29 ಏಪ್ರಿಲ್ 2022, ಶುಕ್ರವಾರದ ಭವಿಷ್ಯ ಹೇಗಿದೆ?ಯಾವ ರಾಶಿಗೆ ಶುಭ ಫಲವಿದೆ?ವೃಷಭ ರಾಶಿಗಿಂದು ಹೂಡಿಕೆಗಳಲ್ಲಿ ಫಲ
ಮೇಷ(Aries): ನೀವು ಯೋಜಿಸಿದ ದೂರ ಪ್ರಯಾಣಕ್ಕೆ ಹೋಗುವ ಮುನ್ನವೇ ಅಡೆತಡೆಗಳು ಎದುರಾಗಬಹುದು. ಸ್ನೇಹಿತನ ಕುಟಿಲತನ ಬಯಲಾಗಿ ಆಘಾತ ಸಾಧ್ಯತೆ. ಉದ್ಯೋಗದಲ್ಲಿ ಏಕಾಗ್ರತೆ ಸಿಗದೆ ಹೋಗಲಿದೆ. ಸಂಗಾತಿಯೊಂದಿಗೆ ಮಾತುಕತೆ ಜಗಳಕ್ಕೆ ತಿರುಗುವ ಸಾಧ್ಯತೆ. ಮಹಾಲಕ್ಷ್ಮೀ ಸ್ಮರಣೆ ಮಾಡಿ.
ವೃಷಭ(Taurus): ಆರ್ಥಿಕ ಅಡಚಣೆಗಳಿದ್ದರೂ ಕಾರ್ಯದಲ್ಲಿ ಪ್ರಗತಿ ಇರಲಿದೆ. ವ್ಯಾಪಾರ, ಉದ್ದಿಮೆಗಳಲ್ಲಿ, ರಿಯಲ್ ಎಸ್ಟೇಟ್ ವ್ಯವಹಾರಗಳಲ್ಲಿ ಉತ್ತಮ ಲಾಭ ಕಾಣುವಿರಿ. ನಿರುದ್ಯೋಗಿಗಳು ಹೊಸ ಮಾರ್ಗಗಳನ್ನು ಹುಡುಕುವತ್ತ ಗಮನ ಹರಿಸಬೇಕು. ಗೋ ಗ್ರಾಸ ನೀಡಿ.
ಮಿಥುನ(Gemini): ಆರೋಗ್ಯ ಸಮಸ್ಯೆಗಳು ಬಾಧಿಸಲಿವೆ. ಮಕ್ಕಳ ವಿಷಯದಲ್ಲಿ ಆತಂಕ ಹೆಚ್ಚಬಹುದು. ಕಾರ್ಯಗಳಲ್ಲಿ ಎಡವಟ್ಟಾಗುವ ಸಾಧ್ಯತೆ. ಕಚೇರಿಯಲ್ಲಿ ಮಾತಿನಲ್ಲಿ ಎಡವಟ್ಟಾಗಬಹುದು. ತಂದೆತಾಯಿಯ ಸೌಖ್ಯ ವಿಚಾರಿಸಿ. ಶಿವ ಶಕ್ತಿಯರ ಸ್ಮರಣೆ ಮಾಡಿ.
ಕಟಕ(Cancer): ಹೂಡಿಕೆಗಳು ಫಲ ನೀಡಲಿವೆ. ಭವಿಷ್ಯದ ಬಗ್ಗೆ ಗಂಭೀರವಾಗಿ ಯೋಚಿಸುವ ಅಗತ್ಯವಿದೆ. ನಿಮ್ಮಿಂದ ಕುಟುಂಬದ ಇತರ ಸದಸ್ಯರಿಗೆ ಸಮಸ್ಯೆಯಾಗುತ್ತಿರಬಹುದು. ಅದರ ಪರಿಹಾರದಿಂದಲೇ ಮನೆಯಲ್ಲಿ ನೆಮ್ಮದಿ ಸಾಧ್ಯ. ಕೊಂಚ ಹೊಂದಾಣಿಕೆ ಮಾಡಿಕೊಳ್ಳಿ. ತಾಯಿಯ ಆಶೀರ್ವಾದ ಪಡೆಯಿರಿ.
ಸಿಂಹ(Leo): ಬಹಳಷ್ಟು ಕೆಲಸಗಳು ಎಲ್ಲ ಕಡೆಗಳಿಂದಲೂ ಬಂದು ಹೆಗಲೇರಿ ಕುಳಿತುಕೊಳ್ಳಲಿವೆ. ತಾಳ್ಮೆಯಿಂದ ಒಂದೊಂದಾಗಿ ನಿಭಾಯಿಸಿ. ನಿಮ್ಮ ಜವಾಬ್ದಾರಿಗಳ ಭಾರದ ಕೋಪವನ್ನು ಇತರರ ಮೇಲೆ ತೋರಬೇಡಿ. ಮಾತಾಡುವ ಮುಂಚೆ ಎಚ್ಚರ ವಹಿಸಿ. ಅಮ್ಮನವರಿಗೆ ಕುಂಕುಮಾರ್ಚನೆ ಮಾಡಿಸಿ.
ಕನ್ಯಾ(Virgo): ವಾಗ್ವಾದಗಳಲ್ಲಿ ನನ್ನದೇನೂ ತಪ್ಪೇ ಇಲ್ಲ, ಎಲ್ಲವೂ ಇನ್ನೊಬ್ಬರದೇ ಎಂಬ ಧೋರಣೆಯಿಂದ ಹೊರ ಬನ್ನಿ. ಮನುಷ್ಯ ಮಾತ್ರರೆಲ್ಲರೂ ತಪ್ಪು ಮಾಡುವುದು ಸಹಜ. ಒಪ್ಪಿಕೊಂಡರೆ ದೊಡ್ಡವರಾಗಬಹುದು. ಕರ್ತವ್ಯ ನಿಷ್ಠೆ ಇರಲಿ. ದುರ್ಗಾ ಅಷ್ಟೋತ್ತರ ಹೇಳಿಕೊಳ್ಳಿ.
ತುಲಾ(Libra): ಇಷ್ಟ ಮಿತ್ರರ ಸಹಕಾರದಿಂದ ಮಾನಸಿಕ ಸಮಾಧಾನ ತೋರಿ ಬರುವುದು. ಪ್ರಾಮಾಣಿಕ ಕಾರ್ಯ ವಿಧಾನಗಳಿಂದ ಹಣದ ಆದಾಯ ಹೆಚ್ಚಲಿದೆ. . ಬಹಳ ಕಾಲದಿಂದ ಎದುರು ನೋಡುತ್ತಿದ್ದ ವಾರ್ತೆಯೊಂದು ಸಿಕ್ಕು ಸಮಾಧಾನ, ಸಂತಸವಾಗುವುದು. ಶಾರದಾಂಬೆಯ ಸ್ಮರಣೆ ಮಾಡಿ.
ವೃಶ್ಚಿಕ(Scorpio): ನಿಮ್ಮ ಮನಸ್ಸನ್ನು ಸೀಕ್ರೆಟ್ ಲಾಕರ್ ಮಾಡಿಕೊಂಡರೆ ಪ್ರಯೋಜನವಿಲ್ಲ. ಮನದ ಮಾತನ್ನು ಅಗತ್ಯವಿದ್ದಲ್ಲಿ ಹೇಳಿಕೊಳ್ಳಿ. ದೂರ ಪ್ರಯಾಣ ಇರಲಿದೆ. ಯಾವುದೇ ಕಾರಣಕ್ಕೂ ಮುಂದಿಟ್ಟ ಹೆಜ್ಜೆ ಹಿಂದಿಡಬೇಡಿ. ಅಮ್ಮನವರಿಗೆ ಕೆಂಪು ಹಾಗೂ ಬಿಳಿ ಹೂಗಳಿಂದ ಪೂಜೆ ಮಾಡಿ.
ಶನೈಶ್ಚರಿ ಅಮಾವಾಸ್ಯೆ 2022: ಶನಿ ದೋಷದ ಸಮಸ್ಯೆಗಳಿಂದ ಮುಕ್ತರಾಗಲು ನೀವೇನು ಮಾಡಬೇಕು ಗೊತ್ತಾ?
ಧನುಸ್ಸು(Sagittarius): ಹೇಳಬೇಕಾದುದನ್ನು ಹೇಳದೆ, ಬೇರೆಲ್ಲ ಎಷ್ಟು ಮಾತಾಡಿದರೂ ಪ್ರಯೋಜನವಿಲ್ಲ. ಕೃಷಿ ಸೇರಿದಂತೆ ಅಧಿಕ ದೈಹಿಕ ಶ್ರಮದ ಪ್ರವೃತ್ತಿಗಳಲ್ಲಿ ನಿರಾಶೆ ಉಂಟಾಗಬಹುದು. ಕಚೇರಿ ಉದ್ಯೋಗಗಳಲ್ಲಿ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು. ಲಲಿತಾ ಸಹಸ್ರನಾಮ ಹೇಳಿಕೊಳ್ಳಿ.
ಮಕರ(Capricorn): ಸಮಸ್ಯೆಗಳು ಹೆಚ್ಚಿದಂತೆನಿಸಬಹುದು. ಆದರೆ, ನಿಮಗಿಂತ ಹೆಚ್ಚು ಸಮಸ್ಯೆ ಇರುವವರೇ ಸುತ್ತಲಿದ್ದಾರೆ ಎಂಬುದನ್ನು ಗಮನಿಸಿ. ಅವನ್ನು ಎದುರಿಸುವ ಧೈರ್ಯ ಪಡೆದುಕೊಳ್ಳಿ. ಯಾರಿಗೂ ಸಾಲ ನೀಡಬೇಡಿ. ಆರೋಗ್ಯ ಸಮಸ್ಯೆಗಳು ಕಾಡಬಹುದು. ಅನ್ನಪೂರ್ಣೇಶ್ವರಿಯನ್ನು ಸ್ಮರಿಸಿ.
Saturn Transit: 30 ವರ್ಷಗಳ ನಂತರ ಕುಂಭ ರಾಶಿಗೆ ಶನಿ ಪ್ರವೇಶ, ದ್ವಾದಶ ರಾಶಿಗಳ ಮೇಲೆ ಹೀಗಿವೆ ಪ್ರಭಾವ
ಕುಂಭ(Aquarius): ಕಾರ್ಯರಂಗದಲ್ಲಿ ನಿಮ್ಮ ಕೀರ್ತಿಯು ಮೇಲ್ಮಟ್ಟಕ್ಕೆ ಏರುವುದು. ಮನೆಯ ಸದಸ್ಯರ ವರ್ತನೆ ಬೇಸರ ಮೂಡಿಸುವುದು. ಸಂಗಾತಿಯ ಸಹಕಾರ ಇರಲಿದೆ. ಧನ ಲಾಭ ಇರಲಿದೆ. ಅದಕ್ಕಿಂತ ಹೆಚ್ಚಿನ ಖರ್ಚುಗಳು ಎದುರಾಗಲಿವೆ. ಸಂಗಾತಿಯ ಕಷ್ಟಗಳಿಗೆ ಹೆಗಲು ನೀಡಿ. ಅಮ್ಮನವರಿಗೆ ಕುಂಕುಮಾರ್ಚನೆ ಮಾಡಿಸಿ.
ಮೀನ(Pisces): ಹತ್ತಿರದವರನ್ನು ಕಳೆದುಕೊಳ್ಳುವ ಸಾಧ್ಯತೆ ಇದೆ. ಬಹಳಷ್ಟು ನೋವು ಅನುಭವಿಸಬೇಕಾಗುವುದು. ವಾಹನಗಳು ದುರಸ್ತಿಗೆ ಬರಬಹುದು. ಕಚೇರಿಯಲ್ಲಿ ಬೈಸಿಕೊಳ್ಳಬೇಕಾಗುವುದು. ದೊಡ್ಡ ನಿರ್ಧಾರಗಳನ್ನು ತೆಗೆದುಕೊಳ್ಳಬೇಡಿ. ದುರ್ಗಾ ಅಷ್ಟೋತ್ತರ ಹೇಳಿಕೊಳ್ಳಿ.
