Mar 19, 2022, 3:43 PM IST
ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ (Puneeth Rajkumar) ಅಭಿನಯದ ಹೈವೋಲ್ಟೇಜ್ 'ಜೇಮ್ಸ್' (James) ಸಿನಿಮಾ ರಾಜ್ಯ, ದೇಶ ಹಾಗೂ ವಿದೇಶಗಳಲ್ಲಿ ಭರ್ಜರಿ ಓಪನಿಂಗ್ ಪಡೆದು ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ಅಂದುಕೊಂಡಂತೆ 'ಜೇಮ್ಸ್' ಸಿನಿಮಾ ಮೊದಲ ದಿನ ಸಾವಿರಾರು ಶೋಗಳು ಹೌಸ್ಫುಲ್ ಪ್ರದರ್ಶನಗೊಳ್ಳುವ ಮೂಲಕ ಬಾಕ್ಸ್ ಆಫೀಸ್‌ನಲ್ಲಿ ದಾಖಲೆ ಬರೆದಿದೆ. ಜತೆಗೆ 'ಕೆಜಿಎಫ್ 2' (KGF 2) ಸಿನಿಮಾದ ದಾಖಲೆಯನ್ನೂ ಮುರಿದಿದೆ. 'ಕೆಜಿಎಫ್ 2' ಸಿನಿಮಾ ಇನ್ನು ರಿಲೀಸ್ ಆಗಿಲ್ಲ. ಆದರೂ ಪೈಪೊಟಿ ಹೇಗೆ ಅನ್ನಿಸಬಹುದು. ಹೌದು! ಈ ಎರಡೂ ಚಿತ್ರಗಳು ರೇಟಿಂಗ್‌ನಲ್ಲಿ ಪೈಪೋಟಿ ನಡೆಸಿವೆ.
James 2022: ಅಪ್ಪು ಕೊನೆ ಚಿತ್ರವನ್ನು ನೋಡಿ ಪುನೀತರಾದ ಅಭಿಮಾನಿಗಳು
ಐಎಂಡಿಬಿ (IMDB) ರೇಟಿಂಗ್‌ನಲ್ಲಿ 'ಕೆಜಿಎಫ್ 2' ಚಿತ್ರವನ್ನು 'ಜೇಮ್ಸ್' ಹಿಂದಿಕ್ಕಿದೆ. ಚಿತ್ರದ ಜನಪ್ರಿಯತೆಯ ಮೇಲೆ ಈ ರೇಟಿಂಗ್ ನಿರ್ಧಾರ ಆಗುತ್ತದೆ. ಚಿತ್ರದ ಬಗ್ಗೆ ಸಮೀಕ್ಷೆ ನಡೆಸಿ, ರೇಟಿಂಗ್ ನೀಡಲಾಗುತ್ತದೆ. ಇಲ್ಲಿ 'ಜೇಮ್ಸ್' ಚಿತ್ರಕ್ಕಿಂತಲೂ 'ಕೆಜಿಎಫ್ 2' ಕೆಳಗಿದೆ. 'ಜೇಮ್ಸ್' 3ನೇ ಸ್ಥಾನದಲ್ಲಿ ಇದ್ದರೆ, 'ಕೆಜಿಎಫ್ 2' ಸಿನಿಮಾ 5ನೇ ಸ್ಥಾನದಲ್ಲಿ ಇದೆ. 'ಕೆಜಿಎಫ್ 2' ಮಾತ್ರವೇ ಅಲ್ಲ, ಈ ಸಿನಿಮಾ ತಮಿಳಿನ ನಿರೀಕ್ಷಿತ ಚಿತ್ರವಾದ 'ಬೀಸ್ಟ್' (Beast) ಚಿತ್ರವನ್ನು ಕೂಡ ಹಿಂದಿಕ್ಕಿದೆ. ಈ ಪಟ್ಟಿಯಲ್ಲಿ 'ಬೀಸ್ಟ್' ಸಿನಿಮಾಗೆ 7ನೇ ಸ್ಥಾನ ಸಿಕ್ಕಿದೆ. 'ಜೇಮ್ಸ್' ಹೆಚ್ಚಿನ ರೇಟಿಂಗ್ ಪಡೆಯಲು ಕಾರಣ, ಈ ಚಿತ್ರಕ್ಕೆ ವಿಶ್ವಾದ್ಯಂತ ಇರುವ ಕ್ರೇಜ್.
ಸಿನಿಮಾ ಹಂಗಾಮಾ ವೀಡಿಯೋಗಳನ್ನು ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ: https://kannada.asianetnews.com/movies