ಜೆಡಿಎಸ್‌ಗೆ ತಲೆನೋವಾಗ ಹಾಸನ ಕೋಟೆ, ಭವಾನಿ ಬದಲು ರೇವಣ್ಣ ಸ್ಪರ್ಧೆ?

ಭವಾನಿ ರೇವಣ್ಣ ಬದಲು ಹಾಸನದಿಂದ ಹೆಚ್‌ಡಿ ರೇವಣ್ಣ ಸ್ಪರ್ಧಿಸಲು ಅಖಾಡ ರೆಡಿಯಾಗಿದೆ.  ಇದಕ್ಕೆ ಪೂರಕವಾಗಿ ಹಾಸನದ ಜೆಡಿಎಸ್ ಟಿಕೆಟ್ ಆಕಾಂಕ್ಷಿ ಸ್ವರೂಪ್ ಹಾಗೂ ಅವರ ತಾಯಿ ಜೊತೆ ರೇವಣ್ಣ ಮಾತುಕತೆ ನಡೆಸಿದ್ದಾರೆ. ಬಳಿಕ ರೇವಣ್ಣ ತಾವೇ ಹಾಸನದ ಅಭ್ಯರ್ಥಿ ಎಂದು ಘೋಷಿಸಿದ್ದಾರೆ. ಇದನ್ನು ಹೆಚ್ ಡಿ ಕುಮಾರಸ್ವಾಮಿ ಕೂಡ ಒಪ್ಪಿಕೊಂಡಂತಿದೆ.ತಾಖತ್ ಇದ್ದರೆ ಹಾಸನ ವಿಧಾನಸಭಾ ಕ್ಷೇತ್ರದಿಂದ ಸ್ಪರ್ಧಿಸಿ ಎಂದು ಬಿಜೆಪಿ ನಾಯಕ ಪ್ರೀತಂ ಗೌಡ ಸವಾಲು ಹಾಕಿದ್ದರು. ಈ ಸವಾಲಿಗೆ ರೇವಣ್ಣ ತೊಡೆತಟ್ಟಿದ್ದಾರೆ. ಪಕ್ಷ ಹೇಳಿದರೆ ಎಲ್ಲಿಬೇಕಾದರೂ ನಿಲ್ಲುತ್ತೇನೆ. ದೆಹಲಿಯಲ್ಲೂ ಬೇಕಾದರೂ ನಿಲ್ಲುತ್ತೇನೆ ಎಂದಿದ್ದಾರೆ. ಹಾಸನದಲ್ಲಿ ಪ್ರೀತಂ ಗೌಡ ವಿರುದ್ದ ಸ್ಪರ್ಧಿಸಲು ತಯಾರಿ ಮಾಡಿಕೊಂಡಿದ್ದ ಜೆಡಿಎಸ್ ನಾಯಕ ಸ್ವರೂಪ್ ಲೆಕ್ಕಾಚಾರ ಬದಲಾಗಿದೆ. ಸ್ವರೂಪ್ ಜೊತೆ ಮಾತುಕತೆ ನಡೆಸಿರುವ ರೇವಣ್ಣಗೆ ಬೆಂಬಲ ನೀಡಲು ಸ್ವರೂಪ್ ಒಪ್ಪಿಕೊಂಡಿದ್ದಾರೆ.