IPL 2022 ಮಿಂಚುತ್ತಿರುವ ನಾಯಕ ರಾಹುಲ್‌ಗೆ ಭಾರಿ ಡಿಮ್ಯಾಂಡ್, ಖಾಸಗಿ ಬ್ರ್ಯಾಂಡ್‌ಗೆ ರಾಯಭಾರಿಯಾಗಿ ನೇಮಕ!
- ಕೆಎಲ್ ರಾಹುಲ್ ಜೊತೆ ಒಪ್ಪಂದ ಮಾಡಿಕೊಳ್ಳಲು ಕ್ಯೂ
- ಕೋಟಿ ಕೋಟಿ ರೂಪಾಯಿ ಮೂಲಕ ರಾಹುಲ್ ಜೊತೆ ಒಪ್ಪಂದ
- XYXX ಬ್ರ್ಯಾಂಡ್‌ಗೆ ಕೆಲ್ ರಾಹುಲ್‌ನನ್ನು ಬ್ರ್ಯಾಂಡ್ ಅಂಬಾಸಿಡರ್
Followಮುಂಬೈ(ಮೇ.12) ಕೆಎಲ್ ರಾಹುಲ್ ನಾಯಕತ್ವದ ಲಖನೌ ಸೂಪರ್ ಜೈಂಟ್ಸ್ ದಿಟ್ಟ ಪ್ರದರ್ಶನ ನೀಡುತ್ತಿದೆ. ಅಂಕಪಟ್ಟಿಯಲ್ಲಿ ಎರಡನೇ ಸ್ಥಾನ ಅಲಂಕರಿಸುವ ಮೂಲಕ ಪ್ಲೇ ಆಫ್ ಸ್ಥಾನ ಬಹುತೇಕ ಖಚಿತಪಡಿಸಿಕೊಂಡಿದೆ. ಬ್ಯಾಟಿಂಗ್ ಹಾಗೂ ನಾಯಕತ್ವದಲ್ಲಿ ಮಿಂಚುತ್ತಿರುವ ರಾಹುಲ್‌ಗೆ ಭಾರಿ ಡಿಮ್ಯಾಂಡ್ ವ್ಯಕ್ತವಾಗಿದೆ. ಜಾಹೀರಾತುದಾರರು ರಾಹುಲ್ ಜೊತೆ ಒಪ್ಪಂದ ಮಾಡಿಕೊಳ್ಳಲು ಕಾಯುತ್ತಿದ್ದಾರ. ಇದರ ನಡುವೆ XYXX ತಮ್ಮ ಬ್ರ್ಯಾಂಡ್‌ಗೆ ಕೆಲ್ ರಾಹುಲ್‌ನನ್ನು ಬ್ರ್ಯಾಂಡ್ ಅಂಬಾಸಿಡರ್ ಆಗಿ ನೇಮಕ ಮಾಡಿದೆ.
ಪ್ರೀಮಿಯಂ ಪುರುಷರ ಒಳ ಉಡುಪು ಮತ್ತು ಕಂಫರ್ಟ್ ವೇರ್ ಲೇಬಲ್ ಆಗಿರುವ XYXX, ಅಸಾಧಾರಣ ಕ್ರಿಕೆಟಿಗ ಕೆಎಲ್ ರಾಹುಲ್ ಅವರನ್ನು ಒಳ ಉಡುಪು ಮತ್ತು ಲೌಂಜ್ ವೇರ್ ವರ್ಗದ ತಮ್ಮ ಮೊದಲ ರಾಯಭಾರಿಯನ್ನಾಗಿ ನೇಮಿಸಿಕೊಂಡಿದೆ.
ಕೆ ಎಲ್ ರಾಹುಲ್-ಆತಿಯಾ ವಿವಾಹಕ್ಕೆ ಗ್ರೀನ್‌ ಸಿಗ್ನಲ್ ಕೊಟ್ಟ ಸುನಿಲ್ ಶೆಟ್ಟಿ..!
ಈ ಸಹಯೋಗದ ಬಗ್ಗೆ ಪ್ರತಿಕ್ರಿಯಿಸಿದ ಕ್ರಿಕೆಟಿಗ ಕೆಎಲ್ ರಾಹುಲ್, ‘‘ನಾನು ಕೆಲ ಸಮಯದಿಂದ XYXX ಬ್ರಾಂಡ್‌ ಅನ್ನು ಧರಿಸುತ್ತಿದ್ದೇನೆ ಮತ್ತು ಕಳೆದ ಕೆಲವು ವರ್ಷಗಳಿಂದ ಅವರ ಬೆಳವಣಿಗೆ ಮತ್ತು ನಾವೀನ್ಯತೆಯನ್ನು ಗುರುತಿಸಿದ್ದೇನೆ. ಅವರು ಹೊಸ ಎತ್ತರಗಳನ್ನು ತಲುಪುತ್ತಿರುವ ಈ ಸಮಯದಲ್ಲಿ ಅವರ ಪ್ರಯಾಣದ ಭಾಗವಾಗಲು ನಾನು ಉತ್ಸುಕನಾಗಿದ್ದೇನೆ ಎಂದಿದ್ದಾರೆ.
ಅಗ್ರ ಕ್ರಿಕೆಟಿಗ ಮತ್ತು ಬ್ರಾಂಡ್‌ ನಡುವಿನ ಈ ಸಂಬಂಧವು XYXX ಅನ್ನು ಮಾರುಕಟ್ಟೆಯಲ್ಲಿ ಅಭಿಮಾನಿಗಳ ಮೆಚ್ಚಿನ ಬ್ರಾಂಡ್‌ ಆಗಿ ಸ್ಥಾಪಿಸುವಲ್ಲಿ ನೆರವಾಗಲಿದೆ. XYXX ತಮ್ಮ ಪ್ರಯಾಣದಲ್ಲಿ ಹೊಸ ಅಧ್ಯಾಯವನ್ನು ಗುರುತಿಸುತ್ತಿದ್ದು, ಈ ಮೂಲಕ ತಮ್ಮ ಆನ್‌ ಲೈನ್ ಉಪಸ್ಥಿತಿಯನ್ನು ಮತ್ತಷ್ಟು ಬಲಪಡಿಸಲು ಮತ್ತು ಮಾರುಕಟ್ಟೆಗಳಲ್ಲಿ ದೃಢವಾದ ಭೌಗೋಳಿಕ ವಿಸ್ತರಣೆಯನ್ನು ಹೊಂದಲು ಕೆಎಲ್ ರಾಹುಲ್ ಅವರನ್ನು ಮಾರ್ಕ್ಯೂ ವಿಭಾಗಗಳಾದ ಒಳ ಉಡುಪು ಮತ್ತು ಲೌಂಜ್ ವೇರ್ ನ ಮುಖವಾಣಿಯನ್ನಾಗಿ ಮಾಡಿದೆ.
ಕೆ.ಎಲ್ ರಾಹುಲ್ ಜೊತೆ ಒಂದೇ ಮನೆಗೆ ಶಿಫ್ಟ್ ಆದ್ರಾ ಎಂದಿದ್ದಕ್ಕೆ ಗರಂ ಆದ ಅತಿಯಾ; Reply ಹೀಗಿತ್ತು
XYXX A– ಸರಣಿಯ ನಿಧಿಯಲ್ಲಿ vc, DSG ಗ್ರಾಹಕ ಪಾಲುದಾರರು ಮತ್ತು ಸಿನರ್ಜಿ ಕ್ಯಾಪಿಟಲ್ ಪಾಲುದಾರರಿಂದ 30 ಕೋಟಿ ರೂಪಾಯಿಯನ್ನು ಸಂಗ್ರಹಿಸಿದೆ. ಈ ಏಪ್ರಿಲ್ ತಿಂಗಳಿಂದ, ಕೆಎಲ್ ರಾಹುಲ್ ಬಹಿರಂಗಪಡಿಸದ ಮೊತ್ತಕ್ಕೆ XYXX ನ ಹೂಡಿಕೆದಾರರಾಗಿ ಸೇರಿದ್ದಾರೆ.
ಇತ್ತೀಚಿನ ಈ ಮಹತ್ವದ ಹೆಜ್ಜೆಯನ್ನು ಕುರಿತು ಮಾತನಾಡಿದ XYXX ಸಂಸ್ಥಾಪಕ ಯೋಗೇಶ್ ಕಬ್ರಾ, ‘ಕೆಎಲ್ ರಾಹುಲ್ ಭಾರತೀಯ ಕ್ರಿಕೆಟ್ ನ ಸಂವೇದನೆಯಾಗಿದ್ದಾರೆ, ಅವರು ಯಾವಾಗಲೂ ತಮ್ಮ ಕಠಿಣ ಪರಿಶ್ರಮ ಮತ್ತು ಸಾಧನೆಗಳ ಮೂಲಕ ಹೆಚ್ಚು ಮಾತನಾಡುತ್ತಾರೆ. ಬ್ರಾಂಡ್‌ ನ ನಂಬಿಕೆಗೆ ಅವರೊಂದು ಸ್ಪಷ್ಟ ಉದಾಹರಣೆಯಾಗಿದ್ದಾರೆ. ಕೆಎಲ್ ರಾಹುಲ್ ವಿಶ್ವ ದರ್ಜೆಯ ಕ್ರೀಡಾಪಟುವಾಗುವುದರ ಜೊತೆಗೆ, ಯುವ, ವಿವೇಚನಾಶೀಲ ಭಾರತೀಯನ ಪರಿಪೂರ್ಣ ಸಾಕಾರವೂ ಹೌದು. ನಮ್ಮ ಮೊದಲ ಬ್ರಾಂಡ್‌ ಅಂಬಾಸಿಡರ್ ಆಗಿ ಇವರಿಗಿಂತ ಹೆಚ್ಚು ಆದರ್ಶ ವ್ಯಕ್ತಿಯನ್ನು ಹುಡುಕಲು ಸಾಧ್ಯವಿರಲಿಲ್ಲ. ಯಥಾಸ್ಥಿತಿಗೆ ಸವಾಲು ಹಾಕಲು, ನಮ್ಮದೇ ಆದ ವಿಶಿಷ್ಟ ಕಥೆಯನ್ನು ಹೇಳಲು ಮತ್ತು ಭಾರತೀಯ ಒಳಉಡುಪು ವಿಭಾಗದಲ್ಲಿ ಗ್ರಾಹಕರ ಅಗತ್ಯಗಳನ್ನು ಪೂರೈಸುವ ಬ್ರಾಂಡ್‌ ಆಗಿ ಮುಂದುವರಿಯುವ ನಿಟ್ಟಿನಲ್ಲಿ ರಾಹುಲ್ ಅವರೊಂದಿಗೆ ಸಹಯೋಗ ಹೊಂದಲು ಮತ್ತು ಅವರೊಂದಿಗೆ ಹೊಸ ಪಡೆಯನ್ನು ಮುಂದುವರಿಸಲು ನಾವು ಉತ್ಸುಕರಾಗಿದ್ದೇವೆ” ಎಂದರು.
