ನೋವು ಅಂತ ಆಗಾಗ ಪೈನ್ ಕಿಲ್ಲರ್ಸ್ ನುಂಗ್ಬೇಡಿ, ಸೆಕ್ಸ್ ಲೈಫ್ ಹಾಳಾಗುತ್ತೆ
ಸೆಕ್ಸ್ ಅನ್ನೋದು ಜೀವನದ ಒಂದು ಭಾಗವಾಗಿದೆ. ಇದು ಹಲವು ಆರೋಗ್ಯ ಪ್ರಯೋಜನಗಳಿಂದ ಸಹ ಕೂಡಿದೆ. ಹಲವಾರು ಅಧ್ಯಯನಗಳ ಪ್ರಕಾರ, ಕೆಲವು ರೀತಿಯ ಔಷಧಗಳು ಲೈಂಗಿಕ ಬಯಕೆಯನ್ನು ಕಡಿಮೆ ಮಾಡಬಹುದು. ಹಾಗಾಗಿ ಇವುಗಳ ಬಳಕೆಯನ್ನು ಹೆಚ್ಚಿನ ಪ್ರಮಾಣದಲ್ಲಿ ಕಡಿಮೆ ಮಾಡಬೇಕು ಎನ್ನುತ್ತಾರೆ ತಜ್ಞರು. ಅವು ಯಾವುವು ?
 )
Followಅನೇಕ ಜನರು ಲೈಂಗಿಕತೆಯ ಬಗ್ಗೆ ಮಾತನಾಡಲು ನಾಚಿಕೆಪಡುತ್ತಾರೆ. ಆದರೆ ಲೈಂಗಿಕತೆಯು ಗಂಡ ಮತ್ತು ಹೆಂಡತಿ ಇಬ್ಬರಿಗೂ ಪ್ರಯೋಜನಕಾರಿಯಾಗಿದೆ. ಹೃದ್ರೋಗವನ್ನು ಕಡಿಮೆ ಮಾಡುವುದರಿಂದ, ಲೈಂಗಿಕತೆಯು ಅಧಿಕ ತೂಕ, ಒತ್ತಡ ಮತ್ತು ಆತಂಕದಂತಹ ಅನೇಕ ದೀರ್ಘಕಾಲದ ಕಾಯಿಲೆಗಳನ್ನು ಕಡಿಮೆ ಮಾಡುತ್ತದೆ. ಇದಲ್ಲದೆ, ಇದು ಗಂಡ ಮತ್ತು ಹೆಂಡತಿಯ ನಡುವೆ ಪ್ರೀತಿಯನ್ನು ಹೆಚ್ಚಿಸುತ್ತದೆ. ಹೀಗಿದ್ದೂ ಕೆಲವು ರೀತಿಯ ಔಷಧಿಗಳು ಲೈಂಗಿಕ ಬಯಕೆಯನ್ನು ಕಡಿಮೆ ಮಾಡಬಹುದು. ಅವು ಯಾವುದೆಂದು ತಿಳಿಯೋಣ.
1. ಪೈನ್ ಕಿಲ್ಲರ್: ಪೈನ್ ಕಿಲ್ಲರ್ ಮಾತ್ರೆಗಳು ಲೈಂಗಿಕ ಜೀವನದ (Sex Life) ಮೇಲೆ ಕೆಟ್ಟ ಪರಿಣಾಮ ಬೀರುತ್ತವೆ. ನೋವು ನಿವಾರಕ ಔಷಧಿಗಳು (Pain killers) ಟೆಸ್ಟೋಸ್ಟೆರಾನ್ ಮತ್ತು ಹಾರ್ಮೋನುಗಳನ್ನು ಕಡಿಮೆ ಮಾಡುತ್ತದೆ. ಟೆಸ್ಟೋಸ್ಟೆರಾನ್ ಹಾರ್ಮೋನುಗಳು ಪುರುಷರು ಮತ್ತು ಮಹಿಳೆಯರಲ್ಲಿ ಲೈಂಗಿಕ ಬಯಕೆಯನ್ನು ಹೆಚ್ಚಿಸುತ್ತವೆ. ಆದರೆ ಪೈನ್ ಕಿಲ್ಲರ್ಸ್ ಸೇವನೆಯಿಂದ ಈ ಹಾರ್ಮೋನ್‌ ಕಡಿಮೆಯಾಗುವುದರಿಂದ ಸಹಜವಾಗಿ ಸಂಗಾತಿಯಲ್ಲಿ (Partner) ಸೆಕ್ಸ್ ಡ್ರೈವ್ ಕಡಿಮೆಯಾಗುತ್ತದೆ.
ಅಬ್ಬಬ್ಬಾ..ಇವಳೆಂಥಾ ಲೈಂಗಿಕ ವ್ಯಸನಿ, 700 ಗಂಡಸರೊಂದಿಗೆ ಮಲಗಿದ್ದಳಂತೆ !
2. ಖಿನ್ನತೆ ಶಮನಕಾರಿಗಳು: ಇತ್ತೀಚಿನ ದಿನಗಳಲ್ಲಿ ಖಿನ್ನತೆ (Anxiety) ಹಲವರನ್ನು ಕಾಡುವ ಆರೋಗ್ಯ ಸಮಸ್ಯೆ. ಕೆಲವೊಂದು ಔಷಧಿಗಳನ್ನು ಖಿನ್ನತೆಯನ್ನು ಕಡಿಮೆ ಮಾಡಲು ಬಳಸಲಾಗುತ್ತದೆ. ಇವುಗಳನ್ನು ಲಿಬಿಡೋ ಕಿಲ್ಲರ್ಸ್ ಎಂದೂ ಕರೆಯುತ್ತಾರೆ. ಇವುಗಳ ಬಳಕೆಯು ಲೈಂಗಿಕ ಆಸಕ್ತಿಯನ್ನು ಕಳೆದುಕೊಳ್ಳುವಂತೆ ಮಾಡಬಲ್ಲದು. ಖಿನ್ನತೆ-ಶಮನಕಾರಿಗಳಿಂದ ಉಂಟಾಗುವ ಸ್ಖಲನ ವಿಳಂಬವಾಗಬಹುದು. ಇದು ಪುರುಷರಲ್ಲಿ (Men) ದುರ್ಬಲತೆಯನ್ನು ಸಹ ಉಂಟುಮಾಡುತ್ತದೆ.
3. ಗರ್ಭನಿರೋಧಕ ಮಾತ್ರೆಗಳು: ಇತ್ತೀಚಿನ ದಿನಗಳಲ್ಲಿ ಅನೇಕ ಮಹಿಳೆಯರು (Woman) ಗರ್ಭನಿರೋಧಕ ಮಾತ್ರೆಗಳನ್ನು ಬಳಸುತ್ತಿದ್ದಾರೆ. ಈ ಮಾತ್ರೆಗಳ ಬಳಕೆಯು ಲೈಂಗಿಕ ಹಾರ್ಮೋನುಗಳ ಮಟ್ಟವನ್ನು ಕಡಿಮೆ ಮಾಡುತ್ತದೆ. ಇದರಿಂದ ಸಹಜವಾಗಿ ಲೈಂಗಿಕ ಆಸಕ್ತಿ ಕಡಿಮೆಯಾಗುತ್ತಾ ಹೋಗುತ್ತದೆ. ನಿಮ್ಮ ಲೈಂಗಿಕ ಜೀವನವನ್ನು ಸುಧಾರಿಸಲು ಈ ಮಾತ್ರೆ (Tablet)ಗಳನ್ನು ಬಳಸುವುದನ್ನು ನಿಲ್ಲಿಸಿ.
4. ಸ್ಟ್ಯಾಟಿನ್‌ಗಳು, ಫೈಬ್ರೇಟ್‌ಗಳು: ಸ್ಟ್ಯಾಟಿನ್‌ಗಳು, ಫೈಬ್ರೇಟ್‌ಗಳನ್ನು ಕೊಲೆಸ್ಟ್ರಾಲ್ ಕಡಿಮೆ ಮಾಡಲು ಬಳಸಲಾಗುತ್ತದೆ. ಆದರೆ ಇವುಗಳ ಬಳಕೆಯು ಟೆಸ್ಟೋಸ್ಟೆರಾನ್, ಈಸ್ಟ್ರೊಜೆನ್ ಮತ್ತು ಇತರ ಲೈಂಗಿಕ ಹಾರ್ಮೋನುಗಳ ಉತ್ಪಾದನೆಯನ್ನು ಕಡಿಮೆ ಮಾಡುತ್ತದೆ. ಒಂದು ಸಂಶೋಧನೆಯ ಪ್ರಕಾರ\ ಈ ಔಷಧಿಗಳ (Medicine) ಬಳಕೆಯು ಲಿಂಗ ದೋಷಗಳನ್ನು ಉಂಟುಮಾಡುತ್ತದೆ. ಹೀಗಾಗಿ ಇಂಥಾ ಟ್ಯಾಬ್ಲೆಟ್ ಬಳಸುವಾಗ ಅಡ್ಡ ಪರಿಣಾಮದ ಬಗ್ಗೆ ಗೊತ್ತಿರಲಿ.
ಸೆಕ್ಸ್ ಮಾಡಿ ತೂಕ ಇಳಿಸಿಕೊಳ್ಬೋದಾ ? ತಜ್ಞರು ಏನಂತಾರೆ
5. ಬೆಂಜೊಡಿಯಜೆಪೈನ್‌ಗಳು: ಇವು ನಿದ್ರಾಹೀನತೆ, ಆತಂಕ ಮತ್ತು ಸ್ನಾಯು ನೋವನ್ನು ಕಡಿಮೆ ಮಾಡಲು ಬಳಸುವ ಟ್ಯಾಬ್ಲೆಟ್‌ಗಳು. ಆದರೆ ಈ ಔಷಧಿಗಳು ಲೈಂಗಿಕ ಆಸಕ್ತಿಯನ್ನು ಕಡಿಮೆ ಮಾಡುತ್ತವೆ. ಅವು ಟೆಸ್ಟೋಸ್ಟೆರಾನ್ ಮಟ್ಟವನ್ನು ಸಹ ಪರಿಣಾಮ ಬೀರುತ್ತವೆ. ಹೀಗಾಗಿ ಇಂಥಾ ಟ್ಯಾಬ್ಲೆಟ್ ಸೇವನೆ ಮಾಡುವಾಗ ಎಚ್ಚರಿಕೆಯಿಂದ ಇರುವುದು ಒಳಿತು.
6. ರಕ್ತದೊತ್ತಡದ ಔಷಧಿಗಳು: ರಕ್ತದೊತ್ತಡವನ್ನು ಕಡಿಮೆ ಮಾಡಲು ಬಳಸುವ ಔಷಧಿಗಳು ಲೈಂಗಿಕ ಕಾರ್ಯಕ್ಷಮತೆಯನ್ನು ಕಡಿಮೆ ಮಾಡಬಹುದು. ಪುರುಷರಲ್ಲಿ ಈ ಔಷಧಿಗಳ ಬಳಕೆಯು ಲೈಂಗಿಕ ಬಯಕೆಯನ್ನು ಕಡಿಮೆ ಮಾಡುತ್ತದೆ. ನಿಮಿರುವಿಕೆಯ ಅಪಸಾಮಾನ್ಯ ಕ್ರಿಯೆ ಸಹ ಸಂಭವಿಸುತ್ತದೆ. ಮಹಿಳೆಯರಲ್ಲಿ, ಯೋನಿ ಶುಷ್ಕತೆ, ಲೈಂಗಿಕ ಬಯಕೆ ಕಡಿಮೆಯಾಗುವುದು ಮತ್ತು ಉತ್ಸಾಹದಂತಹ ಸಮಸ್ಯೆಗಳು ಬರುತ್ತವೆ.
Sexual Wellness: ವಯಾಗ್ರ ಜೊತೆ ನಿಂಬೆ ರಸ ಸೇರಿಸಿದ್ರೆ ಲೈಂಗಿಕ ಕ್ರಿಯೆಯಲ್ಲಿ ಸ್ವರ್ಗ ಸುಖ
7. ಆಂಟಿಹಿಸ್ಟಮೈನ್: ಮೂಗು ಸೋರುವಿಕೆ, ಸೀನುವಿಕೆ ಮುಂತಾದ ಅಲರ್ಜಿ ಸಂಬಂಧಿತ ಲಕ್ಷಣಗಳನ್ನು ಕಡಿಮೆ ಮಾಡಲು ಇವುಗಳನ್ನು ಹೆಚ್ಚಾಗಿ ಬಳಸಲಾಗುತ್ತದೆ. ಇವುಗಳ ಬಳಕೆಯು ಪುರುಷರಲ್ಲಿ ನಿಮಿರುವಿಕೆಯ ಅಪಸಾಮಾನ್ಯ ಕ್ರಿಯೆ ಅಥವಾ ಸ್ಖಲನದ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. ಮತ್ತು ಸ್ತ್ರೀಯರಲ್ಲಿ ಯೋನಿ ಒಣಗುವ ಸಮಸ್ಯೆ ಉಂಟಾಗುತ್ತದೆ.
