ಸಂಸದರಿಗೆ ಹಂಚಿದ ಸಂವಿಧಾನದ ಪ್ರತಿಯಲ್ಲಿ 'ಸೋಶಿಯಲಿಸ್ಟ್‌, ಸೆಕ್ಯುಲರ್‌' ಪದ ಔಟ್‌, ಕೇಂದ್ರ ಹೇಳಿದ್ದಿಷ್ಟು!
ನೂತನ ಸಂಸತ್‌ ಭವನದಲ್ಲಿ ಸಂಸದರಿಗೆ ಕೇಂದ್ರದಿಂದ ಸಂವಿಧಾನದ ಪ್ರತಿಯನ್ನು ಹಂಚಲಾಗಿದೆ. ಇದರ ಬೆನ್ನಲ್ಲಿಯೇ ಹೊಸ ವಿವಾದ ಆರಂಭವಾಗಿದ್ದು, ಇದರಲ್ಲಿ ಸೋಶಿಯಲಿಸ್ಟ್‌ ಹಾಗೂ ಸೆಕ್ಯುಲರ್‌ ಪದ ನಾಪತ್ತೆಯಾಗಿದೆ ಎಂದು ಹೇಳಿದೆ. ಇದರ ಬೆನ್ನಲ್ಲಿಯೇ ಕೇಂದ್ರ ಸರ್ಕಾರ ಮೂಲ ಸಂವಿಧಾನದಲ್ಲಿ ಈ ಪದಗಳು ಇದ್ದಿರಲಿಲ್ಲ ಎಂದು ಹೇಳಿದೆ.
ನವದೆಹಲಿ (ಸೆ.20): ಸಂಸತ್ತಿನಲ್ಲಿ ನಡೆಯುತ್ತಿರುವ ವಿಶೇಷ ಅಧಿವೇಶನದ ನಡುವೆಯೇ ಹೊಸ ವಿವಾದ ತಲೆ ಎತ್ತಿದೆ. ನೂತನ ಸಂಸತ್ತಿನ ಉದ್ಘಾಟನೆ ಸಂದರ್ಭದಲ್ಲಿ ಸಂಸದರಿಗೆ ವಿತರಿಸಿದ ಸಂವಿಧಾನದ ಪ್ರತಿಯಲ್ಲಿ ಮುದ್ರಿಸಲಾದ ಮುನ್ನುಡಿಯಲ್ಲಿ ‘ಜಾತ್ಯತೀತ’ ಮತ್ತು ‘ಸಮಾಜವಾದಿ’ ಪದಗಳನ್ನು ತೆಗೆದುಹಾಕಲಾಗಿದೆ ಎಂದು ಕಾಂಗ್ರೆಸ್ ಆರೋಪಿಸಿದೆ. ಇದಕ್ಕೆ ಪ್ರತಿಕ್ರಿಯಿಸಿದ ಸರ್ಕಾರ, ಸಂವಿಧಾನದ ಪ್ರತಿಯಲ್ಲಿ ಮೂಲ ಸಂವಿಧಾನದ ಪೀಠಿಕೆಯನ್ನು ಸೇರಿಸಲಾಗಿದೆ ಎಂದು ಹೇಳಿದೆ. ಇದರಲ್ಲಿ ಜಾತ್ಯತೀತ, ಸಮಾಜವಾದಿ ಎಂಬ ಪದಗಳೇ ಇರಲಿಲ್ಲ. ನಿಜವಾದ ವಿಚಾರವೆಂದರೆ, ಈ ಎರಡೂ ಪದಗಳನ್ನು 1976 ರಲ್ಲಿ 42 ನೇ ತಿದ್ದುಪಡಿಯ ಮೂಲಕ ಸಂವಿಧಾನದ ಪೀಠಿಕೆಯಲ್ಲಿ ಸೇರಿಸಲಾಗಿದೆ. ಇಲ್ಲಿ ಅರ್ಥ ಮಾಡಿಕೊಳ್ಳಬೇಕಾದ ವಿಚಾರವೇನೆಂದರೆ, ತಿದ್ದುಪಡಿ ಇಲ್ಲದೆ ಸಂವಿಧಾನ ಬದಲಾವಣೆ ಸಾಧ್ಯವಿಲ್ಲ. ಅಲ್ಲಿ ಈ ವಿವಾದದ ಕಾನೂನು ಅಂಶವೂ ಆಗಿದೆ. ಅದರ ಒಂದು ತೀರ್ಪಿನಲ್ಲಿ, ಸುಪ್ರೀಂ ಕೋರ್ಟ್ ಸಂವಿಧಾನದ ಪೀಠಿಕೆಯನ್ನು ಸಂವಿಧಾನದ ಭಾಗವಾಗಿ ಅಂಗೀಕರಿಸಿದೆ. ಅಂತಹ ಪರಿಸ್ಥಿತಿಯಲ್ಲಿ, ಯಾವುದೇ ಪದವನ್ನು ತೆಗೆದುಹಾಕಬೇಕಾದರೆ ಅಥವಾ ಸೇರಿಸಬೇಕಾದರೆ ಮತ್ತೊಂದು ಸಾಂವಿಧಾನಿಕ ತಿದ್ದುಪಡಿಯ ಅಗತ್ಯವಿರುತ್ತದೆ.
ಬಿಜೆಪಿಯ ಉದ್ದೇಶದ ಮೇಲೆ ಅನುಮಾನ: ಲೋಕಸಭೆಯಲ್ಲಿ ಕಾಂಗ್ರೆಸ್‌ನ ವಿರೋಧ ಪಕ್ಷದ ನಾಯಕ ಅಧೀರ್ ರಂಜನ್ ಚೌಧರಿ ಅವರು 1976 ರಲ್ಲಿ ತಿದ್ದುಪಡಿಯ ನಂತರ ಈ ಪದಗಳನ್ನು ಸೇರಿಸಲಾಗಿದೆ ಎನ್ನುವ ಮಾಹಿತಿ ನಮಗೆ ಇದೆ. ಆದರೆ, ಇಂದು ಯಾರಾದರೂ ನಮಗೆ ಸಂವಿಧಾನವನ್ನು ನೀಡಿದರೆ ಮತ್ತು ಈ ಪದಗಳು ಅದರಲ್ಲಿ ಇಲ್ಲ ಎಂದಾದಲ್ಲಿಅದು ಕಾಳಜಿಯ ವಿಷಯವಾಗಿದೆ ಎಂದು ತಿಳಿಸಿದೆ. ಬಿಜೆಪಿಯ ಉದ್ದೇಶವೇ ನಮಗೆ ಅನುಮಾನಕ್ಕೆ ಕಾರಣವಾಗಿದೆ. ಇದನ್ನು ಬಹಳ ಜಾಣತನದಿಂದ ಮಾಡಲಾಗಿದೆ. ಇದು ನನಗೆ ಕಳವಳದ ವಿಷಯವಾಗಿದೆ. ನಾನು ಈ ವಿಷಯವನ್ನು ಪ್ರಸ್ತಾಪಿಸಲು ಪ್ರಯತ್ನಿಸಿದೆ, ಆದರೆ ಈ ವಿಷಯವನ್ನು ಪ್ರಸ್ತಾಪಿಸಲು ನನಗೆ ಅವಕಾಶ ಸಿಗಲಿಲ್ಲ ಎಂದು ತಿಳಿಸಿದ್ದಾರೆ.
ಅಧೀರ್ ರಂಜನ್ ಆರೋಪದ ಕುರಿತು ಕಾನೂನು ಸಚಿವ ಅರ್ಜುನ್‌ರಾಮ್ ಮೇಘವಾಲ್ ಅವರು ಮಾತನಾಡಿದ್ದು, 'ಸಂವಿಧಾನ ಅಸ್ತಿತ್ವಕ್ಕೆ ಬಂದಾಗ ಸಮಾಜವಾದಿ ಮತ್ತು ಜಾತ್ಯತೀತ ಪದಗಳು ಇರಲಿಲ್ಲ. ಈ ಪದಗಳನ್ನು ಸಂವಿಧಾನದ 42 ನೇ ತಿದ್ದುಪಡಿಯಲ್ಲಿ ಸೇರಿಸಲಾಗಿದೆ. ಇನ್ನೊಂದೆಡೆ ಸಂಸತ್‌ ಅಧಿವೇಶನದ ವೇಳೆ ಮೂಲ ಪೀಠಿಕೆ ಹಾಗೂ ತಿದ್ದುಪಡಿಯಾದ ಪೀಠಿಕೆ ಎರಡೂ ಇರುವ ಪ್ರತಿಗಳನ್ನೂ ನೀಡಲಾಗಿದೆ ಎಂದು ತಿಳಿದುಬಂದಿದೆ. ಮೂಲಗಳ ಪ್ರಕಾರ, ಮೊದಲ ಪುಟದಲ್ಲಿ ಮೂಲ ಪೀಠಿಕೆ ಇದ್ದರೆ ಎರಡನೇ ಪುಟದಲ್ಲಿ ಪರಿಷ್ಕೃತ ಮುನ್ನುಡಿಯೂ ಇದೆ. ಅಧೀರ್ ರಂಜನ್ ಚೌಧರಿ ಇದನ್ನು ಗಮನಿಸದೇ ಸರ್ಕಾರದ ಮೇಲೆ ಆರೋಪ ಮಾಡಿದ್ದರು. ಆದರೆ, ಹಳೆಯ ಪೀಠಿಕೆಯನ್ನು ಏಕೆ ಇಡಲಾಗಿದೆ ಎಂಬುದು ಸ್ಪಷ್ಟವಾಗಿಲ್ಲ.
ಖಾಕಿ ಬಣ್ಣದ ಪ್ಯಾಂಟು, ಕಮಲದ ಹೂ ಪ್ರಿಂಟ್‌ ಆಗಿರುವ ಶರ್ಟ್‌; ಹೊಸ ಸಂಸತ್‌ ಭವನದ ಅಧಿಕಾರಿಗೆ ಡ್ರೆಸ್‌ ಕೋಡ್‌!
ಸೆ.18ರಿಂದ ಆರಂಭವಾದ ಸಂಸತ್ತಿನ ವಿಶೇಷ ಅಧಿವೇಶನ ಸೆ.19ರಿಂದ ಹೊಸ ಸಂಸತ್‌ ಭವನದಲ್ಲಿ ಆರಂಭವಾಗಿದೆ. ಅದೇ ದಿನ ಎಲ್ಲ ಸಂಸದರನ್ನು ಹಳೆಯ ಕಟ್ಟಡದಿಂದ ಹೊಸ ಕಟ್ಟಡಕ್ಕೆ ಸ್ಥಳಾಂತರಿಸಲಾಯಿತು. ನಂತರ, ಈ ಸಂವಿಧಾನದ ಪ್ರತಿಯನ್ನು ಸಂಸದರಿಗೆ ನೀಡಲಾಯಿತು. ಹೊಸ ಸಂಸತ್ತಿನ ಕಾರ್ಯಚಟುವಟಿಕೆಯ ಮೊದಲ ದಿನ, ಅಂದರೆ ಸೆಪ್ಟೆಂಬರ್ 19 ರಂದು, ಮಹಿಳಾ ಮೀಸಲಾತಿ ಮಸೂದೆಯನ್ನು (ನಾರಿ ಶಕ್ತಿ ವಂದನ್ ಮಸೂದೆ) ಲೋಕಸಭೆಯಲ್ಲಿ ಮಂಡಿಸಲಾಯಿತು. ಈ ಮಸೂದೆಯ ಪ್ರಕಾರ ಲೋಕಸಭೆ ಮತ್ತು ರಾಜ್ಯ ವಿಧಾನಸಭೆಗಳಲ್ಲಿ ಮಹಿಳೆಯರಿಗೆ ಶೇ.33ರಷ್ಟು ಮೀಸಲಾತಿ ಜಾರಿಯಾಗಲಿದೆ. ಲೋಕಸಭೆಯ 543 ಸ್ಥಾನಗಳ ಪೈಕಿ 181 ಸ್ಥಾನಗಳು ಮಹಿಳೆಯರಿಗೆ ಮೀಸಲಿವೆ. ಈ ಮೀಸಲಾತಿ 15 ವರ್ಷಗಳವರೆಗೆ ಇರುತ್ತದೆ. ಇದರ ನಂತರ, ಸಂಸತ್ತು ಬಯಸಿದರೆ, ಅದು ತನ್ನ ಅವಧಿಯನ್ನು ವಿಸ್ತರಿಸಬಹುದು.
ಹೊಸ ಸಂಸತ್ತು ಬೆಳವಣಿಗೆಯ ಸಂಕೇತ; ದೇಶದಲ್ಲಿ ಪ್ರಗತಿಯ ಹೊಸ ಯುಗ ಪ್ರಾರಂಭ ಎಂದ ಜ್ಯೋತಿಷಿ
