ಗೋಲ್ಡನ್ ಗಣಿಯ ಗಾಳಿಪಟ 2 ದೊಡ್ಡ ಸಕ್ಸಸ್: ಮೂರು ಬಿಗ್ ಪ್ರಾಜೆಕ್ಟ್‌ಗೆ ಕೈ ಇಟ್ಟ ಪ್ರೊಡ್ಯೂಸರ್!

ಸಿನಿ ಜಗತ್ತಿನಲ್ಲಿ ಒಂದು ಸಿನಿಮಾ ಗೆದ್ದರೆ ಇನ್ನು ನಾಲ್ಕು ಸಿನಿಮಾಗಳು ಬೆಳ್ಳಿತೆರೆ ಮೇಲೆ ಮೇಳೈಸುತ್ತವೆ. ನೂರಾರು ಜನರಿಗೆ ಕೆಲಸ ಸಿಗೋದನ್ನ ನೋಡಿಕೊಂಡು ಬಂದಿದ್ದೇವೆ. ಇದೀಗ ಅಂತದ್ದೇ ಒಂದು ಸೀನ್ ಕ್ರಿಯೆಟ್ ಆಗಿದೆ. ಅದು ಗೋಲ್ಡನ್ ಸ್ಟಾರ್ ಗಣೇಶ್ ಹಾಗು ಯೋಗರಾಜ್ ಭಟ್ ಕಾಂಬಿನೇಷನ್‌ನಿಂದ ಬಂದ ಗಾಳಿಪಟ 2 ಸಿನಿಮಾದಿಂದ. ಹೌದು! ಗಾಳಿಪಟ 2 ಸಿನಿಮಾದ ದೊಡ್ಡ ಸಕ್ಸಸ್ ಇವತ್ತು ನಿರ್ಮಾಪಕ ರಮೇಶ್ ರೆಡ್ಡಿ ಅವರಿಗೆ ಮತ್ತೊಂದಿಷ್ಟು ಸಿನಿಮಾ ಮಾಡೋ ಶಕ್ತಿ ತುಂಬಿದೆ. ಹೀಗಾಗಿ ಪ್ರೊಡ್ಯೂಸರ್ ರಮೇಶ್ ರೆಡ್ಡಿ ಮತ್ತೆ ಮೂರು ಬಿಗ್ ಸಿನಿಮಾಗಳ ನಿರ್ಮಾಣಕ್ಕೆ ಕೈ ಹಾಕಿದ್ದಾರೆ. ಗಾಳಿಪಟ 2 ಸಿನಿಮಾ ನಿರ್ಮಾಪಕ ರಮೇಶ್ ರೆಡ್ಡಿ, ಗಾಳಿಪಟ 2 ಸಿನಿಮಾದಿಂದ ನಾನು ಗೆದ್ದೆ ಅಂತ ಅನೌನ್ಸ್ ಮಾಡಿದ್ರು. 

Gaalipata 2: ಗಾಳಿಪಟ-2 ಸಕ್ಸಸ್ ಬಗ್ಗೆ ಏನಂತಾರೆ ಗೋಲ್ಡನ್ ಸ್ಟಾರ್ ಗಣೇಶ್?

ಗಾಳಿಪಟ 2 ಸಿನಿಮಾ ಬಾಕ್ಸ್‌ಆಫೀಸ್‌ನಲ್ಲಿ ದೊಡ್ಡ ಗೆಲುಗು ದಾಖಲಿಸಿತ್ತು. ಈ ಗೆಲುವು ನಿರ್ಮಾಪಕ ರಮೇಶ್ ರೆಡ್ಡಿಗೆ ಮತ್ತಷ್ಟು ಸಿನಿಮಾ ನಿರ್ಮಾಣ ಮಾಡೋ ಹುಮ್ಮಸ್ಸು ಕೊಟ್ಟಿದೆ. ಹೀಗಾಗಿ ಹ್ಯಾಟ್ರಿಕ್ ಹೀರೋ ಡಾ. ಶಿವರಾಜ್ ಕುಮಾರ್ ಸಿನಿಮಾ ನಿರ್ಮಾಣ ಮಾಡೋದಾಗಿ ರಮೇಶ್ ರೆಡ್ಡಿ ಅನೌನ್ಸ್ ಮಾಡಿದ್ದಾರೆ. ಆ ಚಿತ್ರಕ್ಕೆ ಅರ್ಜುನ್ ಜನ್ಯ ನಿರ್ದೇಶನ ಮಾಡುತ್ತಿದ್ದಾರೆ. ಈ ಸಿನಿಮಾದ ಜೊತೆ ರೋರಿಂಗ್ ಸ್ಟಾರ್ ಶ್ರೀಮುರುಳಿ ಸಿನಿಮಾಗೂ ಬಂಡವಾಳ ಹೂಡೋ ಮನಸ್ಸು ಮಾಡಿದ್ದಾರೆ ರಮೇಶ್ ರೆಡ್ಡಿ. ಅಷ್ಟೆ ಅಲ್ಲ ಜಾಗ್ವಾರ್ ಸ್ಟಾರ್ ನಿಖಿಲ್ ಕುಮಾರ್ ಸ್ವಾಮಿ ಸಿನಿಮಾ ನಿರ್ಮಾಣ ಮಾಡಲಿದ್ದಾರೆ ಅಂತ ಗಾಂಧಿನಗರದಲ್ಲಿ ಸುದ್ದಿ ಹರಿದಾಡುತ್ತಿದೆ. ಹೀಗಾಗಿ ಒಂದ್ ಸಿನಿಮಾ ಗೆದ್ದರೆ ಚಿತ್ರರಂಗದಲ್ಲಿ ಮತ್ತೊಂದಿಷ್ಟು ಸಿನಿಮಾಗಳು ನಿರ್ಮಾಣ ಆಗುತ್ತೆ ಅನ್ನೋದಕ್ಕೆ ಇದೇ ಸಾಕ್ಷಿ.

ಹೆಚ್ಚಿನ ಸಿನಿಮಾ ವಿಡಿಯೋ ನೋಡಲು ಕ್ಲಿಕಿಸಿ: Asianet Suvarna Entertainment