ಕ್ಯಾಪ್ಟನ್ ಕೂಲ್ ಧೋನಿ IPL ನಿವೃತ್ತಿ ಸದ್ಯಕ್ಕಿಲ್ಲ..!
* ಮತ್ತೊಮ್ಮೆ ಚೆನ್ನೈ ಸೂಪರ್ ಕಿಂಗ್ಸ್‌ ತಂಡದ ಚುಕ್ಕಾಣಿ ಹಿಡಿದ ಎಂ ಎಸ್ ಧೋನಿ
* ಮುಂದೆಯೂ ಯೆಲ್ಲೋ ಜರ್ಸಿಯಲ್ಲಿ ಧೋನಿ ಕಾಣಸಿಗುವುದು ಖಚಿತ
* ತಮ್ಮ ನಿವೃತ್ತಿಯ ಊಹಾಪೋಹಗಳಿಗೆ ತೆರೆ ಎಳೆದ ಕ್ಯಾಪ್ಟನ್ ಕೂಲ್
Followಮುಂಬೈ(ಮೇ.03) : ಎಂ.ಎಸ್ ಧೋನಿ (MS Dhoni) ಅಂತರಾಷ್ಟ್ರೀಯ ಕ್ರಿಕೆಟ್ಗೆ ಗುಡ್ಬೈ ಹೇಳಿದ ದಿನದಿಂದಲೇ ಐಪಿಎಲ್ಗೆ ಯಾವಾಗ ನಿವೃತ್ತಿ ಘೋಷಿಸ್ತಾರೆ ಅನ್ನೋ ಪ್ರಶ್ನೆ ಆಗಾಗ ಮುನ್ನಲೆಗೆ ಬರ್ತಿದೆ. 13ನೇ ಸೀಸನ್ ಮುಗಿಯುತ್ತಿದ್ದಂತೆ ಮಹಿ ಐಪಿಎಲ್ ಯುಗ ಅಂತ್ಯವಾಯ್ತು ಎಂದೂ ಎಲ್ಲರೂ ಭಾವಿಸಿದ್ರು. ಆದ್ರೆ ಮಾಸ್ಟರ್ ಮೈಂಡ್ ಧೋನಿ ‘ಡೆಫಿನೆಟ್ಲಿ ನಾಟ್’ ಅನ್ನೋ ಮೂಲಕ ವಿದಾಯ ಸುದ್ದಿಗೆ ಫುಲ್ಸ್ಟಾಪ್ ಹಾಕಿದ್ರು. ಮಹೇಂದ್ರ ಸಿಂಗ್ ಧೋನಿ 2020ರ ಆಗಸ್ಟ್ 15ರಂದು ದಿಢೀರ್ ಎನ್ನುವಂತೆ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಗುಡ್ ಬೈ ಹೇಳಿದ್ದರು.
ಅಂದು ಚಾಣಕ್ಯ ಹೇಳಿದ ಈ ಡೆಫಿನೆಟ್ಲಿ ನಾಟ್ ಅನ್ನೋ ಒಂದೇ ಮಾತು ಅಭಿಮಾನಿಗಳನ್ನ ಖುಷಿಯನ್ನ ಇಮ್ಮಡಿಗೊಳಿಸಿತ್ತು. ಇನ್ನಷ್ಟು ವರ್ಷ ಯೆಲ್ಲೋ ಜೆರ್ಸಿಯಲ್ಲಿ ಧೋನಿ ಆಟವನ್ನ ಕಣ್ತುಂಬಿಕೊಳ್ಳಬಹುದು ಎಂದು ಸಮಾಧಾನಪಟ್ಟಿದ್ರು. ಈ ಮಧ್ಯೆ ಎಂಎಸ್ಡಿ ಸೀಸನ್ ಆರಂಭಕ್ಕೂ ಮುನ್ನ ಕ್ಯಾಪ್ಟನ್ಸಿಯನ್ನ ಜಡೇಜಾಗೆ ಬಿಟ್ಟುಕೊಟ್ಟು ಅಚ್ಚರಿ ಮೂಡಿಸಿದ್ರು. ದಿಢೀರ್ ಕ್ಯಾಪ್ಟನ್ಸಿ ತ್ಯಜಿಸ್ತಿದ್ದಂತೆ ಮಹಿ ಈ ವರ್ಷವೇ ಐಪಿಎಲ್ಗೆ ಮತ್ತೆ ನಿವೃತ್ತ ಕೊಡ್ತಾರೆ ಅನ್ನೋ ಸುದ್ದಿ ಹರಿದಾಡೋಕೆ ಶುರುವಾಯ್ತು. ಧೋನಿ ಅಭಿಮಾನಿಗಳಂತೂ ಹಾಗಾಗದಿರಲಿ ಎಂದು ದೇವರಲ್ಲಿ ಪ್ರಾರ್ಥಿಸಿದ್ರು. ಇನ್ನು ಕೆಲವರು ವಯಸ್ಸಾಗಿದೆ ಈ ಬಾರಿ ಗುಡ್ಬೈ ಹೇಳೋದು ಪಕ್ಕನ್ನೂ ಅಂದ್ರು. ಸದ್ಯ ಈ ಗೊಂದಲಕ್ಕೆ ಚಾಂಪಿಯನ್ ಕ್ಯಾಪ್ಟನ್ ತಮ್ಮದೇ ಸ್ಟೈಲ್ನಲ್ಲಿ ಉತ್ತರಿಸಿದ್ದು, ಇನ್ನಷ್ಟು ವರ್ಷ ಯೆಲ್ಲೋ ಜೆರ್ಸಿಯಲ್ಲಿ ಕಣಕ್ಕಿಳಿಯೋದನ್ನು ಖಚಿತಪಡಿಸಿದ್ದಾರೆ.
ಮುಂದಿನ ಆವೃತ್ತಿಯಲ್ಲಿ ಮತ್ತೆ ಕಾಣಿಸಿಕೊಳ್ತಾರೆ MSD:
ಯೆಸ್, ಮುಂದಿನ ಸೀಸನ್ನಲ್ಲಿ ಧೋನಿ ಆಡ್ತಾರೋ? ಇಲ್ಲೋ ಅನ್ನೋ ಬಗ್ಗೆ ಫ್ಯಾನ್ಸ್ ತಲೆಕೆಡಿಸಿಕೊಂಡಿರುವಾಗ್ಲೇ ಮಹಿ ಮತ್ತೆ ಚೆನ್ನೈ ಪರ ಕಣಕ್ಕಿಳಿಯೋದು ಪಕ್ಕಾ ಎಂದಿದ್ದಾರೆ. ‘‘ಹಿಂದೆ ನಾನು ಹೇಳಿದಂತೆ ಖಂಡಿತಾ ಮುಂದಿನ ಸೀಸನ್ನಲ್ಲಿ ಕಾಣಿಸಿಕೊಳ್ತೇನೆ. ಆದ್ರೆ ಅದು ಈ ಯೆಲ್ಲೋ ಜೆರ್ಸಿನಾ ಅಥವಾ ಬೇರೆ ಯೆಲ್ಲೋ ಜೆರ್ಸಿ ಅನ್ನೋದು ಮುಂದಿನ ದಿನಗಳಲ್ಲಿ ನಿಮಗೆ ಗೊತ್ತಾಗುತ್ತೆ’’ ಅನ್ನುವ ಮೂಲಕ ಅಲ್ಲೂ ಸಸ್ಪೆನ್ಸ್ ಕಾಯ್ದುಕೊಂಡಿದ್ರು.
ಕ್ಯಾಪ್ಟನ್ ಆಗಿ ಉಳಿದುಕೊಳ್ತಾರಾ ? ಏನಿರಬಹುದು ಸಸ್ಪೆನ್ಸ್ ಸಿಕ್ರೇಟ್:
ಕೀಪಿಂಗ್ ಚಾಣಕ್ಯ ಧೋನಿ ತಾನು ಮತ್ತೊಮ್ಮೆ ಜೀನಿಯಸ್ ಕ್ರಿಕೆಟರ್ ಅನ್ನೋದನ್ನ ಪ್ರೂವ್ ಮಾಡಿದ್ದಾರೆ. ಮುಂದಿನ ಸೀಸನ್ನಲ್ಲಿ ಯೆಲ್ಲೋ ಜೆರ್ಸಿಯಲ್ಲಿ ಕಾಣಿಸಿಕೊಳ್ತೀನಿ ಅಂದಿರೋ ಮಹಿ ಅದು ಯಾವ ಯೆಲ್ಲೋ ಜೆರ್ಸಿ ಅನ್ನೋದರ ಗುಟ್ಟು ಮಾತ್ರ ಬಿಟ್ಟುಕೊಟ್ಟಿಲ್ಲ. ಸಸ್ಪೆನ್ಸ್ ಆನ್ಸರ್ ನೀಡಿ ಎಲ್ಲರ ತಳೆಯಲ್ಲಿ ಹುಳಬಿಟ್ಟಿದ್ದಾರೆ. ಹಾಗಾದ್ರೆ 2023ನೇ ಐಪಿಎಲ್ನಲ್ಲಿ ಚೆನ್ಮೈ ತಂಡದಲ್ಲಿ ಧೋನಿಯ ಪಾತ್ರ ಏನಿರಬಹುದು ? ಕ್ಯಾಪ್ಟನ್ನಾ ಅಥವಾ ಬರೀ ಆಟಗಾರನಾ ? ಇಲ್ಲ ಐಪಿಎಲ್ ಕೆರಿಯರ್ಗೆ ಗುಡ್ಬೈ ಹೇಳಿ ಸಿಎಸ್ಕೆ ತಂಡದ ಮೆಂಟರ್ ಆಗಬಹುದಾ. ಇಲ್ಲ ತಂಡದ ಹೆಡ್ ಕೋಚ್ ಆಗಿ ಕಾಣಿಸಿಕೊಳ್ತಾರಾ ? ಈ ಎಲ್ಲಾ ಆಯ್ಕೆಗಳು ಧೋನಿ ಮುಂದಿವೆ. ಆದ್ರೆ ಫೈನಲಿ ಜಗಮೆಚ್ಚಿದ ಧೋನಿ ಆಯ್ಕೆ ಏನಾಗಿರಬಹುದು ಅನ್ನೋದು ಗೊತ್ತಾಗಬೇಕಾದ್ರೆ ಮುಂದಿನ ಸೀಸನ್ವರೆಗೂ ನೀವು ಕಾಯಲೇಬೇಕು.
