ಅತ್ಯಾಚಾರ ಹೆಚ್ಚಲು ಮುಸ್ಲಿಮರೇ ಕಾರಣ: ಬಿಜೆಪಿ ಸಂಸದ!

First Published 27, Jul 2018, 8:02 PM IST
Rising Muslim Population is Responsible for Rapes: BJP MP
Highlights

ದೇಶದಲ್ಲಿ ಅತ್ಯಾಚಾರ ಹೆಚ್ಚಾಗಲು ಕಾರಣ ಗೊತ್ತಾ?

ಮುಸ್ಲಿಮರ ಜನಸಂಖ್ಯೆ ಹೆಚ್ಚಳವೇ ಅತ್ಯಾಚಾರಕ್ಕೆ ಕಾರಣ’

ಬಿಜೆಪಿ ಸಂಸದ ಹರಿ ಓಂ ಪಾಂಡೆ ವಿವಾದಾತ್ಮಕ ಹೇಳಿಕೆ

ಅರಾಜಕತೆಗೆ ದಾರಿ ಮಾಡಿ ಕೊಡುತ್ತಿರುವ ಮುಸ್ಲಿಮರು

ವಿವಾದದ ಕಿಡಿ ಹೊತ್ತಿಸಿದ ಬಿಜೆಪಿ ಸಂಸದನ ಹೇಳಿಕೆ

ಫೈಜಾಬಾದ್(ಜು.27): ಹಿಂದುತ್ವ ಉಳಿಯಬೇಕೆಂದರೆ ಹಿಂದೂ ದಂಪತಿಗಳು ಕನಿಷ್ಠ 5 ಮಕ್ಕಳನ್ನು ಹೆರಬೇಕೆಂದು ಸಲಹೆ ನೀಡಿದ್ದ ಬಿಜೆಪಿ ಶಾಸಕ ಒಂದೆಡೆಯಾದರೆ, ದೇಶದಲ್ಲಿ ಮುಸ್ಲಿಂ ಜನಸಂಖ್ಯೆ ಹೆಚ್ಚಾಗುತ್ತಿರುವುದೇ ಅತ್ಯಾಚಾರ ಪ್ರಕರಣ ಹೆಚ್ಚಲು ಕಾರಣ ಎಂದು ಹೇಳುವ ಬಿಜೆಪಿ ಸಂಸದ ಮತ್ತೊಂದೆಡೆ.

ಹೌದು, ದೇಶದಲ್ಲಿ ಅತ್ಯಾಚಾರ ಹೆಚ್ಚಾಗಲು ಮುಸ್ಲಿಮರೇ ಕಾರಣ ಎಂದು ಉತ್ತರ ಪ್ರದೇಶದ ಸಂಸದ ಹರಿ ಓಂ ಪಾಂಡೆ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ.

‘ದೇಶದಲ್ಲಿ ಮುಸ್ಲಿಮರ ಸಂಖ್ಯೆ ಗಣನೀಯವಾಗಿ ಏರುತ್ತಿರುವುದರಿಂದಲೇ ಭಯೋತ್ಪಾದನೆ, ಅತ್ಯಾಚಾರ, ಲೈಂಗಿಕ ದೌರ್ಜನ್ಯದಂತಹ ಅಪರಾಧ ಕೃತ್ಯಗಳು ಹೆಚ್ಚಾಗುತ್ತಿವೆ. ಸ್ವಾತಂತ್ರ್ಯದ ಬಳಿಕ ಮುಸ್ಲಿಮರ ಜನಸಂಖ್ಯೆ ಶೇಕಡಾವಾರು ಏರುತ್ತಲೇ ಇದೆ’ ಎಂದು ಪಾಂಡೆ ಹೇಳಿದ್ದಾರೆ. 

‘ಮುಸ್ಲಿಮರು 3-4 ಸಲ ಮದುವೆಯಾಗುತ್ತಾರೆ ಮತ್ತು 9-10 ಮಕ್ಕಳನ್ನು ಹಡೆಯುತ್ತಾರೆ. ಅವರು ಶಿಕ್ಷಣವನ್ನು ಪಡೆಯದೇ ನಿರುದ್ಯೋಗಿಗಳಾಗುತ್ತಾರೆ. ಇದು ಅರಾಜಕತೆಗೆ ದಾರಿ ಮಾಡಿಕೊಡುತ್ತದೆ. ಅವರ ಜನಸಂಖ್ಯೆ ತ್ವರಿತಗತಿಯಲ್ಲಿ ಹೆಚ್ಚುತ್ತಿದೆ. ಈಗ ಅವರು ಶರಿಯಾಕ್ಕಾಗಿ ಒತ್ತಾಯಿಸುತ್ತಿದ್ದಾರೆ, ಸ್ವಲ್ಪ ಕಾಲದ ಬಳಿಕ ಹೊಸ ದೇಶಕ್ಕಾಗಿ ಒತ್ತಾಯಿಸಲಿದ್ದಾರೆ’ ಎಂದು ಪಾಂಡೆ ಎಚ್ಚರಿಸಿದ್ದಾರೆ.

loader