ಪ್ಲೀಸ್‌ ಅಂಕಲ್ ಬಿಡಿ: ಗೆಳತಿಯ 5 ವರ್ಷದ ಮಗಳನ್ನು ಅತ್ಯಾಚಾರಗೈದ ಪಾಪಿ!

ಸ್ನೇಹಿತೆಯ 5 ವರ್ಷದ ಮಗಳ ಮೇಲೆ ಅತ್ಯಾಚಾರ ಎಸಗಿದ 35 ವರ್ಷದ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಸೆಪ್ಟೆಂಬರ್ 4 ರಂದು, ಅಧಿಕಾರಿಗಳು ಬ್ರೆಜಿಲ್‌ನ ಲಾಜೆಡೋದಲ್ಲಿ ಶಂಕಿತನನ್ನು ಅರೆಸ್ಟ್ ಮಾಡಿದ್ದಾರೆ.
 

ಪೊಲೀಸರ ಪ್ರಕಾರ, ಬಾಲಕಿಯ ತಾಯಿ ಶಂಕಿತನನ್ನು ಮೂರು ತಿಂಗಳಿನಿಂದ ಬಲ್ಲವರಾಗಿದ್ದರು. ಅಲ್ಲದೇ ಅಪರಾಧ ನಡೆದ ದಿನ ತನ್ನ ಚಿಕ್ಕ ಮಗಳನ್ನು ಹತ್ತಿರದ ಮಾರುಕಟ್ಟೆಗೆ ಕರೆದೊಯ್ಯಲು ಅನುಮತಿ ನೀಡಿದ್ದಳು. ಮಹಿಳೆ ಆತನಿಗೂ ತನಗೂ ಸಂಬಂಧವಿಲ್ಲ ಎಂದಿದ್ದರೂ ಆರೋಪಿ ತನ್ನ ಮನೆಗೆ ಐದು ಬಾರಿ ಭೇಟಿ ನೀಡಿದ್ದಾಗಿ ತಪ್ಪೊಪ್ಪಿಕೊಂಡಿದ್ದಾಳೆ.
 

ಆದರೆ ಆರೋಪಿಯೊಂದಿಗೆ ವಾಕ್ ಮಾಡಲು ತನ್ನ ಮಗಳಿಗೆ ಅನುಮತಿ ನೀಡಿದ್ದು ಇದೇ ಮೊದಲು ಎಂದು ಮಹಿಳೆ ಹೇಳಿದ್ದಾಳೆ. ಆದರೆ ಅವನು ಹಿಂತಿರುಗಿ ಬಂದಾಗ, ಮಗಳು ಅವನೊಂದಿಗೆ ಇರಲಿಲ್ಲ. ಇದಾದ ಬಳಿಕ ಮಹಿಳೆ ಪೊಲೀಸರಿಗೆ ಮಾಹಿತಿ ನೀಡಿದ್ದಾಳೆ. ಪೊಲೀಸರು ಶೋಧ ಕಾರ್ಯ ಆರಂಭಿಸಿದ್ದಾರೆ, ಹೀಗಿರುವಾಗ ಕೆಲ ಮಂದಿ ತಾವು ಆ ಬಾಲಕಿಯನ್ನು ಆರೋಪಿ ಜೊತೆ ನದಿ ದಡಕ್ಕೆ ಹೋಗುತ್ತಿರುವುದನ್ನು ನೋಡಿರುವುದಾಗಿ ತಿಳಿಸಿದ್ದಾರೆ.

ಆರೋಪಿಯನ್ನು ಬಂಧಿಸಿದಾಗ ಆತನ ಬಟ್ಟೆ ಒದ್ದೆಯಾಗಿ ಮತ್ತು ಕೊಳಕಾಗಿತ್ತು. ಅವನು ಯಾರೊಂದಿಗೋ ಜಗಳವಾಡಿದಂತೆ ಕಾಣುತ್ತದೆ. ಆರೋಪಿಯನ್ನು ಬಂಧಿಸಿ ಲಾಜೆಡೋದಲ್ಲಿರುವ ಜೈಲಿಗೆ ಕರೆದೊಯ್ಯಲಾಗಿದೆ. ಮಾಧ್ಯಮ ವರದಿಗಳ ಪ್ರಕಾರ, ಆರೋಪಿಯು ಹಳೆಯ ಕ್ರಿಮಿನಲ್ ದಾಖಲೆಯನ್ನು ಹೊಂದಿದ್ದಾನೆ. ತನ್ನ ಜೊತೆಗಾರನನ್ನು ಬೆದರಿಸಿದ ಆರೋಪದಡಿ ಜನವರಿಯಲ್ಲೇ ಜೈಲು ಪಾಲಾಗಿದ್ದ.
 

ಆರೋಪಿ ಬಾಲಕಿಯನ್ನು ಕ್ರೂರವಾಗಿ ನಡೆಸಿಕೊಂಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. ಅತ್ಯಾಚಾರ ನಡೆಸಿ ಬಾಲಕಿಯನ್ನು ಕೊಲೆಗೈದ ಆರೋಪು ಮೃತ ದೇಹವನ್ನು ನದಿಗೆ ಎಸೆದಿದ್ದಾನೆ. ಹುಡುಗಿಯ ತಾಯಿಯ ಮೇಲೂ ನಿರ್ಲಕ್ಷ್ಯದ ಆರೋಪವಿದೆ. ಮಾಧ್ಯಮ ವರದಿಗಳ ಪ್ರಕಾರ, ಘಟನೆ ನಡೆದ ಸಮಯದಲ್ಲಿ ಹುಡುಗಿ ಮನೆಗೆ ಹೋಗಬೇಕೆಂದು ಹೇಳುತ್ತಿದ್ದಳು, ಆದರೆ ಆರೋಪಿ ಕೇಳಲಿಲ್ಲ ಎಂದೂ ಉಲ್ಲೇಖಿಸಲಾಗಿದೆ.
 

ಬಾಲಕಿಯ ತಾಯಿ ಮೇಲೆ ಆಕೆಗೆ ಮೊದಲೇ ಆರೋಪಿಯ ಪರಿಚಯವಿತ್ತುಎಂಬ ಆರೋಪ ಕೇಳಿ ಬರಬಹುದು ಎಂದು ಪೊಲೀಸರು ತಿಳಿಸಿದ್ದಾರೆ. ಇದಾದ ನಂತರವೂ ಆಕೆ ತನ್ನ ಮಗಳನ್ನು ಅಪರಾಧಿ ಜೊತೆ ಕಳುಹಿಸಿದ್ದೇಕೆ? ಎಂಬ ಪ್ರಶ್ನೆ ಮೂಡುತ್ತದೆ. ಆರೋಪ ಸಾಬೀತಾದರೆ, 2 ವರ್ಷಗಳವರೆಗೆ ಶಿಕ್ಷೆಗೆ ಗುರಿಯಾಗಬಹುದು. ಸದ್ಯ ಪೊಲೀಸರು ಈ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ.