್ಥಿತಿ ಹತೋಟಿಗೆ ತರಬಹುದು. ಕೆಲಸ ಕಾರ್ಯಗಳಲ್ಲಿ ಅಪೂರ್ಣತೆ. ಸುಬ್ರಹ್ಮಣ್ಯ ಪ್ರಾರ್ಥನೆ ಮಾಡಿ.
ತುಲಾ(Libra): ಗಾಯಗಳಾಗುವ ಸಾಧ್ಯತೆ, ಅಧಿಕ ಖರ್ಚು, ಆಪ್ತರು ದೂರಾಗುತ್ತಾರೆ, ಮನಸ್ಸು ಕದಡಿ ಹೋಗುತ್ತದೆ. ಗೃಹ ನವೀಕರಣ ಕಾರ್ಯಗಳು. ನ್ಯಾಯಾಲಯದ ಕೆಲಸಗಳು ವಿಳಂಬ, ಆಸ್ಪತ್ರೆ ಅಲೆದಾಟದಿಂದ ಸುಸ್ತು. ಮನಃಶಾಂತಿಗಾಗಿ ಸುಬ್ರಹ್ಮಣ್ಯ ಪ್ರಾರ್ಥನೆ ಮಾಡಿ. ದೇವಾಲಯಕ್ಕೆ ಭೇಟಿ ನೀಡಿ ಆತ್ಮಬಲ ವೃದ್ಧಿ ಮಾಡಿಕೊಳ್ಳಿ.
ವೃಶ್ಚಿಕ(Scorpio): ಮನದಾಸೆಯ ಪೂರೈಕೆಗಾಗಿ ಧಾರಾಳವಾಗಿ ಖರ್ಚು ವೆಚ್ಚಗಳನ್ನು ಮಾಡುವಿರಿ. ಲಾಭ ಸಮೃದ್ಧಿ, ದೈವಾನುಕೂಲ ಇರಲಿದೆ. ಪೂಜೆಯಲ್ಲಿ ಭಾಗಿಯಾಗುವ ದಿನ, ತಾಯಿಯ ಆರೋಗ್ಯದ ಕಡೆ ಗಮನ ಹರಿಸಿ. ಶತ್ರುಭೀತಿ ಇಲ್ಲವಾಗಿ ನೆಮ್ಮದಿಗೆ ಕಾರಣವಾಗುತ್ತದೆ. ಗ್ರಾಮ ದೇವತಾರಾಧನೆ ಮಾಡಿ.
ಧನುಸ್ಸು(Sagittarius): ಉದ್ಯೋಗಿಗಳಿಗೆ ಉತ್ತಮ ಅವಕಾಶ. ಚೆನ್ನಾಗಿ ಬಳಸಿಕೊಳ್ಳುವುದರಿಂದ ಒಳಿತಾಗಲಿದೆ. ನಿರುದ್ಯೋಗಿಗಳಿಗೆ ಸಿಹಿಸುದ್ದಿ ಕೇಳಿ ಬರಲಿದೆ. ಪ್ರಾಮಾಣಿಕತೆಯಿಂದ ಫಲ ಪಡೆಯುವಿರಿ. ಆರ್ಥಿಕವಾಗಿ ಉತ್ತಮ ಬೆಳವಣಿಗೆ ತೋರಿ ಮನೋಭಿಲಾಶೆ ಪೂರೈಸಲಿದೆ. ಈಶ್ವರನಿಗೆ ಬಿಲ್ವಾರ್ಚನೆ ಮಾಡಿಸಿ.
ಮಕರ(Capricorn): ದೊಡ್ಡವರ ಮಾತಿನಿಂದ ಬೇಸರ. ಹೆಚ್ಚಿನ ಕಾರ್ಯಕ್ಕೆ ಆತುರತೆ ಬೇಡ. ಯೋಚಿಸಿ, ಚರ್ಚಿಸಿ ಕಾರ್ಯರೂಪಕ್ಕೆ ಇಳಿಸಿ. ಪಾಲುದಾರಿಕೆಯಲ್ಲಿ ವಂಚನೆ ಆಗುವ ಸಾಧ್ಯತೆ. ಉದ್ಯೋಗಿಗಳಿಗೆ ಬಲವಿದೆ. ನ್ಯಾಯಾಲಯದ ಕೆಲಸ ಕಾರ್ಯಗಳಲ್ಲಿ ಹಿನ್ನಡೆ. ಗುರು ಚರಿತ್ರೆ ಓದಿ.
ಕುಂಭ(Aquarius): ವೃತ್ತಿಯಲ್ಲಿ ಯಶೋಲಾಭವಿದೆ. ಕಾರ್ಯರಂಗದಲ್ಲಿ ಹೆಚ್ಚಿನ ಹೊಣೆ ತೋರಿ ಅವಿರತ ದುಡಿಮೆ ಇರುವುದು. ಆರೋಗ್ಯದಲ್ಲಿ ವ್ಯತ್ಯಾಸ, ಶತ್ರುಗಳ ಕಾಟ. ಅವಿವಾಹಿತರಿಗೆ ಕಂಕಣಬಲವಿದೆ. ಕುಟುಂಬದಲ್ಲಿ ನೆಮ್ಮದಿ, ಹತ್ತಿರದವರಿಂದ ಶುಭಸುದ್ದಿ.ದೂರಪ್ರಯಾಣ ಬೇಡ. ಆದಿತ್ಯ ಹೃದಯ ಪಠಿಸಿ.
ಮೀನ(Pisces): ಸಮಯವರಿತು ಗಮನ ಹರಿಸಿ ಕಾರ್ಯಸಾಧನೆ ಮಾಡಿ. ದಾಖಲೆ ಸಂಬಂಧಿ ಸರ್ಕಾರಿ ಕೆಲಸಗಳಲ್ಲಿ ಯಶಸ್ಸು. ಮನೆಯಲ್ಲಿ ಸಣ್ಣ ಸಣ್ಣ ವಿಚಾರಕ್ಕೂ ಮನೋನೆಮ್ಮದಿ ಕೆಡಲಿದೆ. ಅಧಿಕ ವ್ಯಯ, ಆರೋಗ್ಯದಲ್ಲಿ ಏರುಪೇರು, ಮಕ್ಕಳಿಂದ ಸಹಾಯ, ಮಡದಿಯಿಂದ ಸಹಕಾರ, ಆದಿತ್ಯ ಹೃದಯ ಪಠಿಸಿ.
