2 ವರ್ಷದಲ್ಲಿ ಎಲ್ಲಾ ಬಸ್ ಎಲೆಕ್ಟ್ರಿಕ್ ಆಗಿ ಪರಿವರ್ತನೆ: ಗಡ್ಕರಿ
ಮುಂಬರುವ 2 ವರ್ಷಗಳಲ್ಲಿ ಎಲ್ಲಾ ಬಸ್ ಗಳು ಎಲೆಕ್ಟ್ರಿಕ್ ಆಗಿ ಪರಿವರ್ತನೆ | ಇಂಥ ಬಸ್‌ಗಳನ್ನು ಬಯೋ ಸಿಎನ್‌ಜಿ, ಎಥನಾಲ್, ಮೆಥನಾಲ್ ಮೂಲಕ ಓಡಿಸಲು ಕ್ರಮ- ನಿತಿನ್ ಗಡ್ಕರಿ
ನವದೆಹಲಿ (ಸೆ. 24): ಮುಂದಿನ 2 ವರ್ಷಗಳಲ್ಲಿ ದೇಶದಲ್ಲಿನ ಎಲ್ಲಾ ಬಸ್‌ಗಳನ್ನು ಎಲೆಕ್ಟ್ರಿಕ್ ಮಾದರಿಗೆ ಪರಿವರ್ತಿಸಲಾಗುವುದು ಎಂದು ಕೇಂದ್ರ ರಸ್ತೆ ಸಾರಿಗೆ ಖಾತೆ ಸಚಿವ ನಿತಿನ್ ಗಡ್ಕರಿ ಹೇಳಿದ್ದಾರೆ.
ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಗಡ್ಕರಿ, ಎಲೆಕ್ಟ್ರಿಕ್ ವಾಹನಗಳ ಬಳಕೆ ಕಡ್ಡಾಯ ಮಾಡದ ಹೊರತಾಗಿಯೂ, ಮುಂದಿನ ೨ ವರ್ಷಗಳಲ್ಲಿ ಎಲ್ಲಾ ಬಸ್‌ಗಳನ್ನು ಎಲೆಕ್ಟ್ರಿಕ್ ಮಾದರಿಗೆ ಪರಿವರ್ತಿಸಲಾಗುವುದು. ಇಂಥ ಬಸ್‌ಗಳನ್ನು ಬಯೋ ಸಿಎನ್‌ಜಿ, ಎಥನಾಲ್, ಮೆಥನಾಲ್ ಮೂಲಕ ಓಡಿಸಲು ಕ್ರಮ ಕೈಗೊಳ್ಳಲಾಗುವುದು. ಈ ಮೂಲಕ ಪರ್ಯಾಯ ಇಂಧನ ಆಧರಿತ ವಾಹನಗಳ ಬಳಕೆಗೆ ಸರ್ಕಾರ ಎಲ್ಲಾ ಕ್ರಮ ಕೈಗೊಳ್ಳಲಾಗುವುದು ಎಂದು ತಿಳಿಸಿದರು.
Last Updated Sep 24, 2019, 11:13 AM IST
