ICC Women's T20 World Cup: ಟಿ20 ವಿಶ್ವಕಪ್ ಕಿರೀಟಕ್ಕೆ ಆಸೀಸ್‌ vs ಆಫ್ರಿಕಾ ಫೈಟ್
ಐಸಿಸಿ ಮಹಿಳಾ ಟಿ20 ವಿಶ್ವಕಪ್ ಫೈನಲ್ ಪಂದ್ಯಕ್ಕಿಂದು ಕ್ಷಣಗಣನೆ
ಪ್ರಶಸ್ತಿಗಾಗಿ ಹಾಲಿ ಚಾಂಪಿಯನ್ ಆಸ್ಟ್ರೇಲಿಯಾ, ಆತಿಥೇಯ ದಕ್ಷಿಣ ಆಫ್ರಿಕಾ ಫೈಟ್
ಮೊದಲ ಬಾರಿಗೆ ಐಸಿಸಿ ಟ್ರೋಫಿ ಜಯಿಸಿವ ಕನವರಿಕೆಯಲ್ಲಿದೆ ದಕ್ಷಿಣ ಆಫ್ರಿಕಾ ತಂಡ
ಕೇಪ್‌ಟೌನ್‌(ಫೆ.26): ಯಾವುದೇ ಐಸಿಸಿ ಟೂರ್ನಿಯ ಇತಿಹಾಸದಲ್ಲೇ ಮೊತ್ತ ಮೊದಲ ಬಾರಿ ಚಾಂಪಿಯನ್ ಎನಿಸಿಕೊಳ್ಳುವ ಕಾತರದಲ್ಲಿರುವ ದಕ್ಷಿಣ ಆಫ್ರಿಕಾ ತಂಡ ಮಹಿಳಾ ಟಿ20 ವಿಶ್ವಕಪ್‌ನ ಫೈನಲ್‌ನಲ್ಲಿ ಭಾನುವಾರ ಆಸ್ಪ್ರೇಲಿಯಾ ವಿರುದ್ಧ ಸೆಣಸಾಡಲಿದೆ. ದಕ್ಷಿಣ ಆಫ್ರಿಕಾ ಪುರುಷರ ತಂಡ ಐಸಿಸಿ ಟೂರ್ನಿಗಳ ನಾಕೌಟ್‌ನಲ್ಲಿ ಆಘಾತಕಾರಿ ಸೋಲುಂಡು ಹೊರಬೀಳುವುದು ಸಾಮಾನ್ಯ ಎಂಬಂತಾಗಿದೆ. ಈ ನಡುವೆ ಮಹಿಳೆಯರು ಮೊದಲ ಬಾರಿ ವಿಶ್ವಕಪ್ ಫೈನಲ್ ತಲುಪಿದ್ದು, ಪ್ರಶಸ್ತಿ ಬರ ನೀಗಿಸಲು ಎದುರು ನೋಡುತ್ತಿದ್ದಾರೆ. ಅತ್ತ ಸತತ 7ನೇ ಬಾರಿ ಫೈನಲ್‌ಗೆ ಲಗ್ಗೆ ಇಟ್ಟಿರುವ ಆಸ್ಪ್ರೇಲಿಯಾ 6ನೇ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿದೆ.
ಗುಂಪು ಹಂತದಲ್ಲಿ ಉಭಯ ತಂಡಗಳೂ ‘ಎ’ ಗುಂಪಿನಲ್ಲಿ ಸ್ಥಾನ ಪಡೆದಿತ್ತು. ಎಲ್ಲಾ 4 ಪಂದ್ಯಗಳಲ್ಲಿ ಗೆದ್ದು ಅಜೇಯವಾಗಿದ್ದ ಆಸೀಸ್‌, ಸೆಮೀಸ್‌ನಲ್ಲಿ ಭಾರತ ವಿರುದ್ಧ ಜಯ ತನ್ನದಾಗಿಸಿಕೊಂಡಿತ್ತು. ಅತ್ತ ದಕ್ಷಿಣ ಆಫ್ರಿಕಾ ತಂಡ ಆಸೀಸ್‌ ಹಾಗೂ ಶ್ರೀಲಂಕಾ ವಿರುದ್ಧ ಸೋತ ಹೊರತಾಗಿಯೂ ನೆಟ್‌ ರನ್‌ರೇಟ್‌ ಆಧಾರದಲ್ಲಿ ಸೆಮಿಫೈನಲ್‌ ತಲುಪಿತ್ತು. ಸೆಮೀಸ್‌ನಲ್ಲಿ ಚೊಚ್ಚಲ ಆವೃತ್ತಿ ಚಾಂಪಿಯನ್ ಇಂಗ್ಲೆಂಡ್‌ಗೆ ಸೋಲುಣಿಸಿತ್ತು.
ದಕ್ಷಿಣ ಆಫ್ರಿಕಾ ಲಾರಾ ವೊಲ್ವಾರ್ಚ್‌, ತಾಜ್ಮಿನ್‌ ಬ್ರಿಟ್ಸ್‌ರನ್ನು ಬ್ಯಾಟಿಂಗ್‌ ವಿಭಾಗದಲ್ಲಿ ಹೆಚ್ಚಾಗಿ ನೆಚ್ಚಿಕೊಂಡಿದ್ದು, ಬೌಲಿಂಗ್‌ನಲ್ಲಿ ಶಬ್ನಿಮ್‌ ಇಸ್ಮಾಯಿಲ್‌, ಅಯಬೊಂಗಾ ಖಾಕ, ಮರಿಯಾನೆ ಕಾಪ್‌ ಮಿಂಚುತ್ತಿದ್ದಾರೆ. ಅತ್ತ ಕಡೆ ಆಸೀಸ್‌ ಎಲ್ಲಾ ವಿಭಾಗದಲ್ಲೂ ಬಲಿಷ್ಠವಾಗಿದ್ದು, ಏಕಾಂಗಿಯಾಗಿ ಪಂದ್ಯ ಗೆಲ್ಲಿಸಬಲ್ಲ ಸಾಮರ್ಥ್ಯವಿರುವ ಆಟಗಾರ್ತಿಯರು ಹೆಚ್ಚಿದ್ದಾರೆ. ಹೀಗಾಗಿ ಆಸೀಸ್‌ ವಿರುದ್ಧ ಗೆಲುವಿಗೆ ದ.ಆಫ್ರಿಕಾ ಅಸಾಧಾರಣ ಪ್ರದರ್ಶನ ತೋರಬೇಕಾದ ಅಗತ್ಯವಿದೆ.
ಧೋನಿಯ ಮಾತನ್ನು ತಾವು ನಂಬುವುದೇಕೆ ಎನ್ನುವ ಸತ್ಯ ಬಹಿರಂಗ ಮಾಡಿದ ವಿರಾಟ್ ಕೊಹ್ಲಿ..!
ಪಂದ್ಯ: ಸಂಜೆ 6.30ಕ್ಕೆ
ನೇರ ಪ್ರಸಾರ: ಸ್ಟಾರ್ಸ್ಪೋರ್ಟ್ಸ್
ಒಟ್ಟು ಮುಖಾಮುಖಿ 06
ಆಸೀಸ್‌: 06
ದ.ಆಫ್ರಿಕಾ: 00
ಆಸೀಸ್‌ ವಿರುದ್ಧ ಗೆದ್ದಿಲ್ಲ ದಕ್ಷಿಣ ಆಫ್ರಿಕಾ!
ಆಸ್ಪ್ರೇಲಿಯಾ ವಿರುದ್ಧ ದಕ್ಷಿಣ ಆಫ್ರಿಕಾ ತಂಡ ಈವರೆಗೆ ಟಿ20, ಏಕದಿನ ಪಂದ್ಯಗಳಲ್ಲಿ ಒಂದೂ ಗೆಲುವು ಸಾಧಿಸಿಲ್ಲ. ಉಭಯ ತಂಡಗಳು ಈವರೆಗೆ ಟಿ20ಯಲ್ಲಿ 6 ಬಾರಿ ಮುಖಾಮುಖಿಯಾಗಿದ್ದು ಎಲ್ಲಾ ಪಂದ್ಯಗಳಲ್ಲೂ ಆಸೀಸ್‌ ಜಯಗಳಿಸಿದೆ. 15 ಏಕದಿನ ಪಂದ್ಯಗಳಲ್ಲಿ ಆಸೀಸ್‌ 14ರಲ್ಲಿ ಜಯಭೇರಿ ಬಾರಿಸಿದ್ದು, 1 ಪಂದ್ಯ ಟೈ ಆಗಿದೆ.
ಟೆಸ್ಟ್‌: ಇಂಗ್ಲೆಂಡ್ 435/8, ಕಿವೀಸ್‌ 7 ವಿಕೆಟ್‌ಗೆ 138
ವೆಲ್ಲಿಂಗ್ಟನ್‌: ನ್ಯೂಜಿಲೆಂಡ್‌ ವಿರುದ್ಧದ 2ನೇ ಟೆಸ್ಟ್‌ನಲ್ಲಿ ಇಂಗ್ಲೆಂಡ್ ಬೃಹತ್‌ ಮೊತ್ತ ಕಲೆಹಾಕಿದ್ದು, ಬಳಿಕ ಆತಿಥೇಯ ತಂಡವನ್ನು ಕಡಿಮೆ ಮೊತ್ತಕ್ಕೆ ನಿಯಂತ್ರಿಸಿ ಪಂದ್ಯದ ಮೇಲೆ ಬಿಗಿ ಹಿಡಿತ ಸಾಧಿಸಿದೆ. ಹ್ಯಾರಿ ಬ್ರೂಕ್‌(186), ಜೋ ರೂಟ್‌(ಔಟಾಗದೆ 153) ಅಬ್ಬರದಿಂದಾಗಿ ಇಂಗ್ಲೆಂಡ್ ಮೊದಲ ಇನ್ನಿಂಗ್‌್ಸನಲ್ಲಿ 8 ವಿಕೆಟ್‌ಗೆ 435 ರನ್‌ ಗಳಿಸಿ ಡಿಕ್ಲೇರ್‌ ಮಾಡಿಕೊಂಡಿತು. ಹೆನ್ರಿ 4 ವಿಕೆಟ್‌ ಕಿತ್ತರು. ಬಳಿಕ ಇನ್ನಿಂಗ್‌್ಸ ಆರಂಭಿಸಿದ ಕಿವೀಸ್‌ 2ನೇ ದಿನದಂತ್ಯಕ್ಕೆ 7 ವಿಕೆಟ್‌ಗೆ 138 ರನ್‌ ಗಳಿಸಿದ್ದು, ಇನ್ನೂ 297 ರನ್‌ ಹಿನ್ನಡೆಯಲ್ಲಿದೆ. ಬ್ಲಂಡೆಲ್‌(25), ಸೌಥಿ(23) ಫಾಲೋ-ಆನ್‌ ತಪ್ಪಿಸಲು ಹೋರಾಡುತ್ತಿದ್ದಾರೆ. ಆ್ಯಂಡರ್‌ಸನ್‌, ಲೀಚ್‌ ತಲಾ 3 ವಿಕೆಟ್‌ ಕಿತ್ತರು.
