ಕರೋನಾ ನಂತರ, ಹೆಚ್ಚುತ್ತಿದೆ ಝೋಂಬಿ ಡಿಯರ್ ಭೀತಿ…. ಮನುಷ್ಯರು ನರಭಕ್ಷಕರಾಗ್ತಾರ?

ಅಮೆರಿಕದ 31 ರಾಜ್ಯಗಳು ಮತ್ತು ಕೆನಡಾದ ಮೂರು ಪ್ರಾಂತ್ಯಗಳಲ್ಲಿ ಜಿಂಕೆ ಮತ್ತು ಇಲಿಗಳಲ್ಲಿ ಸಿಡಬ್ಲ್ಯೂಡಿ ವರದಿಯಾಗಿದೆ ಎಂದು ಸಿಡಿಸಿ ವರದಿ ಮಾಡಿದೆ. ನಾರ್ವೆ, ಫಿನ್ಲ್ಯಾಂಡ್, ಸ್ವೀಡನ್ ಮತ್ತು ದಕ್ಷಿಣ ಕೊರಿಯಾದಲ್ಲಿಯೂ ಪ್ರಕರಣಗಳು ವರದಿಯಾಗಿವೆ. ಇದು ಜಗತ್ತಿನೆಲ್ಲೆಡೆ ಹರಡುವ ಭೀತಿ ಉಂಟಾಗುತ್ತಿದೆ.  

ಕರೋನಾ ವೈರಸ್ (corona virus) ನ ಹೊಸ ರೂಪಾಂತರಗಳು ಮತ್ತು ಚೀನಾದಲ್ಲಿ ನ್ಯುಮೋನಿಯಾದಂತಹ ರೋಗಗಳ ಪ್ರಕರಣಗಳ ಹೆಚ್ಚಳವು ಜಗತ್ತಿನಾದ್ಯಂತ ಜನರಿಗೆ ಭಯ ಹುಟ್ಟಿಸಿದೆ.ಇದರ ಮಧ್ಯೆ ಹೊಸ ರೋಗವೊಂದು ಕಾಣಿಸಿಕೊಂಡಿದ್ದು, ಜನರನ್ನು ಮತ್ತಷ್ಟು ಚಿಂತೆಗೀಡಾಗುವಂತೆ ಮಾಡಿದೆ. ಅಮೆರಿಕದಲ್ಲಿ ಝೋಂಬಿ ಡಿಯರ್ ರೋಗದ ಪ್ರಕರಣ ಬೆಳಕಿಗೆ ಬಂದಿದೆ. ಅಮೆರಿಕದ ಯೆಲ್ಲೋಸ್ಟೋನ್ ರಾಷ್ಟ್ರೀಯ ಉದ್ಯಾನವನದಲ್ಲಿ ಈ ರೋಗದ ಪ್ರಕರಣ ಪತ್ತೆಯಾಗಿದೆ. 

ಮಾನವರಲ್ಲಿ ಝೋಂಬಿ ಡಿಯರ್ (Zombie Deer) ರೋಗ ಹರಡುವ ಬಗ್ಗೆ ವೈದ್ಯಕೀಯ ತಜ್ಞರು ಕಳವಳ ವ್ಯಕ್ತಪಡಿಸಿದ್ದಾರೆ. ವಿಜ್ಞಾನಿಗಳು ಈ ರೋಗವನ್ನು ನಿಧಾನವಾಗಿ ಚಲಿಸುವ ವಿಪತ್ತು ಎಂದು ಕರೆಯುತ್ತಾರೆ. ಇದು ಅಮೆರಿಕದಾದ್ಯಂತ ಹರಡುತ್ತಿದೆ ಎಂದು ವೈದ್ಯರು ಶಂಕಿಸಿದ್ದಾರೆ. ಯೆಲ್ಲೋಸ್ಟೋನ್ ರಾಷ್ಟ್ರೀಯ ಉದ್ಯಾನವನದಲ್ಲಿ ಈ ರೋಗದ ಪ್ರಕರಣ ಪತ್ತೆಯಾದ ನಂತರ, ಈ ಮಾರಣಾಂತಿಕ ಕಾಯಿಲೆಗೆ ಯಾವುದೇ ಚಿಕಿತ್ಸೆಯಿಲ್ಲದ ಕಾರಣ ಆತಂಕಗಳು ಹೆಚ್ಚಾಗಿದೆ. ಈ ರೋಗವು ಸಾಮಾನ್ಯವಾಗಿ ಜಿಂಕೆಗಳಲ್ಲಿ ಕಂಡುಬರುತ್ತದೆ ಆದರೆ ಅಧ್ಯಯನಗಳು ಇದು ಮನುಷ್ಯರಿಗೂ ಹರಡಬಹುದು ಎಂದು ತೋರಿಸುತ್ತದೆ.

ಈ ರೋಗವನ್ನು ಕ್ರಾನಿಕ್ ವೇಸ್ಟಿಂಗ್ ಡಿಸೀಸ್ (CWD) ಎಂದೂ ಕರೆಯಲಾಗುತ್ತದೆ. ಯುಎಸ್ ಆರೋಗ್ಯ ಸಂಸ್ಥೆ ಸಿಡಿಸಿ ಪ್ರಕಾರ, ಇದು ದೀರ್ಘಕಾಲದ ಭಯಾನಕ ಕಾಯಿಲೆ, ಇದು ಮೊದಲು ಜಿಂಕೆ, ಎಲ್ಕ್, ರೈನ್ಡೀರ್, ಸಿಕಾ ಜಿಂಕೆ ಮತ್ತು ಇಲಿಗಳಲ್ಲಿ ಕಾಣಿಸಿಕೊಳ್ಳುತ್ತದೆ. ಈ ವೈರಸ್, ಸಿಡಬ್ಲ್ಯೂಡಿ ಪ್ರಿಯಾನ್ ಪ್ರಾಣಿಗಳ ಮೆದುಳನ್ನು ತಿನ್ನುತ್ತದೆ, ಇದು ಅವುಗಳ ಸಾವಿಗೆ ಕಾರಣವಾಗುತ್ತದೆ. 

ಆ ಭೀಕರ ಮಾರಣಾಂತಿಕ ಕಾಯಿಲೆಗೆ (deadly disease) ಯಾವುದೇ ಚಿಕಿತ್ಸೆ ಅಥವಾ ಲಸಿಕೆ ಇಲ್ಲ. ಇದು ಪ್ರಾಣಿಗಳು ಮತ್ತು ಮನುಷ್ಯರ ಮೇಲೆ ಪರಿಣಾಮ ಬೀರುತ್ತದೆ. ಆದಾಗ್ಯೂ, ಮಾನವರಿಗೆ ಪ್ರಾಣಿಗಳಿಂದ ಸಿಡಬ್ಲ್ಯೂಡಿ ಪ್ರಿಯಾನ್ ಹರಡಬಹುದು ಎಂಬುದಕ್ಕೆ ಯಾವುದೇ ಬಲವಾದ ಪುರಾವೆಗಳು ಇದುವರೆಗೆ ದೊರೆತಿಲ್ಲ.

ಈ ರೋಗದ ಲಕ್ಷಣಗಳು ಯಾವುವು?
ಈ ರೋಗ ಕಾಣಿಸಿಕೊಂಡರೆ ಮೆದುಳು ಮತ್ತು ಬೆನ್ನುಹುರಿಯಲ್ಲಿನ ಜೀವಕೋಶಗಳು ಅಸಹಜವಾಗಿ ತಿರುಚುತ್ತವೆ ಮತ್ತು ಒಟ್ಟಿಗೆ ಅಂಟಿಕೊಳ್ಳಲು ಪ್ರಾರಂಭಿಸುತ್ತವೆ. ಸೋಂಕಿಗೆ ಒಳಗಾದ ಸುಮಾರು ಒಂದು ವರ್ಷದ ನಂತರ, ಪ್ರಾಣಿಗಳು ಬುದ್ಧಿಮಾಂದ್ಯತೆ,(dimentia) ಅಲುಗಾಡುವಿಕೆ, ಲಾಲಾರಸ, ಆಕ್ರಮಣಶೀಲತೆ ಮತ್ತು ತೂಕ ನಷ್ಟದಂತಹ ರೋಗಲಕ್ಷಣಗಳನ್ನು ತೋರಿಸಲು ಪ್ರಾರಂಭಿಸುತ್ತವೆ. ಅದು ಕ್ರಮೇಣ ಸಾವಿಗೆ ಕಾರಣವಾಗುತ್ತದೆ.

ಯು.ಎಸ್. ಭೂವೈಜ್ಞಾನಿಕ ಸಮೀಕ್ಷೆಯ ಪ್ರಕಾರ, ಜೊಂಬಿ ಜಿಂಕೆ ರೋಗದ ಮೊದಲ ಪ್ರಕರಣವು 1967 ರಲ್ಲಿ ಕೊಲೊರಾಡೊದಲ್ಲಿ ಪತ್ತೆಯಾಯಿತು. ಇಲ್ಲಿಯವರೆಗೆ, ಈ ರೋಗವು ಪ್ರಾಣಿಗಳಿಂದ ಮನುಷ್ಯರಿಗೆ ಹರಡುವ ಬಗ್ಗೆ ಯಾವುದೇ ವರದಿಗಳಿಲ್ಲ, ಆದರೆ ಸಿಡಬ್ಲ್ಯೂಡಿ ಕುರಿತ ಸಂಶೋಧನೆಯು ಇದು ಮನುಷ್ಯರಿಗೆ ಹರಡಬಹುದು ಎಂದು ಸೂಚಿಸುತ್ತದೆ ಏಕೆಂದರೆ ಈ ವೈರಸ್ (virus) ಹಣ್ಣಾದ ನಂತರವೂ ಸಾಯುವುದಿಲ್ಲ. 

ವಿಶೇಷವಾಗಿ ಮಾನವರು ಸೋಂಕಿತ ಮಾಂಸ ಸೇವಿಸಿದರೆ, ಅವರು ಸಹ ಅದಕ್ಕೆ ಬಲಿಯಾಗಬಹುದು. ಮತ್ತೊಂದೆಡೆ ಪ್ರಾಣಿಗಳಲ್ಲಿ ಇದು ಅವುಗಳ ಲಾಲಾರಸ, ಮೂತ್ರ, ಮಲ ಮತ್ತು ರಕ್ತದ ಮೂಲಕ ಹರಡುತ್ತದೆ.

ಇನ್ನು ಈ ಕಾಯಿಲೆ ಅಮೇರಿಕಾದಲ್ಲಿ ಹೆಚ್ಚಾಗಿ ಮತ್ತೊಂದು ಜಿಂಕೆಯ ಮಾಂಸ(deer meat)  ತಿಂದಂತಹ ಜಿಂಕೆಯಿಂದ ಜಿಂಕೆಗೆ ಬರುತ್ತದೆ ಎಂದು ಹೇಳಲಾಗುತ್ತಿದೆ. ಹಾಗೆ ಆದರೆ ಮನುಷ್ಯರಿಗೆ ಈ ಕಾಯಿಲೆ ಹರಡಿದರೆ ಮನುಷ್ಯರು ನರಭಕ್ಷಕರಾಗುವ ಸಾಧ್ಯತೆ ಇದೆಯೇ ಎನ್ನುವ ಆತಂಕ ಕಾಡುತ್ತಿದೆ.