ಸೀರೆ ಉಡಿಸಲು ಯಾರಾದರೂ 2 ಲಕ್ಷ ಕೊಡುವ ಬಗ್ಗೆ ನೀವು ಕೇಳಿದ್ದೀರಾ? ಆದರೆ, ಭಾರತದ ಅತ್ಯಂತ ಅದ್ಧೂರಿ ಮದುವೆಯಾದ ಅನಂತ್ ಅಂಬಾನಿ-ರಾಧಿಕಾ ಮರ್ಚೆಂಟ್ ಪ್ರಿ ವೆಡ್ಡಿಂಗ್ ಇವೆಂಟ್‌ನಲ್ಲಿ ಸೀರೆ ಉಡಿಸಲು ಹಣವನ್ನು ನೀರಿನಂತೆ ಖರ್ಚು ಮಾಡಲಾಯಿತು. ವಧು ರಾಧಿಕಾ ಮರ್ಚೆಂಟ್‌ಗೆ ಸೀರೆ ಉಡಿಸೋ ಸ್ಟೈಲಿಸ್ಟ್‌ಗೆ ಅಂಬಾನಿ ಫ್ಯಾಮಿಲಿ ಖರ್ಚು ಮಾಡಿರೋದು ಎಷ್ಟು ಗೊತ್ತಾ?
ಇತ್ತೀಚಿಗೆ ಮಾಡರ್ನ್‌ ಡ್ರೆಸ್‌ಗಳಿಗಿಂತಲೂ ಸೀರೆಯತ್ತ ನೀರೆಯರ ಒಲವು ಹೆಚ್ಚಾಗಿದೆ. ಆದ್ರೆ ಸೀರೆ ಉಡೋಕೆ ಮಾತ್ರ ಎಲ್ಲರಿಗೂ ಬರಲ್ಲ. ಹೀಗಾಗಿ ಸೆಲೆಬ್ರಿಟಿಗಳೆಲ್ಲಾ ಸ್ಯಾರಿ ಡ್ರಾಪರ್‌ಗಳಿಂದಲೇ ಸೀರೆಯನ್ನು ಉಡಿಸಿಕೊಳ್ಳುತ್ತಾರೆ. ಅಂಬಾನಿ ಫ್ಯಾಮಿಲಿಯ ವಧುವನ್ನು ರೆಡಿ ಮಾಡಿದ್ದು ಒಬ್ಬ ಹೆಸರಾಂತ ಸ್ಯಾರಿ ಸ್ಟೈಲಿಸ್ಟ್‌..
ಸೀರೆ ಉಡಿಸಲು ಯಾರಾದರೂ 2 ಲಕ್ಷ ಕೊಡುವ ಬಗ್ಗೆ ನೀವು ಕೇಳಿದ್ದೀರಾ? ಆದರೆ, ಭಾರತದ ಅತ್ಯಂತ ಅದ್ಧೂರಿ ಮದುವೆಯಾದ ಅನಂತ್ ಅಂಬಾನಿ-ರಾಧಿಕಾ ಮರ್ಚೆಂಟ್ ಪ್ರಿ ವೆಡ್ಡಿಂಗ್ ಇವೆಂಟ್‌ನಲ್ಲಿ ಸೀರೆ ಉಡಿಸಲು ಲಕ್ಷ ಲಕ್ಷ ಖರ್ಚು ಮಾಡಲಾಯಿತು.
ಅಂಬಾನಿ ಪ್ರೀ ವೆಡ್ಡಿಂಗ್ ಬ್ಯಾಷ್‌ನಲ್ಲಿ ನೀತಾ ಅಂಬಾನಿ, ರಾಧಿಕಾ ಮರ್ಚೆಂಟ್, ದೀಪಿಕಾ ಪಡುಕೋಣೆ ಮೊದಲಾದ ಸೆಲೆಬ್ರಿಟಿಗಳಿಗೆ ಸೀರೆ, ಡ್ರೆಸ್ ತೊಡಿಸಿದ ಮಹಿಳೆ ಡಾಲಿ ಜೈನ್. ಇವರು ಸೀರೆಯೊಂದನ್ನು ಉಡಿಸಲು ಬರೋಬ್ಬರಿ 35000ರಿಂದ 2 ಲಕ್ಷ ರೂ. ತೆಗೆದುಕೊಳ್ಳುತ್ತಾರೆ.
ನೀತಾ ಅಂಬಾನಿ, ಇಶಾ ಅಂಬಾನಿ, ಶ್ಲೋಕಾ ಮೆಹ್ತಾ, ರಾಧಿಕಾ ಮರ್ಚೆಂಟ್, ಸೋನಮ್ ಕಪೂರ್, ಪ್ರಿಯಾಂಕಾ ಚೋಪ್ರಾ, ಕತ್ರಿನಾ ಕೈಫ್, ದೀಪಿಕಾ ಪಡುಕೋಣೆ ಮೊದಲಾದ ಸೆಲೆಬ್ರಿಟಿಗಳಿಗೆ ಡಾಲಿ ಜೈನ್ ಸೀರೆ ಉಡಿಸಿದ್ದಾರೆ. ತಮಿಳುನಾಡು ಮಾಜಿ ಮುಖ್ಯಮಂತ್ರಿ ದಿವಂಗತ ಜಯಲಲಿತಾ, ದಿವಂಗತ ಶ್ರೀದೇವಿ ಮತ್ತು ನತಾಶಾ ಪೂನಾವಾಲಾ ಮೊದಲಾದ ಕೋಟ್ಯಾಧಿಪತಿಗಳೂ ಇವರ ನೆಚ್ಚಿನ ಗ್ರಾಹಕರಾಗಿದ್ದರು.
ಡಾಲಿ ಜೈನ್ ಬೆಂಗಳೂರಿನಲ್ಲಿ ಜನಿಸಿದರು. ಅವರ ತಾಯಿಯ ಸೀರೆಗಳಿಗೆ ಆಕರ್ಷಿತರಾಗಿದ್ದರು. ಆದರೆ ಮದುವೆಯಾಗಿ ಕೋಲ್ಕತ್ತಾಗೆ ತೆರಳುವವರೆಗೂ ಡಾಲಿ ಜೈನ್‌ಗೆ ಸೀರೆ ಉಡುವುದರಲ್ಲಿ ಆಸಕ್ತಿ ಇರಲಿಲ್ಲ. ಆದರೆ ಆ ನಂತರ ಆಕೆಗೆ ಸೀರೆ ಉಡಲು ಮಾತ್ರ ಅವಕಾಶವಿದ್ದರಿಂದ, ಯಾವಾಗಲೂ ಸೀರೆ ಉಡಲು ಆರಂಭಿಸಿದರು.
ನಿಯಮಿತವಾಗಿ ಸೀರೆಯನ್ನೇ ಉಡಬೇಕಾದ ಕಾರಣ ಅವರು ಯಾವಾಗಲೂ ಡಿಫರೆಂಟ್ ರೀತಿಯಲ್ಲಿ ಸೀರೆ ಉಡುತ್ತಿದ್ದರು. 2011ರಲ್ಲಿ, ಡಾಲಿ ಜೈನ್ ಅತ್ಯಂತ ವೇಗದ ಸೀರೆ ಡ್ರಾಪರ್ (18.5 ಸೆಕೆಂಡುಗಳು) ಎಂದು ಗುರುತಿಸಿಕೊಂಡರು. ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್ ಅನ್ನು ಪ್ರವೇಶಿಸಿದರು. ಆ ಸಮಯದಲ್ಲಿ ಅವರು ತಮ್ಮ ಕಲೆಯನ್ನು ವೃತ್ತಿಯಾಗಿ ಮುಂದುವರಿಸಲು ನಿರ್ಧರಿಸಿದರು.
ತಮ್ಮ ಕ್ವಿಕ್ ಸೀರೆ ಡ್ರಾಪಿಂಗ್‌ನ್ನು ಲಿಮ್ಕಾ ರೆಕಾರ್ಡ್ಸ್ ಸೇರಲು ಡಾಲಿ ಜೈನ್ ನಿರ್ಧರಿಸಿದರು. ಸಾಧನೆಯ ಸಿಡಿಯನ್ನು ಲಿಮ್ಕಾ ತಂಡಕ್ಕೆ ಕಳುಹಿಸಿದರು. ಕೆಲವೇ ತಿಂಗಳಲ್ಲಿ ಲಿಮ್ಕಾ ರೆಕಾರ್ಡ್ಸ್‌ನಿಂದ ಮೊದಲ ಪ್ರಮಾಣಪತ್ರವನ್ನು ಸ್ವೀಕರಿಸಿದರು. ನಂತರ, ಡಾಲಿ ಜೈನ್, ಹಲವು ಡ್ರಾಪಿಂಗ್ ಟೆಕ್ನಿಕ್‌ ಕಲಿಸಲು ಆರಂಭಿಸಿದರು.
ಆಕೆಯನ್ನು ಡಿಸೈನರ್ ಸಂದೀಪ್ ಖೋಸ್ಲಾ ಅವರು ಬಾಲಿವುಡ್ ಸೆಲೆಬ್ರಿಟಿಗಳಿಗೆ ಪರಿಚಯಿಸಿದರು. ಅಂತಿಮವಾಗಿ ಡಾಲಿ ಜೈನ್ ಸ್ಯಾರಿ ಡ್ರಾಪಿಂಗ್‌ನ್ನು ತಮ್ಮ ವೃತ್ತಿಯನ್ನಾಗಿ ಮಾಡಲು ನಿರ್ಧರಿಸಿದರು. ಅವರು ಈಗ ಸೆಲೆಬ್ರಿಟಿ ಸೀರೆ ಡ್ರಾಪರ್ ಆಗಿ ಕೆಲಸ ಮಾಡುತ್ತಿದ್ದಾರೆ.
ಡಾಲಿ ಜೈನ್ ಅವರು ಹೈದರಾಬಾದಿಯಿಂದ ಗುಜರಾತಿವರೆಗೆ, ರಾಜಸ್ಥಾನದಿಂದ ಅಸ್ಸಾಮಿವರೆಗೆ ಮತ್ತು ಲೆಹೆಂಗಾದಿಂದ ಹೆಚ್ಚು ಮಾಡರ್ನ್‌ ಸೀರೆಗಳು ಮತ್ತು ದುಪಟ್ಟಾಗಳನ್ನು ವಿವಿಧ ವಿನ್ಯಾಸಗಳಲ್ಲಿ ಅಲಂಕರಿಸುವಲ್ಲಿ ಪರಿಣತರಾಗಿದ್ದಾರೆ. 357 ವಿಭಿನ್ನ ರೀತಿಯಲ್ಲಿ ಸೀರೆಯನ್ನು ಉಡಬಲ್ಲ ಏಕೈಕ ವ್ಯಕ್ತಿ ಎಂದು ಹೇಳಲಾಗುತ್ತದೆ.
ಬಾಲಿವುಡ್‌ನ ಎಲ್ಲಾ ವಧುಗಳನ್ನು, ಅಂತರರಾಷ್ಟ್ರೀಯ ಸೂಪರ್ ಮಾಡೆಲ್ ಗಿಗಿ ಹಡಿದ್ ಅವರನ್ನು ಡಾಲಿ ವಿನ್ಯಾಸಗೊಳಿಸಿದ್ದಾರೆ. ತಮ್ಮ ಮದುವೆಯ ಪೂರ್ವ ಕಾರ್ಯಕ್ರಮಗಳಲ್ಲಿ ಮುಕೇಶ್ ಅಂಬಾನಿ ಮತ್ತು ನೀತಾ ಅಂಬಾನಿಯವರ ಸೊಸೆ ರಾಧಿಕಾ ಮರ್ಚೆಂಟ್‌ನ್ನು ಸಿದ್ಧಗೊಳಿಸಿದರು. ಬಹು ವರದಿಗಳ ಪ್ರಕಾರ, ಡಾಲಿ ಒಂದು ಸೀರೆಗೆ 35,000 ರಿಂದ 2 ಲಕ್ಷ ರೂ. ತೆಗೆದುಕೊಳ್ಳುತ್ತಾರೆ.