BIG 3: ಅನೈತಿಕ ಚಟುವಟಿಕೆಗಳ ತಾಣವಾದ 'ಶ್ರೀನಿವಾಸಪುರ ಹೈಟೆಕ್ ಬಸ್ ನಿಲ್ದಾಣ'
ಕೋಲಾರ ಜಿಲ್ಲೆ ಶ್ರೀನಿವಾಸಪುರ ತಾಲೂಕಿನಲ್ಲಿ ಬಸ್ ನಿಲ್ದಾಣಗಳ ಕಥೆ ಕೇಳಿದ್ರೆ ಸಾಕು, ಇಲ್ಲಿನ ಜನರು ಸ್ಥಳೀಯ ರಾಜಕಾರಣಿಗಳ ಬಗ್ಗೆ ಉರಿದು ಬೀಳ್ತಾರೆ.
Followಶ್ರೀನಿವಾಸಪುರ ಪಟ್ಟಣದ ಹೃದಯ ಭಾಗದಲ್ಲಿ ಹಳೆಯ ಬಸ್ ನಿಲ್ದಾಣ ಇದ್ರೂ ಸಹ, ಪಟ್ಟಣದಿಂದ ಸುಮಾರು 2 ಕೀ.ಮಿ ದೂರದಲ್ಲಿ ಕೋಟ್ಯಂತರ ರೂಪಾಯಿ ವೆಚ್ಚದಲ್ಲಿ ಹೈಟೆಕ್ ಬಸ್ ನಿಲ್ದಾಣ ನಿರ್ಮಾಣ ಮಾಡಿದ್ದಾರೆ. ಕಳೆದ 2017 ಜೂನ್ 10ರಂದು ಶಾಸಕ ರಮೇಶ್ ಕುಮಾರ್ ಅವರು ಉದ್ಘಾಟನೆ ಮಾಡಿ ಹೋಗಿದ್ದು ಬಿಟ್ಟರೇ ಇಂದಿಗೂ ಇದರ ಬಳಕೆ ಮಾತ್ರ ಆಗ್ತಿಲ್ಲ. ಸಧ್ಯ ಈ ಬಸ್ ನಿಲ್ದಾಣ ಇದೀಗ ಭೂತ ಬಂಗಲೆ ರೀತಿ ಆಗಿದ್ದು, ಬಳಕೆ ಆಗದೆ ಗೋಡೆಗಳು, ಮೇಲ್ಛಾವಣಿಗಳು ಬಿರುಕು ಬಿಟ್ಟಿವೆ. ಈ ಬಸ್ ನಿಲ್ದಾಣ ಎಣ್ಣೆ ಪಾರ್ಟಿ, ಜೊತೆಗೆ ಅನೈತಿಕ ಚಟುವಟಿಕೆ ತಾಣವಾಗಿದೆ.
