ವುಮೆನ್ಸ್‌ ಪ್ರೀಮಿಯರ್ ಲೀಗ್ ಟೂರ್ನಿಯು ಮಾರ್ಚ್ 04ರಿಂದ ಆರಂಭಡೆಲ್ಲಿ ಕ್ಯಾಪಿಟಲ್ಸ್ ತಂಡದ ನಾಯಕಿಯಾಗಿ ಮೆಗ್‌ ಲ್ಯಾನಿಂಗ್ ನೇಮಕ4 ಟಿ20  ವಿಶ್ವಕಪ್ ಒಂದು ಏಕದಿನ ವಿಶ್ವಕಪ್ ಗೆದ್ದ ನಾಯಕಿ ಲ್ಯಾನಿಂಗ್

ಮುಂಬೈ(ಮಾ.03): 4 ಟಿ20, 1 ಏಕ​ದಿನ ವಿಶ್ವ​ಕಪ್‌ ವಿಜೇತ ಆಸ್ಪ್ರೇ​ಲಿ​ಯಾ ತಂಡದ ನಾಯಕಿ ಮೆಗ್‌ ಲ್ಯಾನಿಂಗ್‌ ಚೊಚ್ಚಲ ಅವೃ​ತ್ತಿಯ ವುಮೆನ್ಸ್‌ ಪ್ರೀಮಿ​ಯರ್‌ ಲೀಗ್‌​(​ಮ​ಹಿಳಾ ಐಪಿ​ಎ​ಲ್‌​)ನಲ್ಲಿ ಡೆಲ್ಲಿ ಕ್ಯಾಪಿ​ಟಲ್ಸ್‌ ತಂಡವನ್ನು ಮುನ್ನ​ಡೆ​ಸ​ಲಿ​ದ್ದಾರೆ. ಭಾರ​ತದ ತಾರಾ ಬ್ಯಾಟರ್‌ ಜೆಮಿಮಾ ರೋಡ್ರಿಗ್ಸ್ ತಂಡಕ್ಕೆ ಉಪ​ನಾ​ಯ​ಕಿ​ಯಾಗಿ ನೇಮ​ಕ​ಗೊಂಡಿ​ದ್ದಾರೆ. 

ಇತ್ತೀ​ಚೆಗೆ ನಡೆದ ಹರಾ​ಜಿ​ನಲ್ಲಿ ಡೆಲ್ಲಿ ತಂಡ ಲ್ಯಾನಿಂಗ್‌​ರನ್ನು 1.1 ಕೋಟಿ ರು. ನೀಡ ಖರೀ​ದಿ​ಸಿತ್ತು. ಜೆಮಿಮಾ 2.2 ಕೋಟಿ ರು.ಗೆ ತಂಡಕ್ಕೆ ಬಿಕ​ರಿ​ಯಾ​ಗಿ​ದ್ದರು. ಲ್ಯಾನಿಂಗ್‌ ಟೂರ್ನಿಯಲ್ಲಿ ತಂಡ ಮುನ್ನ​ಡೆ​ಸ​ಲಿ​ರುವ 3ನೇ ಆಸೀಸ್‌ ಆಟ​ಗಾ​ರ್ತಿ. ಬೆಥ್‌ ಮೂನಿ ಗುಜ​ರಾತ್‌ ಜೈಂಟ್ಸ್‌, ಅಲೀಸಾ ಹೀಲಿ ಯುಪಿ ವಾರಿ​ಯ​​ರ್ಸ್‌ಗೆ ನಾಯ​ಕತ್ವ ವಹಿ​ಸ​ಲಿ​ದ್ದಾರೆ.

ಮಹಿಳಾ ಐಪಿ​ಎ​ಲ್‌: ಯುಪಿ ತಂಡಕ್ಕೆ ದೀಪ್ತಿ ಉಪ​ನಾ​ಯ​ಕಿ

ನವ​ದೆ​ಹಲಿ. ವುಮೆನ್ಸ್‌ ಪ್ರೀಮಿ​ಯರ್‌ ಲೀಗ್‌​(​ಮ​ಹಿಳಾ ಐಪಿ​ಎ​ಲ್‌​)ನ ಯುಪಿ ವಾರಿ​ಯ​ರ್ಸ್‌ ತಂಡಕ್ಕೆ ಆಲ್ರೌಂಡರ್‌ ದೀಪ್ತಿ ಶರ್ಮಾ ಉಪ​ನಾ​ಯಕಿಯಾಗಿ ನೇಮ​ಕ​ಗೊಂಡಿ​ದ್ದಾರೆ. 25 ವರ್ಷದ ದೀಪ್ತಿ​ಯನ್ನು ಇತ್ತೀಚೆಗೆ ನಡೆದ ಹರಾ​ಜಿ​ನಲ್ಲಿ ಫ್ರಾಂಚೈ​ಸಿಯು 2.6 ಕೋಟಿ ರು. ನೀಡಿ ಖರೀ​ದಿ​ಸಿತ್ತು. ಅವ​ರನ್ನು ತಂಡಕ್ಕೆ ನಾಯ​ಕಿ​ಯಾಗಿ ನೇಮಿ​ಸ​ಲಾ​ಗು​ತ್ತದೆ ಎಂದು ವರ​ದಿ​ಯಾ​ಗಿತ್ತು. ಆದರೆ ನಾಯ​ಕ​ತ್ವದ ಹೊಣೆ​ಯನ್ನು ಆಸ್ಪ್ರೇ​ಲಿ​ಯಾದ ಅಲೀಸಾ ಹೀಲಿಗೆ ವಹಿ​ಸ​ಲಾ​ಗಿದೆ. ಮಾರ್ಚ್‌ 4ಕ್ಕೆ ಚೊಚ್ಚಲ ಆವೃತ್ತಿ ಮಹಿಳಾ ಐಪಿ​ಎಲ್‌ ಆರಂಭ​ಗೊ​ಳ್ಳ​ಲಿ​ದೆ.

ಟಿ20 ವಿಶ್ವ​ಕಪ್‌ ಶ್ರೇಷ್ಠ ತಂಡ​ದಲ್ಲಿ ರಿಚಾ ಘೋಷ್‌

ಕೇಪ್‌​ಟೌ​ನ್‌: ಭಾರ​ತದ ವಿಕೆಟ್‌ ಕೀಪರ್‌ ಬ್ಯಾಟರ್‌ ರಿಚಾ ಘೋಷ್‌ ಐಸಿಸಿ ಮಹಿಳಾ ಟಿ20 ವಿಶ್ವ​ಕ​ಪ್‌ನ ಶ್ರೇಷ್ಠ ತಂಡ​ದಲ್ಲಿ ಸ್ಥಾನ ಗಿಟ್ಟಿ​ಸಿ​ಕೊಂಡಿದ್ದು, ತಂಡ​ದ​ಲ್ಲಿರುವ ಏಕೈಕ ಭಾರ​ತೀಯ ಆಟ​ಗಾರ್ತಿ ಎನಿ​ಸಿ​ದ್ದಾರೆ. ರಿಚಾ ವಿಂಡೀಸ್‌ ವಿರುದ್ಧ ಔಟಾ​ಗದೆ 44, ಇಂಗ್ಲೆಂಡ್‌ ವಿರುದ್ಧ ಔಟಾ​ಗದೆ 47 ರನ್‌ ಸೇರಿ 68ರ ಸರಾ​ಸ​ರಿ​ಯಲ್ಲಿ ಒಟ್ಟು 136 ರನ್‌ ಸಿಡಿ​ಸಿ​ದ್ದರು. ತಂಡಕ್ಕೆ ಇಂಗ್ಲೆಂಡ್‌ನ ನಥಾಲಿ ಸ್ಕೀವರ್‌ ನಾಯ​ಕಿ​ಯಾಗಿ ಆಯ್ಕೆ​ಯಾ​ಗಿದ್ದು, ಆಸ್ಪ್ರೇ​ಲಿ​ಯಾದ ನಾಲ್ವರು ತಂಡ​ದ​ಲ್ಲಿ​ದ್ದಾರೆ.

WPL 2023 ಮಹಿಳಾ ಐಪಿಎಲ್ ಅದ್ಧೂರಿ ಒಪನಿಂಗ್ ಸೆರಮನಿ, ಕೃತಿ, ಕಿಯಾರ ವರ್ಣರಂಜಿತ ಕಾರ್ಯಕ್ರಮ!

2024ರ ಟಿ20 ವಿಶ್ವ​ಕ​ಪ್‌​ಗೆ ಭಾರತ ವನಿ​ತೆಯರ ಅರ್ಹ​ತೆ

ದುಬೈ: ಬಾಂಗ್ಲಾ​ದೇ​ಶ​ದಲ್ಲಿ ನಡೆ​ಯ​ಲಿ​ರು​ವ 2024ರ ಐಸಿಸಿ ಮಹಿಳಾ ಟಿ20 ವಿಶ್ವ​ಕ​ಪ್‌ಗೆ ಭಾರತ ತಂಡ ನೇರವಾಗಿ ಅರ್ಹತೆ ಗಿಟ್ಟಿ​ಸಿ​ಕೊಂಡಿದೆ. ಇತ್ತೀ​ಚೆಗೆ ಮುಕ್ತಾ​ಯ​ಗೊ​ಂಡ ಟಿ20 ವಿಶ್ವ​ಕ​ಪ್‌​ನಲ್ಲಿ ಭಾರತ ಗುಂಪು 2ರಲ್ಲಿ 2ನೇ ಸ್ಥಾನ ಪಡೆ​ದಿತ್ತು. ಈ ಗುಂಪಿ​ನಿಂದ ಇಂಗ್ಲೆಂಡ್‌, ವೆಸ್ಟ್‌​ಇಂಡೀಸ್‌ ತಂಡ​ಗಳು ನೇರ​ವಾಗಿ ಅರ್ಹತೆ ಪಡೆ​ದಿವೆ. 

ಚಾಂಪಿ​ಯನ್‌ ಆಸ್ಪ್ರೇ​ಲಿಯಾ, ನ್ಯೂಜಿ​ಲೆಂಡ್‌ ಹಾಗೂ ದ.ಆ​ಫ್ರಿಕಾ ತಂಡ​ಗಳೂ ವಿಶ್ವ​ಕ​ಪ್‌​ನಲ್ಲಿ ಸ್ಥಾನ ಗಿಟ್ಟಿ​ಸಿ​ಕೊಂಡಿವೆ. ಬಾಂಗ್ಲಾ​ದೇಶ ಆತಿಥ್ಯ ದೇಶ​ವಾಗಿ ಅರ್ಹತೆ ಪಡೆ​ದಿದ್ದು, ರಾರ‍ಯಂಕಿಂಗ್‌​ನಲ್ಲಿ 7ನೇ ಸ್ಥಾನ​ದ​ಲ್ಲಿ​ರುವ ಪಾಕಿ​ಸ್ತಾನ ಕೂಡಾ ಅರ್ಹತೆ ಗಿಟ್ಟಿ​ಸಿದೆ. ಆದರೆ ಶ್ರೀಲಂಕಾ, ಐರ್ಲೆಂಡ್‌ ನೇರ​ವಾಗಿ ಅರ್ಹತೆ ಪಡೆ​ದು​ಕೊ​ಳ್ಳಲು ವಿಫ​ಲ​ವಾ​ಗಿ​ವೆ.