ಅಂತಾರಾಷ್ಟ್ರೀಯ ಕ್ರಿಕೆಟ್‌ನ ಟಾಪ್ 10 ಸೆಕ್ಸಿ ಕ್ರಿಕೆಟಿಗರಿವರು..!
ಬೆಂಗಳೂರು: ಕಳೆದ ನಾಲ್ಕು ದಶಕಗಳಲ್ಲಿ ಕ್ರಿಕೆಟ್‌ನಲ್ಲಿ ಸಾಕಷ್ಟು ಬದಲಾವಣೆಗಳಾಗಿವೆ. ಮೊದಲು 60 ಓವರ್‌ ಏಕದಿನ ಕ್ರಿಕೆಟ್‌ನಲ್ಲಿ 200 ರನ್ ಬಾರಿಸುವುದು ಸುಲಭವಾಗಿರಲಿಲ್ಲ. ಈಗ 20 ಓವರ್‌ನಲ್ಲಿ ತಂಡಗಳು ಸುಲಭವಾಗಿ 200 ರನ್ ಗಡಿ ದಾಟುತ್ತಿವೆ. ಇನ್ನು ಇದರ ಜತೆಗೆ ಟಿ20 ಕ್ರಿಕೆಟ್ ಪರಿಚಯವಾದ ಮೇಲಂತೂ ಕ್ರಿಕೆಟ್‌ನಲ್ಲಿ ಹಣದ ಹರಿವು ಜೋರಾಗಿದೆ.
1. ವಿರಾಟ್ ಕೊಹ್ಲಿ:
ವಿಶ್ವಕ್ರಿಕೆಟ್‌ನ ಪ್ರಖ್ಯಾತ ಕ್ರಿಕೆಟಿಗ ವಿರಾಟ್ ಕೊಹ್ಲಿ, ರನ್ ಬಾರಿಸುವುದರಿಂದ ಹಿಡಿದು ಹಣ ಗಳಿಸುವುದರವರೆಗೆ ಎಲ್ಲದರಲ್ಲೂ ಅಗ್ರಸ್ಥಾನ ಕಾಯ್ದುಕೊಂಡಿದ್ದಾರೆ. ಕೊಹ್ಲಿ ತಮ್ಮ ಸೆಕ್ಸಿ ಲುಕ್‌ನಿಂದಲೇ ಲಕ್ಷಾಂತರ ಹುಡುಗಿರ ಹೃದಯ ಕದ್ದಿದ್ದಾರೆ.
ವಿರಾಟ್ ಕೊಹ್ಲಿ ಮೈದಾನಕ್ಕಿಳಿದರೆಂದರೆ ಕ್ರಿಕೆಟ್ ಅಭಿಮಾನಿಗಳಿಗಳ ಹೃದಯಬಡಿತ ಮತ್ತಷ್ಟು ಹೆಚ್ಚಾಗುತ್ತದೆ. ವಿರಾಟ್ ಕೊಹ್ಲಿಯ ಡ್ರೆಸ್ ಸೆನ್ಸ್ ಯಾವ ಫ್ಯಾಷನ್ ಮಾಡೆಲ್‌ಗೂ ಕಮ್ಮಿ ಇರುವುದಿಲ್ಲ. ಕೊಹ್ಲಿ-ಅನುಷ್ಕಾ ಶರ್ಮಾ ಜೋಡಿ ಜಗತ್ತಿನ ಪ್ರಖ್ಯಾತ ಸೆಲಿಬ್ರಿಟಿ ಜೋಡಿ ಎನಿಸಿಕೊಂಡಿದೆ.
2. ಪ್ಯಾಟ್ ಕಮಿನ್ಸ್
ಆಸ್ಟ್ರೇಲಿಯಾ ತಂಡದ ನಾಯಕ ಪ್ಯಾಟ್ ಕಮಿನ್ಸ್, ಆಧುನಿಕ ಕ್ರಿಕೆಟ್‌ನ ಮಾರಕ ವೇಗಿ ಎನಿಸಿಕೊಳ್ಳುವತ್ತ ದಿಟ್ಟ ಹೆಜ್ಜೆ ಹಾಕುತ್ತಿದ್ದಾರೆ. ಸದ್ಯ ಆ್ಯಷಸ್‌ ಟೆಸ್ಟ್ ಸರಣಿಯಲ್ಲೂ ಆಸೀಸ್‌ ತಂಡವನ್ನು ಇಂಗ್ಲೆಂಡ್ ನೆಲದಲ್ಲಿ ಯಶಸ್ವಿಯಾಗಿ ಮುನ್ನಡೆಸುತ್ತಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಆಗಾಗ ತಮ್ಮ ಹಾಟ್ ಫೋಟ್ ಹಂಚಿಕೊಳ್ಳುವ ಮೂಲಕ ಗಮನ ಸೆಳೆಯುತ್ತಿದ್ದಾರೆ.
3. ಕೆ ಎಲ್ ರಾಹುಲ್:
ಭಾರತ ತಂಡದ ಸ್ಟಾರ್ ಕ್ರಿಕೆಟಿಗ ಕೆ ಎಲ್ ರಾಹುಲ್ ಕೂಡಾ ಸೆಕ್ಸಿ ಕ್ರಿಕೆಟಿಗರ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದು, ರೆಡ್‌ ಬುಲ್‌, ರಾಯಲ್ ಸ್ಟ್ಯಾಗ್, ಪೂಮಾ ಸೇರಿದಂತೆ ಹಲವು ಕಂಪನಿಗಳ ಜಾಹೀರಾತುಗಳಲ್ಲಿ ರಾಹುಲ್, ಸಕ್ಕತ್ ಹಾಟ್ ಆಗಿ ಕಾಣಿಸಿಕೊಂಡಿದ್ದಾರೆ.
4. ಶುಭ್‌ಮನ್‌ ಗಿಲ್
ಪ್ರತಿಭಾನ್ವಿತ ಆರಂಭಿಕ ಬ್ಯಾಟರ್ ಗಿಲ್, ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿರುವ ಅತಿ ಕಿರಿಯ ಕ್ರಿಕೆಟಿಗ ಎನಿಸಿಕೊಂಡಿದ್ದಾರೆ. ಗಿಲ್ ಜತೆ ಸಾರಾ ಅಲಿ ಖಾನ್, ಸಾರಾ ತೆಂಡುಲ್ಕರ್ ಅವರ ಹೆಸರುಗಳು ಥಳುಕು ಹಾಕಿಕೊಳ್ಳುತ್ತಲೇ ಇರುತ್ತದೆ.
5. ಜೇಸನ್ ರಾಯ್:
ಇಂಗ್ಲೆಂಡ್‌ನ ಸ್ಟೈಲೀಷ್ ಕ್ರಿಕೆಟಿಗ ಜೇಸನ್ ರಾಯ್, ತಮ್ಮ ಸ್ಪೋಟಕ ಬ್ಯಾಟಿಂಗ್ ಮಾತ್ರವಲ್ಲದೇ ತಮ್ಮ ಮನಮೋಹಕ ಲುಕ್‌ನಿಂದಲೂ ಅಭಿಮಾನಿಗಳ ಮನ ಗೆದ್ದಿದ್ದಾರೆ. ಜೇಸನ್ ರಾಯ್ ಅವರ ಹೇರ್‌ಸ್ಟೈಲ್‌ ಕೂಡಾ ಸಾಕಷ್ಟು ಟ್ರೆಂಡ್ ಸೃಷ್ಟಿ ಮಾಡಿದೆ.
6. ಶೊಯೆಬ್ ಮಲಿಕ್‌:
ಪಾಕಿಸ್ತಾನದ ಕ್ರಿಕೆಟಿಗರು ಸುಂದರವಾಗಿಯೇ ಇರುತ್ತಾರೆ. ಈ ಪೈಕಿ ಸಾನಿಯಾ ಮಿರ್ಜಾ ಪತಿ ಮಲಿಕ್‌ ತಮ್ಮ ಅದ್ಭುತ ಡ್ರೆಸ್ ಸೆನ್ಸ್ ಮೂಲಕ ಸೆಕ್ಸಿ ಕ್ರಿಕೆಟಿಗರ ಪೈಕಿ 6ನೇ ಸ್ಥಾನ ಪಡೆದಿದ್ದಾರೆ. ಮಲಿಕ್‌ಗೆ ಪಾಕಿಸ್ತಾನದಲ್ಲಿ ಮಾತ್ರವಲ್ಲದೇ ಜಗತ್ತಿನ ಬೇರೆ ಕಡೆ ಕೂಡಾ ಅಭಿಮಾನಿಗಳಿದ್ದಾರೆ.
7. ಫಾಫ್ ಡು ಪ್ಲೆಸಿಸ್
ಆರ್‌ಸಿಬಿ ತಂಡದ ನಾಯಕ ಫಾಪ್ ಡು ಪ್ಲೆಸಿಸ್, ಕಳೆದ ಆವೃತ್ತಿಯ ಐಪಿಎಲ್ ಟೂರ್ನಿಯಲ್ಲಿ ಅದ್ಭುತ ಬ್ಯಾಟಿಂಗ್ ಮೂಲಕ ಮಿಂಚಿದ್ದರು. ಇದರ ಜತೆಗೆ ತಮ್ಮ ಕಟ್ಟುಮಸ್ತಾದ ದೇಹದ ಮೂಲಕ ಫಾಫ್ ಅಭಿಮಾನಿಗಳು ಹುಬ್ಬೇರಿಸುವಂತೆ ಮಾಡಿದ್ದರು. ಫಾಫ್ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಕಮ್‌ಬ್ಯಾಕ್ ಮಾಡುವ ನಿರೀಕ್ಷೆಯಲ್ಲಿದ್ದಾರೆ.
8. ಹಾರ್ದಿಕ್ ಪಾಂಡ್ಯ:
ಟೀಂ ಇಂಡಿಯಾ ಸ್ಟಾರ್ ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯ, ಭಾರತದ ಭವಿಷ್ಯದ ನಾಯಕ ಎಂದೇ ಬಿಂಬಿತವಾಗಿದ್ದು, ಭಾರತ ಟಿ20 ತಂಡವನ್ನು ಮುನ್ನಡೆಸುತ್ತಿದ್ದಾರೆ. ನಟಿ ನತಾಶ ಸ್ಟ್ಯಾಂಕೋವಿಚ್‌ ಅವರನ್ನು ಮದುವೆಯಾಗಿರುವ ಪಾಂಡ್ಯ, ತಮ್ಮ ಸೆಕ್ಸಿ ಲುಕ್‌ನಿಂದ ಗಮನ ಸೆಳೆದಿದ್ದಾರೆ.
9. ಸ್ಟುವರ್ಟ್ ಬ್ರಾಡ್‌:
ಯಂಗ್ ಸ್ಟುವರ್ಟ್ ಬ್ರಾಡ್‌ ತಮ್ಮ ಕ್ಯೂಟ್ ಲುಕ್‌ನಿಂದಲೇ ಹಲವಾರು ಯುವತಿಯರ ಹೃದಯ ಕದ್ದಿದ್ದರು. ಸದ್ಯ ಇಂಗ್ಲೆಂಡ್ ಟೆಸ್ಟ್ ತಂಡದ ಅವಿಭಾಜ್ಯ ಅಂಗವಾಗಿ ಗುರುತಿಸಿಕೊಂಡಿರುವ ಅನುಭವಿ ವೇಗಿ ಬ್ರಾಡ್‌, ಟಾಪ್ 10 ಸೆಕ್ಸಿ ಕ್ರಿಕೆಟಿಗರ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ.
10. ಮನೀಶ್ ಪಾಂಡೆ:
ಕನ್ನಡಿಗ ಮನೀಶ್ ಪಾಂಡೆ ಕೂಡಾ ಭಾರತ ಕ್ರಿಕೆಟ್‌ನ ಸ್ಟೈಲೀಷ್ ಹಾಗೂ ಸೆಕ್ಸಿ ಕ್ರಿಕೆಟಿಗರಲ್ಲಿ ಒಬ್ಬರೆನಿಸಿಕೊಂಡಿದ್ದಾರೆ. ಕ್ಲಾಸಿ ಬ್ಯಾಟರ್ ಹಾಗೂ ಅದ್ಭುತ ಕ್ಷೇತ್ರ ರಕ್ಷಕರಾಗಿರುವ ಮನೀಶ್ ಪಾಂಡೆ, ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುವಾಗ ತಮ್ಮ ಸ್ಟೈಲೀಷ್ ಲುಕ್‌ನಿಂದಲೇ ಹೆಚ್ಚು ಗಮನ ಸೆಳೆಯುತ್ತಾರೆ.
