ವಿಕಿಲೀಕ್ಸ್ ಅಸಾಂಜೆ ವಿರುದ್ಧ ಅತ್ಯಾಚಾರ ಕೇಸ್ ತನಿಖೆ ಕೈಬಿಟ್ಟ ಸ್ವೀಡನ್
ಪ್ರಾಸಿಕ್ಯೂಟರ್ ನಿರ್ಧಾರದ ಬಳಿಕ ಪ್ರತಿಕ್ರಿಯಿಸಿರುವ ಅಸಾಂಜೆ, ಇದು ನನ್ನ ಪಾಲಿನ ಅತ್ಯಂತ ದೊಡ್ಡ ಜಯ ಎಂದಿದ್ದಾರೆ.
ಸ್ಟಾಕ್ಹೋಮ್(ಮೇ.20): ಅಮೆರಿಕ ಸೇರಿದಂತೆ ವಿಶ್ವದ ಇತರೆ ರಾಷ್ಟ್ರಗಳ ಸರ್ಕಾರದ ರಹಸ್ಯಗಳನ್ನು ಬಯಲು ಮಾಡಿದ್ದ ವಿಕಿಲೀಕ್ಸ್ ಸಂಸ್ಥಾಪಕ ಜೂಲಿಯನ್ ಅಸಾಂಜ್ ವಿರುದ್ಧದ ಅತ್ಯಾಚಾರ ಆರೋಪದ ತನಿಖೆಯನ್ನು ಸ್ವೀಡನ್'ನ ಪ್ರಾಸಿಕ್ಯೂಟರ್ಗಳು ಅಂತ್ಯಗೊಳಿಸಿದ್ದಾರೆ.
ಈ ಮೂಲಕ 7 ವರ್ಷಗಳ ಕಾಲ ಅತ್ಯಾಚಾರ ಆರೋಪ ಎದುರಿಸುತ್ತಿದ್ದ ಅಸಾಂಜ್ ಇದೀಗ ನಿರಾಳರಾಗಿದ್ದಾರೆ.
ಅಸಾಂಜ್ ವಿರುದ್ಧದ ಅತ್ಯಾಚಾರ ಆರೋಪದ ತನಿಖೆ ಮುಂದುವರಿಕೆ ಅಥವಾ ಅಂತ್ಯಗೊಳಿಸಲು ಶುಕ್ರವಾರ ಕೊನೆಯ ದಿನವಾಗಿತ್ತು. ಈ ಹಿನ್ನೆಲೆಯಲ್ಲಿ ಪಬ್ಲಿಕ್ ಪ್ರಾಸಿಕ್ಯೂಷನ್ ನಿರ್ದೇಶಕಿ ಮಾರಿಯನ್ ಅವರು ಜೂಲಿಯನ್ ಅಸ್ಸಾಂಜ್ ವಿರುದ್ಧದ ತನಿಖೆ ಕೈ ಬಿಟ್ಟಿದ್ದಾರೆ ಎಂದು ಪ್ರಾಸಿಕ್ಯೂಟರ್ ಕಚೇರಿಯ ಹೇಳಿಕೆಯಲ್ಲಿ ಉಲ್ಲೇಖಿಸಲಾಗಿದೆ.
ಪ್ರಾಸಿಕ್ಯೂಟರ್ ನಿರ್ಧಾರದ ಬಳಿಕ ಪ್ರತಿಕ್ರಿಯಿಸಿರುವ ಅಸಾಂಜೆ, ಇದು ನನ್ನ ಪಾಲಿನ ಅತ್ಯಂತ ದೊಡ್ಡ ಜಯ ಎಂದಿದ್ದಾರೆ.