Daily Horoscope: ಮೀನ ರಾಶಿಗೆ ಕಾಡುವ ಅಪವಾದ, ಕಟಕಕ್ಕೆ ಸಿಗುವುದು ಅವಕಾಶ
20 ಡಿಸೆಂಬರ್ 2021, ಸೋಮವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ? ಯಾವ ರಾಶಿಗೆ ಕಂಟಕವಿದೆ?
ಹಿತಶತ್ರುಗಳ ಕಾಟಕ್ಕೆ ಸಿಂಹ ಹೈರಾಣು, ಆರೋಗ್ಯ ಸಮಸ್ಯೆಗೆ ಮಿಥುನ ಕಂಗಾಲು
 )
Followಮೇಷ(Aries): ಸ್ನೇಹಿತರ ಸಹಕಾರದಿಂದ ಸಾಲ ತೀರಿಸುವಿರಿ. ಉದ್ಯೋಗ ಕ್ಷೇತ್ರದಲ್ಲಿ ಹಿರಿಯ ಉದ್ಯೋಗಿಗಳಿಂದ ಬೈಸಿಕೊಳ್ಳಬೇಕಾಗುತ್ತದೆ. ಕೆಲಸದಲ್ಲಿ ಹೆಚ್ಚು ಶ್ರದ್ಧೆ ಅಗತ್ಯ. ವಿದ್ಯಾರ್ಥಿಗಳಿಗೆ ನಿಲ್ಲದ ಏಕಾಗ್ರತೆ. ಜೀವನ ಸಂಗಾತಿಯೊಂದಿಗೆ ಮುನಿಸು. ಸುಬ್ರಹ್ಮಣ್ಯನನ್ನು ಪ್ರಾರ್ಥಿಸಿ.
ವೃಷಭ(Taurus): ಬಹು ಕಾಲದಿಂದ ಕನಸು ಕಂಡ ಪ್ರವಾಸ ಇಂದು ನನಸು. ಆಪ್ತರೊಂದಿಗೆ ಸಮಯ ಕಳೆಯುವುದರಿಂದ ಹೆಚ್ಚುವ ಉಲ್ಲಾಸ. ಹೊಸ ಹೊಸ ಅನುಭವಗಳಿಂದ ಕಲಿಕೆ. ಮಕ್ಕಳ ವಿಚಾರಕ್ಕೆ ಪೋಷಕರು ಜಗಳವಾಡದಿರಿ. ವ್ಯಾಪಾರದ ವಿಷಯಗಳಲ್ಲಿ ತುಂಬಾ ಆತುರ ಬೇಡ. ಮನೆದೇವರ ಸ್ಮರಣೆ ಮಾಡಿ.
ಮಿಥುನ(Gemini): ಧೀರ್ಘಕಾಲದಿಂದ ಅನುಭವಿಸುತ್ತಿರುವ ಆರೋಗ್ಯ ಸಮಸ್ಯೆಗಳು ಮತ್ತಷ್ಟು ಉಲ್ಬಣಗೊಂಡಾವು. ಒಮ್ಮೆ ವೈದ್ಯರಲ್ಲಿ ತಪಾಸಣೆ ಮಾಡಿಸಿ. ಮಕ್ಕಳ ಪ್ರಬುದ್ಧತೆ ಅಚ್ಚರಿ ತಂದೀತು. ಉದ್ಯೋಗದಲ್ಲಿ ನಿಲ್ಲದ ಏಕಾಗ್ರತೆ, ಸಾಗದ ಕೆಲಸ. ವ್ಯಾಪಾರಿಗಳಿಗೆ ಧನ ನಷ್ಟ. ಧನ್ವಂತರಿ ಮಂತ್ರ ಹೇಳಿಕೊಳ್ಳಿ.
ಕಟಕ(Cancer): ನಿರುದ್ಯೋಗಿಗಳು ಬಂದ ಅವಕಾಶಕ್ಕೆ ನೆಪ ಹೇಳಿ ಕೈ ಬಿಡಬೇಡಿ. ಬಂದ ಅವಕಾಶ ಚಿಕ್ಕದಾಗಿದ್ದರೂ, ಬಳಸಿಕೊಂಡರೆ ಭವಿಷ್ಯದಲ್ಲಿ ಒಳಿತಾಗಲಿದೆ. ಉದ್ಯೋಗಿಗಳಿಗೆ ಸಹೋದ್ಯೋಗಿಗಳ ಸಹಕಾರ ಸಿಕ್ಕಿ ಸಮಯಕ್ಕೆ ಸರಿಯಾಗಿ ಕೆಲಸಗಳು ಮುಗಿಯುವುವು. ಶಿವ ಸ್ಮರಣೆಯಿಂದ ಒಳಿತಾಗುವುದು.
Lord Shiva facts: ಶಿವನಿಗೆ ಇಬ್ಬರಲ್ಲ, ಒಂಬತ್ತು ಮಕ್ಕಳು, ಅದರಲ್ಲೊಬ್ಬಳು ಮಗಳು!
ಸಿಂಹ(Leo): ಹಿತಶತ್ರುಗಳ ಉಪಟಳ ಹಾಗೂ ದಾಯಾದಿಗಳ ಕಿರಿಕಿರಿ ಕಾಡಬಹುದು. ಮಾತಿಗೆ ಮಾತು ಬೆಳೆಸದೆ ಮೌನದಿಂದ ಕಾರ್ಯ ಸಾಧಿಸಿ. ನಿಮ್ಮ ವೈಯಕ್ತಿಕ ವಿಷಯಗಳಲ್ಲಿ ಮೂರನೇ ವ್ಯಕ್ತಿ ಮಧ್ಯಪ್ರವೇಶಿಸಲು ಬಿಡದಿದ್ದರೆ ಉತ್ತಮ. ಹಣದ ಸ್ಥಿತಿ ಉತ್ತಮವಾಗಿರುತ್ತದೆ. ಹಸುವಿಗೆ ಬೆಲ್ಲ, ಅಕ್ಕಿ ನೀಡಿ.
ಕನ್ಯಾ(Virgo): ಸಂಗಾತಿಯೊಂದಿಗೆ ಜಗಳ, ಮುನಿಸು ಹೆಚ್ಚುವುದು. ನಿಮ್ಮ ಸಂಗಾತಿಗೆ ನಿಮ್ಮೊಂದಿಗೆ ಹೆಚ್ಚಿನ ನಂಬಿಕೆ ಬೆಳೆಸುವ ಕಾರ್ಯದಲ್ಲಿ ತೊಡಗಿಸಿಕೊಳ್ಳಿ. ವ್ಯಾಪಾರ ವಹಿವಾಟುಗಳಲ್ಲಿ ಲಾಭ. ಉದ್ಯೋಗದಲ್ಲಿರುವ ಜನರು ತಮ್ಮ ಬಾಕಿ ಕೆಲಸವನ್ನು ಇಂದೇ ಪೂರ್ಣಗೊಳಿಸಿ. ದೇವತಾ ಕಾರ್ಯಗಳಲ್ಲಿ ಭಾಗವಹಿಸುವಿರಿ. ಶಿವಶಕ್ತಿಯರ ಪ್ರಾರ್ಥನೆ ಮಾಡಿ.
ತುಲಾ(Libra): ಸಕ್ಕರೆ ಕಾಯಿಲೆ, ರಕ್ತದೊತ್ತಡ ಸಮಸ್ಯೆಗಳಿದ್ದರೆ ಒಮ್ಮೆ ತಪಾಸಣೆ ಮಾಡಿಸಿಕೊಳ್ಳಿ. ಹೆತ್ತವರ ಸಹಕಾರದಿಂದ ಕಷ್ಟದ ಕೆಲಸಗಳು ಸರಾಗವಾಗಿ ಸಾಗುವುವು. ಮಕ್ಕಳಿಗೆ ವಿದ್ಯಾಭ್ಯಾಸದಲ್ಲಿ ಪ್ರಗತಿ ಇರಲಿದೆ. ಅವಿವಾಹಿತರಿಗೆ ಕ್ಲೇಶ ಉಂಟಾಗುವುದು. ಪೋಷಕರ ಆಶೀರ್ವಾದ ಪಡೆಯಿರಿ.
Weekly Horoscope: ಈ ರಾಶಿಗೆ ಪಾಲುದಾರಿಕೆ ಕೆಲಸಗಳಲ್ಲಿ ಎಚ್ಚರ ಅಗತ್ಯ, ನಿಮ್ಮ ರಾಶಿಗೇನಿದೆ ನೋಡಿ..
ವೃಶ್ಚಿಕ(Scorpio): ನಿಮ್ಮ ವೈರಿಯೊಡನೆ ಇದ್ದಕ್ಕಿದ್ದ ಹಾಗೆ ಸಮನ್ವಯ ಸಾಧಿಸಿ ಸಮಯ ಕಳೆಯುವಿರಿ. ತಾತ್ಕಾಲಿಕವಾಗಿ ದ್ವೇಷ ಶಮನವಾದಂತೆ ಕಂಡುಬರುವುದು. ತಾಯಿಯ ಸಹಕಾರದಿಂದ ಆರೋಗ್ಯ ಸಮಸ್ಯೆಗಳು ನೀಗುವುವು. ಉದ್ಯೋಗದಲ್ಲಿ ಪ್ರಗತಿ. ಸುಬ್ರಹ್ಮಣ್ಯ ಪ್ರಾರ್ಥನೆ ಮಾಡಿ.
ಧನುಸ್ಸು(Sagittarius): ಹೊಸ ತಂತ್ರಜ್ಞಾನ ಮತ್ತು ಜ್ಞಾನವನ್ನು ಪಡೆಯುವ ಬಯಕೆಯಿಂದ ಕಲಿಕೆ. ಬದಲಾಗುತ್ತಿರುವ ಋತುವಿನ ಕಾರಣದಿಂದ ಆರೋಗ್ಯದಲ್ಲಿ ಏರುಪೇರು. ಬಿಡುವಿಲ್ಲದ ದುಡಿಮೆಯಾದರೂ ಧನಲಾಭದಿಂದ ಸಂತೃಪ್ತಿ. ಶಾರದಾ ದೇವಿಯ ಸ್ಮರಣೆ ಮಾಡಿ.
ಮಕರ(Capricorn): ಮನಸ್ಸನ್ನು ನಿಗ್ರಹಿಸಿಕೊಳ್ಳದಿದ್ದರೆ ಹುಚ್ಚುಕೋಡಿಯಂತೆ ಓಡಿ ಸಮಯ ಹಾಳು ಮಾಡುವುದು. ಸರ್ಕಾರಿ ಕೆಲಸಗಳಲ್ಲಿರುವವರಿಗೆ ಸಿಹಿ ಸುದ್ದಿ. ವರ್ಗಾವಣೆ ಬಯಸುವವರಿಗೆ ಫಲ ಸಂಭಾವ್ಯತೆ. ಕುಟುಂಬ ಸದಸ್ಯರ ಜೊತೆ ಮಾತಿನಿಂದ ಸಮಾಧಾನ. ತಾಯಿಯ ಕೈಯಿಂದ ಸಿಹಿ ತಿನ್ನಿಸಿಕೊಳ್ಳಿ.
ಕುಂಭ(Aquarius): ವೈದ್ಯ ವೃತ್ತಿಯಲ್ಲಿರುವವರು, ಎಂಜಿನಿಯರ್‌ಗಳಿಗೆ ಹಿರಿಯರಿಂದ ಪ್ರಶಂಸೆ. ಕೆಲವು ಅನಗತ್ಯ ಖರ್ಚುಗಳು ಇರಬಹುದು. ವಾಹನ ಚಾಲನೆ ಮಾಡುವ ಮುನ್ನ ಮನೆ ದೇವರನ್ನು ಸ್ಮರಿಸಿ. ಕುಟುಂಬ ಸದಸ್ಯರ ಜೊತೆ ತಾಳ್ಮೆಯಿಂದ ಮಾತನಾಡಿ. ಕಾರ್ತಿಕೇಯನ ಆರಾಧನೆ ಮಾಡಿ.
ಮೀನ(Pisces): ಉದ್ಯೋಗದಲ್ಲಿ ತಪ್ಪುಗಳಾಗುವ ಸಾಧ್ಯತೆ. ವಿನಾಕಾರಣ ಅಪವಾದ ಎದುರಿಸಬೇಕಾಗಬಹುದು. ನಿಮ್ಮ ನಿಲುವನ್ನು ವ್ಯಕ್ತಪಡಿಸದೆ ಇರಬೇಡಿ. ಪ್ರಮುಖ ನಿರ್ಧಾರಗಳನ್ನು ಕೈಗೊಳ್ಳಲು, ಆ ಸಂಬಂಧ ಸಹಿ ಹಾಕಲು ಇಂದು ಒಳಿತಲ್ಲ. ವಿಷ್ಣು ಸಹಸ್ರನಾಮ ಪಠಿಸಿ.
