ಟಿವಿ ಪರದೆ ಮೇಲೆ ಯಾವಾಗ್ಲೂ ವೆಸ್ಟರ್ನ್ ಡ್ರೆಸ್ಗಳಲ್ಲೇ ಕಾಣಿಸಿಕೊಳ್ಳುವ ಕಿರುತೆರೆ ನಟಿ ಸಾರಾ ಅಣ್ಣಯ್ಯ ಆಗಾಗ ಸೀರೆಯುಟ್ಟು ಫೋಟೋಶೂಟ್ ಮಾಡಿಸಿಕೊಳ್ಳುತ್ತಿರುತ್ತಾರೆ. ಸದ್ಯ ಅವರು ಹಳದಿ ಬಣ್ಣದ ಸೀರೆಯುಟ್ಟು ಫೋಟೋಶೂಟ್ ಮಾಡಿಸಿಕೊಂಡಿದ್ದು ಎಲ್ಲರ ಗಮನ ಸೆಳೆದಿದೆ.
ಕಿರುತೆರೆ ನಟಿ ಸಾರಾ ಅಣ್ಣಯ್ಯ ಲೇಟೆಸ್ಟ್‌ ಫೋಟೋ ಸಖತ್ ವೈರಲ್ ಆಗ್ತಿದೆ. ಹಳದಿ ಬಣ್ಣದ ಸೀರೆ ಹಾಗೂ ಹಸಿರು ಬಣ್ಣದ ಬ್ಲೌಸ್‌ನಲ್ಲಿ ಸಾರಾ ಮಿಂಚಿದ್ದಾರೆ.
ಕನ್ನಡತಿ ಧಾರಾವಾಹಿಯಲ್ಲಿ ನಟಿಸಿದ್ದ ಸಾರಾ ಅಣ್ಣಯ್ಯ ತಮ್ಮ ವಿಭಿನ್ನ ಪಾತ್ರ ಹಾಗೂ ಅಭಿನಯದಿಂದಲೇ ಎಲ್ಲರ ಗಮನ ಸೆಳೆದಿದ್ದರು. ಹೀಗಾಗಿಯೇ ಅವರು ವರೂಧಿನಿಯೆಂದೇ ಹೆಚ್ಚು ಫೇಮಸ್ ಆಗಿದ್ದಾರೆ.
ಸೋಷಿಯಲ್ ಮೀಡಿಯಾದಲ್ಲಿ ಆಕ್ಟಿವ್ ಆಗಿರುವ ಸಾರಾ ಆಗಾಗ ತಮ್ಮ ಲುಕ್, ಟ್ರಿಪ್‌ನ ಫೋಟೋವನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಸಾಂಪ್ರದಾಯಿಕತೆಯಿಂದ ತೊಡಗಿ ಬಿಕಿನಿಯಲ್ಲಿ ನಿಂತಿರುವ ಫೋಟೋವನ್ನು ಸಹ ಅವರು ಪೋಸ್ಟ್ ಮಾಡುತ್ತಾರೆ.
ಸದ್ಯ ಸಾರಾ ಸೋಶಿಯಲ್ ಮೀಡಿಯಾದಲ್ಲಿ ಸೀರೆಯುಟ್ಟ ಫೋಸ್ ನೀಡಿರುವ ಫೋಟೋಗಳನ್ನು ಹಂಚಿಕೊಂಡಿದ್ದು, ಸಾರಾ ಬ್ಯೂಟಿಗೆ ನೆಟ್ಟಿಗರು ವಾವ್‌, ಬ್ಯೂಟಿಫುಲ್ ಎಂದಲ್ಲಾ ಕಮೆಂಟ್ ಮಾಡುತ್ತಿದ್ದಾರೆ.
ಕನ್ನಡತಿ ಸೀರಿಯಲ್‌ನಲ್ಲಿ ನಟಿಸಿದ ಸಾರಾ ಆ ನಂತರ ನಮ್ಮ ಲಚ್ಚಿಯಲ್ಲಿ ಅಭಿನಯಿಸಿದ್ದರು. ನಂತರ ಅಮೃತಧಾರೆ ಧಾರಾವಾಹಿಗೆ ಎಂಟ್ರಿ ಕೊಟ್ಟಿದ್ದಾರೆ.
ಇದರಲ್ಲಿ ಮಹಿಮಾ ಎಂಬ ಪಾತ್ರ ಮಾಡ್ತಾ ಇದ್ದಾರೆ. ಮಹಿಮಾ, ನಟ ಗೌತಮ್ ದಿವಾನ್‍ನ ಮುದ್ದಿನ ತಂಗಿ. ಫ್ಯಾಶನ್ ಡಿಸೈನಿಂಗ್ ಲೋಕದ ಕ್ವೀನ್ ಎಂದು ಗುರುತಿಸಿಕೊಂಡಿದ್ದಾರೆ.
ಸೀರೆಯಲ್ಲಿ ಸಾರಾ ಅಣ್ಣಯ್ಯ ಫೋಟೋ ನೋಡಿದ ಅಭಿಮಾನಿಗಳು ಬ್ಯೂಟಿ ಅಂದ್ರೆ ಅದು ಸಾರಾ ಎಂದು ಕಮೆಂಟ್ ಮಾಡಿದ್ದಾರೆ. ಸೀರೆಯಲ್ನಲ್ಲಿ ಕೊಂಚ ಸೈಕೋ ಆದ್ರೂ ಸಖತ್ ಬ್ಯೂಟಿ ಎಂದು ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ.
ಈ ಹಿಂದೆ ಮಾಡಿಸಿದ್ದ ಫೋಟೋಶೂಟ್‌ನಲ್ಲಿ ಸಾರಾ ಪಿಂಕ್ ಸೀರೆ ಮತ್ತು ಬ್ಲ್ಯಾಕ್ ಬ್ಲೌಸ್‌ನಲ್ಲಿ ಮುದ್ದಾಗಿ ಫೋಸ್ ನೀಡಿದ್ದು, ಅಭಿಮಾನಿಗಳ ಮನ ಗೆದ್ದಿದೆ.