BIG3: ಬಾಗೇಪಲ್ಲಿಯಲ್ಲಿ ಹಳ್ಳ ಹಿಡಿದ ಹೆಚ್.ಎನ್ ವ್ಯಾಲಿ ಯೋಜನೆ: ಫ್ಲೋರೈಡ್ ಲವಣಾಂಶದ ನೀರಿನಿಂದ ಜನರಿಗೆ ತೊಂದರೆ
ಚಿಕ್ಕಬಳ್ಳಾಪುರ ಜಿಲ್ಲೆಯ ಬಾಗೇಪಲ್ಲಿ ತಾಲೂಕಿನಲ್ಲಿ ಫ್ಲೋರೈಡ್ ಲವಣಾಂಶವಿರುವ ನೀರು ಕುಡಿದು, ಸಾಕಷ್ಟು ಮಂದಿ ದಂತ ಸವೆತ ಮೂಳೆ ಸವೆತ ಸೇರಿ ಸಾಕಷ್ಟು ಸಮಸ್ಯೆಗಳಿಂದ ಬಳಲುತ್ತಿದ್ದಾರೆ.
Followಕಳೆದ ಕೆಲವು ವರ್ಷಗಳ ಹಿಂದೆ ಚಿಕ್ಕಬಳ್ಳಾಪುರ ಜಿಲ್ಲೆಗೆ ಹೆಚ್.ಎನ್ ವ್ಯಾಲಿ ಯೋಜನೆಯನ್ನು ತರಲಾಗಿತ್ತು. ಮೊದಲ ಹಂತವಾಗಿ ಈ ಯೋಜನೆ ಚಿಕ್ಕಬಳ್ಳಾಪುರ, ಗೌರಿಬಿದನೂರು ತಾಲೂಕಿನ ಕೆಲ ಗ್ರಾಮಗಳಿಗೆ ನೀಡಲಾಗಿತ್ತು. ಯೋಜನೆಯನ್ನು ಶಿಡ್ಲಘಟ್ಟ ಹಾಗೂ ಬಾಗೇಪಲ್ಲಿಗೆ ವಿಸ್ತರಣೆ ಮಾಡಲಾಗಿತ್ತು. ಬಾಗೇಪಲ್ಲಿ ತಾಲೂಕಿಗೆ ಸುಮಾರು 72 ಕೋಟಿ ಅನುದಾನವನ್ನು ಈ ಯೋಜನೆಯಲ್ಲಿ ನೀರು ಹರಿಸಲು ಸರ್ಕಾರ ಮೀಸಲಿಟ್ಟಿತ್ತು. ಅದರಂತೆ ಟೆಂಡರ್ ಕೂಡ ಮುಗಿದು ವರ್ಕ್ ಆರ್ಡರ್ ಕೂಡ ನೀಡಲಾಗಿತ್ತು. ಆದರೆ ಈ ಟೆಂಡರ್ ಅನ್ನು ಪಡೆದ ಗುತ್ತಿಗೆದಾರ ಕಳೆದ 5 ತಿಂಗಳಿಂದ ಕೆಲಸ ಮಾಡದೆ ನಿರ್ಲಕ್ಷ್ಯ ವಹಿಸಿದ್ದಾನೆ. ಒಂದು ಮಹತ್ವಾಕಾಂಕ್ಷೆ ಯೋಜನೆಯನ್ನು ಅಧಿಕಾರಿಗಳು ಜವಾಬ್ದಾರಿಯುತವಾಗಿ ಕಾರ್ಯ ನಿರ್ವಹಿಸದೆ ಇದ್ದರೆ ಇಷ್ಟೆಲ್ಲಾ ಆಗುತ್ತೆ ಅನ್ನೋದಕ್ಕೆ ಈ ಹೆಚ್ ಎನ್ ವ್ಯಾಲಿ ಬಾಗೇಪಲ್ಲಿಗೆ ನೀರು ಹರಿಸುವ ಯೋಜನೆಯೇ ಸಾಕ್ಷಿ. 18 ತಿಂಗಳಲ್ಲಿ ಕಾಮಗಾರಿ ಮುಕ್ತಾಯಗೊಳಿಸಬೇಕು ಎಂಬ ಷರತ್ತನ್ನು ನೀಡಿದೆ ಸರ್ಕಾರ. ಆದರೆ ಟೆಂಡರ್ ಹಾಗೆ 6 ತಿಂಗಳು ಕಳೆದರೂ ಇನ್ನೂ ಕಾಮಗಾರಿ ಮಾತ್ರ ಶುರುವಾಗಿಲ್ಲ.
