ಇಲ್ಲೊಂದು ಕಡೆ ನೀರಾನೆಯೊಂದು ಬಾಯಿ ತೆರೆದಿಟ್ಟು ಹಲ್ಲುಜ್ಜಿಸಿಕೊಳ್ಳುತ್ತಿದ್ದು, ಇದರ ವೀಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
ಸಾಮಾನ್ಯವಾಗಿ ನಾವು ಮನುಷ್ಯರು ಬ್ಯೂಟಿಪಾರ್ಲರ್‌ಗೆ /ಸಲೂನ್‌ಗೆ ಹೋಗಿ ಪೆಡಿಕ್ಯೂರ್ ಮಾಡಿಸಿಕೊಳ್ಳುವುದು, ಹೇರ್ ಕಟ್ಟಿಂಗ್ ಮಾಡಿಸಿಕೊಳ್ಳುವುದು, ಮಸಾಜ್ ಮಾಡಿಸಿಕೊಳ್ಳುವುದು ಹೀಗೆ ಹಲವು ಸೌಲಭ್ಯಗಳನ್ನು ಎಂಜಾಯ್ ಮಾಡುತ್ತೇವೆ. ಹಲ್ಲು ನೋವಾದರೆ ವೈದ್ಯರ ಬಳಿ ಹೋಗಿ ಹಲ್ಲು ಕ್ಲೀನ್ ಮಾಡಿಸುತ್ತೇವೆ. ಆದರೆ ನೀರುಕುದುರೆಯೊಂದು ಹಲ್ಲಜ್ಜುವುದನ್ನು ಎಲ್ಲಾದರೂ ನೋಡಿದ್ದೀರಾ? ಹಾಗಿದ್ರೆ ಈ ವೀಡಿಯೋ ನೋಡಿ..
ಇಲ್ಲೊಂದು ಕಡೆ ನೀರಾನೆಯೊಂದು ಬಾಯಿ ತೆರೆದಿಟ್ಟು ಹಲ್ಲುಜ್ಜಿಸಿಕೊಳ್ಳುತ್ತಿದ್ದು, ಇದರ ವೀಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ. ನೇಚರ್ ಇಸ್ ಅಮೇಜಿಂಗ್ ಎಂಬ ಟ್ವಿಟ್ಟರ್ ಪೇಜ್‌ನಿಂದ ಈ ವೀಡಿಯೋ ಪೋಸ್ಟ್ ಆಗಿದ್ದು, 4 ಲಕ್ಷಕ್ಕೂ ಅಧಿಕ ಮಂದಿ ಈ ಅಪರೂಪದ ವೀಡಿಯೋವನ್ನು ನೋಡಿದ್ದಾರೆ. ಇಲ್ಲಿ ಮೃಗಾಲಯದಲ್ಲಿ ಪ್ರಾಣಿಗಳ ಆರೈಕೆ ಮಾಡುತ್ತಿರುವ ಒಬ್ಬರು ದೊಡ್ಡದಾದ ಬ್ರಷ್‌ನಿಂದ ನೀರುಕುದುರೆಯ ಹಲ್ಲುಜ್ಜುತ್ತಿದ್ದು, ನೀರು ಕುದುರೆಯೂ ಕೂಡ ತನ್ನ ಗುಡ್‌ಟೈಮ್‌ನ್ನು ಎಂಜಾಯ್ ಮಾಡ್ತಿದೆ. ನೀರುಕುದುರೆ ಬಾಯನ್ನು ತೆರೆದು ನಿಂತುಕೊಂಡಿದ್ದು, ಅದರ ಹಲ್ಲನ್ನು ಉಜ್ಜುತ್ತಿರುವವರು ಬಾಯೊಳಗೆ ನೀರಿನ ಪೈಪನ್ನು ಹಿಡಿದುಕೊಂಡು ದೊಡ್ಡದಾದ ಬ್ರಷ್ ಹಿಡಿದುಕೊಂಡು ನೀರು ಕುದುರೆಯ ಹಲ್ಲಜ್ಜುತ್ತಿದ್ದು, ಈ ವೀಡಿಯೋದಲ್ಲಿ ನೀರುಕುದುರೆಯ ವರ್ತನೆ ನೋಡಿದರೆ ಅದಕ್ಕೂ ಹಲ್ಲುಜ್ಜಿಸಿಕೊಂಡು ಅನುಭವ ಇರುವಂತೆ ಕಾಣಿಸುತ್ತಿದೆ. ಬ್ರಷ್ ಮಾಡುತ್ತಿರುವವನಿಗೆ ಸಹಕರಿಸುವಂತೆ ಅದು ಬಾಯನ್ನು ದೊಡ್ಡದಾಗಿ ತೆರೆದುಕೊಂಡು ನಿಂತಿದೆ. ಅದರ ಹಿಂದೆ ಇನ್ನೊಂದು ನೀರು ಕುದುರೆಯೂ ನಿಂತಿದ್ದು, ಹಲ್ಲುಜ್ಜಿಸಿಕೊಳ್ಳಲು ಕ್ಯೂ ನಿಂತತೆ ಕಾಣುತ್ತಿದೆ.
ಪ್ರಾಣಿಗಳ ಪ್ರಪಂಚವನ್ನು ತಿಳಿಯುವ ಸುಂದರ ವೀಡಿಯೋ ಇದಾಗಿದ್ದು, ಪ್ರಾಣಿಗಳು ಕೂಡ ತಮ್ಮ ದೇಹವನ್ನು ಸ್ವಚ್ಚಮಾಡಿಕೊಳ್ಳಲು ಇಷ್ಟಪಡುತ್ತವೆ. ಬೇರೆಯವರು ಆರೈಕೆ ಮಾಡಿದರೆ ಅವುಗಳು ಖುಷಿ ಪಡುತ್ತವೆ ಎಂಬುದಕ್ಕೆ ಸಾಕ್ಷಿಯಾಗಿದೆ ಈ ವೀಡಿಯೋ. 42 ಸೆಕೆಂಡ್‌ಗಳ ಈ ವೀಡಿಯೋ ನೋಡಿದ ಅನೇಕರು ಹಲವು ರೀತಿಯ ಕಾಮೆಂಟ್ ಮಾಡಿದ್ದಾರೆ. ತಮ್ಮ ಹಲ್ಲುಗಳನ್ನು ಸ್ವಚ್ಛಗೊಳಿಸುವುದನ್ನು ಅವುಗಳು ಇಷ್ಟಪಡುತ್ತವೆ ಎಂದು ಒಬ್ಬರು ಕಾಮೆಂಟ್ ಮಾಡಿದ್ದಾರೆ. ಹಾಗೆಯೇ ಹಿಂದೆ ನಿಂತಿರುವ ಮತ್ತೊಂದು ನೀರ್ಗುದುರೆಯನ್ನು ನೋಡಿದ ಜನ ಅದು ತನ್ನ ಹಲ್ಲು ಸ್ವಚ್ಛಗೊಳಿಸುವುದಕ್ಕಾಗಿ ಕಾಯ್ತಿದೆ ಎಂದು ಕಾಮೆಂಟ್ ಮಾಡಿದ್ದಾರೆ. ಈ ವೀಡಿಯೋ ಬಗ್ಗೆ ನಿಮಗೇನನಿಸ್ತಿದೆ ಕಾಮೆಂಟ್ ಮಾಡಿ.
Hippos getting their teeth cleaned pic.twitter.com/dY5mrY669P
— Nature is Amazing ☘️ (@AMAZlNGNATURE)