ಪ್ರಿಯಾಂಕಾ ಚೋಪ್ರಾರ ಹಾಟ್ ಫೋಟೋಶೂಟ್ ಫೋಟೋ ವೈರಲ್‌!
ನಟಿ ಪ್ರಿಯಾಂಕಾ ಚೋಪ್ರಾ ಬಾಲಿವುಡ್‌ನಿಂದ ಹಾಲಿವುಡ್‌ವರೆಗೆ ಸಾಕಷ್ಟು ಹೆಸರು ಮಾಡಿದ್ದಾರೆ. ಎರಡೂ ಚಿತ್ರರಂಗದಲ್ಲಿ ತಮ್ಮದೇ ಛಾಪು ಮೂಡಿಸುವಲ್ಲಿ ಯಶಸ್ವಿಯಾಗಿದ್ದಾರೆ ಪ್ರಿಯಾಂಕಾ. ಇತ್ತೀಚೆಗೆ ಅವರ ಚಿತ್ರ ದಿ ವೈಟ್ ಟೈಗರ್ ಬಿಡುಗಡೆಯಾಗಿದ್ದು, ನಟಿಯದ್ದೇ ಸುದ್ದಿ ಸದ್ದು ಮಾಡುತ್ತಿವೆ. ಅದರ ಜೊತೆಗೆ ಪ್ರಿಯಾಂಕಾ ತಮ್ಮ ಬೋಲ್ಡ್ ಫೋಟೋಶೂಟ್‌ನಿಂದ ಈ ದಿನಗಳಲ್ಲಿ ಸುದ್ದಿಯಲ್ಲಿದ್ದಾರೆ.
ಇತ್ತೀಚೆಗೆ ಪ್ರಿಯಾಂಕಾ ಚೋಪ್ರಾ ಎರಡು ವಿಭಿನ್ನ ಫ್ಯಾಷನ್ ನಿಯತಕಾಲಿಕೆಗಳಿಗಾಗಿ ತುಂಬಾ ಬೋಲ್ಡ್ ಫೋಟೋಶೂಟ್ ಮಾಡಿಸಿದ್ದಾರೆ.
ಈ ಫೋಟೋಗಳನ್ನು ಅವರು ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.
ಅಲ್ಲದೇ ಆಕೆಯ ಜೀವನ, ಹೋರಾಟ ಮತ್ತು ಕಠಿಣ ಪರಿಶ್ರಮದ ಬಗ್ಗೆ ಮಾತನಾಡುವ ತಮ್ಮ ಪುಸ್ತಕದ ಮುಖ್ಯಾಂಶಗಳ ಬಗ್ಗೆಯೂ ಮಾಹಿತಿ ನೀಡುತ್ತಿದ್ದಾರೆ ಪಿಗ್ಗಿ.
ಫೋಟೋವೊಂದರಲ್ಲಿ ಕಪ್ಪು ಬಣ್ಣದ ಬೋಲ್ಡ್ ಡ್ರೆಸ್‌ ಧರಿಸಿರುತ್ತಾರೆ. ಮತ್ತೊಂದರಲ್ಲಿ ಪಿಗ್ಗಿ ಕಪ್ಪು ಬಿಕಿನಿಯನ್ನೂ ಧರಿಸಿದ್ದಾರೆ ಇದಲ್ಲದೆ, ಮತ್ತೊಂದು ಫೋಟೋಶೂಟ್‌ನಲ್ಲಿ, ಅವರು ಬಿಳಿ ಬಣ್ಣದ ಟವೆಲ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.
ಪ್ರಿಯಾಂಕಾ ತಮ್ಮ ಪೂರ್ಣಗೊಳ್ಳದ ಪುಸ್ತಕದ ಬಗ್ಗೆ ಇತ್ತೀಚೆಗೆ ಸಂದರ್ಶನವನ್ನೂ ನೀಡಿದರು. ಸಂದರ್ಶನದಲ್ಲಿ ಅವರು ನಿರ್ವಹಿಸಿದ ಪಾತ್ರಗಳ ಬಗ್ಗೆ ಕೇಳಿದಾಗ, 'ಪಾತ್ರಗಳು ಚಿಕ್ಕದಾಗಿರುವುದ್ದಿಲ್ಲ, ನಟರು ಚಿಕ್ಕವರಾಗಿರುತ್ತಾರೆ ಮತ್ತು ನಾನು ಸಣ್ಣ ನಟಿ ಅಲ್ಲ' ಎಂದಿದ್ದಾರೆ.
ಹೆಚ್ಚಿನ ನಟಿಯರು ಲೀಡ್‌ ರೋಲ್‌ ಮಾತ್ರ ಮಾಡಲು ಬಯಸುತ್ತಾರೆ. ಆದರೆ ಪ್ರಿಯಾಂಕಾ ತಮ್ಮ ವೃತ್ತಿಜೀವನದಲ್ಲಿ ಚೊಚ್ಚಲ ಚಿತ್ರದಿಂದ ಇಲ್ಲಿಯವರೆಗೆ ಅನೇಕ ಬಾರಿ ಪೋಷಕ ಪಾತ್ರಗಳನ್ನು ನಿರ್ವಹಿಸಿದ್ದಾರೆ.
ಅವರ ಮೊದಲ ಚಿತ್ರ ದಿ ಹೀರೋ, 2003ರಲ್ಲಿ ಬಿಡುಗಡೆಯಾಯಿತು. ಈ ಚಿತ್ರದಲ್ಲಿ ಪ್ರೀತಿ ಜಿಂಟಾ ಮುಖ್ಯ ನಟಿ, ಪ್ರಿಯಾಂಕಾ ಪೋಷಕ ಪಾತ್ರದಲ್ಲಿದ್ದರು.
ಪ್ರಿಯಾಂಕಾ ಸೈಡ್ ರೋಲ್‌ನಲ್ಲಿದ್ದರು. ಆದರೆ ಪ್ರಿಯಾಂಕಾ ತಮ್ಮ ಪಾತ್ರವನ್ನು ತಾವೇ ಪೋಷಿಸಿಕೊಳ್ಳುವಲ್ಲಿ ಯಶಸ್ವಿಯಾದರು. ಅದೇ ಅವರನ್ನು ಇಂದು ಈ ಮಟ್ಟಕ್ಕೆ ತಂದು ನಿಲ್ಲಿಸಿದೆ.
ನಂಗೆ ಹಾಲಿವುಡ್ ಬಗ್ಗೆ ಮೊದಲಿಂದಲೂ ಆಕರ್ಷಣೆ ಇತ್ತು. ತಲೆ ಬಾಗುವುದು, ಕೆಲಸ ಮಾಡುವುದು, ಆಡಿಷನ್ ನೀಡುವುದು ಅಥವಾ ಅಮೆರಿಕನ್ ಉಚ್ಚಾರಣೆಗೆ ತಯಾರಿ ಮಾಡುವುದರ ಬಗ್ಗೆ ನನಗೆ ಯಾವುದೇ ಆಕ್ಷೇಪವಿಲ್ಲ. ನಾನು ಪಾತ್ರವನ್ನು ನಿರ್ವಹಿಸಬೇಕಾಗಿತ್ತು. ಅದನ್ನು ಮಾಡಲು ಕಷ್ಟಪಟ್ಟಿದ್ದೇನೆ. ಹೆಸರು ಮಾಡಿದ್ದೇನೆ, ಎಂದು ಪಿಗ್ಗಿ ಪ್ರೌಡ್‌ನಿಂದ ಹೇಳಿಕೊಳ್ಳುತ್ತಾರೆ.
ಅಮೆರಿಕ ಭಾಷೆ ಉಚ್ಛಾರಣೆ ಕಲಿತ ಮಾತ್ರಕ್ಕೆ ನಾನು ನನ್ನತನವನ್ನು ಬಿಡೋ ಅಗತ್ಯವಿಲ್ಲ. ಇಲ್ಲಿ ನೆಲೆಯೂರಲು ಶ್ರಮಿಸಿದ್ದೇನೆ. ಹಾಗಂತ ನನ್ನ ಸಂಸ್ಕೃತಿ, ಸಂಪ್ರದಾಯ ಬಿಡಬೇಕು ಅಂತೇನಿಲ್ಲ, ಎಂದಿದ್ದಾರೆ ಪಿಸಿ.
